50 episodes

Kirolari eskeinitako irratsaioa, Athletic nagusi dala. Egunero talde zurigorriaren gorabeheren errepasoa, gizonezko zein emakumezko taldeena. Gainerako kirolak ahaztu barik, sasoian sasoikoa: pelotea, saskibaloia, txirrindularitzea, arrauna…

Jokoan Ramon Basaldua eta Asier Txakartegi

    • Sports

Kirolari eskeinitako irratsaioa, Athletic nagusi dala. Egunero talde zurigorriaren gorabeheren errepasoa, gizonezko zein emakumezko taldeena. Gainerako kirolak ahaztu barik, sasoian sasoikoa: pelotea, saskibaloia, txirrindularitzea, arrauna…

    Oier Zarraga Egaña hamar urtegaz heldu zan Lezamara Romo taldetik eta datorren ekainean amaitzen jako kontratua

    Oier Zarraga Egaña hamar urtegaz heldu zan Lezamara Romo taldetik eta datorren ekainean amaitzen jako kontratua

    Oier Zarraga Egaña hamar urtegaz heldu zan Lezamara Romo taldetik eta hamar urte beranduago lehen taldean jokatzen dabil, maila guztietan elastiko zuri-gorria jantzi ostean. Berrogeta hemeretzi partidu jokatu dauz hiru denporalditan eta hasieratik jokatu dau hiru partidutan Ernesto Valverderen aginduetara. Aurtengo ekainean amaitzen jako Athleticegaz daukan kontratua eta ondo bidean ez zuri-gorriz jantzita jarraituko dau. Berak Athleticen jokatzen segidu gura dau eta Ibaiganek lehen taldearen plantilan euki gura dau. Beraz, akordioa ez da urrun egongo.

    Zarragak aitortu deusku Cadizen aurka lortutako garaipena oso garrantzitsua izan dala, bolada txarrari amaierea emoteko eta sailkapenean gorantz egiteko. Getxoko jokalariak oso ondo ikusten dau taldea eta baikor d**o Ligako bigarren itzulira begira. Kopa txapelketako finala aitatu eta aurpegia biztu egin jako 24 urteko jokalariari. Ezin dau ukatu ilusino handia daukala jarrita Osasunaren aurkako finalaurreko gainditu eta Sevillako finala jokatu eta irabazteko. Osasunaren aurkako ligako partiduan emon eban bere mailarik onena eta bide horretatik jarraitu gura dau.

    Ondo baino hobeto daki oso gatxa dala lekua lortzea Athleticen hasierako hamaikakoan. Izan be, hautagai asko dagoz erdialdeko postuetarako. Eroso d**o zelai erdian jokatzen baina gustoko dau aurkariaren ate ingurura hurreratu eta gola sartzen ahalegintzea. Baloia ondo joten dau eskumeagaz zein ezkerragaz eta gol nahikutxo sartutakoa da gazte mailan zein Basconian eta Bilbao Athleticen. Oso gustora egon gara berbetan beragaz Jokoan kirol tartean.

    • 15 min
    Gernikako bikoteak partidu handia jokatu eban Goikoetxea eta Etxetoren aurkako finalaurrekoan

    Gernikako bikoteak partidu handia jokatu eban Goikoetxea eta Etxetoren aurkako finalaurrekoan

    Gernikako hiru pilotarik jokatuko dabe Winter Series torneoko finala. Diego Beaskoetxeak lehen finalaurrekoa irabazi eban Imanol Lopez lagun ebala, Olharan eta Basqueren aurka. Bigarren finalaurrekoan, Xabi Barandikak eta Unai Lekerikabeaskoak ordu ta erdi emon eben Jai Alai frontoian Iñaki Osa "Goikoetxea" eta Nicolas Etxeto menderatzeko. Partidu ederra bezain gogorra, harmailetan batu ziran bi mila ikusleen gozamenerako.

