牛哥講經會員專屬內容

立即收聽《牛哥解經》、《西哲幼稚園》、《生活雜談》！（支持牛某製作不同內容）

3 días gratis, luego $199.00 cada mes

牛哥講經丨廣東話哲學、書籍分享

讀物農莊 Anybooks Farm
  • 0.0 (0)
  • LITERATURA
  • CADA SEMANA

牛哥講經，用廣東話詮釋經典畀你聽。 🐂🐂🐂🐂🐂 夜晚瞓唔著就睇書，睇書就記錄下所思所想。主要睇哲學、政治、歷史。 香港人，就用香港話講經。每星期開講。 Instagram： @cowgortalk YouTube：讀物農莊 Anybooks Farm Patreon： patreon.com/cowgortalk 文字版：cowgortalk.wordpress.com 如果對會員podcast (牛哥解經、西哲幼稚園、生活雜談）有興趣，記得成為Patreon會員；或者參加到Spotify 嘅Paid Subscriber: https://podcasters.spotify.com/pod/show/cowgortalk/subscribe 可以去https://open.spotify.com/show/6arTIDfqLrebjBvibr811k?si=c52990eb056a4dbe 睇睇會員podcast嘅主題！ 期待你嘅加入！

  1. 【廣東話字幕】牛哥三個字｜孤獨感：人嘅依傍應該落在何方？──老子與林家謙嘅孤獨自白

    HACE 10 H

    【廣東話字幕】牛哥三個字｜孤獨感：人嘅依傍應該落在何方？──老子與林家謙嘅孤獨自白

    【此為廣東話字幕之重製版本】 呢次牛哥三個字會係一次三部曲，三部曲依次係：孤獨感、被拋擲、無條件。希望你會鍾意。今集係第一部曲，會講講「孤獨感」，呢次（同下次）三個字會作為ep.55嘅補充，未聽記得聽返。唔知你最近一次感到孤獨係幾時呢？你有無諗過孤獨嘅意義？我會話，所有嘅宗教、哲學都係始於孤獨感，孤獨感提出疑問「人嘅依傍應該落在何方？」而宗教同哲學就為此去作出解答，兩種截然不同嘅解答。為此，我喺度落個斷言，「所有相信宗教嘅人都係孤獨」、「所有哲學家都係孤獨」。一陣再解釋。今次我會用老子嘅自述、林家謙嘅一人之境去解構一下孤獨感。講講點解會感到孤獨感、孤獨感嘅來源、同埋感受到孤獨感嘅後果。依家，我哋聽聽一段深夜N車嘅自說自話。

    22 min
  2. 【自由悖論】（上）：《進擊的巨人》頭十集已經暗示艾連同阿爾敏嘅最終分歧！？對帕拉迪島人嘅恐懼，係必要之惡——以傅柯理論解釋丨有文有路（16）丨《古典時代瘋狂史》

    HACE 3 DÍAS

    【自由悖論】（上）：《進擊的巨人》頭十集已經暗示艾連同阿爾敏嘅最終分歧！？對帕拉迪島人嘅恐懼，係必要之惡——以傅柯理論解釋丨有文有路（16）丨《古典時代瘋狂史》

    最近重睇緊《進擊的巨人》嘅動畫，我發現諫山創喺頭十集已經鋪墊咗艾連同阿爾敏嘅最終分歧嘅原由。 而呢個伏筆當中所強調嘅恐懼，其實貫穿咗整部《進擊的巨人》。回想聯合軍對於帕拉迪島人嘅恐懼，我發現可以對應到之前講《古典時代瘋狂史》嗰陣，傅柯對恐懼嘅刻畫，所以我哋會分析一下，聯合軍點解會認為清除帕拉迪島人會係必要之惡，甚或係神聖任務。 歡迎你返到嚟有文有路（16），有文有路，文化方見道。依家，我哋先回憶伏筆嘅情節，之後先再解釋伏筆何在。 本集章節： 00:00 開講 10:29 解釋伏筆 🐮 Follow IG：https://www.instagram.com/cowgortalk 🐂 加入讀物農莊，一齊閱讀，一齊討論！ https://www.patreon.com/cowgortalk 【文稿可於Patreon免費閱讀】 成為頻道會員並獲得福利： https://www.youtube.com/channel/UC6i3xQE-WhlKsu9l1cqzEQw/join 【聽Podcast】 🎧 Apple Podcast：https://podcasts.apple.com/podcast/id... 🎧 Spotify：https://open.spotify.com/show/0yFR7YK... 🎧 Google Podcast：https://bit.ly/3Cknf1m 🎧 KKBOX：https://bit.ly/3RneS9t

