SBS Karen - အဲးစ်ဘံအဲးစ် ကည‪ီ‬ SBS Audio

ကီၢ်စၢဖှိၣ်ပဒိၣ်ကပာ်လီၤဝဲဒၣ် တၢ်သိၣ်တၢ်သီတၢ်ဘျၢလၢ တၢ်အီၣ်ဒီး ပနံာ်ရိကျး ကဘၣ်လူၤပိာ်ထွဲမၤပိာ်ထွဲအီၤနီၣ်နီၣ်န့ၣ်လီၤ.

၂ဝ၂၄ နယူဆီၣ်သ်ဝံကီၢ်စဲၣ် ပှၤသးစဲလၢပှၤဂ့ၢ်ဝီတၢ်လိၣ်ဘၣ် အတၢ်ဖံးတၢ်မၤ တၢ်ဟ့ၣ်လၤကပီၤခိၣ်ဖးစရီအပူၤန့ၣ် ပၣ်ဃုာ်ဒီး သရၣ် Aung Kyaw Htut Saw လၢအမၤတၢ်ဒ်သိး ပှၤမၤစၢၤပှၤဘၣ်ကီဘၣ်ခဲအပှၤတဝၢ ပှၤမၤတၢ်ဖိတဂၤန့ၣ်လီၤ. အဝဲဖံးတၢ်မၤတၢ်ဒ်သိးပှၤမၤစၢၤပှၤဘၣ်ကီဘၣ်ခဲအပှၤတဝၢန့ၢ်အနံၣ် ၃ဝဘျဲၣ်ဝံၤအလီၢ်ခံ ဒိးန့ၢ်ဘၣ်ဝဲခိၣ်ဖးတၢ်လၤကပီၤအံၤန့ၣ်လီၤ.

တၢ်ဃိထံသ့ၣ်ညါအသီတခါလၢ University of Wollongong ဒီး Settlement Services International မၤသကိးအီၤအပူၤ ထံၣ်ဘၣ်သ့ၣ်ဝဲဒၣ်လၢ အီစထြ့လယါကီၢ်ပူၤအံၤ ပှၤဘၣ်ကီဘၣ်ခဲပိာ်မုၣ်သ့ၣ်တဖၣ် ဘၣ်ကွၢ်ဆၢၣ်မဲာ်ဟံၣ်ပူၤဃီပူၤတၢ်မၤဆူၣ်မၤဆီး အမဲာ်ညါဘၣ်ကွၢ်ဆၢၣ်မဲာ်စ့ၢ်ကီးတၢ်နိးတၢ်ဘျးဒီး တၢ်သးဘၣ်တံာ်တာ်သ့ၣ်တဖၣ်န့ၣ်လီၤ.

ဆူၣ်ချ့ပှၤသ့ပှၤဘၣ်စဲၤနီၣ်သ့ၣ်တဖၣ်သးခု မ့ၢ်လၢဘံးထိရံယါပဒိၣ် ဘိးဘၣ်သ့ၣ်ညါလီၤလၢ အကပာ်လီၤ တၢ်မၤကွၢ် ကသံၣ်ဖျၢၣ်သနူ ဒ်အမ့ၢ်တၢ်မၤလီၤစိၤတခါအသိးန့ၣ်လီၤ.

နမ့မ့ၢ်ပှၤအိၣ်ဆိးဖဲအီစထြ့လယါကီၢ်ပူၤလၢအဘၣ်တီၣ်ဖျါထီၣ်ခီသွဲစရီန့ၣ်, စးထီၣ်ဖဲလါယူၤလံ ၁သီ, လၢအမ့ၢ်ကျိၣ်စ့နံၣ်စးထီၣ်န့ၣ်, နကဘၣ်ပာ်ဖျါထီၣ်ဝဲဒၣ် အပူၤကွံာ်တနံၣ်နကျိၣ်စ့တၢ်ဟဲနုာ်လၢနမၤန့ၢ်အီၤခဲလၢာ် လၢအပာ်ဖျါဝဲဒၣ် တၢ်ဟံးန့ၢ်နကျိၣ်စ့လၢခိသွဲအဂီၢ်ထဲလဲၣ်န့ၣ်လီၤ. ဒိးသန့ၤထီၣ်အသးလၢ တၢ်သမံသမိးကွၢ်စရီအဖီခိၣ် အီစထြ့လယါခိသွဲဝဲၤဒၢး (ATO) အဆၢတဲာ်ဝဲဒၣ် မ့ၢ်နကဘၣ်န့ၢ်ဘၣ်က့ၤ ကျိၣ်စ့ထဲလဲၣ် မ့တမ့ၢ် နကမၣ်အိၣ်လၢနဘၣ်ဟ့ၣ်အါထီၣ်ခိသွဲထဲလဲၣ်န့ၣ်လီၤ.

ဆူမဲာ်ညါစှၤကိးလါအတီၢ်ပူၤ အီစထြ့လယါကီၢ်ပူၤအံၤ 3-G mobile phone network — လီတဲစိစိာ်စုလီကျိၤဘျးစဲန့ၣ် တၢ်ကပာ်ပတုာ်ကွံအီၤန့ၣ်လီၤ.