Z-Lann

0.0（0）
社会／文化

Welcome to Z-Lann, your number one stop for quality audio stories, all in the Myanmar language. Find your latest local and international entertainment, educational and drama audio stories right here on Z-Lann!

2時間前

" ရေသတ္တဝါတိုင်းကြောက်လန့်ကြတဲ့ ဒဏ္ဍာရီလာသတ္တဝါ မကန်းကောင် "

ရှေးခေတ်သူ‌‌‌ဌေးတို့ ဈေးကြီးပေးဝယ်စားကြတဲ့ “မကန်းခံတွင်း ခြင်္သေနင်း” ဆိုတဲ့ မကန်းသတ္တဝါကောင်အကြောင်းကို သိတဲ့လူနည်းမယ်လို့ ထင်ပါတယ်။ ဒဏ္ဍာရီပုံပြင်စကားတွေထဲမှာ မကန်းသတ္တဝါက ခန္ဓာကိုယ်မှာ အကြေးခွံတွေအကွက်များသဖွယ်ထနေပြီး ဆင်နှာမောင်း ၊ခြေလေးဖက်နဲ့ အမြီးပါရှိတဲ့သတ္တဝါဆိုပြီးဖော်ပြလေ့ရှိပြီး တချို့ကတော့ စိတ်ကူးယဉ်ဖန်တီးထားတဲ့ ဒဏ္ဍာရီလာ သတ္တဝါဆိုပြီး ယူဆကြပါတယ်။ ဒါပေမယ့် မကန်းကို ရှေးခေတ်စာဆို၊ တခြားသောရာသီဘွဲ့လေးချိုးတွေထဲမှာ ထည့်သွင်းဆိုထားခဲ့ကြပြီး ပုဂံခေတ်သာ့သာနာ အဆောက်အအုံတွေမှာလည်း နံရံဆေးရေးပန်းချီအဖြစ် ရေးဆွဲထားကြတာကို မြင်တွေ့ရမှာပါ။ မင်းဘူးဆရာတော် ဦးသြဘာသရေးသားခဲ့တဲ့ မဟာဇနက ဇာတ်တော်ကြီးထဲမှာဆိုရင်“သင်္ဘောသား ခုနစ်ရာတို့သည် ငါးလိပ်၊မကန်းတို့၏ အစာဖြစ်လေကုန်၏” ဟု ဆိုထားပြီး ပြာသိုလ မကာရရာသီခွင်မှာ မကန်းကောင်အရုပ်ရှိနေတာကို ကြည့်ချင်းအားဖြင့် မကန်းဟုခေါ်တဲ့ ရေသတ္တဝါရှိနေခဲ့တာက အမှန်ဖြစ်တယ်လို့ ဆိုနိုင်ပါတယ်။ ဒီနေ့ Z-Lannရဲ့ “ပါးစပ်ရာဇဝင်တို့၏ ဒဏ္ဍာရီ” မှာ မကန်းကောင်ရဲ့ဒဏ္ဍာရီလာသမိုင်းနဲ့ စိတ်ဝင်စားစရာကောင်းတဲ့ ဗဟုသုတတွေကို ပြောပြပေးသွားမှာပဲ ဖြစ်ပါတယ်။ #ZLann #ZLann_Podcast #ပါးစပ်ရာဇဝင်တို့၏ဒဏ္ဍာရီ #mythmakan #မကန်းကောင်

5分
2時間前

" မြန်မာ့ရိုးရာ ယဉ်ကျေးမှုအမွေအနှစ်တစ်ခုဖြစ်တဲ့ ရှင်ပြုခြင်းဓလေ့ "

