牛哥講經丨廣東話哲學、書籍分享

讀物農莊 Anybooks Farm
  • 5.0（1則評分）
  • 書籍
  • 每週更新
牛哥講經丨廣東話哲學、書籍分享
牛哥講經會員專屬內容

立即收聽《牛哥解經》、《西哲幼稚園》、《生活雜談》！（支持牛某製作不同內容）

免費試聽 3 天，之後 $320.00/月。

牛哥講經，用廣東話詮釋經典畀你聽。 🐂🐂🐂🐂🐂 夜晚瞓唔著就睇書，睇書就記錄下所思所想。主要睇哲學、政治、歷史。 香港人，就用香港話講經。每星期開講。 Instagram： @cowgortalk YouTube：讀物農莊 Anybooks Farm Patreon： patreon.com/cowgortalk 文字版：cowgortalk.wordpress.com 如果對會員podcast (牛哥解經、西哲幼稚園、生活雜談）有興趣，記得成為Patreon會員；或者參加到Spotify 嘅Paid Subscriber: https://podcasters.spotify.com/pod/show/cowgortalk/subscribe 可以去https://open.spotify.com/show/6arTIDfqLrebjBvibr811k?si=c52990eb056a4dbe 睇睇會員podcast嘅主題！ 期待你嘅加入！

  1. 【19世紀嘅浪漫主義簡介】無夏之年與浪漫主義（拜倫主義）：印尼火山爆發，導致瑞士之旅出現反常夏天，五個文青聚喺間屋，結果諗出曠世巨作！？丨 生活雜談EP20—牛哥讀經補充

    4 天前 · 附贈內容 ・ 訂閱者限定

    【19世紀嘅浪漫主義簡介】無夏之年與浪漫主義（拜倫主義）：印尼火山爆發，導致瑞士之旅出現反常夏天，五個文青聚喺間屋，結果諗出曠世巨作！？丨 生活雜談EP20—牛哥讀經補充

    呢集純粹係牛哥讀經（15）丨伯特蘭・羅素2丨傅雷譯，《幸福之路》，〈浪漫底克的憂鬱〉嘅前言，只不過寫得太長，拆成一集。 20世紀，係歐洲陷入迷惘嘅時代。無論係殖民事業嘅衰敗，定係世界大戰嘅慘痛，都足以令當時嘅青年陷入一陣價值懷疑之中，無神論席捲歐洲大地，好多知識份子通過思考，落入難以療癒嘅鬱鬱寡歡。 喺1930年，羅素出版《幸福之路》，入面嘅〈浪漫底克的憂鬱〉(Byronic Unhappiness)就專係為當時憂鬱嘅青年而寫。雖然中文翻譯成浪漫底克（即係依家嘅浪漫）並唔算錯，因為Byronic同romantic之間的確有好大關係，但Byronic確切嚟講，係指「拜倫式的」。 拜倫係指一位十八世紀末出世嘅英國詩人，喬治・戈登・拜倫，George Gordon Byron。 拜倫對於整個西方現代都非常重要，史家托馬斯·巴賓頓·麥考利（Thomas Babington Macaulay）形容到拜倫係：一個自傲、情緒化、玩世不恭、喺眉間充滿反抗、內心痛苦、蔑視同類、有仇必報、但又可以生出深厚而強烈感情嘅人。”a man proud, moody, cynical, with defiance on his brow, and misery in his heart, a scorner of his kind, implacable in revenge, yet capable of deep and strong affection” 呢一種精神，開啟咗狹義嘅浪漫主義時代，亦即係羅素口中嘅Byronic——轉返做noun form，就係Byronism……

    33 分鐘
  2. 《快思慢想》共讀（1）：用系統一、系統二認知你嘅心智盲點丨得閒讀書會（1）丨廣東話讀書會

    4 天前 · 附贈內容

    《快思慢想》共讀（1）：用系統一、系統二認知你嘅心智盲點丨得閒讀書會（1）丨廣東話讀書會

    逢星期三夜晚九點直播 建議於Spotify/ patreon觀看 原片：https://www.youtube.com/live/Ep4inBEheQ4 patreon:https://www.patreon.com/collection/1297291 如果想玩實驗，可以睇呢條片 https://www.youtube.com/watch?v=vJG698U2Mvo 本集章節：  00:00 開講、前言  13:12 緣起  22:25 捷徑直覺  33:05 第二種直覺  42:44 小總結  48:53 講個故事：注意力測試  1:28:33 慕勒－賴爾 (Müller-Lyer) 錯覺  1:36:12 系統一、系統二只係擬人故事！  問答環節 閱讀材料： 《快思慢想》

