(General News) မိူင်းတႆးၼႆႉ လူဝ်ႇယႃႈယႃလီၸိူင်ႉႁိုဝ် ၸင်ႇတေၵတ်းယဵၼ်?

မိူင်းတႆးၼႆႉ လူဝ်ႇယႃႈယႃလီၸိူင်ႉႁိုဝ် ၸင်ႇတေၵတ်းယဵၼ်?

By - ၸၢႆးသႂ်ၸိုၼ်ႈမိူင်း

ၸူးၸႂ်ၵူၼ်းမိူင်းတႄႉ ၶႂ်ႈႁႂ်ႈဝၢၼ်ႈမိူင်းၸဵဝ်းၵတ်းယဵၼ် ၊ ၶႂ်ႈႁႂ်ႈလွတ်ႈပူၼ်ႉၽေးၵွင်ႈၽေးၵၢင်ႇၸိူဝ်းၼႆႉ ဝႆးဝႆး ။ ၵူၺ်းၵႃႈ မိူင်းႁူမ်ႈတုမ်ႈမၢၼ်ႈၼႆႉ ယိင်ႈႁိုင်ယိင်ႈႁၼ်ယုင်ႈယၢင်ႈမႃးသေၵဝ်ႇလႄႈ ဢမ်ႇၵတ်းယဵၼ်လႆႈ သေပွၵ်ႈယဝ်ႉႁိုဝ် ၼႆၵေႃႈ ၵူၼ်းမိူင်းမီးၵႂၢမ်းထၢမ်ဝႆႉ။

ငဝ်းလၢႆးဝၢၼ်ႈမိူင်းတႄႉ ပႆႇၼိမ်ပႆႇသဝ်းသေတႃႉ ၾၢႆႇသိုၵ်းမၢၼ်ႈၶဝ်တႄႉ ၶိုင်ႁဵတ်းပၢင်ၵုမ်ဢၼ်ၼိုင်ႈယဝ်ႉဢၼ်ၼိုင်ႈ ။ ဝၼ်းတီႈ 25-27/6/2025 ၼႆႉ တင်ႈႁူဝ်ၶေႃႈဝႃႈ Peace Forum 2025 ၼႆသေ ၸတ်းပၢင်ဢုပ်ႇၵုမ်လွင်ႈငမ်းယဵၼ်ၵၼ်ၵႂႃႇ။

ၵူၺ်းၵႃႈ ၼႂ်းပၢင်ဢၼ်ၼၼ်ႉ ဢမ်ႇပႃးၸုမ်းၸိူဝ်းလုၵ်ႉၽိုၼ်ႉ ၊ ဢမ်ႇပႃးၸုမ်းၸၢဝ်းၶိူဝ်းလႄႈ ပွင်ႇဝႃႈ ၸုမ်းၸိူဝ်းပဵၼ်ၸႂ်တပ်ႉသိုၵ်းမၢၼ်ႈၼင်ႇၵၼ် ႁူမ်ႈၵၼ်ၸတ်းႁႂ်ႈမၼ်းပဵၼ်ပၢင်ၵႂႃႇၵူၺ်း။ ၶဝ်ႈၸိုဝ်းဝႃႈ ၶဝ်ႈၸိုဝ်ႈပၢင်ႁူပ်ႉထူပ်းၵဵဝ်ႇလွင်ႈငမ်းယဵၼ် Peace Forum ဝႃႈၼႆသေတႃႉ ဢမ်ႇမီးတီႈပွင်ႇသင် ၊ ဢမ်ႇတၢင်တူဝ်ၵူၼ်းတင်းမိူင်း ၼႆ ၸုမ်းလုၵ်ႉၽိုၼ်ႉၵမ်ႈၼမ် ဢွၼ်ၵၼ်တုမ်ႉတွပ်ႇၼင်ႇၼႆ။

#podcast #shannews #ၽူႈတွႆႇႁွၵ်ႈ