Lau Haizetara

Bizkaia Irratia
  • 0.0 (0)
  • ARTS
  • COMPLETE

Magazine honetan danetarikoa topauko dozue, informazinorako eta entretenimendurako. Era guztietako alkarrizketak: aktualidadekoak eta han hor hemenkako gai ezbardinen ganekoak, Bizkaian zeharrekoak, kultura arlokoak… Bestelako tarte bereziak be bai: eleiz gaiak, literaturea, Euskal Herriko Unibertsidadea etabar. Kolaboratzaileek be gai interesgarriak jorratzen ditue astero: Edorta Unamuno (Urdaibai Bird Center), Agus Barandiaran (munduan zeharreko folk musikea)... Informazinoa eta entretenimendua ordu bitan zehar. Gugaz bat egin gura badozu lau@bizkaiairratia.eus helbidea dozue erabilgarri.

  1. 7H AGO

    Aurtengo kanpainearen leloa 'Euskara ZU zara' da

    Abian da Meatzaldeko Berbalagun programearen ikasturte barria, Euskara ZU zara lelopean. Euskaldunon komunidadea indartzeko helburuagaz, aurten be programak eskaintza zabala dakar, euskaraz aritu gura dauanak hainbat aukera izan dagian. Urrian izena emoteko kanpainea martxan jarri zan, eta dagoeneko 75 dira animau diranak. Izen emotea hondino zabalik dago, eta datozan asteetan, talde barriak abian jarriko dira. Alex Carreras Meatzaldeko Berbalagun programaren dinamitzaileak Bizkaia Irratian azaldu dauanez, parte-hartzaile gehienen helburua euskara hobetzea eta hizkuntza ohiturak sendotzea da. Normalean lau-bost pertsona alkartzen dira, tabernetan edo kafetegietan. Talde handiagoak be badagoz, eta askotan pintxo-poteoan edo paseoan egiten dabez saioak. Gurasolagun izeneko egitasmoa be martxan dago, familiek euren arteko hizkuntza-ohiturak euskarara ekartzeko. Aurtengoa Meatzaldeko Berbalagun programearen 19. edizinoa da. Igaz Meatzaldeko 120 herritarrek baino gehiagok parte hartu eben proiektuan. Danek oso ondo balorau eben egitasmoa. Adierazo eben, Berbalagunen parte hartzen dabenetik, euskara askoz gehiago erabilten dabela eta euren euskara-maila hobetu dala. Berbalagun taldeez gain, bestelako ekintzak be antolatzen dabez: mintzodromoak, tailerrak, berbaldiak, txangoak... Ekintza horreek guztiz doakoak eta irekiak dira, edozeinek hartu leike parte. Alex Carreras-ek gogoratu dau izen-emotea beti dagoala zabalik. Izena emoteko Meatzaldeko euskaltegi edo udaletako Euskara zerbitzuetara hurreratu, edo 607 678 075 telefonora deitu edo whatsappez mezu bat bidali daiteke. Informazino gehiago: praktikatu.eus/blog/meatzaldea webgunean.

  2. 3D AGO

    Gontzal Mendibilek, Urepel abesbatzak, Beti Jai Alai dantza taldeak, sei musikarik eta Arkaitz Gartziandiak hartuko dabe parte

    Gaur arratsaldean (18:00etan), Laukizen, Esteban Urkiaga Lauaxeta omentzeko ekitaldi berezia egingo dabe, poetaren jaiotzaren 120. urteurrena dala-eta. Idazlearen jaiotetxearen parean, Laukizko Lauaxeta plazan, 'Harroa eta sendoa' eskulturea inaugurauko dabe. Ane de la Sota, Noelia Lopez eta Wen Can Lorenzo Arte Ederren fakultadeko Eskultura Graduko ikasleek egindako lana da honakoa. Eskulturearen inaugurazinoaren ostean, Lauaxetaren poemetan oinarritutako Bijotzean Lauaxeta ikuskizun musikala eskainiko da. Gontzal Mendibil obraren zuzendariak azaldu deuskunez, diziplina anitzeko ikuskizuna da. Musikea, dantzea eta poesia buztartzen dauz, Lauaxetaren ideiak eta burrukak publikoari helerazoteko helburuagaz. Arkaitz Gartziandia aktorea Lauaxetaren azalean sartuko da. Urepel abesbatzak, Beti Jai Alai dantza taldeak eta sei musikarik be hartuko dabe parte. Lauaxetaren figura eta bere burruka, askatasunaren eta justiziaren aldeko ekintzak, hondino be bizirik dagozala azpimarratu deusku Mendibilek. Bijotzean Lauaxeta ikuskizunak, 120 urte igaro ondoren, idazle laukiztarraren mezua eta balioak gaurko gazteei eta etorkizunari helarazoteko helburua dauka.

  3. 3D AGO

    Egitarauak ekitaldi paraleloak be hartzen dauz: erakusketak, zuzeneko pintura tailerrak, Kulturen Museo ibiltaria...

