闲话上海滩

闲话上海滩
  • 5.0 (3)
  • COMEDIA

一直最用心，越播越扎紧，用沪语讲身边的故事，人人都是主播，多转发，我会开心

  1. 27/09/2020

    No110.闲话上海滩 锡庆里往事 大事记

    锡庆里的故事 是一个时代的缩影 也是一代上海人的记忆

    8 min

  2. 27/09/2020

    No109.锡庆里往事 第四章 箱中迷

    闲话上海滩

    8 min

  3. 27/09/2020

    No108.锡庆里往事 第三章 味精厂

    闲话上海滩

    15 min

  4. 26/09/2020

    No108. 锡庆里往事 第二章 烟囱管

    我出生于80年代，从记事起，就好奇洋房里个点滴事物。我经常问我母亲问题，而伊也自幼生活于此。从听到个一眼零碎个信息里，我纔了解到庄家个部分故事。庄锡庆本人，我並未见过。我一直弗欢喜洋房个暗洞：从房子东面进来，过道狭窄，终年弗见太阳，漆黑阴冷，日里向走走也抖抖豁豁。我问母亲：“上海人住房紧张，条件侪弗理想，我懂个。但为啥阿拉小区个暗洞要箇恁设计？”伊答道：“箇幢房子一开始並弗是公房，而是一个五金厂老板个花園洋房。“老板个名字叫庄锡庆。阿拉103号弄堂大门口有两个字，虽然畀人家用水泥存心涂过，但还是看得见印子：‘锡庆里，1922年建’，就是庄锡庆个名字。庄锡庆住进来埃歇，洋房弗比孙中山故居逊色，一等一个豪华。“现在103号弄堂大门口个位置，本来是铁门，靠了旁边石头围墙，门一关，就是庄锡庆私人财产。按伊设想，洋房入口垃南面。大理石个臺阶，宽得来可容三个人平排走。拱形个大门，两边柱头，高头遮阳棚。拱门进来个胡梯，直通二楼客堂间，就是现在万伯伯屋里。 “之所以有得暗洞，是因为房子经历了两次历史事件。锡庆里垃原法租界内，以唐家湾为界，同时代还有英美等国个公共租界。1941年，太平洋战争爆发，东洋人拿法英美等国个人赶脱，一时上海滩盗贼横行。庄锡庆为保平安，拿洋房南面个门封脱，胡梯拆脱。东面开出入口，存心修成暗洞，让外人弗容易进得来。暗洞尽头，搭出临时木头胡梯，通二楼西面后厢房。日军投降以后，庄锡庆放之炮仗，拿南面个正门再修成替原先一样。伊是完美主义者，拿暗洞到底个临时胡梯拆脱了。“到了五几年碰着公私合营，庄锡庆为躲避仇家，再拿南面个拱门胡梯拆脱，重新启用暗洞，再造临时胡梯。箇趟伊财力吃紧，所以造了介搭浆。”我问：“庄锡庆屋里介好，一定是大老板咯？伊是哪恁个人阿？”母亲说：“我也没看见过伊，只认得伊两个囡兒。“我小辰光跟了侬外公、外婆搬进箇幢房子。除脱阿拉，还有张阿姨跟大张姐姐、小张姐姐。张阿姨自家住垃马桶间隔壁朝东个小间，让大张姐姐睏垃前头西面箇间，小张姐姐睏垃东面最南间。其他房间侪已经畀空关锁脱了，包括一楼替三层楼所有个房间。“妈妈小辰光替小张姐姐白相了最好。伊拉屋里有隻风琴，我经常去弹。伊书架高头侪是乐谱，里向头还夹了几张黑胶唱片，不过留声机坏脱放弗出声音。偶尔看到伊翻乐谱辰光，眼神有点异样，弗像小学生应该有个。“张阿姨垃吉安路个厂里上班，后首来厂改成了小学，就是侬读个小学，原先埃面是法藏讲寺。张阿姨为之多赚两钿，畀张家两个姐姐吃牛肉，工作卖力，替领导要求做夜班。日里向，伊还要买小菜、汏衣裳、生煤炉、烧饭。“我从来就没看见过张阿姨拉先生，就问外公究竟。伊讲：‘张阿姨没结过婚，老早是庄锡庆个佣人，比女主人小十多岁。庄锡庆是资本家，前两年去香港做生意了，两个小姑娘实际浪姓庄，是伊个囡兒。不过记牢：侬垃外头人面前千万只好叫伊拉张姐姐，否则要闯祸。’”我问：“葛末庄锡庆两个囡兒我也没看到过呀。或者是囡兒个后代又改姓了，所以我弗认得？”母亲讲：“弗是。两个囡兒后首来侪出过事体。