မြန်မာ့ယဉ်ကျေးမှုထုံးတမ်းအစဉ်အလာတွေထဲမှာ ရှေးလွန်လေပြီးတဲ့နှစ်ပေါင်းများစွာကတည်းက ယနေ့အချိန်အထိ တွင်တွင်ကျယ်ကျယ်ပြုလုပ်နေဆဲဖြစ်တဲ့ ဓလေ့တစ်ခုရှိပါတယ်။ ဗုဒ္ဓဘာသာဝင် မြန်မာလူမျိုးမိဘတွေအနေနဲ့ သားလှရတနာ၊ သမီးလှရတနာတွေကို သာသနာ့ဘောင်ဆီသွတ်သွင်းကြတဲ့ ရှင်ပြုနားသအလှူပါပဲ။ ဒီလိုမျိုးရှင်ပြုနားသအလှူကို အလုံးစုံသောသံသရာဝဋ်ဆင်းရဲတွင်းမှ လွတ်မြောက်လိုခြင်း၊ သာသနာ့အမွေခံသာသနာ့ ဒါယကာဖြစ်လိုခြင်း၊ ဆွမ်း သင်္ကန်း ကျောင်း ဆေးဆိုတဲ့ ပစ္စည်းလေးပါး ဒါယကာ၊ ဒါယိကာမ ဖြစ်လိုခြင်းနဲ့ သာသနာပြုပုဂ္ဂိုလ်ဖြစ်လိုခြင်းဆိုတဲ့ ရည်ရွယ်ချက်တွေနဲ့ ပြုလုပ်ကြတာဖြစ်ပါတယ်။ ဗုဒ္ဓဘာသာ မြန်မာ့ရိုးရာ ထုံးတမ်းစဉ်လာတွေထဲမှ ရှင်ပြုနားသအလှူတော် မင်္ဂလာပွဲဆင်နွဲကြပုံဟာ ဒေသအလိုက်အမျိုးမျိုးကွဲပြားကြပါတယ်။ လူမျိုးဘာသာတိုင်းမှာ မိမိတို့ရဲ့ ယဉ်ကျေးမှုအမွေအနှစ်အဖြစ် ရိုးရာဓလေ့ထုံးတမ်းများစွာရှိပါတယ်။ ဒီနေ့ ဇာတ်လမ်းပရိသတ်ကြီးတို့အတွက် Z-Lann ရဲ့ “ သွင်ဟန်ထူးခြား ဓလေ့ထုံးများ” အစီအစဉ်ကနေ မြန်မာ့ရိုးရာ ယဉ်ကျေးမှုအမွေအနှစ်တစ်ခုဖြစ်တဲ့ ခြိမ့်ခြိမ့်သည်းအောင်ကျင်းပကြတဲ့ “ရှင်ပြုပွဲဓလေ့ “ အကြောင်းကို စိတ်ဝင်စားဖွယ် တင်ဆက်ပြသပေးသွားမှာ ဖြစ်ပါတယ်။ #ZLann #ZLann_Podcast #သွင်ဟန်ထူးခြားဓလေ့ထုံးများ #ရှင်ပြုပွဲဓလေ့

12分
11時間前

" ကိုယ်တကယ်ချစ်တဲ့ အလုပ်ကို ရွေးချယ်လုပ်ကိုင်မယ်ဆိုရင် ဘဝမှာဘယ်တော့မှ အလုပ်ရှားမှာမဟုတ်ဘ

စတိဂျော့ဆိုတဲ့နာမည်ကြားတာနဲ့ ကမ္ဘာကျော် Apple ကုမ္ပဏီကြီးရဲ့ CEO‌ဟောင်းလို့ သိကြမှာပါ။စတိဗ်ဂျော့က Apple Inc နဲ့ Pixar Animation Studiosတို့ရဲ့ ပူးတွဲတည်ထောင်ခဲ့ သူလည်းဖြစ်ပါတယ်။ စတိဗ်ဂျော့က ၁၉၈၅ ခုနစ်မှာ Apple က နှုတ်ထွက်ခဲ့ပေမယ့် ၁၉၉၇ခုနစ်မှာ CEO အဖြစ်နဲ့ Apple ကို ပြန်လည်ရောက်ရှိလာခဲ့ပြီး iMac, iphone,ipod နဲ့ ipad တို့လို့ နာမည်ကြီးထုတ်ကုန်တွေကို ထုတ်လုပ်ခဲ့ကာ စတိဂျော့ရဲ့ ဦးဆောင်မှုအောက်မှာ Apple က ကမ္ဘာပေါ်မှာ တန်ကြေးအများဆုံးကုမ္ပဏီတွေထဲမှာ ပါဝင်လာခဲ့ပါတယ်။ ဒီလိုမျိုးလျှမ်းလျှမ်းတောက် အောင်မြင်ခဲ့တဲ့ နည်းပညာစွန့်ဦးတီထွင်သူ တစ်ယောက်ဖြစ်တဲ့ စတိဗ်ဂျော့ရဲ့ ၁၈နှစ်သားအရွယ်မှာ အသုံးပြုခဲ့တဲ့ CVဖောင်မှာ သူ့ရဲ့စိတ်ဝင်စားတဲ့ အပိုင်းက အီလက်ထရောနစ်နဲ့ နည်းပညာနယ်ပယ်လို့ ရေးသားခဲ့ပါတယ်။ဒါကိုကြည့်မယ်ဆိုရင် စတိဗ်ဂျော့ပြောခဲ့တဲ့ အဆိုအမိန့်တွေက သူ့ကိုယ်တိုင်ကျင့်သုံးနေတာလို့ သတ်မှတ်နိုင်ပါတယ်။ ဒီနေ့ မှာတော့ Z-Lann ရဲ့ “အဆိုအမိန့်ထုံး နှလုံးမူ” အစီအစဉ်မှာ စတိဗ်ဂျော့ရဲ့ အဆိုအမိန့်တွေထဲကတစ်ခုအကြောင်းကို ပြောပြပေးသွားမှာဖြစ်ပါတယ်။ #ZLann #ZLann_Podcast # အဆိုအမိန့်ထုံးနှလုံးမူ #စတိဗ်ဂျော့ #SteveJobs

