(General News) ၾိင်ႈငႄႈၾိင်ႈထုင်း ပဵၼ်သၢႆၸႂ်သဵၼ်ႈၼိုင်ႈ ဢၼ်ႁဵတ်းႁႂ်ႈတႆးသိုပ်ႇပဵၼ်တႆး

ၾိင်ႈငႄႈၾိင်ႈထုင်း ပဵၼ်သၢႆၸႂ်သဵၼ်ႈၼိုင်ႈ ဢၼ်ႁဵတ်းႁႂ်ႈတႆးသိုပ်ႇပဵၼ်တႆး

By - ၸၢႆးသႂ်ၸိုၼ်ႈမိူင်း

ၵၢၼ်တူင်ႉၼိုင်ၾိင်ႈငႄႈၾိင်ႈထုင်းလႄႈ ၵၢၼ်မိူင်းၵၢၼ်သိုၵ်းၼႆႉ မၼ်းပိူင်ႈၵၼ်။ သင်ပဵၼ် ၵၢၼ်သိုၵ်း ၊ ၵၢၼ်မိူင်းၼႆ တေၵႂႃႇႁႃလၢတ်ႈၵူႈတီႈဢမ်ႇလႆႈ ၊ ပေႃးလၢတ်ႈဢမ်ႇမႅၼ်ႈတီႈမႅၼ်ႈတၢင်းမၼ်းၵေႃႈ ၸၢင်ႈပဵၼ်ၽေးတေႃႇတူဝ်ၵဝ်ႇ ။ ပေႃးပဵၼ်ၾိင်ႈငႄႈၾိင်ႈထုင်းတႄႉ ၵႂႃႇလၢတ်ႈၶၢဝ်းလႂ် တီႈလႂ်ၵေႃႈ ၼႂ်းလုမ်ႈၾႃႉၼႆႉ ယင်းမီးတီႈမၼ်းယူႇၵူႈဢွင်ႈတီႈ ။

ၶူးသၢင်ႇၶမ်း သိုပ်ႇလၢတ်ႈဝႃႈ - မၼ်းၸဝ်ႈ ယၢၼ်မိူင်းတႆးမႃး လၢႆသိပ်းပီ ၊ ၵူၺ်းၵႃႈ ဢမ်ႇတွၼ်ႉၽႃႈပႅတ်ႈ ၾိင်ႈငႄႈႁိတ်ႈႁွႆး တီႈလႂ်ပဵၼ်ပွႆးၵေႃႈ ၵႆႉထူၵ်းပၢႆးမွၼ်းၾိင်ႈထုင်းတႆးပိုၼ်ၽႄႈၼႄပိူၼ်ႈယူႇတႃႇသေႇ။ ပေႃးတၢင်ႇၸၢဝ်းၶိူဝ်းထၢမ်ဝႃႈ ပဵၼ်ၾိင်ႈသင်ၼႆ ၼႅတ်ႈတွပ်ႇၵမ်းလဵဝ်ဝႃႈ ပဵၼ်ၾိင်ႈထုင်းတႆး။

ၼႆႉၵူၺ်းၵေႃႈ ႁဵတ်းႁႂ်ႈ လုမ်ႈၾႃႉႁူႉၸၵ်းတႆး လူၺ်ႈ ဢမ်ႇလူဝ်ႇပိုတ်းယိုဝ်းၵွင်ႈၵၢင်ႇသင် - ဝႃႈၼႆ။

လွင်ႈၵႃႈၼူၵ်ႉၵႃႈတူဝ်း ပဝ်ႇပီႇ ၵႃႈလၢႆး မေႃၵႂၢမ်းတႆး ၸၢပ်ႈလင်ႇၵႃႇႁွင်ႉၵႂၢမ်းလွင်ႈၶူင်း ၸိူဝ်းၼႆႉ မၢင်ၸိူဝ်း တေႁၼ်မဝ်သၢင်းၽႅပ်ႉမၼ်း ၊ ဢမ်ႇတူၺ်းႁၼ်တီႈလမ်ႇလွင်ႈမၼ်းၵႃႈႁိုဝ် ။ တီႈတႄႉမၼ်း ပဵၼ်သၢႆၸႂ်ၶိူဝ်းၵူၼ်းဢၼ်ၼိုင်ႈၼႆ ၶဝ်လိုမ်းဝူၼ်ႉႁၼ်။

#podcast #ၽူႈတွႆႇႁွၵ်ႈ #Shannews