    20 min
  3. 《人類大歷史》作者哈拉瑞最新作，《連結》（5）丨【詩人建國，文件治國】——簡述以色列嘅真正建國史；文件點解係反人類天性？丨得閒讀書會（21）丨〈文件 紙老虎也會咬人〉

    25 AGO • SÓLO PARA PERSONAS CON SUSCRIPCIÓN

    《人類大歷史》作者哈拉瑞最新作，《連結》（5）丨【詩人建國，文件治國】——簡述以色列嘅真正建國史；文件點解係反人類天性？丨得閒讀書會（21）丨〈文件 紙老虎也會咬人〉

    喺上一章我哋提到，「故事」係人類最早研發出嚟嘅重要資訊技術，奠定咗人類所有大規模合作嘅可能性，亦都令到人類成為咗地球上最強大嘅動物。但係，故事作為資訊技術，亦都有佢嘅限制。 要明白故事嘅限制，就要從佢嘅原型開始講起。之前提到「國家是主體間的現實」，咁就係講緊國家就係一種重要嘅故事。而好多國家最早都係出現喺詩人嘅想像當中。 就好似依家嘅以色列人回想起艾倫索恩同地下組織 NILI，就會話佢哋就係最早嘅猶太復國主義者，從1910年代開始，就冒着生命危險，喺巴勒斯坦建立一個猶太國家。我哋可以追問， NILI嘅成員又係從邊度得到建國嘅諗法呢？ 答案，就係受上一個世代嘅詩人、思想家所啟發，例如係赫茨爾（Theodor Herzl）、比亞利克（Hayim Nahman Bialik）。 我諗哈拉瑞之所以要以以色列建國史作為例子，一方面係因為佢係猶太裔歷史學家，對呢段歷史特別熟悉，另一方面，佢提出國家就係源自於「夢想、詩歌、幻想」，但係佢唔用過去嘅希臘史，咁就係因為佢想表示，即使去到現代，依然搵到例子。 今集內容包括以下部分： 00:00 開講 07:52 建國詩人：從以色列建國史，我哋會見到詩人同理想家點樣成為民族國家嘅基石。以色列嘅建國基石，並唔係由身處耶路撒冷嘅猶太人所建立…… 26:23 治國稅務：人靠住共同情感建國，但治國就唔能夠只講感情——「真正的愛國，是要去好好納稅，讓所有國人都能享受汙水處理系統帶來的好處。」 55:00 書面文件：既然要收稅，即係有好多林林總總嘅數字。偏偏數字同單獨嘅事實係人所唔擅長記憶嘅內容，呢個時候，就需要文件。 1:01:08「所有權」：我哋會從兩個土地使用權嘅情況（口述文化（oral culture）同文件），對比出文件嘅作用 1:13:29 有資料，就要搵資料：文件好好用，但係文件始終對人嚟講係一大麻煩…… 建議配合集數： 生活雜談EP5：中東宗教1丨亞伯拉罕諸教的初期處境：阿拉伯半島上的異教徒、共生與壓迫丨《被隱藏的眾神》 S2EP5 進入神話原型視角，理解古人點解咁「迷信」｜原型與模仿｜《宇宙與歷史：永恆回歸的神話》（一） S2EP6 古人對時間嘅理解同你差天共地？睇下初民點解放棄歷史，進入時間輪迴｜時間與反覆｜《宇宙與歷史：永恆回歸的神話》（二） 依家，我哋嚟睇睇詩人點樣用故事建國先。 逢星期三夜晚九點直播 （如有字幕，字幕由ai生成，我無時間檢查，如有需要，自行取用） 閱讀材料： 《連結》 🐮 Follow IG：https://www.instagram.com/cowgortalk 🐂 加入讀物農莊，一齊閱讀，一齊討論！ https://www.patreon.com/cowgortalk 【文稿可於Patreon免費閱讀】 成為頻道會員並獲得福利： https://www.youtube.com/channel/UC6i3xQE-WhlKsu9l1cqzEQw/join 【聽Podcast】 🎧 Apple Podcast：https://podcasts.apple.com/podcast/id... 🎧 Spotify：https://open.spotify.com/show/0yFR7YK... 🎧 Google Podcast：https://bit.ly/3Cknf1m 🎧 KKBOX：https://bit.ly/3RneS9t

