Lau Haizetara

Bizkaia Irratia
  • 0.0（0則評分）
  • 藝術
  • 已完結
Lau Haizetara

Magazine honetan danetarikoa topauko dozue, informazinorako eta entretenimendurako. Era guztietako alkarrizketak: aktualidadekoak eta han hor hemenkako gai ezbardinen ganekoak, Bizkaian zeharrekoak, kultura arlokoak… Lehenengo sektoreari eskeinitako tarte bereziak emitiduten dira magazine honetan: Garoa (baserri mundua), Kresala (arrantza mundua). Bestekako tarte bereziak be bai: eliz gaiak, Euskal Herriko Unibertsidadea eta abar. Kolaboratzaileek be gai interesgarriak jorratzen ditue astetero: Edorta Unamuno (Urdaibai Bird Center), Agus Barandiaran (munduan zeharreko folk musikea), Euskera hobetzen tartea (Adolfo Arejita), zientzialariak eta abar. Informazinoa eta entretenimendua ordu bi eta erditan zehar.

  1. 18 小時前

    Herritarrak izan dira irudi barriaren egileak

    Markina-Xemeingo udalak irudi eta webgune barriak daukaz. Urte eta erdiko lanaren ostean, Markina-Xemeineko Udalak, irudia eta webgunea barritu dauz. Iratxe Lasa alkateak esan deuskunez, udalaren irudi serioaren aurrean, herrigintzan daukan lana erakutsi gura izan dabe era honetara. Herrian dagozan enpresetara jo dabe irudia barriztatzeko. Esti Olasolo eta Naroa Escabias markina-xemeindarrak dira marka barria sortu dabenak. Honeek esan dabenez, mendia eta natura hartu dabez kontuan irudia sortzerakoan. Bakarra danontzat leloa aukeratu dabe era berean. Alkartzen gaituena herria dala adierazi gura dabe era honetara. Webgune barria Markina-Xemeingo udalak, marka eta irudi barriakaz batera, webgune barria be aurkeztu dau. Erabilteko erreza dala esan deusku Iratxe Lasa alkateak. Webgune barritik, aretoen eta instalazinoen erreserbak be egin ahal izango dira hemendik aurrera. Kultur aretoa, Barinagako frontoia, atletismo pista eta frontoi txikia erreserbatu ahal izango dira webgunearen bitartez. Bestelako instalazinoak gehitzeko aukerea aztertzeko asmoa dauka Markina Xemeineko Udalak.

  2. 18 小時前

    Naizen sariak emoteaz gain, maiatzean Bilbon egingo daben kongresuaren barri emongo dabe

    Amurrion ospatuko dau Naizen alkarteak bere hamargarren urteurrena zezeilaren 1ean. Haur eta nerabe transen eskubideen aldeko lana egiten dau alkarte honek. 2015. urtean hasi ziranean, dana egoala egiteko gogoratu dau Bea Severrek Bizkaia Irratian. Gaur egun, txikitatik benetan diran bezala bizitzeko aukera izan daben trans personen lehen belaunaldiaren aurrean gagozala dinoe Naizen alkartetik. Ukazinoagaz amaitzeak dakarren errealidadea da Bea Severren esanetan. Gaur egun 320 familia inguru dagoz Naizen alkartean. Trans legea onartu izana aurrerapausutzat jo dabe. Dana dala, legea bete behar dala gaineratzen dabe. Ospakizuna eta kongresua Aurrerapausuak lortu diran arren, azkenaldian, atzerantz egin dala esan daiteke, besteak beste, Donald Trump moduko agintariek ezarritako neurriak ikusita. Herrialde batzutan, trans ume eta nerabeek ez daukie babesik eta suizidioek gorantz egin dabe nabarmen. Egoerea ikusita, Naizenek, aurrekaririk bako kongresua antolatu dau Bilbon maiatzaren 5 eta 6rako. Nazinoartean ikerketa eta eskuhartze lanetan ari diren maila handiko profesionalak batuko dira Bilbon. Hezkuntzan, osasun arloan edo gizarte zerbitzuetan lanean dabiltzanei zuzendutako kongresua da eta izena emon daiteke. Naizenek, Amurrion zapatuan egingo dan urteurrena ospatzeko ekitaldian emongo dau kongresuaren barri. Web orri bat sortu dabe eta bertan emon daiteke izena. Zapatuan, bestalde, jaia antolatu dabe Amurrioko frontoian. Naizen sariak be emongo dabez. Kattaligune eta Harrotu zerbitzu nafarren sexologoak sarituko dabez batetik, eta bestetik, Pirritx, Porrotx eta Marimotots pailazoak. Murrizketen ganetik lagun askori eskaintzen deutsen laguntzagatik saritu nahi dabez sexologoak. Pailazoen kasuan, Naizen alkartearen ondoan egon direlako beti eta ikuskizunen bidez haurren transexualidadea zabaltzen lagundu dabelako.

