(General News) လွင်ႈမုင်ႈမွင်းလႄႈလွင်ႈယုမ်ႇယမ်ၵူၼ်းမိူင်းဢၼ်မီးၼိူဝ် NUG ယွမ်းလူင်း

လွင်ႈမုင်ႈမွင်းလႄႈလွင်ႈယုမ်ႇယမ်ၵူၼ်းမိူင်းဢၼ်မီးၼိူဝ် NUG ယွမ်းလူင်း

ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း

ယၢမ်းလဵဝ် ၾၢႆႇသိုၵ်းမၢၼ်ႈၵေႃႈ ၶိုင်တႃႇတေၸတ်းပၢင်လိူၵ်ႈတင်ႈယူႇမႅၵ်းမႅၵ်း ၊ ၸုမ်းလုၵ်ႉၽိုၼ်ႉၶၢဝ်းႁွင်/ သိုၵ်းၵႅတ်ႇၶႄၵူၼ်းမိူင်း PDF ၸိူဝ်းၼႆႉၵေႃႈ မုင်ႈၸူးတၢင်းယိူင်းဢၢၼ်းၽႂ်မၼ်း ။

ပေႃးတူၺ်းၶိုၼ်းလူင်ပွင်ၸိုင်ႈၽွမ်ႉႁူမ်ႈၸိူဝ်ႉၸၢတ်ႈ NUG ၼႆၵေႃႈ ယူႇမိူင်းဝၼ်းတူၵ်းသေ ၸတ်းပၢင်ဢုပ်ႇဢူဝ်းတီႈၼိုင်ႈယဝ်ႉတီႈၼိုင်ႈ ။

တူၺ်းပိူင်ပဵၼ်ၸိူဝ်းၼႆႉသေ ၵူၼ်းမိူင်းဢမ်ႇၸၢင်ႈပိုတ်ႇၸႂ် ပိုင်ႈၸုမ်းလႂ်လႆႈတႄႉတႄႉ ။ တူၺ်းၸုမ်းလႂ်ၵေႃႈ မိူၼ်ၼမ်ႉၽိုင်ႈတႃႈၶူမ်းလႅဝ်းဝႆႉ ။

မိူဝ်ႈတႄႇသိုၵ်းမၢၼ်ႈယိုတ်းဢႃႇၼႃႇတႄႉ ၵမ်ႈၼမ် ႁၼ်ဝႃႈ NUG ၼႆႉ ၸၢင်ႈပုတ်ႈတိၼ်တၢင်မိုဝ်းလႆႈ တေၸၢင်ႈပဵၼ်လႆႈလူင်ပွင်ၸိုင်ႈဢၼ်ၵူၼ်းမိူင်းယွမ်းႁပ်ႉဝႃႈၼႆသေတႃႉ ထိုင်မိူဝ်ႈလဵဝ် ပႆႇၼႄၼမ်ႉႁၼ်တူဝ် ။

ၶၢဝ်းတၢင်း 4 ပီပၢႆ 5 ပီၵေႃႈၸမ်ယဝ်ႉလႄႈ NUG တေၶိုင်ပွင်ၵႂႃႇထႅင်ႈၸိူင်ႉႁိုဝ်ၼႆၼၼ်ႉ ပဵၼ်တီႈဢၼ်ၵူၼ်းမိူင်းသူၼ်ၸႂ်ဝႃႈၼႆသေတႃႉ မၢင်ၸိူဝ်းၵေႃႈတိုၼ်းဝႃႈ ၶၢတ်ႇတၢင်းမုင်ႈမွင်းၼိူဝ် NUG ယဝ်ႉၼႆၵေႃႈဝႃႈ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။

#podcast

#Shannews

#ၽူႈတွႆႇႁွၵ်ႈ