    2 h y 1 min
  4. 【智人：最八卦嘅靈長類】簡述始於七萬年前嘅認知革命；三個理論，說明智人語言嘅獨特之處丨生活雜談EP38丨《人類大歷史》（3）丨哈拉瑞史觀4.1

    24 AGO • SÓLO PARA PERSONAS CON SUSCRIPCIÓN

    【智人：最八卦嘅靈長類】簡述始於七萬年前嘅認知革命；三個理論，說明智人語言嘅獨特之處丨生活雜談EP38丨《人類大歷史》（3）丨哈拉瑞史觀4.1

    我哋喺《人類大歷史》嘅第一章提到，雖然智人一早喺十五萬年前就已經出現咗喺東非，但係一直要去到大約七萬年前，智人先開始大規模咁樣遷徙到其他地區，而咁啱得咁蹺，其他人種就開始慢慢滅絕。 其實，喺幾萬年前，呢啲遠古嘅智人嘅外表已經同我哋非常之神似，大腦容量亦都差唔多，但係佢哋相比起其他人種，睇唔到有啲乜嘢特別嘅優勢，亦都無乜嘢犀利嘅工具，喺人種之間，表現平平無奇。 甚至，喺十萬年前，有幾班智人已經率先離開東非，向北遷徙到地中海嘅東部，踏入到尼安德洛塔人嘅領域，但係冇幾耐之後，佢哋就定居唔到落去。呢一班智人失敗嘅原因，冇人能夠確知，可能係因為當地人太過強大、亦都可能因為當地嘅氣候過於寒冷、又或者適應唔到當地嘅寄生蟲。無論原因係乜嘢，我哋都能夠知道，喺七萬年前嘅大遷徙之前，智人一早已經嘗試過遷移，只係失敗告終，而尼安德塔人仍然係中東嘅霸主。 正正係因為智人嘅表現睇落唔係咁好，所以有一啲學者推測，呢一啲智人嘅大腦內部結構仍然同我哋好唔同。即係size上係差唔多，但係認知能力（學習、記憶、溝通）仍然好受限，而你可能同唔到呢啲遠古智人溝通，因為佢哋未必學得識廣東話、接受馬克思主義嘅教條、明白演化論。 「（不過，就算是我們想要學習他們的語言、理解他們的思維方式，可能也同樣困難無比。）」 但係呢支歌仔，去到七萬年前左右就唔同晒。因為呢一次智人係離開東非第唔知幾次行動，總之呢次，智人將尼安德塔人同其他人類物種趕出中東（後嚟仲趕出地球）。冇幾耐之後，智人嘅領地就去到歐洲同埋東亞，喺大約四萬五千年前，佢哋跨過海洋，抵達從來冇人類居住嘅澳洲大陸。 喺七萬年前到三萬年前之間，智人發明咗船、油燈、弓箭、針（可以織布）。 「而且，第一項確實能稱為藝術或珠寶的物品，正是出現在這段期間；同時，也有了確切的證據，證明已經出現宗教、商業和社會分層。」 以上嘅成就係點解能夠得以發生？大部份研究人員相信，咁係因為智人嘅認知能力有咗革命性嘅進展。而喺七萬年前之後嘅智人，亦即係嗰班令尼安德塔人滅絕、移居澳洲、雕出施泰德獅人雕像嘅智人，已經同你我同樣聰明、有創意、反應靈敏。照道理，如果我哋遇到呢班人，應該可以學識彼此嘅語言，亦都可以溝通、交流彼此嘅知識。 呢段七萬年前到三萬年前嘅時間段，哈拉瑞稱之為「認知革命」。 今集內容包括以下部分： 第一部分，認知革命，我哋會睇下三個理論點樣講述人類語言嘅特點——我哋會睇下綠猴觀察、八卦同虛構故事。 第二部分，自然門檻：靈活黑猩猩，簡述黑猩猩嘅社會係點樣運作，以此對比出智人嘅合作係幾咁靈活。 第三部分，八卦門檻，第一個部分講到八卦幾有用，但係八卦都係佢嘅限制……

