មេរៀនភាសាបារាំង៖ Parlez-vous Paris? RFI ខេមរភាសា / RFI Khmer
-
- Éducation
ពួកគេមកពីនេប៉ាល់ ម៉ារ៉ុក អ៊ីរ៉ង់ អាមេរិក កាណាដា... ពួកគេគឺជាសិស្ស និស្សិត ឬជាវិចិត្រករ។ ពួកគេទើបនឹងមកដល់ប៉ារីស ហើយមិនសូវស្គាល់របៀបរបបរស់នៅប៉ារីសនេះទេ។ ដូច្នេះហើយបានជាពួកគេមានចម្ងល់ច្រើន៖ តើម្តុំណាមានសណ្ឋាគារល្អ? តើគួរទៅដើរលេងនៅកន្លែងណា? តើធ្វើម៉េចអាចជិះរថភ្លើងក្រោមដីដោយមិនវង្វេង ឬមិនត្រូវចោរលួចកាបូប? តើហេតុអ្វីបានជាអាហារថ្ងៃត្រង់ជាពេលវេលាសំខាន់សម្រាប់អ្នកក្រុងប៉ារីស? វិទ្យបារាំងអន្តរជាតិ (RFI) បានអញ្ជើញពួកគេឲ្យចេញធ្វើបទយកការណ៍ជាមួយ ដើម្បីជួបជាមួយអ្នកក្រុងប៉ារីស ដែលអាចឆ្លើយនឹងចម្ងល់របស់ពួកគេ។ ពួកគេបានជួបជាមួយអ្នកជំនាញខាងស្រាទំពាំងបាយជូរ នៅ République ជួបជាមួយអ្នកជំនាញខាងការរៀបចំក្រុងនៅលើ Tour Eiffel ជួបជាមួយអ្នករត់តុនៅហាងកាហ្វេនៅ rue Mouffetard... សូមតាមដានបទយកការណ៍ជាភាសាបារាំង និងភាសាខ្មែរ ដើម្បីអាចរៀនស្គាល់ពីប៉ារីស។ តាមរលកធាតុអាកាស RFI ខេមរភាសា នៅរៀងរាល់ថ្ងៃសៅរ៍ នៅក្នុងកម្មវិធីផ្សាយម៉ោង ១ ដល់ ២រសៀល និង ម៉ោង ៧ ដល់ម៉ោង ៨យប់ និងនៅលើវិបសៃត៍។
-
លេងកីឡានៅប៉ារីស ប្រកបដោយសុវត្ថិភាព
រៀនភាសាបារាំងជាមួយ Daniel សិស្សវិទ្យាល័យកូនកាត់បារាំង-ចិន អាយុ១៥ឆ្នាំ។ Daniel ចូលចិត្តលេងកីឡាណាស់ ហើយចង់សាកល្បងលេងកីឡារំអិល ប៉ុន្តែម្តាយរបស់គេមិនអនុញ្ញាតិព្រោះខ្លាចមានគ្រោះថ្នាក់។ កម្មវិធីនឹងនាំ Daniel ទៅកាន់ទីកន្លែងពិសេសមួយឈ្មោះ l’Espace de glisse parisien ដែលមានលោក Nassaire ដែលជាគ្រូបង្វឹកនៅទីនោះ ចាំជួយពន្យល់អំពីរៀបលេងកីឡារំអិល ប្រកបដោយសុវត្ថិភាព។
-
ទៅស្គាល់កន្លែងលេងកីឡាក្តាររំអិលនៅប៉ារីស
រៀនភាសាបារាំងជាមួយ Danielជាសិស្សវិទ្យាល័យ កូនកាត់បារាំងចិន ហើយចូលចិត្តលេងកីឡាណាស់។ Danielចូលចិត្តលេងកីឡាបាល់បាស្កេត កីឡាបាល់ទាត់ និងកីឡាឡើងជញ្ជាំង។ ប៉ុន្តែ Daniel ចង់សាកលេងកីឡាជិះក្តាររំអិលមានកង់ និងស្បែកជើងកង់។ កម្មវិធីនិងនាំ Daniel ទៅកាន់ទីលានលេងកីឡារំអិលប្រភេទនេះ ដែលគេហៅថា Espace de glisse parisien នៅក្នុងសង្កាត់ទី១៨ ក្រុងប៉ារីស។
-
វិធីទិញសំបុត្រចូលទស្សនាសិល្បៈក្នុងតម្លៃថោក