  3. 1 天前

    Goñin be eskainitzen dira gaur egun Euskal Udalekuak

    50 urte betetan dabez aurten Euskal Udalekuek, Ikastolen Alkarteagaz batera sortutakoak. Klandestinidadean ikasten eben umeei udan jarraipena egiteko asmoz sortu ebezan Euskal Udalekuak. Gaur egun, Arabako Bernedon eta Nafarroako Goñin eta Abaigarren mantentzen dira. Goñitik, Eider Barrenok esan deusku, euskera udara eroatea helburu nagusia dala gaur egun be. Bernedo eta Abaigarreko udalekuek betetan dabez 50 urte aurten. Hau dala eta, jaia egingo dabe ospatzeko. 3 etxe eta 11 txanda Bernedo, Goñi eta Abaigarren, etxearen tamainuaren arabera hartzen dabez neska-mutilak udan zehar. 3 etxe eta 11 txanda eskaintzen dabez Euskal Udalekuek. Eider Barreno bera Goñin egoten da hezitzaile lanetan. Esan deuskunez eremu desbardinak daukiez eta jarduera desbardinak egiten dira bakotxean. Gogoratu daigun bestalde, hezitzaileek boluntario lana egiten dabela udalekuetan. Auzolana, bultzatu nahi dan beste ideia bat da. Euskal Udalekuetan izena emoteko epea martia hasteagaz batera hasiko da. Nahi izan ezkero, taldean emon daiteke izena, gehienez hiruko taldeak onartzen dabez. Apirilaren 19rako emongo dabe jakiten onartutakoen zerrendea.

  4. 1 天前

    On Karmelo Etxenagusia taldeko kidea izan zan, batzar batzuetan parte hartuta

    Karmelo Etxenagusia ohorezko aitamenetariko bat jasoko dau aurton On Karmelo bera be kide izan eban Euskal Baliabideak taldeak. Eurentzako berezia izango da eta oso pozik dagoz. 1992an sortu eben taldea, Andoni Gerrikaetxebarria izan zan lehenengo kooordinatzailea eta beragaz batera egon dira beti Lontzo Zugazaga, gaur egungo arduraduna, Juanito Gallastegi, Jose Luis Iza  eta Jose Mari Rementeria zana. Euren bueltan beste batzuk be ibili izan dira, Martin Aranbarri esaterako. Felix Alonsok be urte askotan egin dau lan taldean, batez be, euskal liturgia liburuetan Erroman baimenak lortu eta abarretan. Ander Manterola be taldearen bultzatzaileetarikoa izan zan. 1991ko Gotzain kontseilu baten erabagi zan Euskal Baliabideak taldea eratzea, euskera aldetik egiten zana baino gehiago egiteko asmoz. Harrezkero makina bat lan egin dabe, asko eta asko eskariz, eta lan erabilgarriak egiten ahalegindu dira. Materiala sortu eta itzuli egin dabe, eta horretan be lan bikotxa, batuaz eta bizkaieraz. Euskerearen egoeraz eta etorkizunaz, ezkortasun puntua erakutsi deuskue, pobretu egin dala eta. Sorrereaz, orain arte egindakoaz, Eleizbarrutiaren 75. urteurrenaz eta euskerearen egoeraz eta etorkizunaz egin dogu berba Andoni Gerrikaetxebarriagaz, Juanjo Gallastegigaz, Lontzo Zugazagagaz eta Jose Luis Izagaz. Eurokin batera jasoko dabe aitamena Inmaculada Gallastegik eta Juan Maria Iraolagoitiak (hil ondoren), euskerazko komunikazinoari egindako ekarpenagaitik, eta Antonio Linaza abadeak, eleiz musika arloan egindako lanagaitik eta mezak telebisino publikotik emitiduteko egindako ahaleginagaitik. Ekitaldia  martiaren 20an izango da, goizeko 11.00etan, Bilboko BBK Aretoan.