5分
1日前

" မြန်မာနိုင်ငံမှာတကယ်ရှိခဲ့တဲ့ ဒဏ္ဍာရီလာသတ္တဝါ ရေဆင် "

လူတွေအပြောများကြတဲ့ ရေဆင်ဆိုတဲ့ သတ္တဝါက တကယ်ပဲ တည်ရှိတာလား ? ဆင်သမားတို့ရဲ့ အဆိုအရ ရေဆင်ဟာ တကယ်တည်ရှိပြီး လက်သီးဆုပ်အရွယ်အစားပဲရှိတယ်လို့ဆိုပါတယ်။ ဒါ့အပြင် ရေဆင်တွေက ရေထဲမှာ ငါးတွေလိုနေနိုင်ပြီး ကုန်းပေါ်မှာလည်း နာရီအနည်းငယ် အသက်ရှုနေထိုင်နိုင်တယ်လို့ ဆိုပါတယ်။ ရေဆင်တွေက ရေထဲက ရေမှော်ပင်တွေကို စားသောက်ပြီး ညအခါမှကုန်းပေါ်တက်တတ်ကြပါတယ်လို့ ဆိုပါတယ်။ ကျောက်ဆောင်ကျောက်တုံးတွေပေါတဲ့ ရေအိုင်တွေမှာ အနေများတဲ့ ရေဆင်တွေက အဆိပ်အလွန်ပြင်းတယ်လို့လည်း ဆိုပါတယ်။ ရေဆင်ရှိတဲ့နေရာတွေကို ကုန်းဆင်တွေတောင် မလာရဲကြဘဲ ရေဆင်ကိုက်ရင် ချက်ချင်းသေတတ်တယ်လို့လည်း သိရပါသေးတယ်။ မြန်မာ့ဒဏ္ဍာရီလာ သတ္တဝါဆန်းတွေအကြောင်းကို ရှေးဟောင်းကျမ်းဂန်တွေထဲမှာ အကျယ်တဝင့် ဖွင်ဆိုထားကြပေမယ့် ရေဆင်နဲ့ပတ်သက်တာကို သေချာရေးသားထားခြင်းလည်း မတွေ့ရပါဘူး။ ဒီနေ့ Z-Lannရဲ့ “ ပါးစပ်ရာဇဝင်တို့၏ ဒဏ္ဍာရီ” အစီအစဉ်ကနေ ရေဆင်ရဲ့ ဖြစ်ပေါ်လာပုံနဲ့လူသိနည်းတဲ့ ထူးခြားချက်တွေအကြောင်းကို စိတ်ဝင်စားဖွယ်ပြောပြပေးသွားမှာပဲ ဖြစ်ပါတယ်။ #ZLann #ZLann_Podcast #ပါးစပ်ရာဇဝင်တို့၏ဒဏ္ဍာရီ #ရေဆင်

6分
1日前

" သာယာစည်ပြောနိမိတ်ဆောင်ကျဉ်းပါတဲ့ လယ်ထွန်မင်္ဂလာသဘင် "