    36 min
  5. （試聽版）【生物學下嘅「奇行種」】「從整個歷史來看，過去多種人種共存其實是常態，現在地球上只有「一種人」，這才是異常。」——智人為咗能夠思考，付出咗幾大代價？丨生活雜談E

    24 AGO · CONTENIDO EXTRA

    （試聽版）【生物學下嘅「奇行種」】「從整個歷史來看，過去多種人種共存其實是常態，現在地球上只有「一種人」，這才是異常。」——智人為咗能夠思考，付出咗幾大代價？丨生活雜談E

    話說，喺大約一百三十五億年前，宇宙發生咗一場大霹靂（Big Bang），物質、能量、時間同空間就咁出現。呢啲宇宙嘅基本規律同特徵，就係「物理學」嘅研究範圍。 過咗大約三十萬年，物質同能量開始結合，形成更複雜嘅結構，變成原子，再由原子組成分子。關於原子同分子嘅交互作用嘅故事，就係「化學」嘅世界。 大約三十八億年前，喺地球呢粒行星上，有啲分子連繫起來，形成一種好複雜又精細嘅結構，叫做生物。生物嘅故事，就係「生物學」嘅內容。 但係，「物理學」、「化學」、「生物學」嘅一直都無被任何存在發現，直到到咗大約七萬年前，有啲屬於智人（Homo sapiens）呢個物種嘅生物開始創造更複雜嘅架構，叫做文化。文化累積，就構成各種各樣嘅學科，得以認識呢個世界（包括以上所講嘅「物理學」、「化學」、「生物學」）。而認識人類文化嘅代代發展，就係「歷史學」嘅基礎。 《人類大歷史》嘅作者哈拉瑞認為，人類歷史有三大重要轉捩點： 首先，七萬年前嘅「認知革命」，令人類有咗語言同想像力，歷史正式開始。 跟住，一萬二千年前嘅「農業革命」，人類開始種植同養殖，歷史嘅步伐加快咗發展。 到咗五百年前，「科學革命」出現，改變咗人類嘅思維同生活方式，歷史進入全新階段。 呢本書想要講述嘅，就係呢三大革命點樣影響人類同其他生物嘅命運。 而喺開始嘅時候，我哋首先要過一過界，離開一下歷史嘅範圍，先講一講「生物學」嘅內容，咁就能夠更加了解到「認知革命」對人類有啲乜嘢影響。今集內容包括： 古人與動物：兩百五十萬年前，已經有一班同現代人好似樣嘅「遠古人類」出現，但佢哋同動物嘅差異，比你想像中近好多。 生物分類：我哋先認識下生物分類，咁你就會明白一個屬之下得一個人種係一件幾奇怪嘅事 智人黑歷史：地球上曾經有其他人種，對智人而言係一個可能嘅黑歷史…… 思考之代價：為咗思考，人類付出咗幾大代價？