  5. 2 天前

    Kantarriketan egingo da eta 2028. urterako amaituta egotea aurreikusten dabe

    125 pertsonentzako lekua egongo da Abadiñon eregiko dan egoitza barrian. Bizkaiko Foru Aldundiagaz batera aurkeztu dau Abadiñoko Udalak Kantarriketan egingo dan egoitza barria. Durangaldeko egungo gizarte beharrizanetara egokitu da hasierako proiektua. Azkenik, 125 lagunentzako lekua izango dau. Mikel Urrutia Abadiñoko alkatearen esanetan, honeetatik 60, nagusiak izango dira. Abadiñoko Udala, arau subsidiarioak aldatzeko eta proiektu barruan egokitzapenak egiteko fasean dago orain. Herriko 60 urtetik gorako pertsonen zaintza beharrak identifiketako azterketa bat be badabiz egiten. Kantarriketan egingo dan egoitza, 2026. urtearen amaieran hasiko dalakoan dagoz. 2028. urterako amaituta egotea aurreikusten dabe. San Blas Astelehenean bitartean, San Blas eguna ospatuko da Abadiñon. Dana prest daukie. 130 ekoizle inguru eta 180 abelburu izango dira asteleheneko azokan. Hiruzpalau gune egongo dira, nekazaritza, artisautza, abeltzaltza eta makinaria guneak Abadiñoko txoko desbardinetan. Kultur eta kirol jarduerak be ez dira faltako. Udalak, garraio zerbitzua eskeiniko dau eta garbiketa zerbitzua be izango da San Blas egunean zehar Abadiñon.

  6. 3 天前

    Puntueus fundazinoa osasuntsu aurkitu dauala esan deusku

    Olatz Arbelaitz izentau dabe Puntueus fundazinoko lehendakari. Puntueus fundazinoaren patronatoak aukeratu dau Olatz Arbelaitz, Iñaki Goirizelaia ordezkatzeko lehendakari karguan. Goirizelaia zortzi urtez izan da karguan eta aurretik, 2012. urtetik 2016ra, Joan Mari Torrealdai izan zan Puntueuseko lehendakaria. Ekarpenak egiteko gogoz Arbelaitzek pozik hartu dau kargua. Urduritasunez be bai. Gogoratu dauanez, amets bat izan zan Puntueus domeinua lortu ahal izatea eta alkartea sortzea barriz, ametsa gauzatzeko bidea. Olatz Arbelaitz Puntueus domeinuak emoten dauan Gladys sariaren barruan ibili da lanean fundazinoaren barruan. Bera, izatez, EHUko informatika fakultadeko irakasle eta ikertzailea da. Fundazinoa, osasuntsu ikusten dauala esan deusku. Daukan lan-taldea oso ona dala be azpimarratu dau. Aurrera begira, ekarpenen bat egin ahal izatea litzateke berarentzat erronka.

  7. 6 天前

    Mikel Baza medikuak bizitza testamentuaren garrantzia azpimarratu dau Bizkaia Irratian