လယ်ထွန်မင်္ဂလာဆိုတာ ယနေ့ခေတ်မှာ ရှားပါးနေပြီဖြစ်တဲ့ မြန်မာလူမျိုးတို့ရဲ့ ဓလေ့ထုံးတမ်းတွေထဲက တစ်ခုပဲ ဖြစ်ပါတယ်။အာဒိစ္စနွယ်ဝင် ရှေးမင်းကောင်းမင်းမြတ်တို့၏ အစဉ်အလာအရ တိုင်းသူပြည်သားတို့ရဲ့ စီးပွားချမ်းသာ ဖြစ်ထွန်းစေဖို့အတွက် ဘုရင်မင်းမြတ်တို့ ကိုယ်တိုင် မင်းပရိသတ်ခြံရံပြီး သတ်မှတ်ထားသော လယ်ကို အခမ်းအနားနှင့် ထွက်တော်မူပြီး လယ်ထွန်မင်္ဂလာကိုဆင်ယင်ကျင်းပလေ့ရှိပါတယ်။ လယ်ထွန်းမင်္ဂလာကို ဘုရားအလောင်း သိဒ္ဓတ္ထမင်းသားရဲ့ ခမည်းတော် သုဒ္ဓေါဒနမင်းကြီး စတင်ဆင်ယင်ပြုလုပ်ခဲ့တာပဲဖြစ်ပါတယ်။ ဘုရားလောင်းတော်သိဒ္ဓတ္ထမင်းသားကို ဖွားမြင်တော်မူပြီး တစ်လမြောက်နေ့ နယုန်လပြည့်နေ့မှာ လယ်ထွန်မင်္ဂလာသဘင် ဆင်ယင်ကျင်းပခဲ့ပါတယ်။ဒီနေ့ Z-Lann ရဲ့ “ သွင်ဟန်ထူခြား ဓလေ့ထုံးများ ”အစီအစဉ်မှာ ရှေးအဆက်ဆက် ဘုရင်းမင်းမြတ်တွေ ကိုယ်တိုင်ဆင်နွှဲခဲ့တဲ့ လယ်ထွန်းမင်္ဂလာအကြောင်းကို စိတ်ဝင်စားဖွယ်ပြောပြပေးသွားမှာ ဖြစ်ပါတယ်။ #ZLann #ZLann_Podcast # သွင်ဟန်ထူးခြားဓလေ့ထုံးများ #လယ်ထွန်မင်္ဂလာ

6分
1日前

"အကြားအမြင် အာရုံနှစ်မျိုးစလုံးချို့တဲ့နေခဲ့ပေမယ့် ကမ္ဘာမှာ ဂုဏ်ပြုစံထိုက်သူတစ်ယောက်ဖြစ

Helen Keller (ဟယ်လင်ကယ်လာ)လို့ပြောလိုက်ရင် လူအတော်များ ဆယ်တန်းတုန်းက ကျောင်းသင်ရိုးဖတ်စာအုပ်ထဲမှာ သူမရဲ့ အတ္ထုပတ္တိအကျဉ်းချုပ်ကို သင်ယူခဲ့ရတာကို အမှတ်ရမိကြမှာပါ။ဟယ်လင်ဟာ အမြင်အာရုံချို့ယွင်းနေတဲ့အပြင် အကြားအာရုံပါ ချို့ယွင့်နေခဲ့တာပါ။ဒါပေမယ့် ဟယ်လင်က ပထမဦးဆုံးသော အကြားအမြင်ချို့ယွင်းနေတဲ့ ဝေဒနာရှင်တစ်ယောက်အနေနဲ့ Bachelor of Arts (ဝိဇ္ဇာဘွဲ့)ကို ရရှိခဲ့တဲ့အမေရိကန်လူမျိုးတစ်ဦး ဖြစ်ပါတယ်။ ဒီလိုအကြားအမြင်အာရုံနှစ်မျိုးစလုံး ချို့ယွင်းနေတာတောင် ဟယ်လင်ကယ်လာက လောကြီးကို အရှုံးမပေးခဲ့တဲ့အပြင် သူမက ပညာရေးမျာ သာမန်လူကောင်းတစ်ယောက်လို တန်းတူဖြစ်နေခဲ့တဲ့ အပြင် လူအသိုင်းအဝိုင်းမှာလည်း ဂုဏ်ပြုစံထိုက်တဲ့ မသန်စွမ်းသူရဲကောင်း အမျိုးသမီးတစ်ယောက်ဖြစ်ခဲ့ပါတယ်။ ၂၀ရာစုနှစ်အစောပိုင်းမှာ ဟယ်လင်ဟာ အမျိုးသမီးတွေရဲ့ ငြိမ်းချမ်းရေးအပါအဝင် လူမှုရေး၊နိုင်ငံရေးပြသနာတွေကို ပါဝင်ဖြေရှင်းခဲ့ပါတယ်။သူမဟာ ဒုတိယကမ္ဘာစစ်အတွင်းမှာ ဒဏ်ရာရတဲ့ စစ်သားတွေဆီ သွားရောက်နှစ်သိမ့်အားပေးမှုတွေပြုလုပ်ခဲ့ပြီး သူမရဲ့ဘဝတစ်လျှောက်လုံးမှာလည်း မျက်မမြင်ဆွံ့အနားမကြား မသန်းစွမ်းသူတွေရဲ့ ဘဝကိုတိုးတက်အောင် မြှင့်တင်ပေးဖို့အတွက် ကူညီဆောင်ရွက်ပေးခဲ့ပါတယ်။ဒီနေ့ ဇာတ်လမ်း Z-Lann ရဲ့ “အဆိုအမိန့်ထုံး နှလုံးမူ” အစီအစဉ်မှာတော့ အမှောင်ကမ္ဘာထဲကနေ အလင်းထဲကို ရအောင်ထိုးဖောက်ထွက်ခဲ့ပြီး ကမ္ဘာကြီးကို အကျိုးပြုခဲ့တဲ့ ဟယ်လင်ကယ်လာရဲ့ စံပြထိုက်တဲ့ အဆိုအမိန့်တစ်ခုကို လေးစားစွာ ထုတ်နှုတ်ပြောပြသွားမှာပဲ ဖြစ်ပါတယ်။ #ZLann #ZLann_Podcast #အဆိုအမိန့်ထုံး နှလုံးမူ #ဟယ်လင်ကယ်လာ #HelenKeller