    1 小時 55 分鐘
  3. 《易經》承認宿命論，定人係自由？面對命運好似做乜都無用，咁to act or not to act？丨哲學即食麵（9）丨劉紀璐，〈「易經》的行動哲學：行動效能性還是宿命論？」〉

    1月26日

    《易經》承認宿命論，定人係自由？面對命運好似做乜都無用，咁to act or not to act？丨哲學即食麵（9）丨劉紀璐，〈「易經》的行動哲學：行動效能性還是宿命論？」〉

    《易經》用64卦、384爻展現出一個萬千變化嘅世界，喺呢個常變嘅世界當中，人應該點樣自處呢？ 用更加哲學嘅方式表述，就可以將個問題轉換成：人嘅行為係受情境制定，定係依然能夠擁有行動嘅自主性？通常嚟講，如果受情境制定，就會係較悲觀嘅思想，而能夠擁有行動嘅自主性係係較樂觀嘅思想。 將以上問題綜合，我哋就要可以問：《易經》展示出一種宿命論，定還是容許人類嘅行動效能以及自由呢？ 自然與人事 如果你問劉紀璐，《易經》係唔係一種宿命論呢？ 劉紀璐就會答你，「在《易經》中，並非每件事都完全被決定，但亦非一切皆出於偶然。」我哋呢度應該點理解呢？ 咁我哋就要用返之前喺《簡介《易經》宇宙論基礎》所提到嘅內容，「這是一本關於宇宙和人類世界的書，由於宇宙持續變化，因此每個事態都帶有轉化成另一種事態的因子。」 詳情聽返之前嘅集數，但依家都會解釋一下。 中國文化睇時間唔係從單純嘅時間前後嚟睇，而係從事態去睇時間。

    38 分鐘
  4. 牛哥讀經（14）丨伯特蘭・羅素1丨如果想開心，不如「一天天的少關心自己」？羅素為你分析人類三大心病，揭露畏罪狂、自溺狂、自大狂嘅共通點丨傅雷譯，《幸福之路》，〈甚麼使人不快

    1月24日 · 附贈內容 ・ 訂閱者限定

    牛哥讀經（14）丨伯特蘭・羅素1丨如果想開心，不如「一天天的少關心自己」？羅素為你分析人類三大心病，揭露畏罪狂、自溺狂、自大狂嘅共通點丨傅雷譯，《幸福之路》，〈甚麼使人不快

    印象中，羅素嘅哲學唔容易睇。但係羅素寫一啲通俗讀物，又真係寫得唔錯。最起碼咁講，佢係少數唔寫文學作品，靠住寫哲學史寫到拎諾貝爾文學獎嘅人。 今次同大家睇佢所寫嘅書仔，《幸福之路》。呢本書行文相當親切，無太多理論、徵引，只係羅素記錄低對自己行之有效嘅幸福方法。佢喺序言寫到： 「這部書不是獻給博學之士的，也不是給那般把實際問題作爲談助的人的。在以下的篇章內，既無高深的哲理，也無淵博的徵引。我只把通情達理的一些意見歸納起來。配合這張獻給讀者的方子時，我所探取的學說都是由我自己的經驗和觀察證實過的，而且我每次遵從這些學說時都會增加我的幸福的。爲了這個緣故，我敢希望在無數感着憂鬱之苦而不自溺於憂鬱的男女中間，能有一部分在此找到他們的病案和逃避之法。因爲相信不少煩惱的人憑着適當的努力可以戀得幸福，所以我才寫下這部書。」 羅素對於理論預設，向來無咩好感。呢一個富有懷疑精神嘅哲人所記低嘅方法，平實，但似乎正正係現代人所需。書分成上下兩部分，上部分講不幸福嘅原因，下部分先講點樣幸福。 今次，我哋先睇下羅素點刻畫現代人嘅唔幸福先。

    30 分鐘
  5. 牟宗三思想入門（4）：牟宗三解錯伊甸園神話？一次分清憂患意識、原罪意識、苦業意識，簡介四聖諦（苦集滅道）──《中國哲學的特質》丨中哲共讀（17）

    1月22日

    牟宗三思想入門（4）：牟宗三解錯伊甸園神話？一次分清憂患意識、原罪意識、苦業意識，簡介四聖諦（苦集滅道）──《中國哲學的特質》丨中哲共讀（17）

    逢星期三夜晚九點直播 https://www.youtube.com/live/dVwuWiLJ4mo?si=7w4KNlkXhmEirp2y 繼續講《中國哲學十九講》前傳——《中國哲學的特質》。 00:00 上回總結 04:58 恐怖意識 11:45 苦業意識 37:26 憂患意識 01:21:46 伊甸言人性 問答環節 閱讀材料： 《中國哲學的特質》 第三講〈 憂患意識中之敬、敬德、明德與天命 〉 縮圖使用畫作：The Garden of Eden with the Fall of Man by Jan Brueghel the Elder and Pieter Paul Rubens, c. 1615

