អាជីវករលក់ផលិតផលដាច់ស្ទើរអស់ពីស្តុកក្នុងពិព័រណ៍ផលិតផលខ្មែរឆ្នាំ២០២៥

ខណៈការធ្វើពហិការមិនប្រើផលិតផលនាំចូលមកពីប្រទេសថៃកាន់តែមានសន្ទុះខ្លាំងនៅប្រទេសកម្ពុជា ផលិតផលក្នុងស្រុកកាន់តែទទួលបានការចាប់អារម្មណ៍និងការគាំទ្រខ្ពស់ពីពលរដ្ឋខ្មែរ។ ជាក់ស្តែងនៅក្នុងព្រឹត្តិការណ៍នៃការរៀបចំពិព័រណ៍ផលិតផលខ្មែរឆ្នាំ២០២៥ ដែលបានប្រព្រឹត្តទៅរយៈពេលបីថ្ងៃ ចាប់ពីថ្ងៃទី១១ដល់ថ្ងៃទី១៣ ខែកញ្ញា ឆ្នាំ២០២៥ នៅឯមជ្ឈមណ្ឌលសន្និបាតនិងពិព័រណ៍កោះពេជ្រ អាជីវករខ្មែរមួយភាគធំបាននិយាយព្រមៗគ្នាថាពួកគាត់បានលក់ផលិតផលរបស់ខ្លួនដាច់ស្ទើរអស់ៗពីស្តុក។