6分
2日前

" ရှေးခေတ်မျိုးနွယ်စုနှစ်ခုရဲ့ ကိုယ်စားပြုသင်္ကေတအရုပ်ဖြစ်တဲ့ ဖီရှိုး "

တရုတ် ရှေးဒဏ္ဍာရီ နဲ့ကျေးလက်ရိုးရာရှေးပုံပြင်တွေထဲမှာ "ဖီရှိုး၊နဂါး၊ ဇာမဏီ၊ လိပ် နဲ့ ချီလင်" တို့ကိုတွဲပြီး မင်္ဂလာရှိတဲ့ နတ်သတ္တဝါကြီး ၅ ကောင်အဖြစ် သတ်မှတ်ခြင်းခံရပါတယ်။အဲဒီသတ္တဝါတွေထဲက ဖီရှိုးဟာ အန္တရာယ်ကင်းစေပြီး လာဘ်လာဘကောင်းမွန်သလို၊ ၊ အိမ်ထောင်ရေးကံကောင်းစေတဲ့အစွမ်းရှိတယ် လို့ဆိုကြပါတယ်။ "ရာဇဝင်ကျမ်းထဲက ဧကရာဇ် (၅) ပါးမှတ်တမ်း " မှာ ဖီရှိုးတွေဟာ ခြေ ၆ချောင်းပါရှိပြီး ရက်စက်ကြမ်းကြုတ် တဲ့သားရဲအဖြစ် ဖော်ပြထားပါတယ်။မင်ခေတ် ဂန္ထဝင်စာပေဖြစ်တဲ့ "ချင်းပိုင့်လေ့ချောင်း"မှတ်တမ်းထဲမှာတော့ ဖီရှိုးတွေဟာ ကျား ၊ ကျားသစ် ဒါမှမဟုတ် ဝက်ဝံတို့နဲ့ပုံသဏ္ဌာန်တူပြီး သားမွေးက မီးခိုးရောင်ရှိတယ်လို့ဆိုပါ တယ်။ ဦးခေါင်းနဲ့အမြီးက နဂါး နဲ့ ပုံသဏ္ဍာန်တူပြီး ခန္ဓာကိုယ်အရောင်က ရွှေနဲ့ကျောက်စိမ်းရောင် ရောနေတယ်လို့ ဆိုပါတယ်။ဦးခေါင်းမှာ ဦးချို ရှိပြီး နောက်ကိုလှန်နေပါတယ်။ ပခုံးမှာ ဖြန့်လို့မရတဲ့ အတောင်တစ်စုံလည်း ရှိတယ် လို့ဆိုပါတယ်။ ဖီရှိုး သဏ္ဍာန်ပါတဲ့ အသုံးအဆောင် ကိုနောက်ကြောင်းလိုက်ကြည့်မယ်ဆိုရင် ဟန်မင်းဆက် လက်ထက်ကတည်း က တွေ့ရှိခဲ့ပါတယ်။ အဲဒီခေတ်မှာတော့ ဖီရှိုး အများစု ကို ခြေလေးချောင်းရှိတဲ့သားရဲ အဖြစ်ပုံဖော်ကြပြီး ဒါတွေဟာ အာရှတိုက် အနောက်တောင်ဘက်မှ ဆင်းသက်လာဟန်ရှိပါတယ်။ ဒီနေ့ Z-Lann ဇာတ်လမ်းရဲ့ “ပါးစပ်ရာဇဝင် တို့၏ ဒဏ္ဍာရီ”အစီအစဉ်ကနေ တရုတ် ရှေးဒဏ္ဍာရီ နဲ့ကျေးလက်ရိုးရာ ရှေးပုံပြင်တွေထဲမှာ မင်္ဂလာရှိတဲ့သတ္တဝါ အဖြစ်ဖော်ပြခံရတဲ့ ဖီရှိုး သတ္တဝါ အကြောင်းကို ဇာတ်လမ်းပရိသတ်ကြီး အတွက် စိတ်ဝင်စားဖွယ် တင်ဆက်ပေးမှာဖြစ်ပါတယ်။ #ZLann #ZLann_Podcast #ပါးစပ်ရာဇဝင်တို့၏ဒဏ္ဍာရီ #ပီချူး #ဖီရှိုး