小张姐姐没读初中，毕业以后就替社会接触了。伊欢喜带人到张阿姨替大小张姐姐屋里参观。有段辰光，伊专门带同一个哥哥转来，迭个哥哥比大张姐姐还大几岁。张阿姨好像弗大欢喜迭个哥哥，背后头讲伊是小流氓。之后，小张姐姐从夜到老晏转来，发展到夜不归宿，有一日出去之后就再无音讯，直到张阿姨过世！”我问：“伊畀小流氓拐脱了？”母亲答：“‘小流氓’弗一定哪恁流氓。但我猜想，小流氓乱轧坏淘，朋友个朋友个朋朋友里向有得拐子大流氓，就发生了悲剧。“事体过脱第二年，大张姐姐五爱中学（原惠中学塾，后改为五爱中学，再后头改为李惠利中学，再再后头改为比乐中学）毕业。为了支援国家建设，去黑龙江接受贫下中农再教育了。走个箇日，12月份，张阿姨替大张姐姐早浪四点钟就出门了。张阿姨衣着单薄，拿厚衣裳侪畀了伊，还为伊烧了十斤熟牛肉，让伊带之路高头吃。大张姐姐大包小包又背又拎，怪张阿姨畀伊物事忒多没必要，张阿姨弗停个关照啥个物事阿里隻包里寻。”我问：“所以现在‘大张姐姐’屋里住个陈家，‘小张姐姐’屋里个孙家，侪是伊拉跑脱以后搬进来个？”母亲讲：“弗是。小张姐姐个房间原本是主人房，顶大。现在孙家屋里是拿伊房间一揦两个一半，另外一半是郑家。但是大张姐姐跑脱以后，最先搬进来个还弗是陈家，而是冯家，之后调畀陈家。同样道理，小张姐姐个房间一揦两以后，一半畀了赵家，之后调畀钱家、孙家；另外一半周家、吴家，最后到郑家。”我问：“再后头，阿拉个邻舍就陆续搬进来了？”母亲讲：“对。几年后，底楼、三层楼侪畀住满，直到花園里也搭满棚棚，大家地方侪紧张。“张阿姨隔壁个劳家，劳括币拉爸爸垃张家阿姨门口替伊自家门口当中，用砖头砌了灶头，劳括币拉爸爸一烧饭，就乌烟瘴气，张阿姨只好门一关，一家头迓进去弗敢响。”我讲：“我晓得个，‘大张姐姐’就是去插队落户了，二舅舅二阿姨侪去过。好像一般性侪好回来个对伐？”母亲答：“弗是。从理论高头讲，是转弗来个。二舅舅是要读大学；二阿姨声称要照顾外婆：伊拉纔回得来。70年代末，为防止社会混乱，一般知青有大小原因借口个，侪准许回原籍。但是，有一种情况是批弗准个，就是已经当地结婚个说话——除非离脱。“大张姐姐一去就是十几年，垃当地结了婚，外加养了一对龙凤胎。但伊还是一家头回上海了，讲因为有严重个胃病。”明显，“大张姐姐”为了回来离婚了。母亲继续讲：“但可悲个是，伊转来后，原来姐妹两家头个房间侪已住进陌生人。大张姐姐垃张阿姨屋里住了一年多，寻了居委替弗晓得多少干部，侪没结果，最后只好再去黑龙江谋生了。”我问：“三层楼烟囱像煞吃过炮弹，哪恁会个？讲起来淞沪会战打到阿拉屋里来过？”母亲讲：“淞沪会战地方遠了，替阿拉浑身弗搭界。讲起箇桩事体，罪过了。“小大张姐姐跑脱之后，伊拉两间房间就侪畀政府锁脱空关了。刚没人竳个几年，五爱中学个学生子——大张姐姐个学弟学妹——夜到没事体就叫之‘消灭资本家余孽，斩草除根！’个口号，用花園里个石头厾玻璃窗。小张姐姐个窗门畀弄得侪是洞，落雨刮风，房间里就水漫金山，拿地浪向个木头泡烂脱，水一直从缝缝里漏到一楼。“张阿姨去寻有关部门，讲要去修，一直没人睬伊。伊讲只要替伊拿锁开出来，伊可以自家出铜钿修。人家干部对伊讲：‘侬十几年来，一直是拿白卡借住垃锡庆里个。房子又弗是侬个，侬管卵个闲事？’张阿姨反複解释因为两位张姐姐一定会得转来个，伊求人家讲：‘我倪东家留下来两个囡兒。大囡兒去黑龙江劳动，小囡兒跟伊个朋友出去白相。伊拉虽然还没转来，但再多等两年，总归会得转来个。房子坏得迭恁，我要修好之等伊拉转来继续竳。’人家听得莫名其妙。“再后头，一天半夜，暴雨忽闪。小张姐姐房间个壁炉畀雨水灌满，湿透个烟囱管，赛过避雷针。一声巨响，屋头顶也赛过要穿脱，一米多宽砖头砌个烟囱，应声一断两。妈妈畀吓醒，吵得睏弗着，爬起来去马桶间，就听见张阿姨一家头垃房间里哭！”

