Bizkaia Irratia

•

Channel • 7 Shows

News

News

Complete
Society & Culture

Society & Culture

Complete
Arts

Arts

Complete

News

News

Complete
Society & Culture

Society & Culture

Complete
Sports

Sports

Complete
News

News

Complete
Society & Culture

Society & Culture

Complete
Arts

Arts

Complete
Arts

Arts

Complete

10/29/2024

Bea Salaberrik "Mesfida zaitez" nobela aurkeztu deusku

Aste honetan Bea Salaberri idazlea gonbidatu dogu Irakurrieran saiora Mesfida zaitez bere nobelaz berba egiteko. Nobela horretan Salaberrik Euskal Herriko gatazkaren azken urteei begirada sakona eta hurbila eskaintzen deutso. Gainera, Durangoko Hitz liburu-dendako Gaizka Olabarrik euskarara ekarritako David Foster Wallaceren Sekula egingo ez dudan gauza ustez dibertigarria bat nobela gomendatu deusku. Mesfida zaitez liburua eskuratu gura dauan entzuleak, Bizkaia Irratiko 665 700 700 telefonoko whatsappean itxi behar dau mezua. Mezuaren hasierean Irakurrieran saioa eta liburuaren izenburua aipatu, izena emon aurretik.

10/29/2024

•

59 min
05/31/2025

Entzun saio osoa

Herriz Herri saioaren 2024-2025 denboraldiari amaierea emon deutsagu maiatzeko azken egunean. Amaiera borobila emoteko, Orozkora hurbildu gara azoka bertotik ezagutu eta lehiaketa bi ikusteko. Euretako bat estreinakoz egin da, Euskal Herriko Mendiko Zaldien txapelketea. Bestea, Bizkaiko II. azpigorri txapelketea. Irratsaioa Zaloa Ramosegaz hasi dogu, Orozkoko lehen sektoreko eta ingurumeneko zinegotzia, baita azokaren antolatzailea be. Ostean, Aingeru Olaguenaga etorri zan gurera. Bera, komunikazino, hezkuntza eta euskera zinegotzia da, baina, horrez gain, eguerdian jokatu dan pelota amateur txapelketan parte hartu dau. Tako ta guzti etorri jaku! Eta lehen ordua amaitzeko, Sonia Barrondo, Gorbeialde landa eremu garapenerako alkarteko kideagaz egon gara. Udarako hainbat bisita gidatu antolatu dabez, danak ezberdinak eta oso gomendagarriak. Hurrengo gonbidatua Ekain Ajuriaguerra izan da, zeanuritarra bera. Euskal Herriko mendiko zaldi txapelketan parte hartu dau 4 zaldigaz. Emaitza onak lortu dauz eta disziplina honen inguruko informazinoa emon deusku. Azkenik, Unai Iriondogaz egon gara. Atxulaur futbol taldeko kideagaz. Aurten igoerea lortu dabe eta arrakastaren sekretuak zeintzuk izan diran esan deusku. Hasiera orok amaierea daukan moduan, Herriz Herri saioaren aurtongo denboraldia be bere amaierara ailegatu da. Eskerrik asko irratsaio honen parte izan zarien guztioi eta parte hartu dozuenoi. Hurrengora arte!

05/31/2025

•
12/04/2024

Herriz Herri Etxebarriatik San Andres egunean

Bizkaia Irratia Bizkaia osoa ezagutzen dabil apurka apurka, astero herriren batetik zuzenenean saioa eginda. Herriz Herri saioetan danetarikoa lantzen da: udal gorabeherak, herrirako proiektuak, alkarteen zeregina, arlo sozioekonomikoa, kulturea, kirola… Ezagutu Bizkaiko herri ezbardinak Herriz Herri saioekin. Herria ezagutu dogu Jesus Iriondo alkatearen eskutik. Gero, EIKA kooperatibari buruz lehendakaria dan Iñigo Arrieta hurreratu da gure mikrofonoetara. Gazteak herrian geratzen dirala aitatu deusku alkateak, eta gazte asanbladako Aitanak halan konfirmau deusku. Euskeraren erabilerea dala-eta, Etxebarrian pozik dagozala gaineratu deusku Urtzi Uriarte Euskera teknikariak.

12/04/2024

•
04/29/2024

Herriz Herri Nabarnizen

Bizkaia Irratia Bizkaia osoa ezagutzen dabil apurka apurka, astero herriren batetik zuzenenean saioa eginda. Herriz Herri saioetan danetarikoa lantzen da: udal gorabeherak, herrirako proiektuak, alkarteen zeregina, arlo sozioekonomikoa, kulturea, kirola, herriko pertsona ospetsuak… Ezagutu Bizkaiko herri ezbardinak Herriz herri saioekin. Asteon Busturialdean egon gara, Nabarnizen. Pablo Gonzalez kazetariaren alde, Nabarnizko eta Elantxobeko herritarrek antolatutako Alkartasun egunak eroan gaitu Bizkaiko udalerri txiki honetara. Oihana Goiriena Pablo Gonzalezen bikotekidea eta Esti Urzaa izan dira geugaz. Hortaz ganera, Josean Maruri alkateak eta Aboitiz jatetxeko Lourdes Aboitizek be parte hartu dabe Herriz Herri saioan.