    Unai Lekerikabeaskoagaz egin dogu berba "Jokoan" kirol tartean, finalerako sailkatzea lortu ostean. Atzelariak esan deusku argi eukiela Goiko partidutik kanpo mantendu behar ebela garaipena eskuratzeko aukerak izateko. Goitik behera bete eben helburua lehenengo setean. Bigarrenean, baina, ordura arte erabili eben pilota bizia apurtu egin zan eta beste motelago bategaz jokatzen hasi eta Goiko nagusitzen hasi zan bigarren jokoa irabazi arte.

    Hirugarren setean erabagi zan finalaurrekoa. Goikoetxea eta Etxetok markagailuan aurreratzea lortu baeben be, gernikarrek ez eben amore emon eta irauli egin eben markagailua. Unai Lekerikak esan deusku itzela izan zala sailkatzea lortzea bi mila zaleren aurrean. Beste partidu bat daukie jokatzeko: Winter Series torneoko finala. Otsailaren 19an jokatuko dabe Beaskoetxea eta Lopezen aurka eguerdiko hamabietatik aurrera. Bizkaia Irratiak zuzenean eskeiniko deutsue finala.

    • 8 min
    Gernikako aurrelariak amaierea emongo deutso bere kirol ibilbideari datorren otsailaren 19an

    Gernikako aurrelariak amaierea emongo deutso bere kirol ibilbideari datorren otsailaren 19an

    Diego Beaskoetxea Miamin jaio zan, bere aita, Gonzalo, zesta jokalaria zalako bertako frontoi baten. Ume-umetarik hasi zan zestea erabilten eta hamasei urtegaz jokatu eban lehen partidua profesional mailan Gernikako Jai Alai frontoian. Bost urte beranduago Ameriketako Estatu Batuetarako bidea hartu eban, urte batzuk lehenago bere aitak egin eban moduan. Hogeta bost urtez goi mailan aritu ostean, agur esateko ordua heldu jako. Gernikan jokatuko dau bere azken partidua, bere frontoi kutunean,  Imanol Lopez lagun dauela, Winter Series torneoko finalean, finalaurrekoan Olharan eta Basque menderatu ostean.

    Egun berezia izango da Diegorentzat. Bi mila zaleren aurrean jokatuko dau agurreko partidua, goi mailako torneo baten finalean. Datorren astelehenean jakingo dabe Lopezek eta biek, noren aurka jokatuko daben Gernikako neguko torneoko finala. Barandika eta Lekerikak Iñaki Osa eta Etxetoren aurka jokatuko dabe finalerako txartel baten bila.

    Profesionaltasunari agur esan arren, Diego Beaskoetxeak frontoietan segiduko dau. Izan be, Gernikako zesta eskolearen arduraduna dogu berau orain dala urte birik. Bere aitaren lekua hartu dau Beaskoetxea gazteak. Maisu ezin hobea herriko neska-mutilentzat. Gernikako torneoko finalaurrekoa jokatu eta irabazi ostean egin dogu berba Diego Beaskoetxeagaz Bizkaia Irratiko Jokoan tartean.

    • 6 min
    Lau txapelketa nagusi eukiko dauz: Gernikakoa, Donibane Lohitzunekoa, Biarritzekoa eta Pauekoa

    Lau txapelketa nagusi eukiko dauz: Gernikakoa, Donibane Lohitzunekoa, Biarritzekoa eta Pauekoa

    Zesteak pausu historikoa emon dau gaur, "aro barri honetan mugarria izango dana". Gernikako Winter Series, Donibane Lohitzuneko Nazinoartekoak, Biarritzeko Urrezko Xistera eta Paueko Kopako antolatzaileek akordio historikoa lortu dabe liga bateratu bat sortzeko. Urte guztian jokatuko da puntuazino eta ranking bateratu bategaz. Lau torneoak jokatu osteko sailkapeneko lau atzelari eta lau aurrelari onenek Lauko finala jokatuko dabe urrian.