    1 小時 39 分鐘
  6. S2EP51 《心經》基本前置知識（下）：略講般若。空理係大乘佛教嘅革命？一個「空」字，串連「因緣和合」同「三法印」丨印順法師，《般若波羅蜜多心經講記》、《中觀今論》

    1月16日

    S2EP51 《心經》基本前置知識（下）：略講般若。空理係大乘佛教嘅革命？一個「空」字，串連「因緣和合」同「三法印」丨印順法師，《般若波羅蜜多心經講記》、《中觀今論》

    我哋上集主要講咗《般若波羅蜜多心經》嘅「波羅蜜多」。今次，我哋就要講一講箇中嘅「般若」。印順法師認為，般若雖然內容上深細難了，但亦可以日常見聞當中去入手了解。 我哋喺S1EP1-3嘅集數，講到一行禪師表述「互即互入」(inter-be)呢個概念。今次，就聽下印順法師點講。 今集內容分成咗四個部分。 第一部分，係「原因條件的假合」。我哋會開始講講印順口中嘅原因條件的假合係咩意思，分別解釋因緣同和合嘅意思，亦會用西方嘅substance作對比。我哋可以用兩個英文單字，捕捉傳統西方哲學同佛學對「物」嘅理解嘅分別。 第二部分，係「三法印」。我哋會以三法印嘅意思，嚟深化「原因條件的假合」嘅內容。 第三部分，係「空的革命」。我哋會用般若串連因緣和合、三法印，大乘佛教更視空為「充滿革命的積極性」。 第四部分，係「我執，法執」。最後，我哋就要睇下空同我執、法執嘅關係。 呢集有相當難度，建議各位配合文稿一齊睇。另外，呢集係先難後易。

    57 分鐘
  7. 牟宗三思想入門（2）：從齊克果睇出基督教精神；存在主義向上一翻就係中國哲學？──《中國哲學的特質》丨中哲共讀（15）丨廣東話讀書會

    1月15日

    牟宗三思想入門（2）：從齊克果睇出基督教精神；存在主義向上一翻就係中國哲學？──《中國哲學的特質》丨中哲共讀（15）丨廣東話讀書會

    建議到Spotify/patreon睇片 原片： https://www.youtube.com/watch?v=d7ap9b3UfAk&t=4864s 第18集已經改善錄音，暫時請忍耐 逢星期三夜晚九點直播 IG投票係牟宗三嘅《中國哲學十九講》勝出，但《中國哲學十九講》有前傳——《中國哲學的特質》。 《中國哲學的特質》嘅第一講最後提到存在主義，而牟宗三喺《人文講習錄》講到：「所以對我們了解中國自己之學問而言，存在主義是一刺激、一挑戰，從它那裡再進一步往上翻，則良知心性可徹底透露，全體放光。」《人文講習錄》，頁179 所以我會喺呢度講講中國哲學同存在主義之間嘅關係。 00:00 開始，緣起 09:21 中國哲學，能講乎？ 37:52 中國哲學之形態與特質 1:12:36 齊克果 1:23:48 牟宗三回應齊克果 1:43:19 總結 唔經唔覺就搞咗15次中國哲學嘅讀書會 原本搞「中哲共讀」呢個系列都係想逼下自己讀書，做做下又發覺幾有意思。 途中認識到唐君毅同牟宗三喺二十世紀諗住整個「人文友會」，而佢哋事實上真係試過做，牟宗三喺臺灣搞過五十一次嘅聚會，就係想每一兩個星期都可以有一次聚會，等對中國哲學有興趣嘅人可以聚首一堂，定期咁接收下中國思想嘅薰陶。而其中一次人文友會嘅對話令我印象好深： 吳自甦問：「在我們這個聚會裡，實能有一種恬靜舒坦的意味。我每次參與，雖未得到一定系統的知識，然總覺得愉快。其意義我也說不出，過後也就忘了，現在才略覺其意義。」 牟宗三答：「這就是好消息，有此愉快之情，須能覺察其意義，此後雖可有間斷，然不致全忘了，時時提撕、時時警策，便可從此了悟許多眞理。」 讀中國哲學未必當下就明到，經過年月，慢慢就會略覺意義，又感到恬靜舒坦。 「中哲共讀」當然遠遠唔及「人文友會」，但我希望「中哲共讀」可以做到超過五十一次，甚至一直做落去。 2025年1月1日就係第16次嘅「中哲共讀」，今年唔知完唔完成到五十一次呢？