04/29/2024

•
09/04/2024

Manuel Arrillaga, Aita Manuel, Pasai San Pedroko patroi handiaren marka bardinduko leuke domekan garaipena lortu ezkero

Gorka Aranberri Etxeberria Zarautzen jaio zan eta bere lagun asko hondartzan baloiari ostikoak emoten hasi ziranean, berak arraunaren aldeko apustua egin eban eta batel baten buru jarri zan ikastolako lau lagunegaz batera. Sei bider irabazi dau Eusko Label Ligea, lau aldiz Bermeogaz, behin Oriogaz eta beste behin Santurtzigaz. Gainera, arraunaren historian sartzetik pausu batera d**o Aranberri. Datorren domekan, Bermeok Kontxako Bandera irabazten badau, zarauztarrak bederatzigarren garaipena lortuko leuke Donostiako estropadetan, Manuel Arrillaga “Aita Manuel”en garaipen errekorra bardinduz. Pasaiako patroi mitikoak bederatzi garaipen lortu ebazan Kontxan 1917tik 1935era, eta beste bat irabazi eban San Pedrogaz arraunlari lez 1899an. Gorka Aranberrik 2011n astindu eban lehen aldiz Donostiako Bandera, Bermeon estreinau zan urtean. Ondoren, 2014an, 2015ean eta 2016an beste hiru garaipen jarraian lortu ebazan Bou Bizkaiagaz. 2017an be garaile izan zan Orioko traineruan. Aranberrik Donostiako Banderan lortutako azken hiru garaipenak azken hiru edizinoetan jarraian lortu dauz. Soteraren popaganean 2021ean eta Bou Bizkaiagaz 2022an eta 2023an. 37 urtegaz Bermeoko traineruko patroia Aita Manuelen errekorra bardintzeko pausu bakarrera d**o. Gorka Aranberrigaz egin dogu berba Jokoan tartean.

09/04/2024

•
03/19/2025

Zaratamoko aurrelariak hamasei urtetan jokatuko dau profesional mailan eta hiru txapel eskuratu eta beste lau final jokatu dauz

2009eko ekainaren 13an jokatu eban Mikel Urrutikoetxeak bere lehen partidua profesionaletan, Zaratamoko, bere jaioterriko pelotalekuan, eta irailaren 20an Bilbon emongo deutso amaierea orduan hasitako ibilbideari. Hamasei urteko tarte horretan, lehen mailako hiru txapel jantzi ditu: Buruz burukoa eta lau ta erdikoa 2015ean lortu ebazan, eta binakakoa hurrengo urtean. Ganera, beste lau final jokatu ditu, bi buruz burukoan eta bana lau ta erdi barruan eta binaka. Esan beharrik ez d**o, ibilbide oparoa izan dala Urrutikoetxeak bete dauena profesional mailan. Irailaren 20an jokatuko dau bere azken partidua Bilbon -ez dau pelotan jokatzen jarraituko beste enpresaren bategaz- baina aurretik beste hainbat frontoitan jokatu gura dau Mikel Urrutikoetxeak. “Maitatua sentidu nazen herrietan jokatu gura dot profesionaltasuna itxi aurretik” esan dau gaur Bilbon eskaini dauan prentsaurrekoan. Hamasei urte honeetan, une gozoak, ez hain gozoak eta txarrak bizi izan ditu Zaratamoko pelotariak. Txapeldun geratu ostean lesino larria euki eban. Handik gitxira, bere bizitzako “erreferente eta zutabe nagusia”, bere ama, hil egin jakon gaixotasun larri baten ostean. Kolpe itzela izan zan Mikelentzat. Apurka-apurka zulo baltz baten sartzen hasi zan, bere burua holan larri ikusita laguntzea eskatzea erabagi eban arte. Zorionez, zulotik urtetea lortu dau eta zoriontsu bizi da bere emaztea, seme-alaba biak eta aitagaz. Alde emozionalak kirolari profesional baten errendimenduan daukan garrantzia nabarmendu gura izan dau Mikelek. Urrutikoetxearen agurragaz, pelotari handi bat galduko dogu pelotazaleok. Baina horren ganetik, pertsona zintzo eta jatorra desagertuko da profesional mailako pelotatik. Ondo ibili Mikel.