8分
2日前

" ကျေးလက်ရိုးရာဓလေ့ဖြစ်တဲ့ လမိုင်းနတ်တင်ခြင်းဓလေ့ "

မြန်မာလူ့ဘောင်ယဉ်ကျေးမှုအသိုင်းအဝိုင်းတွေမှာ ပွဲအခမ်းအနားတစ်ခုခုပြုလုပ်တဲ့အခါ၊ ဖျော်ဖြေပွဲ တွေ ပြုလုပ်တဲ့အခါ အဆင်ပြေချော့မွေ့ဖို့အတွက် “ လမိုင်းကပ်ရတယ် “ ၊ တကယ်လို့ ဖျော်ဖြေ နေတဲ့အချိန်အတောအတွင်းမှာ အမှားမှားအယွင်းယွင်းနဲ့ လွဲချော်မှုတွေရှိလာပြီဆိုရင် ဒါက “လမိုင်းမကပ်ဘူး” ဆိုတာပြောကြတာမျိုး ကြားဖူးကြမှာပါ။ အနုပညာလုပ်ငန်းလုပ်ကိုင်သူတွေဆိုရင် ဒီ “လမိုင်း”ဆိုတဲ့ အသုံးအနှုန်းကို ပိုပြီးရင်းနှီးကြမယ်ထင်ပါတယ်။ မြန်မာလူမျိုးတွေရဲ့ ရိုးရာဓလေ့ထုံးစံတွေထဲမှာ လမိုင်းနတ်တင်ခြင်းဓလေ့က မပါမဖြစ်ပါ။ လမိုင်းနတ် တင်ရတဲ့ ရည်ရွယ်ချက်အကြောင်းအရင်းကတော့ ကိုယ်လုပ်ကိုင်တဲ့လုပ်ငန်းဆောင်တဲ့အခါမှာ အဆင် ပြေဖြစ်မြောက်ဖို့အတွက်ဖြစ်ပါတယ်။ ရှေးယခင်က လယ်သမားတွေ ထွန်ရေငင်ကာစအချိန်က ထွန်တုံး ၊ ထွန်သန် ၊ လှည်း အစရှိတဲ့ လယ်ယာသုံးပစ္စည်းတွေကို ကြည့်ရှုစောင့်ရှောက်ပေးဖို့အတွက် လမိုင်းနတ်ကို ပူဇော်ပသလေ့ရှိကြသလို သစ်ခုတ်၊ လှေထိုး၊ ငါးဖောင်ချ ၊ သမ္ဗန်ခတ်အစရှိတဲ့ အလုပ်တွေကို လုပ်ကိုင်ကြတဲ့သူတွေဟာလည်း လမိုင်းနတ်တင်တာမျိုးရှိပါတယ်။ ဒီနေ့ Z-Lannရဲ့ “ သွင်ဟန်ထူးခြား ဓလေ့ထုံးများ ” အစီအစဉ်ကနေ မြန်မာလူမျိုးတို့ရဲ့ ဓလေ့ထုံးစံတစ်ခုဖြစ်တဲ့ လမိုင်းဆိုတာ ဘာလဲ၊ လမိုင်းတင်တဲ့ဓလေ့က ဘယ်လိုဖြစ်ပေါ်လာတာလဲ စတဲ့ စိတ်ဝင်စားဖွယ်ကောင်းတဲ့အကြောင်းအရာတွေကို တင်ဆက်ပြသပေးသွားမှာဖြစ်ပါတယ်။ #ZLann #ZLann_Podcast #သွင်ဟန်ထူးခြားဓလေ့ထုံးများ #လမိုင်းနတ် #ရိုးရာနတ်