រៀនភាសាបារាំងជាមួយ Iker និង Aïda ជាគូរសង្សារជនជាតិអេស្ប៉ាញ ដែលទើបតែផ្លាស់ទីលំនៅ មកនៅក្រុងប៉ារីស។ ទាំងពីរនាក់គេនេះចូលចិត្ត ទៅមើលការសម្តែងសិល្បៈណាស់ ដូចជាល្ខោនអូប៉េរ៉ា ល្ខោនសម័យ រឺក៏ការប្រគុំតន្ត្រីជាដើម។ គ្មានទីក្រុងឯណា មកប្រៀបជាមួយទីក្រុងប៉ារីសបានទេ ព្រោះជាទីក្រុងដែលសំបូរទៅដោយកម្មវិធីសម្តែងសិល្បៈចំរុះគ្រប់ប្រភេទគ្រប់ទំរង់ មិនថាសម័យរឺបូរាណ។ ប៉ុន្តែធ្វើដូចម្តេច ដើម្បីទិញសំបុត្រចូលទស្សនា ក្នុងតម្លៃថោកសមរម្យ? នៅកន្លែងលក់សំបុត្រឈ្មោះKiosque ដែលមានទីតាំងនៅម្តុំ Madeleine អាចនឹងជួយដោះស្រាយបញ្ហាបាន។ អ្នកនាង Claire Hazan អ្នកសរសេរព័ត៌មានទាក់ទងនឹងវិស័យសិល្បៈកំសាន្តនេះ នឹងជួយដោះស្រាយចំងល់ផងដែរ។
-
ការកម្សាន្តបែបសិល្បៈនៅក្រុងប៉ារីស
រៀនភាសាបារាំងជាមួយ Iker និង Aïda ដែលមកពីតំបន់បាស្ក៍ ភាគឦសានប្រទេសអេស្ប៉ាញ។ អ្នកទាំងពីរ ទើបតែមករស់នៅទីក្រុងប៉ារីស បាន៥ខែទេ ហើយចង់ដឹងពីការចេញកម្សាន្ត ទៅមើលការសម្តែងសិល្បៈ រឺផ្ទាំងទស្សនីភាពផ្សេងៗ ដែលមាននៅក្រុងប៉ារីស។ កម្មវិធីសម្តែងសិល្បៈ មានច្រើនរាប់មិនអស់ ហើយតម្លៃក៏មានច្រើនប្រភេទ។ ដើម្បីដោះស្រាយចម្ងល់ កម្មវិធីបានណាត់ជួបជាមួយ លោកស្រី Claire Haeanដែលជានិពន្ធនាយកផ្នែកសិល្បៈទស្សនីយភាព របស់គេហទំព័រ Première ដែលជាទំព័រអ៊ីនធើនែតមួយ មានផ្សាយគ្រប់ការសម្តែងសិល្បៈទាំងអស់ នៅក្រុងប៉ារីស។
-
ការឈប់សម្រាកមាតុភាព នៅបារាំង
រៀនភាសាបារាំងជាមួយ Sarah ជនជាតិអាមេរិក ដែលមានកូនប្រុសម្នាក់ អាយុ២ឆ្នាំ ឈ្មោះ Oscar ។ Sarah ចង់ដឹងថាស្ត្រីបារាំង ដែលមានកូន តើត្រូវធ្វើដូចម្តេចខ្លះ ដើម្បីទុកកូនឲ្យគេមើល ហើយត្រឡប់ទៅធ្វើការវិញ។ ហាងកាហ្វេGrenadine ស្ថិតក្នុងសង្កាត់ទី ១៤ គឺជាទីកន្លែងជួបជុំរបស់ស្ត្រីបារាំង ដែលមានកូនតូចៗ។ លោកស្រី Marianne Dorellដែលជាម្ចាស់ទំព័រប្លុហ្គ និងទស្សនាវត្តីមួយឈ្មោះថា Paroles de Mamans និងចូលរួមស្រាយចំងល់របស់ Sarah។
-
នៅក្នុងហាង « café poussette »
រៀនភាសាបារាំងជាមួយ Sarah ជនជាតិអាមេរិក ដែលមានកូនប្រុសម្នាក់ អាយុ២ឆ្នាំ ឈ្មោះ Oscar ។ Sarah ចង់ស្គាល់កន្លែងផ្សេងៗ នៅក្រុងប៉ារីស ដើម្បីបានជួបប្រាស្រ័យទាក់ទង រាប់អានជាមួយស្ត្រីផ្សេងៗទៀត ដែលមានកូនតូចៗដែរ។ កម្មវិធីយើង ស្គាល់ហាងកាហ្វេពិសេសមួយកន្លែង ឈ្មោះ Café Grenadine ស្ថិតនៅក្នុងសង្កាត់ទី១៤ ក្រុងប៉ារីស។