03/19/2025

•
05/30/2024

Beñat Etxeberria: "Proiektua gelditu gura dogu, ez aldatu"

Maiatzaren 25ean, pasa dan zapatuan, alkarretaratzea egin zan Otxandioko plazan, Kastillo Bizirik Koordinadorak deituta. Koordinadora orain hile batzuk sortu zan eta Otxandioko, Legutio eta Ubideko herritarrak batzen dauz. Koordinadora sortu zanetik hainbat ekimen diferente bultzatu dabez proiektu eolikoaren kontra, sinadurak be batu dabez eta alkarretaratzeak antolatu ditue. Koordinadorako Beñat Etxeberria izan dogu gaurko Herriz Herri saioan honen barri emoten, eta argi itxi dau proiektua ez dabela aldatu gura, gelditu gura dabela.

05/30/2024

•

11 sec
05/25/2024

Unai Iriondo: "Ezker pareta torneoaren 6. edizinoa da Orozkon egiten doguna eta harrera ezinhobea izan dau"

Herri Herri Orozkora joan da azokaz disfrutetako eta herria gehiago ezagutzeko. Kirol munduan sartuko gara, hasteko behintzat pelota kontuetan. Orozkon badago Ezker Pareta izeneko alkarte eta torneo bat. Bertako kidea eta entrenatzailea da Unai Iriondo, eta geure mikrofonoetatik pasau da honen inguruan berba egiteko.

05/25/2024

•

15 sec
05/27/2024

Herriz Herri Orozkon

Maiatzak 25, azoka eguna Orozkon. Azpigorri ahuntzen lehenengo txapelketea egin da. Txapelketaz gain, Euskal Herriko arraza autoktonoen erakusketea, plazakoa eta produktuen dastaketea be antolatu dira. Bizkaia Irratiko Herriz Herri saioa bertan izan da. Izaskun Gaztelu eta Zaloa Ramos zinegotziakaz udalerriko gorabeherak aztertu doguz. Joritz Arbaiza baserritar gazteak ahuntz azpigorrien ganean egin deusku berba. Juan Ignazio Olabarria eta Laura Laumen-ek kontakizun bitxia egin deuskue. Laura alemaniarra da, orain urte batzuk oparitu eutsien pottoka bat dauka eta orain Alemaniatik hona etorri da, oinez, Jalgi bere pottokeak kumea eukitea nahi dauelako. Juan Ignazio Olabarriak pottokak daukaz eta bere ar bategaz eukiko dau kumea. Kirol arlokoak be jorratu doguz Orozkon. Unai Iriondo, Ezker Pareta pelota alkarteko kideak esan deusku kirol hori pil-pilean dagoela herrian. Aitor Santa Cruz Atxulaur futbol taldeko kapitaina urduri etorri jaku Lehentasunezko mailara igoteko promozino partiduaren bezperan. Aitor Intxaurraga Orozkoko artisteak zelako margolanak egin dituan eta bere 40 urteko ibilbidea azaldu deuskuz. Eta Iker Atxa izan da gure gidaria Orozkoko museo ederrean.

05/27/2024

•

23 sec
05/17/2024

Maier kooperatibearen egoitza nagusia Ajangizen d**o

Ajangizen dagoan Maier kooperatibak 50 urte bete dauz. 1973. urtean sortu zan eta plastizkoko piezak egiteko moldeak ekoizten hasi ziran elektrogailuen mundura bideratuta, besteak beste, Fagor-en babesean. 80ko hamarkada amaieran, baina, automobilgintzarako saltoa emon eta gaur egun automobilgintzarako plastikozko pieza apainduak ekoizten dabez, hainbat teknologia erabilita. Maier "Europan liderra da plastikozko pieza dekoratu eta funtzionaletan" esan deusku Koldo Kortabitarte presidenteak. Maier taldeak 2.500-2.600 behargin inguru daukaz mundu osoan zehar banatutako lantegietan. 90eko hamarkadan hasi eban kanpoko hazkundea. Une honetan, Euskadin eta Nafarroan ezeze, Galizian, Europako hainbat herrialdetan, Indian, Txinan eta Mexikon be badago Maier. Gehienak lantegi produktiboak dira, baina salmenta delegazinoak be badaukiez, esaterako, AEBetan eta Japonian. Ajangizen daukiezan eraikin bietan -lantegia eta Maier Technology Center-, gitxi gorabehera, 1.000 pertsonak egiten dabe lan, gehienak eskualdekoak. "Automozinoan hasi ginenean, momentu baten ekoizleak bakarrik izan ginan baina bai ikusten genduan aukera bat egoala salto bat emoteko eta salto hori izan zan zentro teknologiko bat montatzea, Garapenerako eta Ikerketarako zentro bat. Horrek bezeroenganako beste salto bat emoten gaitu eta egia esanda momentu horretatik hazkunde itzela izan gendun" azaldu deusku Maierreko presidenteak. Mondragon Korporazinoa taldearen parte izatea edota eraldaketa soziala bultzatzeko Maierrek parte hartzen dauan ekimenetaz be egin dogu berba Koldo Kortabitartegaz Herriz Herri saioan.

05/17/2024

•

1 sec

Bizkaia Irratia, irrati bakarra bizkaieraz