Goizeko Izarretan

Bizkaia Irratia
  • 0,0 (0)
  • TIN TỨC
  • ĐÃ HOÀN CHỈNH
Goizeko Izarretan

Irratsaio goiztarra, eguna hasteko behar dozun informazino guztiagaz eta ondo pasetako tarteekin. Albiste nagusiak, Bizkaiko albisteak, eguraldia, trafikoa, kulturea musikea, alkarrizketak…unean unekoa. Entzuleok parte hartzeko aukerea whatsappez informazinoa bialduta eta lehiaketetan parte hartuta. Hamabi urtera arteko ume eta gazteok Dona Dona daukazue 8.10ean. Ume, gazte zein helduok “Izarren lagunak” lehiaketea. Barikuetan gizarte gaien tertulia 8.30etan, eta hileko azken barikuetan Bizkaiko Batzar Nagusietako tertulia.

  1. 1 NGÀY TRƯỚC

    Abenduaren 31an mahatsak jateko ohiturea 1909an hasi zan

    Urte zaharrari agur esateko mahatsak jateko ohiturea 1909tik dator. Antza urte horretan uzta oso oparoa egon zan eta baten bati abenduaren 31an mahatsak jan behar zirala otu jakon. Gaizka Carazok eta bere gurasoek Getxo eta Leioa artean dagoan Bizarra fruta dendea kudeatzen dabe. "Guk hamabi mahatsak kopen barruan be eskaintzen doguz. 250 enkargu inguru egin deuskuez" azaldu deusku Carazok. Erromoko fruta denda horretan hiru mahats mota saltzen dabez eta horreen artean hazi bakoak be badagoz. "Hazi bako mahatsen kiloa 6,80 euroan dogu salgai,  hazidun mahatsen kiloa 5,95 euroan eta mahats baltzena 4,95 euroan" kontau deusku Leioako  fruta-saltzaileak. Adin txikikoak Bost urtetik beherako umeek mahatsik ez jatea aholkatu dau Espainiako Otorrinoen eta Buruko Zirujauen Alkargoak. Gabonzaharretan mahatsak jateko ohiturea d**o eta medikuen berbetan adintxikikoek honeek jatea arriskutsusa izan leiteke. Arazoa mahats zatiak saman ez aurrea ez atzera, hau da, traban geratzea izango litzateke. Otorrinoek eta zirujauek dinoe mahatsen azala ta tamainuagaitik batzutan osorik murtxikatu barik irunsten dirala eta adin txikikoen artean arnasbideak oztopatzeko arriskua egon leitekeala. 65 urtetik gorakoen artean eta disfagia dabenen artean mahatsak osorik jatea arriskutsua izan daitekela iradoki dabe adituek.

  2. 2 NGÀY TRƯỚC

    Imanol Alvarezek, Jasone Aretxabaletak eta Karmelo Landak 2024ko barri nagusiak aukeratu dabez

    2024ko barririk onenak eta txarrenak zehazteko eskatu deutsegu gure tertulia kideei. Imanol Alvarezek, Jasone Aretxabaletak eta Karmelo Landak euren aukeraketea partekatu dabe Goizeko Izarretan saioko urteko azken tertulian. Albiste txar moduan Gazako sarraskia aitatu dabe hirurek. "Ze porrot handi, ze jarrera lotsagabe eta ze pena NBEarena. Ez dira gai izan Gazan ezer egiteko" esan dau Jasone Aretxabaletak.  "Nazinoarteko zuzenbide arauen erabateko hondoratzea izan da Gazan gertatzen dabilena. Tamaina oso handiko arazoa daukagu" gaineratu dau Karmelo Landak. Jasone Aretxabaletari 2024an poztasunik handiena emon deutson albistea Athleticen Kopa garaipena izan da. "Txarto ohitzen gabilz, sufridu barik larregi irabazten gabilz, horrek apur bat kezkatzen nau" esan dau Aretxabaletak.  Imanol Alvarezen eretxian barri ona be bada pentsinoak KPIaren arabera igoten jarraitzea eta gitxieneko soldatea igon izana. Karmelo Landak herrigintzeari eta euskalgintzeari buruz jardun dau berbaz. "Euskal Herrian mogimendu barrituak ikusten dodaz. Etxea eta mundua etxetik antolatzen hasi behar gara" zehaztu dau Landak.

  3. 2 NGÀY TRƯỚC

    "Inflazinoa familia zaurgarrien karga handia da" esan dau Save The Children GKEko buruak