    Gaizka Muniategi eta Zigor Etxeberria (Eraman Jai Alai), Frédéric Cadet eta Michel Billac (Donibane Lohitzune), Lilou Etcheverria (Biarritz) eta Jean Dominique Olharan (Pau), lau frontoi garrantzitsu horretako ordezkariak batu dira gaur Gernikako Jai Alai frontoian, Jai Alai Leagueren barri emoteko. Aritz Erkiaga pelotaria be bertan egon da.

    Eraman Jai Alai Gernikako enpresak pausu barriak emoten jarraitu gura dau. Ligako nagusiaz ganera, bigarren mailako Pro-Am txapelketak sustatuko asmoa iragarri dabe. Zigor Exebarria, enpresako ordezkariagaz egin dogu berba Jokoan kirol tartean eta oso baikor agertu jaku etorkizunari begira.

    • 2 min
    Iker Olaeta Gernika Rugby Taldeko kapitanagaz egin dogu berba La Vilaren aurkako partiduaren aurretik

    Iker Olaeta Gernika Rugby Taldeko kapitanagaz egin dogu berba La Vilaren aurkako partiduaren aurretik

    Gernika Rugby Taldeak puntu bat dauka Ohorezko Mailako Ligan. La Vilak, bapez. Sailkapenaren azken tokietan dagoz. Aurten, azken biak jatsiko dira zuzenean eta hirugarrenak play-offa jokatuko dau. Halada ze, partidu garrantzitsua da biharkoa (Urbieta, 16:00).

    Ligako lehen fasea amaitzeko partidu 3 partidu geratzen jakoz Gernikari. Lehenengoa eta bigarrena aurkari zuzenen kontrakoak dira. La Vila eta Les Abelles sailkapenaren aurreko eta atzeko tokietan daukiez basurdek. Bien aurka irabazteak bigarren faserako indar handia emongo leuskie.

    Iker Olaeta kapitanagaz egin dogu berba. Olaeta eta taldea gogotsu dagoz lehen garaipena lortzeko. Azken partidua VRAC liderraren aurka jokatu eben. Irabazi ez baeben be, partidu ona egin eben. Bidea horixe dala esan deusku Olaetak.

    • 5 min
    Bahrain taldeko txirrindulariak hirugarren amaitu eban sailkapen nagusian eta etapa bat irabazi

    Bahrain taldeko txirrindulariak hirugarren amaitu eban sailkapen nagusian eta etapa bat irabazi

    Pello Bilbaok goiz amaitu eban 2022ko denporaldia eta gogotsu ekin deutso barriro lehiatzeari. Bahrain taldeko txirrindulariak ondo prestatu eban denporaldi barriko lehen lasterketea, Australiako Down Under tourra, emaitza ona lortzeko asmoagaz. Gauzak ez ziran ondo hasi gernikarrarentzat, lehen jardunaldian euripean egin ebalako erlojupeko lasterketea, hainbat astetan lehia hori beren beregi prestatzen ibili ostean. Bilbaok, ostera, ez eban amore emon eta garaile izan zan laugarren etapan. Bahrain taldeak etapa garaipen bi lortu ebazan Australiako itzulian.

    Sailkapen nagusira begira, Pello Bilbaok hirugarren postuan amaitu eban, Jay Vine australiarra eta Simon Yates britainaren atzetik. Aste beteko lasteketa izan arren, Bahrein taldeko txirrindulariek hogei bat egun egin eben Australian, entrenamendu gogorrak egiteko aprobetxatuz. Bilbaok ondo merezitako atsedena hartuko dau, otsailean Valentziako Vuelta,  UAE tourra, Strade Bianchi eta Milano San Remo klasikoa korridu aurretik.

    Australiatik itzultzeko bidai luzearen ostean egin dogu berba Pello Bilbaogaz Jokoan tartean. Gustora dago gernikarra eta ilusinoz beterik aurtengo denporaldira begira. Euskal Herriko Itzulia eta Frantziako Tourra aukeratu ditu barruan daukan onena emoteko.

    • 8 min

Top Podcasts In Sports

Wave Sports + Entertainment
SiriusXM
Dirty Mo Media
Barstool Sports
The Ringer
Dan Le Batard, Stugotz