    17 min
  6. 【認知科學解宗教起源】宗教起源5：認知科學家話，「宗教首先且根本上是一種神經系統現象」；從樹中之臉，尋找「宗教衝動真正的演化起源。」丨生活雜談EP37丨《造神》第三章

    19 AGO • SÓLO PARA PERSONAS CON SUSCRIPCIÓN

    【認知科學解宗教起源】宗教起源5：認知科學家話，「宗教首先且根本上是一種神經系統現象」；從樹中之臉，尋找「宗教衝動真正的演化起源。」丨生活雜談EP37丨《造神》第三章

    上兩集我哋提到人類學家、心理學家、社會學家對於宗教衝動嘅解釋，但《造神》嘅作者就指出，以上理論都有佢哋所解釋唔到／不足嘅地方。 今次，作者就要同我哋講講研究宗教嘅認知科學家嘅理論——認知科學家認為「宗教首先且根本上是一種神經系統現象」而佢哋所提出嘅理論，就係嘗試解釋人類點樣產生宗教衝動嘅起源。原來有一種不自主嘅反應係「人類信仰神的基礎：是宗教衝動真正的演化起源。」 今集內容包括： 樹中之臉：呢一集都會圍繞一個想像出嚟嘅夏娃故事——夏娃見到樹中有個面孔。 HADD：所謂HADD，係人類大腦擁有「高度敏感能動作用檢測機制」（Hypersensitive Agency Detection Device，簡稱HADD）。認知科學家認為，HADD對人類信仰神明起咗基礎作用，係「宗教衝動真正的演化起源」 心智理論：「心智理論」（Theory of Mind）係大腦嘅一種執行功能，令人可以將自己嘅感受同思想投射到其他人，甚至係「表現出人類特徵的非人類」身上。配合HADD，就能夠更完整咁解釋宗教衝動起源 傳教者：有人有宗教感受，係唔足以構成宗教，認知人類學家帕斯卡爾．博耶（Pascal Boyer）指出，傳教者可以靠住一個傳播機制，令宗教感受傳揚開去。 總結 一切故事，要由喺樹幹當中見到一個面開始講起。

    47 min
  7. 《人類大歷史》作者哈拉瑞最新作，《連結》（3）丨【被虛構維繫嘅世界】——美國憲法同〈十誡〉有咩本質上嘅唔同？點解人類需要虛構故事嚟維繫秩序？丨得閒讀書會（20）丨〈故事 無限

    17 AGO • SÓLO PARA PERSONAS CON SUSCRIPCIÓN

    《人類大歷史》作者哈拉瑞最新作，《連結》（3）丨【被虛構維繫嘅世界】——美國憲法同〈十誡〉有咩本質上嘅唔同？點解人類需要虛構故事嚟維繫秩序？丨得閒讀書會（20）丨〈故事 無限

    「國家是主體間的現實」 國家係乜嘢？雖然霍布斯指出國家就係一隻聖經所描述嘅怪獸——利維坦，但實際上，國家唔係一樣生勾勾嘅嘢可以畀人用科學量度，而佢又的確存在喺人類嘅共同信念當中。 哈拉瑞就明確指出，「國家是主體間的現實」，而國家只係其中一種「主體間的現實」；無論係宗教、法律、貨幣，甚至部落網絡嘅基礎，通通都係「主體間的現實」。我哋會跟住哈拉瑞從以巴衝突到美國獨立、石器時代嘅小遊群到現代社會，一齊睇下故事點樣喺連繫人群以外，給予人類超越其他物種嘅力量，成為｛虛構之王｝。 但係虛構事物並唔保證穩定，如果秩序同真相之間失衡，咁就會出現賈德・戴蒙所講嘅《動盪》，當然，我哋今次唔會繞過去講賈德・戴蒙，而係繼續關注哈拉瑞嘅反思——虛構、權力同人類命運之間嘅相互糾纏。 00:00 開講 08:48 「國家是主體間的現實」：國家嘅存在係靠集體信念，而故事塑造出「主體間的現實」，我哋會由以巴衝突作反思例子 19:52 勝利者——唯物主義之錯誤：哈拉瑞認為唯物主義忽視故事力量，而宗教、民族故事所塑造嘅群體關係，並非單純物質利益能夠解釋，所以佢要直接回應唯物主義（雖然我唔覺得佢回應緊一個強嘅唯物主義） 46:52 虛構之秩序：虛構故事可以維繫社會秩序，團結數以百萬人，我哋會以美國憲法作為例子嚟理解 1:11:49 虛構唔等於大話（fiction，都有可能係non-lie）：美國憲法係虛構，但佢係唔係大話？ 1:16:02 社會秩序唔等於公平正義：美國憲法同十誡之間有一個重要差異；如果虛構故事唔承認自己係虛構，咁會發生咩事？ 1:23:23 行鋼線嘅虛構故事：「回顧人類資訊網路的歷史，會發現這並不是一場進步的遊行，而是像在走鋼索，試圖在真理真相與秩序之間取得平衡。」 逢星期三夜晚九點直播 （如有字幕，字幕由ai生成，我無時間檢查，如有需要，自行取用） 閱讀材料： 《連結》

