牛哥講經丨廣東話哲學、書籍分享

宗教起源3:神明最早嘅形象係「萬獸之主」?人類學家透過分析人類特性,解釋宗教來源丨生活雜談EP27丨《造神》第二章

Sólo para personas con suscripción
上次生活雜談,我哋就快要講到夢嘅理論。而夢嘅理論唔係得科學家有興趣。人類學家更以此作為宗教起源嘅起點。咁我哋就順便復活下宗教起源呢個系列。 宗教起源上集(ep14),我哋提到布勒伊神父喺沃爾普岩洞群岡到一個神像。而佢對呢個神像嘅理解,由巫師轉成神明,宗教歷史學家亨利・佩爾內 (Henry Pernet)咁樣總結布勒伊神父嘅轉變: 「起初這個人物被詮釋為代表一位跳舞的巫師。在進一步思索後,布勒伊做出結論,認為祂不是一位巫師,而是一位神祇,代表現今所謂的動物主宰......然而,『巫師』這個名 字已經和這個形象聯繫在一起,祂的名字從未被文學裡的 『角神』一詞取代。需要注意的是,對於布勒伊來說,這位神祇『和祂的人類使者一樣,裝飾著同樣象徵魔法力量的符號(面具)』(Begouen and Breuil, 1958:54)。因此,祂是一位戴著面具的神祇。」(Henry Pernet, Ritual Masks:Deception and Revelations (Eugene, Ore.: Wipf and St ock, 1992),第26頁。 ) 呢一個神像,或者係最早被設想出嚟嘅神明,人相信呢個神明,就係「動物的主宰、森林的統治與守衛者」。佢擁有神奇力量,人會向佢祈禱,求佢引導獵人搵到獵物;佢可能會怒火中燒,令動物消失,人又可以用獻祭嚟安撫佢。因為佢掌握住所有動物嘅靈魂,佢可以釋放野獸到野外,又可以將被獵殺嘅野獸嘅靈魂回收——佢就係萬獸之主。 萬獸之主嘅形象流傳之廣(下文會提到點廣法),令人類學、社會學、心理學家有一個疑問——人點解會相信「靈界生物」(Spiritual being)呢?呢種宗教衝動(religious impulse)對人類嘅文明建立有無關係呢?智人係唔係第一個展現出宗教信仰嘅物種呢?有無可能有更早嘅人類物種已經有信仰嘅證據呢? 為咗回答以上問題,我哋會睇下唔同學科所作出嘅回答,內容包括以下部分: 萬獸之主 宗教衝動與宗教人屬 泰勒:宗教源自夢境 穆勒、馬瑞特:宗教源自超自然感受 涂爾幹:宗教作為社會黏合劑 精神分析:根源恐懼 由於內容太多,「涂爾幹:宗教作為社會黏合劑」,「精神分析:根源恐懼」將會拆成下集嚟講。