    Zemendiaren 15ean hasiko da 44. Bilboko Txotxongilo jaialdia, txotxongilo eta objektu antzerkiari eskainitako ekitaldia. Estaduko ekitaldirik zaharrenetakoa da.  9 egunez, hilaren 23ra bitartean, antolatzaileek 30 emonaldi programau dabez Bilbon eta Bizkaiko zortzi herritan. Hortaz ganera, ekitaldi paraleloak be egingo dira: erakusketak, zuzeneko pintura tailerrak, parte-hartze saioak edota Kulturen Museo Ibiltaria. Josu Kamara antolatzaileak azaldu deuskunez, 14 konpainia izango dira aurten jaialdian. Euskal Herrikoak ezeze, estaduko beste autonomia erkidego batzuetakoak —Valentzia eta Katalunia— eta nazinoartetik etorritakoak be izango dira. Honeen artean, nabarmendu, Zurrunka talde euskadunak Txio Txinela obrea estreinauko dauala. Bilboko Txotxongilo jaialdiaren egoitza nagusia, beste behin, Otxarkoagako Txotena gunea izango da. La Fundición aretoan, eta Bilboko Basurtu eta San Frantzisko auzoetan be izango dira emonaldiak, jaialdia auzoetara eroatearen aldeko apustua eginaz. Bilbotik kanpora be bai, Areatzan, Arrigorriagan, Basaurin, Derion, Ean (Natxituan), Lezaman, Larrabetzun eta Muskizen.

  4. 3D AGO

    Grupo Arena enpresak 6 haize errota jarri gura dauz Bermeon, Meñakan eta Arrietan

    SOS Sollube herri-plataformea Sollube-gane proiektu eolikoaren kontra agertu da. Zemendiaren 10ean 3.000 herri alegazinotik gora aurkeztu ebazan Industria Administrazinoaren Bizkaiko Lurralde Ordezkaritzearen aurrean. Urigintza- eta ingurumen-eraginak baloratzeko alegazino teknikoak be aurkeztu ebezan. Grupo Arena enpresak 195 metroko sei haize errota jarri gura dauz Bermeo, Meñaka eta Arrietako landa-guneetatik 500 metro eskasera. Hortaz ganera, 12,5 km-ko linea elektrikoak Fruiz, Gamiz-Fika, Mungia eta Zamudioko udalerrietan be izango dau eragina. SOS Sollubeko kide dan Iñigo Pradak Bizkaia Irratian azaldu dauanez, 2023ko abenduan euki eben proiektuaren barri. Ordutik kezka handia sortu da eskualdean. Pradaren esanetan, proiektu honeek ez dabe bakarrik paisaian eragiten, baita inguruko bizilagunen bizitza kalidadean be. SOS Sollubetik agintariei dei egiten deutse proiektuaren eragin negatiboak kontuan hartuta, alternatiba iraunkorragoak, eta lurraldeagaz eta biztanleriagaz hobeto egokitutakoak bilatzeko. Holango proiektuek aurrera egin aurretik, tokiko biztanleen benetako adostasuna bilatu beharko litzatekela gaineratu dau SOS Sollube plataformako kideak. Sollube-gane proiektua gelditzea, eta eredu energetikoa birplanteatzea eskatzen dabe.

  5. 6D AGO

    Zuberoako Ikastolentzat dirua biltzeko gabonetarako saskiak salgai dagoz

    Hogeita bi urte igaro dira Zuberoako ikastoletako gurasoek gabonetarako saskien salmentea antolatzen hasi ziranetik. Ikaskoli ekimenaren helburua argia da: Zuberoako ikastolak diruz laguntzea eta tokiko ekoizle txikien ekoizpenak ezagutarazotea. Aurtengo kanpainea abian da. Zemendiaren 23ra bitartean egin ahal izango da eskaria www.ikaskoli.eus webgunean, eta saskiak abenduaren 12an banatuko dira Euskal Herri osoan. Hiru saski mota eskaintzen dira: Pettarra, Arbaila eta Basabürüa. Saski hauek ikastola biakaz loturea daukien ekoizleei esker osotuten dabez. Artzen Letona Sohütako Ikastolako gurasoa eta Ikaskoli kanpainako kideak Bizkaia Irratian azaldu dauanez, helburua "ikastolak sostengatzea eta euskarazko irakaskuntza lehenesten daben familien beharrizanak ikusgarri egitea" da. Letonak gaineratu dauanez, Ipar Euskal Herrian euskarak ez dauka babes ofizialik. Euskara, hizkuntza gitxiagotua gelditu da. Euskerearen etxeko transmisinoa Zuberoan eteten ari dan bitartean, ikastolek euskerearen transmisinoa bermatzen dabe. Funtsezko papera daukie Ipar Euskal Herrian euskararen biziraupenean. Gaur egun ikastola bi dagoz Zuberoan: Basabürü (Aloze) eta Eperra (Sohüta). Urtetik urtera Ikaskoli ekimeneko saskien salmentak handitzen joan dira. Igazko kanpainan, 2024an, 2.200 saski saldu ebezan.

