15. Episode - Oisi neui und einzigartigi Welt Your Inner Beauty

A oisem Ort lebet Chinde, Mensche und Tierli ohni Liid. Mer schänket ois Respekt und verbringet ganz vili Stunde i dä Natur. Mer laufet dur die bunti Bluemewiese und ernted oisi Frücht und Gmües vo de Gärte. Mer chochet gsunds und feins Zesse und verzelle ois ame grosse Holztisch spannendi Gschichte. Mer lernet vonenand und loset eifach mal zue. Mir umarmed ois innigst ohni Angst. Mir tanzet und lachet – mer fühlet alli oisi Sinne. Mir händ um ois ä e mega schöni wärmendi Energie wo de Geist wachse laht – mir lebet i Freiheit und därfet eifach ois fühle. I oisere Welt gihts kei Ufhetze, Hass und suptili Machtspieli. Keis überdänke sondern oisi Intuition bechunnt Ruum. Mer laufet Hand im Hand durs Lebe und luegt eifach wos ois hifühert. Mer froiet ois fürändand, ohni Erwartige. Mer sind eifach frei und därfet schnuufe. Mer lönd Sache los wo ois nümme guät tüend und lebet de Moment mit voller Freud und Liedeschaft. Oisi Seele sind verbunde und mir sind innerlich acho und eifach zfiide.