(General News) သိုၵ်းတဢၢင်းတီႈၼမ်ႉၶမ်း ၵဵပ်းၵႃႈၾႆးၾႃႉၼမ်လိူဝ်ၼႂ်းပိူင်ဢၼ်တမ်းဝႆႉ

သိုၵ်းတဢၢင်းတီႈၼမ်ႉၶမ်း ၵဵပ်းၵႃႈၾႆးၾႃႉၼမ်လိူဝ်ၼႂ်းပိူင်ဢၼ်တမ်းဝႆႉ

ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း

ပေႃးတူၵ်ႇထိုင်ၽႅၼ်ယၼ်ႇသိုၵ်း ပၢင်တိုၵ်း 1027 ၼႆၸိုင် ၸုမ်းၸိူဝ်းဢၼ်ဢၢင်ႈၸိုဝ်ႈဝႃႈ သၢၼ်ၶတ်း သိုၵ်းမၢၼ်ႈၸိူဝ်းၼၼ်ႉ ႁၼ်လီႁူမ်ၸူမ်းၸွမ်းယႂ်ႇလူင် ။ သမ်ႉပၢႆသေႉသွမ်း ၸုမ်းယိပ်း ၵွင်ႈၵၢင်ႇ ၸိူဝ်း ဢမ်ႇၶဝ်ႈႁူမ်ႈၸွမ်းပၢင်ယၼ်ႇသိုၵ်းၼၼ်ႉလူးၵွၼ်ႇ။

မိူဝ်ႈလဵဝ် ပၢင်ယၼ်ႇသိုၵ်းၵေႃႈ ႁိုင်ပီပၢႆယဝ်ႉလႄႈ ၵမ်ႈၼမ်ႁူႉၽွၼ်းယွၼ်ႈမၼ်းမႃး ။ မၢင်ဝဵင်းလွတ်ႈတႂ်ႈသိုၵ်းမၢၼ်ႈသေ သိုၵ်းၸၢဝ်းၶိူဝ်းၵုမ်းဝႆႉယဝ်ႉသေတႃႉ ၵူၼ်းမိူင်းပႆႇလွတ်ႈတၢင်းမႆႈ ။ ပေႃးတူၺ်းတီႈဝဵင်းၼမ်ႉၶမ်းၼၼ်ႉ ၵူၼ်းမိူင်းလႆႈယူႇတႂ်ႈ သိုၵ်းတဢၢင်း TNLA ပဵၼ်သိုၵ်းၸၢဝ်းၶိူဝ်း ၵုမ်းၵမ်ဝႆႉယဝ်ႉဝႃႈၼႆသေတႃႉ တိုၵ်ႉလႆႈမႆႈၸႂ်ယူႇၵူႈလွင်ႈ ၵူႈၶမ်ႈၵူႈဝၼ်း ။

ပၢင်တိုၵ်းဢမ်ႇပဵၼ်ဝႃႈၼႆသေတႃႉ ၼႂ်းလိူၼ်ၼႆႉ ႁွင်ႈၵၢၼ်ၾၢႆႇၾႆးၾႃႉဢၼ်ယူႇတႂ်ႈသိုၵ်းတဢၢင်း လူင်းၵဵပ်းၵႃႈၾႆးၾႃႉ ၼမ်လိူဝ်သေဢၼ်ၶဝ်တမ်းဝၢင်းဝႆႉ ။ ၵူၼ်းမိူင်းတုၵ်းယွၼ်း ႁႂ်ႈၵႄႈလိတ်ႈပၼ်လွင်ႈၼႆႉဝႆးဝႆးဝႃႈၼႆ ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ ။

#podcast

#Shannews