牛哥解經（17）：牟宗三易經思想2丨以「始、壯、究」以及「幾」閱讀世界丨《周易哲學演講錄》第二講，〈幾──採取最開始最具體最動態的觀點看事件〉

引子 上集，我哋跟住牟宗三分開咗邏輯同玄思，佢認為中國哲學係以玄思高於邏輯。但我哋要留意呢句說話係咩意思： 依家唔係話中國哲學唔講邏輯，而係邏輯講唔盡中國哲學。 所以，要入手中國哲學，一定係從解釋概念之間嘅關係開始，但係去到更進階嘅時候，就要從邏輯嘅基礎之上，再用玄思作為思考工具。為中國哲學嘅玄思奠基嘅經典，就係《易經》。今集，我哋就要睇下《易經》點樣睇事件，以及「幾」係啲乜嘢意思。今集內容分成三個部分。 「拋物線」：講講術語「始、壯、究」嘅意思。仲要分別出事件同本體。 「幾：中國自然哲學」：「幾」係一個非常重要嘅概念，要了解宋明理學，就一定要熟悉呢個字眼。 「懷德海：西方自然哲學」：牟宗三喺其他著作唔提及懷德海，原來佢係咁睇懷德海……