    2 h y 11 min
  8. 牛言信箱（1）：本月主題：閱讀——共讀唐君毅《人生之體驗》

    14 AGO

    牛言信箱（1）：本月主題：閱讀——共讀唐君毅《人生之體驗》

    每月最後一個星期三夜晚九點直播（如有字幕，字幕由ai生成，我無時間檢查，如有需要，自行取用）虛冲，【五律】牘獨讀以下為此詩之註： [1] 押廣東話 /oeng/ 韻。 [2] 牘：讀音「讀 /duk9/」。 [3] 晉．陶淵明〈自祭文〉：「欣以素牘，和以七絃。」，此指書籍。 [4]《晉書．卷一一．天文志上》：「東壁二星，主文章，天下圖書之祕府也。」此指藏書之處。 [5] 晉．陶淵明〈與子儼等書〉：「常言五六月中，北窗下臥，遇涼風暫至，自謂是羲皇上人。」比喻悠閑自得。 [6] 《文選．曹丕．燕歌行》：「明月皎皎照我床，星漢西流夜未央。」夜未盡。本集內容：開始 00:00第一篇投稿 00:35 第二篇投稿 1:19:53 唐君毅，《人生之體驗》1:37:28說文化 1:38:21🐮 Follow IG：https://www.instagram.com/cowgortalk🐂 加入讀物農莊，一齊閱讀，一齊討論！https://www.patreon.com/cowgortalk【文稿可於Patreon免費閱讀】成為頻道會員並獲得福利：https://www.youtube.com/channel/UC6i3xQE-WhlKsu9l1cqzEQw/join【聽Podcast】🎧 Apple Podcast：https://podcasts.apple.com/podcast/id...🎧 Spotify：https://open.spotify.com/show/0yFR7YK...🎧 Google Podcast：https://bit.ly/3Cknf1m🎧 KKBOX：https://bit.ly/3RneS9t

    2 h y 34 min
Ver todo (305)

Tráiler

Acerca de

牛哥講經，用廣東話詮釋經典畀你聽。 🐂🐂🐂🐂🐂 夜晚瞓唔著就睇書，睇書就記錄下所思所想。主要睇哲學、政治、歷史。 香港人，就用香港話講經。每星期開講。 Instagram： @cowgortalk YouTube：讀物農莊 Anybooks Farm Patreon： patreon.com/cowgortalk 文字版：cowgortalk.wordpress.com 如果對會員podcast (牛哥解經、西哲幼稚園、生活雜談）有興趣，記得成為Patreon會員；或者參加到Spotify 嘅Paid Subscriber: https://podcasters.spotify.com/pod/show/cowgortalk/subscribe 可以去https://open.spotify.com/show/6arTIDfqLrebjBvibr811k?si=c52990eb056a4dbe 睇睇會員podcast嘅主題！ 期待你嘅加入！

Información

También te podría interesar