    Pilar Kaltzadak Espainiako Save the Children GKEko presidenteak Euskadiko umeen pobrezia tasea eta familia zaurgarriek gabonetan aurkitzen dabezan erronkak aztertu dauz gaur Goizeko Izarretan irratsaioan. "Euskal Autonomia Erkidegoan, umeen pobrezia tasea ez da Espainiakoa bezain altua, baina argi d**o familien %18 inguruk oinarrizko beharrak asetzeko zailtasunak daukazala" azaldu dau Pilar Kaltzadak. Save the Children erakundearen datuek erakusten dabenez, umeak mantentzearen kostuak izugarri igon dau azken urteetan. "%13 euroko  garestitzea kalkulau dogu ume bakotxeko eta hilero 866 eurora heltzen da gastua," gehitu dau Kaltzadak. Familia zaurgarri askok egoera larriak bizi dabez, inflazinoaren ondorioz argindarra, elikadura eta bestelako gastuak are gehiago igon dabelako. Eskolaz kanpoko jarduerek arrakala soziala areagotzen dabe Egoera latz honen erdian, aisialdia eta eskolaz kanpoko jarduerak garrantzitsuak dira sozializazinorako, baina  Pilar Kaltzadaren berbetan familia zaurgarrietan honeek izaten dira lehenengo alde batera izten diranak. Save the Children GKEk programa ugari garantzen dauz ume horreen ongizatea bermatzeko, batez bere oporraldietan, eskola-jarduera bakarra dabenentzat. Laguntza Unibertsala luzatzeko beharra Pilar Kaltzadak azpimarratu dau gurasoei zuzendutako Laguntza Unibertsala ez litzatekeela 0 eta 3 urte bitartekoetara soilik mugatu behar: "Umeak mantentzearen kostuak adinagaz handitzen dira eta laguntzea gitxienez 17 urtera arte luzatu beharko litzateke." Gainera, proposamen hau erronka demografikoari aurre egiteko giltza izan leitekeela azaldu dau. Kaltzadak defendatu dau Euskadik estrategia sendo bat behar dauela umeen pobreziari aurre egiteko. "Egoera horri buelta emateko baliabideak baditugu. Borondate politikoa eta neurri egokiak martxan jartea baino ez da falta" esan dau Pilar Kaltzadak.

  4. 5 NGÀY TRƯỚC

    Gaur onartuko dira Bizkaiko 2025erako aurrekontuak

    "EH Bilduk hainbeste kritiketan dauezan politikak zuritu egin dauz argazki baten agertzeagaitik" esan euskun atzo Elkarrekin Bizkaia taldeko batzarkideak, Eneritz de Madariagak, Bizkaia Irratian. Bilduk akordua lortu dau EAJ eta PSEgaz, Bizkaiko aurrekontuen gainean. Gaur, Bizkaiko Batzar Nagusietan, datorren urteko aurrekontuen gaineko eztabaidea eta botazinoa egingo dabez. Jenteak eskatzen dauenaren defentsari uko egin deutso koalizinoak, Elkarrekin Bizkaia taldeko Eneritz de Madariagaren eritxian. Elkarrekin Bizkaiak garraioa, zaintza edo ingurumena hobetzeko 200 emendakin egin dauz baina bat bera be ez deutsiela onartu esan dau De Madariagak.

  5. 5 NGÀY TRƯỚC

    Euskalduna Jauregiak diru sarreren errekorra gaindituko dau aurton

    Euskalduna Jauregiak zortzi milioi eurotik gorako diru sarrerak izango dauz aurten. Oraindik ez daukiez behin betiko emaitzak; datu zehatza, urtarrilaren amaieran eukiko dabela esan deusku Euskalduna Jauregiko zuzendariak Iñigo Iturratek gaur Goizeko Izarretan. Euskalduna Jauregiak 25 urte daukaz, Bizkaian lehen mailako kultur espazioa da gaur egun. Gabonetako egitarauan makina bat hitzordu daukaz. Istorio ezagunenetako bat, Cuento de Navidad, Scrogge jaunaren eraldaketa pertsonala kontetan dauena, Auditoriumean izango da publiko guztientzako musikal moduan: atzo estreinaldia izan zan eta gainerako saioak gaur, bihar eta etzi izango dira. Bilboko operaren egoitza da Euskalduna Jauregia. Euskadiko eta Bilboko orkestra sinfonikoek be bertan eskaintzen dabez euren kontzertuak. Erabilera orokorrean, urtean zehar, %90etik gorakoa da. Barriro handituko ete daben galdetuta, hausnarketa bat beharko litzakela esan deusku Iturratek.

  6. 23/12/2024

    Euskaltzaleen Topagunea Taupa euskaltzaleen mogimendua da orain

    Aurreko asteburuan egin eben aldaketa ekitaldia. Tauparen helburua Euskal Herri osoko euskaltzaleak saretzea da. Orain arte euskera alkarteak batzen zituan Topaguneak, eta Tauparen ardatza be euskera alkarteak izango dira. www.taupamugimendua.eus webgunean ipini dabe martxan. Aktibismoaren egungo joerak aintzat hartuz, egiteko molde eta antolatzeko modu barri batzuei emongo deutse bidea mogimendu barrituak. Hala, komunitategintzan indarra jarriz, euskerearen aldeko konplizidadeak orain arte baino esparru gehiagotara zabaldu nahi ditu Taupa mogimenduak. Aktibismo digitala zein kaleko aktibismoa erabiliko ditue. Hasteko, behintzat, Euskaraldian ipiniko dabe fokoa eta horretan eragiten ahaleginduko dira. Gerora begira, erabilerearen aroa ipini gura dabe martxan. Irati Iciar Taupa-ko lehendakaria alkarrizketau dogu Goizeko Izarretan irratsaioan.