8分

すべて見る（871）

クリエイター

Z-Lann
配信期間

22年 - 25年
エピソード

871
制限指定

不適切な内容を含まない
番組のWebサイト

Z-Lann

Z-Lann

" ရေသတ္တဝါတိုင်းကြောက်လန့်ကြတဲ့ ဒဏ္ဍာရီလာသတ္တဝါ မကန်းကောင် "

" မြန်မာ့ရိုးရာ ယဉ်ကျေးမှုအမွေအနှစ်တစ်ခုဖြစ်တဲ့ ရှင်ပြုခြင်းဓလေ့ "

" ကိုယ်တကယ်ချစ်တဲ့ အလုပ်ကို ရွေးချယ်လုပ်ကိုင်မယ်ဆိုရင် ဘဝမှာဘယ်တော့မှ အလုပ်ရှားမှာမဟုတ်ဘ

" မြန်မာနိုင်ငံမှာတကယ်ရှိခဲ့တဲ့ ဒဏ္ဍာရီလာသတ္တဝါ ရေဆင် "

" သာယာစည်ပြောနိမိတ်ဆောင်ကျဉ်းပါတဲ့ လယ်ထွန်မင်္ဂလာသဘင် "

"အကြားအမြင် အာရုံနှစ်မျိုးစလုံးချို့တဲ့နေခဲ့ပေမယ့် ကမ္ဘာမှာ ဂုဏ်ပြုစံထိုက်သူတစ်ယောက်ဖြစ

" ရှေးခေတ်မျိုးနွယ်စုနှစ်ခုရဲ့ ကိုယ်စားပြုသင်္ကေတအရုပ်ဖြစ်တဲ့ ဖီရှိုး "

" ကျေးလက်ရိုးရာဓလေ့ဖြစ်တဲ့ လမိုင်းနတ်တင်ခြင်းဓလေ့ "

番組について

情報

Z-Lann

エピソード

" ရေသတ္တဝါတိုင်းကြောက်လန့်ကြတဲ့ ဒဏ္ဍာရီလာသတ္တဝါ မကန်းကောင် "

" မြန်မာ့ရိုးရာ ယဉ်ကျေးမှုအမွေအနှစ်တစ်ခုဖြစ်တဲ့ ရှင်ပြုခြင်းဓလေ့ "

" ကိုယ်တကယ်ချစ်တဲ့ အလုပ်ကို ရွေးချယ်လုပ်ကိုင်မယ်ဆိုရင် ဘဝမှာဘယ်တော့မှ အလုပ်ရှားမှာမဟုတ်ဘ

" မြန်မာနိုင်ငံမှာတကယ်ရှိခဲ့တဲ့ ဒဏ္ဍာရီလာသတ္တဝါ ရေဆင် "

" သာယာစည်ပြောနိမိတ်ဆောင်ကျဉ်းပါတဲ့ လယ်ထွန်မင်္ဂလာသဘင် "

"အကြားအမြင် အာရုံနှစ်မျိုးစလုံးချို့တဲ့နေခဲ့ပေမယ့် ကမ္ဘာမှာ ဂုဏ်ပြုစံထိုက်သူတစ်ယောက်ဖြစ

" ရှေးခေတ်မျိုးနွယ်စုနှစ်ခုရဲ့ ကိုယ်စားပြုသင်္ကေတအရုပ်ဖြစ်တဲ့ ဖီရှိုး "

" ကျေးလက်ရိုးရာဓလေ့ဖြစ်တဲ့ လမိုင်းနတ်တင်ခြင်းဓလေ့ "

番組について

情報