(General News) ႁႅင်းၵၢၼ် ၸိူဝ်းႁဵတ်းၵၢၼ်ၼႂ်းသူၼ်သူမ်ႈ(မၢၵ်ႇၸွၵ်း)မိူင်းၾၢင် ၸပ်းတၢင်းပဵၼ်ယွၼ်ႉယႃၶ

ႁႅင်းၵၢၼ် ၸိူဝ်းႁဵတ်းၵၢၼ်ၼႂ်းသူၼ်သူမ်ႈ(မၢၵ်ႇၸွၵ်း)မိူင်းၾၢင် ၸပ်းတၢင်းပဵၼ်ယွၼ်ႉယႃၶႃႈမူင်ႈမႅင်း

by ၸၢႆးသႂ်ၸိုၼ်ႈမိူင်း

သူၼ်ႁႆႈၼႃး ဢၼ်မီးယူႇၸွမ်းမိူင်းၾၢင်ၼႆႉ ၵမ်ႈၼမ်သမ်ႉ ပဵၼ်ဢၼ်လႆႈပိုင်ႈယႃသၢၼ်ၶေႊမီႊ လႆႈသႂ်ႇလိၼ်ပုၺ် ဢၼ်ဢမ်ႇၸႂ်ႈသၽႃႇဝ ။ လႆႈၸႂ်ႉ ယႃႈယႃသိတ်း တႃႇႁႂ်ႈတူၼ်ႈဝႂ် မွၵ်ႇမၢၵ်ႇ ၸဵဝ်းယႂ်ႇၸဵဝ်းသုင်ၸိူဝ်းၼႆႉ။

ဢမ်ႇၵွမ်ႉၵူၺ်း ၼႂ်းသူၼ်ၵူၺ်း မိူၼ်ၼင်ႇ ၼႂ်းၼႃး ၸိူဝ်းဢၼ် ၽုၵ်ႇသွမ်ႈ ၽၵ်းမီႇႁေႃ ၊ မၢၵ်ႇၽိတ်ႉ ၸိူဝ်းၼႆႉၵေႃႈ သိတ်းၼမ်ႉယႃယူႇၵူႈဝူင်ႈ။ ၸဵမ်ဢဝ် ယႃၶႃႈမူင်ႈမႅင်း ယႃၶႃႈယိူဝ်ႈ ၼမ်ႉယႃထႅင်ႈလၢႆလၢႆသႅၼ်း ဢၼ်ဢဝ်သၢၼ်ၶေႊမီႊၸိူဝ်းၼႆႉႁဵတ်းဝႆႉ ။

ယႃသိတ်းၸိူဝ်းၼႆႉသမ်ႉ ပဵၼ်ဢၼ်မီးၽေးတေႃႇပၢႆးယူႇလီတႄႉတႄႉ ။ ၵူၺ်းၵႃႈ ႁႅင်းၵၢၼ်ၵမ်ႈၼမ် ဢမ်ႇႁူႉလၢႆးႁႄႉၵင်ႈမၼ်းလီလီလႄႈ ၽေးရေႃးၵႃႇတၢင်းပဵၼ်ဢၼ်ဢမ်ႇၶႂ်ႈလႆႈၶႂ်ႈပဵၼ်ၵေႃႈမႃးၸွမ်း။

မိူၼ်ၼင်ႇ ၸပ်းတၢင်းပဵၼ် ၽိဝ်ၼင်ၶူမ်းၵၢႆး ပဵၼ်တုမ်ႇပဵၼ်ၼွင် ၊ ၸွမ်းၼိဝ်ႉတိၼ်ၼိဝ်ႉမိုဝ်းၸိူဝ်းၼႆႉၵေႃႈ ပဵၼ်ၸဵပ်းပဵၼ်ယဵၼ်းၸိူဝ်းၼႆႉတႄႇၵႂႃႇ။

#shannews #ၽူႈတွႆႇႁွၵ်ႈ #podcast