  7. 20/12/2024

    BFAk Izeba programa aintzindaria jarriko dau martxan 2025ean

    Azaroan gazte migratzaileei arretea emoteko Bizkaiko zentroetan 600 gazte inguru egozan, urte ta gitxiko epean, kopurua ia bikoxtu da. Lehendakariak eta Aldundiak behin baino gehiagotan eskatu deutse Espainiako gobernuari gazte honeei arretea emoterako orduan, ondo legokela banaketa orekatuago bat, lurraldearen arabera ez diralako kopuruan berean heltzen. "Estaduak bere eskumenak bete behar dauz, kontingentzia plan serioa behar da. Autonomia Erkidegoak benetan solidarioak izan behar dira, ez berbaz bakarrik, baita ekintza bidez be" esan dau BFAko Gizarte Ekintzarako diputaduak Amaia Antxustegik gaur Goizeko Izarretan saioan. Nagusien egoitzak Erresidentzietan itundutako ehun plaza barri txertatuko dauz BFAk. Sasoi bateko nagusien egoitzak bizikidetza unidade bihurtzeko prozesuak aurrera jarraitzen dauela berretsi dau Aldundiak. "Leioako egoitzan lau solairu dagoz, horreetatik hiru bizikidetza unidade bihurtuko dira eta bat gune sozio-sanitarioa izango da. Solairu bat dagoeneko bizikidetza unidade bihurtuta d**o eta beste biekin obrakaz hasiko gara. Elorrioko egoitzea be trasformazino prozesuan dago" esan dau Amaia  Antxustegik. Bizkaiko nagusien egoitzetako ratioa lau egoiliarreko langile batekoa izatea eskatu dau LAB sindikatuak. LABek mobilizazino dinamika bati ekingo deutso Bizkaiko nagusien egoitzetan ezarten dan ratioen dekretuaren aurka. "Bizkaiko erresidentziek ratioetan ez daukie defizientziarik, hori ikuskapenetean igerten da. Defizientziak batez be mantenimendu kontuetan izaten dira" esan dau foru diputaduak.

  8. 19/12/2024

    Eibarko "Electricidad Urki" enpresak Bizkaiko Zubia konpondu dau

    Bizkaia Zubiak normaltasunez ekin deutso berriz be zerbitzuari aste hasieran matxuratutako pieza ordezkatu ostean. Portugalete eta Areeta lotzen dauzan Bizkaia Zubiak astelehenean matxurea izan eban. Goizaldetik zerbitzu barik egon zan eta arratsaldeko 19:00etan berreskuratu eban normaltasuna. 12 orduz zerbitzurik emon barik egon zan. Ohar baten, zubiko arduradunek Electricidad Urki, elektrizitate industrialean eta transformadoreetan adituak diranei eskerrak emon deutsiez. Eibarko enpresea da eta Goizeko Izarretan irratsaioan alkarrizketatu doguz. Zubiak behar eban transformadorearen pieza zazpi ordu baino gitxiagoan egitea lortu dabe eta ohiko fabrikazio-denborea lau egunekoa izaten ei da. "Apur bat urduri egon ginan, azkenean guk konpondu genduan piezan jarri zalako fokoa eta zorionez piezea konpontzea lortu genduan" esan deusku Electricidad Urki enpresako Gorka Etxanizek.

Xem tất cả (50)

Giới Thiệu

Irratsaio goiztarra, eguna hasteko behar dozun informazino guztiagaz eta ondo pasetako tarteekin. Albiste nagusiak, Bizkaiko albisteak, eguraldia, trafikoa, kulturea musikea, alkarrizketak…unean unekoa. Entzuleok parte hartzeko aukerea whatsappez informazinoa bialduta eta lehiaketetan parte hartuta. Hamabi urtera arteko ume eta gazteok Dona Dona daukazue 8.10ean. Ume, gazte zein helduok “Izarren lagunak” lehiaketea. Barikuetan gizarte gaien tertulia 8.30etan, eta hileko azken barikuetan Bizkaiko Batzar Nagusietako tertulia.

Thông Tin

  • Kênh
    Bizkaia Irratia
  • Nhà sáng tạo
    Alfre Elgezabal eta Izaskun Ellakuriaga
  • Năm hoạt động
    2022 - 2024
  • Tập
    50
  • Xếp hạng
    Sạch
  • Bản quyền
    © 2025 Bizkaia Irratia
  • Trang web chương trình
    Goizeko Izarretan

Nội Dung Khác Của Bizkaia Irratia

Bạn cần đăng nhập để nghe các tập có chứa nội dung thô tục.

Luôn cập nhật thông tin về chương trình này

Đăng nhập hoặc đăng ký để theo dõi các chương trình, lưu các tập và nhận những thông tin cập nhật mới nhất.
Chọn quốc gia hoặc vùng

Châu Phi, Trung Đông và Ấn Độ

Châu Á Thái Bình Dương

Châu Âu

Châu Mỹ Latinh và Caribê

Hoa Kỳ và Canada