    15 min

  5. 24/09/2020

    No107. 锡庆里往事 第一章 唐家湾

    唐家湾2017年清晨，“万有全唐家湾小菜场”里，喧闹中百味混杂。北方大厦对过个胡梯浪向，已经人轧人。望下看，摊连摊，贩挨贩，向南绵延三百余米，大小弄堂数不胜数四通八达；单胡梯上去个室内市场，也堪称品种齐全，物美价廉。箇搭是大上海顶早个小菜场，没“之一”两字，建于1903年。而大约莫100年前，替小菜场一般年纪个庄锡庆也来到了此地，见到了与现在相当个繁华。庄锡庆指垃小菜场东首个空地，对伊个父亲讲：“就迭搭，我房子造好，将来买小菜赛过霞飞路介便当。望东有白云观，朝南有惠中堂，走走侪弗到廿分钟。我天天去拜，仙人或者上帝总归会得保佑我生意吧！”庄锡庆个父亲讲：“其他侪好，但不过伊拉讲斜桥南是坟墩。有眼近，风水弗大好吧？”庄锡庆讲：“迭个有啥啦？讲近也有段路要走唻。人总有一天要翘辫子个，离坟近，我个子孙送我葬还省得遠唻。”“侬隻小鬼头只有几岁啊？”庄父嘲嘲伊，“葛侬预备房子造啥样子？”庄锡庆答：“必须是洋房，三层，顶少要十几间。我花園里要种一棵白玉兰，子子孙孙看到树，侪可以想起我。”庄父继续嘲：“小鬼掼派头阿？侬将来结之婚也只有两家头，要介许多房间发痴？”庄锡庆胸一挺，讲：“我要养大兒子、二兒子、三兒子……我每个兒子还要大孙子、二孙子、三孙子……我还怕房间弗够多唻——到辰光要伊拉一淘送我葬！”庄锡庆个房子后来就造好了，但伊並没葬垃上海，推测伊客死他乡。垃拉箇个几十年里，庄家命运起起落落，历经富足殷实、生离死别、骨肉失散、天各一方。单论其中某桩事体，侪未必稀奇。但上海弗晓得有多少条“锡庆”里，每条“锡庆”里，侪有得一位“庄锡庆”叹息过。箇个也作兴是阿拉上海人个公共记憶？

    5 min

  6. 18/06/2017

    No106.柬埔寨简介

    节目迎来新主播伊万，让他来为我们介绍吴哥文化的发源地，柬埔寨。

    2 min

  7. 18/06/2017

    No105.沪语新闻秀

    快递公司集体涨价，快递小哥要发财了，真相令人吃惊

    7 min

  8. 07/06/2017

    No104.玩转地球

    耶稣12苦路游行，路怒症的阿拉伯司机，搞事情的阿拉伯人，学习人民公园相亲会的阿拉伯小青年，赶不上阿拉伯语游行，但是赶得上亚美尼亚语游行呀。

    11 min
Ver todo (112)

Calificaciones y reseñas

5
de 5
3 calificaciones

Acerca de

一直最用心，越播越扎紧，用沪语讲身边的故事，人人都是主播，多转发，我会开心

Información

  • Creador
    闲话上海滩
  • Años de actividad
    2015 - 2020
  • Episodios
    112
  • Clasificación
    Apto
  • Copyright
    © Copyright @荔枝FM www.lizhi.fm
  • Mostrar sitio web
    闲话上海滩

Más de 嘎三湖 上海