  6. NOV 7

    Paul Urkijo zuzendaria eta Yune Nogueiras protagonistea oso pozik agertu dira emoitzagaz

    Paul Urkijo gasteiztarrak bere hirugarren film luzea aurkeztu dau: Gaua. Fantasia eta errealidade historikoa buztartzen dauazan istorio honetan, euskal mitologiako izakiak eta XVII. mendeko sorgin-ehizak bat egiten dabe kontakizunean. Kattalin izeneko emakume gazte baten istorioa da, Yune Nogueirasek antzeztua. Gaueko izakiak, siniskeria eta misterioz beteriko baso baten, bere bildurrak gaindituko dauz, emakumeen ahalduntzearen sinbolo bihurtuz. Paul Urkijo zuzendariak eta Yune Nogueiras aktore protagonistak azaldu deuskue zelan buztartu daben gure ahozko tradizinoa ikuspegi garaikide eta bisual harrigarri bategaz. Gaua zemendiaren 14tik aurrera ikusi ahalko da zinemetan.

  7. NOV 5

    Hirutan joan zan kazetaritza eta ikus-entzunezko komunikazinoko ikaslea Valentziara

    Miren Garbiñe de Diegok, Kazetaritza eta Ikus-entzunezko Komunikazinoan gradua daukan ikasleak, Valentzian 2024ko urriaren 29an gertatu zan GOIDIa aukeratu dau gradu amaierako lana egiteko. Argazkiz osotu dau lana eta Ohorezko Matrikulea lortu dau. Pozik eta harrituta azaldu da De Diego lortutako emaitzeagaz. Hiru bidai Valentziara Urriaren 29an gertatutakoa eta ostean etorri zana ikusita, laster erabagi eban De Diegok, Valentziara joatea laguntzera eta zuzenean bizitzera hango errealidadea. Paiporta eta Catarrojan ibili zan ikaslea. Guztira, hiru bidai egin ebazan. Hango herritarrei laguntzeaz gain, milaka argazki atara ebazan. Danetarik egoan argazkien artean, artistikoak, erretratoak... aukeraketa bat egin behar izan eban gradu amaierako lanean sartzeko. Honek, bost atal daukaz; argazki erreportaia, argazki-albistea, foto-saiakerea, alkarrizketa bat eta gabonakaz lotutako albistea. De Diegok, egindako lana argitaratzeko asmoa dauka eta Valentziara bueltatzeko asmoa.

  8. NOV 5

    Ikasle, irakasle eta familiei laguntzeko baliabideak eskeiniko deutsiez

    Bizkaiko Psikologia Elkargo Ofiziala tailerrak emoten hasi da bost ikastetxetan. Ikasleei, irakasleei eta familiei lagundu eta baliabideak eskaintzea da asmoa. Elkargo Ofizialetik, Maider del Rio psikologoak esan deusku, gatazka eta arazo bat baino gehiagogaz topetan direla ikastetxeetan, eta tailer honeekaz baliabideak eskeini gura deutsiezala arazoei aurre egiteko. Profesionalek eskeinitako doako tailerrak dira. Bost ikastetxe aurten Bizkaiko bost ikastetxetan hasi dira tailerrak urrian. Madre del Divino Pastor Eskolan, Begoñako Andra Mari Ikastetxean, San Antonio Ikastetxean, Itxaropena Eskolan eta Bizkaia Ikastetxean dabilz tailerrak emoten. Hogei ikastetxetik gora egon ziren izena emonda, baina aurrekontuak bost aukeratu beharra ekarri eban. Orain arte, harrera oso ona dabela esan behar. Del Rioren esanetan, ansiedadeari aurre egiteko eta gatazkak konpontzeko tresnak eskeiniko deutsiez ikasleei, irakasleei eta familiei. Orain arte erantzun oso ona izan dabe tailerrek.

See All (50)

About

Magazine honetan danetarikoa topauko dozue, informazinorako eta entretenimendurako. Era guztietako alkarrizketak: aktualidadekoak eta han hor hemenkako gai ezbardinen ganekoak, Bizkaian zeharrekoak, kultura arlokoak… Bestelako tarte bereziak be bai: eleiz gaiak, literaturea, Euskal Herriko Unibertsidadea etabar. Kolaboratzaileek be gai interesgarriak jorratzen ditue astero: Edorta Unamuno (Urdaibai Bird Center), Agus Barandiaran (munduan zeharreko folk musikea)... Informazinoa eta entretenimendua ordu bitan zehar. Gugaz bat egin gura badozu lau@bizkaiairratia.eus helbidea dozue erabilgarri.

Information

  • Channel
    Bizkaia Irratia
  • Creator
    Ainhoa Llona
  • Years Active
    2023 - 2025
  • Episodes
    50
  • Rating
    Clean
  • Copyright
    © 2025 Bizkaia Irratia
  • Show Website
    Lau Haizetara

More From Bizkaia Irratia