Aupa Bizkaia Bizkaia Irratia
-
- News
Asteburuetako goizak lasai baina informauta eta ondo pasauta hasteko irratsaioa. Albisteak, eguraldia, trafikoa, alkarrizketak…
-
‘Pájaros’ filma astegoien honetan Lekeition
Zapaturo lez zinean aditua dan David Madarietagaz egin dogu berba Aupa Bizkaia irratsaioko Zine Tartean. Astero, Lekeitioko zineman dagoan pelikularen barri emoten deusku. Astegoien honetan Pájaros pelikula emongo dabe. Pau Durà zuzendari espainiarraren lanak kritika oso onak jaso ditu.
Plataformak
Netflix eta Prime Video plataformetako estreinaldien errepasoa be egiten dogu Davidegaz. Netflixen azpimarratzekoak: Las variaciones Grimm animazino telesaila, Nuestro mundo lleno de vida dokumentala eta La familia Upshaw telesaila. Prime Video plataforman: Perverso telesaila. -
Alergiak hazi egin dira: "Biztanleriaren erdiari eragiten deutso, gitxi gorabehera"
Udabarri garaian sartzen gara, alergiak larriagotzen diran garaian, gero eta ohikoagoak diralako, immunidade-sistemaren erreakzino bat substantzia jakin batzuen aurrean. Juan del Arco Farmazialari alkargoko zuzendari teknikoagaz berba egin dogu aste honetako Farmazia Tartean.
-
Iker Galartza: "Oso eskertuta nago Vaya Semanitak emon deustan ikusgarritasunagaitik"
Iker Galartza amezketarra pailazoa, aktorea eta gidoigilea da. Telebistan egindako lanengatik da batez ere ezaguna; baina pailazo moduan eta antzerkian be jardun dau. 2017an Gure Zirkua martxan jarri eban, eta gaur zirkuaren munduko eguna dala eta, konbidadu dogu Kafetxu bana tartera. Vaya Semanita telesailak emon deutson ospeari buruz be berba egin deusku.
-
Gorka Knörr: "Eusko Legebiltzarrera lehenbiziko aldiz sartzerakoan hunkituta sentidu nintzan"
Gorka Knörr politikari eta musikaria izan da asteko konbidaua Kafetxu Bana tartean. Tarragonan jaio arren, txikia zanean heldu zan Euskal Herrira eta bere bizitza lurralde bien artean emon dau. Musika esparruari jagokonez, 1971n abestu eban lehenbiziko aldiz jendaurrean. Gainera, handik gitxira Araba Kantari izeneko diskoa kaleratu eban. Knörrek kultura munduan bizitako momenturik politenak eta gogorrenak gogoratu ditu alkarrizketan.
Politikari be tartea eskaini deutso. EAEko zein Kataluniako hauteskundeetarako gitxi falta danean, gaur egungo egoeraren errepasoa egin dau, euskal politikan berak bizitako momentuak gogora ekarri bitartean. Izan be, ibilbide oparoa euki dau: Eusko Alkartasunaren idazkari nagusia izan zan, Eusko Legebiltzarreko lehendakariordea, auziperatua izan zan Sozialista Abertzaleak alderdia ez desegiteagaitik...
1984ko Errege Kopako finala
Betiko lez, alkarrizketatuaren esparru personala ezagutzeko aukera be euki dogu. Knörrek ezagutzera emon dituan bitxikerien artean, Athleticegaz lotura estua daukan bat dago. Izan be, 1984ko Errege Kopako finala zuzenean ikusi eban Santiago Bernabeu estadioan.
-
Autismoa Martxan ekimen solidarioaren bigarren edizinoa ospatu da Barakaldon
APNABI Autismo Bizkaiak Autismoari buruzko Kontzientziazino Munduko Eguna (apirilaren 2an izan zan) ospatu dau gaur, domekaz, martxa solidarioaren bigarren edizinoarekin. Eguna autismoaz kontzientziatzera eta sentsibilizatzera bideratuta dago, kolektiboaren aitorpen soziala areagoteko, onarpena, tolerantzia eta errespetua eskatuz, gaur egun hondino existiduten diran mito eta estigmetatik urrun.
Ainhoa Basarrate APNABI alkarteko komunikazino arduraduna izan dogu Aupa Bizkaia saioan honen barri emoteko.
-
Emonaldi bikotxa astegoien honetan Lekeition: ‘Un rey supermono’ eta ‘Pequeñas cartas indiscretas’
Zapaturo lez zinean aditua dan David Madarietagaz egin dogu berba Aupa Bizkaia irratsaioko Zine Tartean. Astero, Lekeitioko zineman dagoan pelikularen barri emoten deusku. Astegoien honetan emonaldi bikotxa egongo da. Txikientzat Un rey supermono eta nagusientzat Pequeñas cartas indiscretas egongo dira ikusgai.
Plataformak
Netflix eta Prime Video plataformetako estreinaldien errepasoa be egiten dogu Davidegaz. Netflixen azpimarratzekoak: Antracita telesaila, El Pájaro Loco ¡Lío en el campamento! eta Pared con pared pelikulak, eta Good Times telesaila. Amazon Prime Video plataforman: Fallout eta Ourika telesailak.