    Mikel Baza medikuagaz batera aurretiazko borondateen inguruan hausnartu dogu Lau Haizetara irratsaioan. Dokumentu honen erabileraz eta garrantziaz berba egin deusku, batez be, bizitzaren amaierari lotutako erabagin inguruan. Bazak azaldu dauanez, aurretiazko borondateen agiria norberak osasun arretaren inguruko nahiak eta lehentasunak adierazoteko aukerea emoten dauan dokumentua da. Hau oso baliagarria izan daiteke, pertsona batek bere erabagiak hartzeko gaitasuna galtzen dauanean, adibidez, dementzia edo istripu larri baten ondorioz, koman geratzen danean. "Dokumentu bizia da, eta edozein unetan eguneratu daiteke" nabarmendu dau. Askotan heriotzaz berba egiteak beldurra sortzen dau, baina honek naturaltasunez hausnartzeko aukera emoten dauala esan dau Mikel Bazak. Danera, dokumentu honek familiaren arteko tentsinoak murrizten lagundu leikela azaldu dau, erabagiak argi eta idatziz itxita. Euskadin bizitza testamentua egiteko prozesua erraza da. Bazak azaldu dauanez, Eusko Jaurlaritzaren erregistroan formalizau daiteke edota osasun zentroetan hiru lekukoen presentziagaz. Azken urteotan mediku eta erizan batzuk be prozesu hau bideratzeko aukerea daukie. Gai honen inguruko informazinoa eskatu gura dabenentzat, Mikel Bazak osasun zentroetan antolatzen diran informazino saioetan parte hartzea aholkatzen dau. "Hau ez da adin batera mugatzen, edonorentzat gomendagarria da, gaztaroan zein helduaroan" gehitu dau. Amaitzeko, gizarteari deia luzatu deutso. "Garrantzitsua da bizitzaz gozatzea, baina heriotzeari eta bizitzaren amaiereari beldurrik izan barik".

  8. 6 天前

    Mendi-bilaldiak eta zikloturismoa dira aurten plater nagusi

    Urremendi Bustirialdeko landa garapen alkarteko ordezkariak Fitur azokan izan dira asteon Madrilen. Ager Lejarreta Urremendiko presidentea eta Aitziber Ansotegi gerentea, eskualdeko enpresa eta alkarte turistikoetako ordezkariakaz izan ziran martitzenean Fiturren. Ansotegik Bizkaia Irratiari esan deutsanez, oso garrantzitsua da eurentzat Fitur moduko azoka baten parte hartzea. Aurten,  jasangarritasunarekiko eta irisgarritasunarekiko konpromisoa erakustea da aurten helburu nagusia. Mendi-ibilaldiak eta zikloturismoa Igazko Fitur azokan, Urdaibai Helmuga Turistiko Adimendun modura akreditau zan. Hau dala eta, turismo bulego batzuk eta web orria be moldatu dabez. Turismo jasangarriaren Europako gutunean gogoratu behar bestalde, Urdaibai aitzindaria dala. Mendi-ibilaldiak eta zikloturismoa plater nagusi modura aurkezten dabiz Fiturren. Urdaibain GR 38 ardoaren eta arrainaren ibilbideko etapa bi egin daitekez. Horrez gain, Iparraldeko Santiago bidearen etapa bi be pasetan dira Urdaibaitik. Ansotegik aipatu dauanez, Urdaibain, urte osoan egin daiteke turismoa ez bakarrik udan.

顯示全部 (50)

簡介

Magazine honetan danetarikoa topauko dozue, informazinorako eta entretenimendurako. Era guztietako alkarrizketak: aktualidadekoak eta han hor hemenkako gai ezbardinen ganekoak, Bizkaian zeharrekoak, kultura arlokoak… Lehenengo sektoreari eskeinitako tarte bereziak emitiduten dira magazine honetan: Garoa (baserri mundua), Kresala (arrantza mundua). Bestekako tarte bereziak be bai: eliz gaiak, Euskal Herriko Unibertsidadea eta abar. Kolaboratzaileek be gai interesgarriak jorratzen ditue astetero: Edorta Unamuno (Urdaibai Bird Center), Agus Barandiaran (munduan zeharreko folk musikea), Euskera hobetzen tartea (Adolfo Arejita), zientzialariak eta abar. Informazinoa eta entretenimendua ordu bi eta erditan zehar.

資訊

  • 頻道
    Bizkaia Irratia
  • 創作者
    Rosi Guarrotxena, Oihane Irazu eta Ainhoa Llona
  • 活躍年代
    2023年 - 2025年
  • 集數
    50
  • 年齡分級
    兒少適宜
  • 版權
    © 2025 Bizkaia Irratia
  • 節目網站
    Lau Haizetara

「Bizkaia Irratia」的更多內容

若要收聽兒少不宜的單集，請登入帳號。

隨時掌握此節目最新消息

登入或註冊後，即可追蹤節目、儲存單集和掌握最新資訊。
選取國家或地區

非洲、中東和印度

亞太地區

歐洲

拉丁美洲與加勒比海地區

美國與加拿大