    2 小時 19 分鐘
  8. 【faker書單】睡眠的秘密2：跟住科學家一步步搵出「或許稱得上是所有睡眠研究中最重要的發現。」簡介睡眠週期——快速動眼睡眠（REM睡眠）同非快速動眼睡眠（NREM睡眠）點樣構成睡眠結構

    1月15日 ・ 訂閱者限定

    【faker書單】睡眠的秘密2：跟住科學家一步步搵出「或許稱得上是所有睡眠研究中最重要的發現。」簡介睡眠週期——快速動眼睡眠（REM睡眠）同非快速動眼睡眠（NREM睡眠）點樣構成睡眠結構

    喺上集（S2EP35），我哋講到基因同睡眠嘅關係，今次，我哋要慢慢關注返每一個人嘅睡眠週期。 根據非正式統計，九成嘅都市人都覺得自己唔夠瞓。若然要用科學啲嘅方法，有咩方法可以知道自己平時瞓得夠唔夠呢？完整嘅答案，當然需要臨床判斷。但係簡單嘅答案就可以靠簡單嘅問題得出。 第一，每朝瞓醒之後，你可唔可以喺朝早十點或者十一點左右瞓個回籠覺？如果可以嘅話，咁你好可能瞓得唔夠或者睡眠質素唔係咁好（當然都可以係both）。 第二，你可唔可以喺冇咖啡因嘅情況之下，喺中午之前以理想嘅狀態運作？如果唔得嘅話，咁你好可能係靠住咖啡因之類嘅藥物，嚟應付自己長期睡眠不足嘅狀態。 瞓得唔夠嘅其中一個後果，就係腺苷喺你體內嘅濃度太高，即使你瞓醒咗之後，體內依然殘存住腺苷，就好似差人錢咁，有一筆債務揹喺你個身。 要了解點解瞓得唔夠或者睡眠質素唔係咁好，咁我哋首先要定義一下，咩叫瞓著呢？ 呢個問題看似奇怪，因為我哋平時唔會定義自己點樣先係瞓著。 但係科學家就靠住一步步定義點樣先係瞓著，慢慢發現睡眠嘅特點——原來我哋每次瞓覺，都係喺兩個睡眠階段不斷遊走——快速動眼睡眠（REM睡眠）同非快速動眼睡眠（NREM睡眠）。今集，我哋就要跟住科學家嘅步伐，睇下快速動眼睡眠係點樣被「發現」。 內容包括： 「何謂瞓著：主觀判斷 」：原來瞓著都有分主觀判斷同客觀判斷。我哋會藉由主觀判斷解釋你有時瞓醒嘅時候，覺得時間錯亂嘅感覺。 「客觀判斷：兩種睡眠模式」：我哋會睇下快速動眼睡眠（REM睡眠）同非快速動眼睡眠（NREM睡眠）係點樣被定義出嚟，以及佢哋點樣畫出睡眠週期嘅圖表——睡眠結構圖。仲有雕塑比喻幫你了解REM睡眠同NREM睡眠做緊乜。 「唔夠瞓＝營養不良？」：了解咗睡眠結構圖，你就會明白點解唔夠瞓係一種營養不良嘅意思…… 喺聽主觀判斷嘅時候，你可能會覺得有啲蠢，但係由主觀講到客觀，係想同你一齊感受科學家嘅謹慎。

    37 分鐘
顯示全部 (225)

預告片

簡介

牛哥講經，用廣東話詮釋經典畀你聽。 🐂🐂🐂🐂🐂 夜晚瞓唔著就睇書，睇書就記錄下所思所想。主要睇哲學、政治、歷史。 香港人，就用香港話講經。每星期開講。 Instagram： @cowgortalk YouTube：讀物農莊 Anybooks Farm Patreon： patreon.com/cowgortalk 文字版：cowgortalk.wordpress.com 如果對會員podcast (牛哥解經、西哲幼稚園、生活雜談）有興趣，記得成為Patreon會員；或者參加到Spotify 嘅Paid Subscriber: https://podcasters.spotify.com/pod/show/cowgortalk/subscribe 可以去https://open.spotify.com/show/6arTIDfqLrebjBvibr811k?si=c52990eb056a4dbe 睇睇會員podcast嘅主題！ 期待你嘅加入！

資訊

你可能也會喜歡

若要收聽兒少不宜的單集，請登入帳號。

隨時掌握此節目最新消息

登入或註冊後，即可追蹤節目、儲存單集和掌握最新資訊。
選取國家或地區

非洲、中東和印度

亞太地區

歐洲

拉丁美洲與加勒比海地區

美國與加拿大