VÍDJÓ Hugleikur Dagsson & Sandra Barilli
-
- TV & Film
-
Hugleikur Dagsson og Sandra Barilli horfa á mikilvægustu myndir allra tíma.
Á hverjum þriðjudegi kemur nýr þáttur sem er tileinkaður einni mynd af ótæmandi lista bíómynda sem Sandra hefur ekki séð áður. Þau skeggræða hverja mynd fyrir sig og allt það sem henni við kemur og það sem þeim dettur í hug líka.
-
Eiríkur Fjalar (Ed Wood)
Ed Wood reynir fyrir sér sem kvikmyndaleikstjóri í Hollywood og heldur ótrauður áfram þrátt fyrir margar hindranir og hæfileikaskort. Hann keyrir verkefnin sín áfram á jákvæðni og með hjálp þekkts leikara sem er kominn á aldur og er mikill morfínfíkill en vill þrátt fyrir það taka þátt í myndunum hans Ed.
-
Dótadagur 3: Leikfangar (Toy Story 3)
Þegar Andy, eigandi margvíslegra leikfanga, er á leiðinni í háskóla ætlar hann að koma gömlu leikföngunum sínum fyrir uppá háalofti. Þau enda óvart í ruslinu og þurfa svo að koma sér aftur heim, en með stuttri viðkomu á barnadagheimili þar sem bleikur knúsubangsi ræður ríkjum.
-
Ná vá 2: Nögun við dögun (Evil Dead 2)
Ungt og efnilegt par ákveður að leggja leið sína í lítið sumarhús en þar finna þau forna bók sem býr yfir illsku. Þau komast snögglega að því að illskan lifir í öllu umhverfinu en um leið og illskan klófestir annað þeirra eru góð ráð dýr.
-
Babbi segir, Babbi segir (The Godfather II)
Í þessum formála og eftirmála af kvikmyndinni Babbi segir sjáum við upprisu og hnig fjölskylduveldisins sem við kynntumst í fyrstu myndinni. Við fylgjumst með Vito Corleone þegar hann kemur fyrst til Bandaríkjanna og ætlar að koma sér upp góðu orðspori í hverfinu. Einnig sjáum við hvernig syni hans Michael tekst til að sjá um fjölskylduarfinn og halda öllum meðlimum fjölskyldunnar góðum.
-
Babbi segir (The Godfather)
Höfuð fjölskyldunnar lendir í bráðri lífshættu eftir skotárás og er einnig kominn á aldur svo þá þarf að finna hæfan arftaka í systkinahópnum, sem getur viðhaldið veldinu sem er búið að byggja upp. Af þremur bræðrum kemur einn sterklega til greina, og hann byrjar á að fá vandasamt verkefni í hendurnar.
-
Jólin dúkka upp (The Muppet Christmas Carol)
Heldri maður og lánadrottinn er viðskotaillur í samskiptum sínum við starfólkið sitt og raunar allt fólk sem hann umgengst. Á jólanótt er hann svo heimsóttur af draugum sem veita honum nýja sýn á lífið.
Customer Reviews
Besta podcastið
Kemur mér alltaf í gott skap, fær mig til að hugsa og líka kunna að meta kvikmyndir enn betur. vonandi kemur meira fljótlega - því þið eruð einfaldlega ómissandi og best!
Ómissandi podkast.
Ég hef hlustað á alla ykkar þætti líka slaygðu og finnst þeir frábærir.
Ef ég dett niður í þunglyndis hugsanir þá eru ykkar þættir besta meðalið.
Takk kærlega fyrir mig🌻
Næsari feitur sá sé slíkur!
Besta bíópodkast norðan Alpafjalla og sunnan Miklubrautar. Dagsson og Barilli eru frábær hlaðvarpsdúett sem geta talað um gjörsamlega hvað sem er á áhugaverðum nótum og finna mjög skemmtilega vinkla á kvikmyndunum sem þau fjalla um. Ég ætla að stinga upp á að VÍDJÓ taki fyrir klassíkina Monty Python and the Holy Grail. Life of Brian til vara. Er annars opið fyrir umsóknir um inngöngu í Hulla og Söndru félagið?