Əkinçi

akinchi
  • 5.0 (1)
  • EDUCATION
  • UPDATED WEEKLY
Əkinçi

Müzakirəsinə ehtiyac olan, amma kifayət qədər müzakirə edilməyən mövzular.

  1. 3 DAYS AGO

    Milli kimlik necə formalaşır? | Zaur Şiriyev

    Karnegi Beynəlxalq Sülh Fondunun qeyri-rezident alimi Zaur Şiriyev müasir millət anlayışının çox vaxt XVI-XVIII əsrlərdə millət-dövlətlərinin yaranması ilə, xüsusilə İngiltərə, Fransa və ABŞ-dakı tarixi proseslərlə əlaqələndirildiyini bildirir. Qonağımız qeyd edir ki, milli kimlik kollektiv aidiyyət formasıdır və onu ortaq dil, mədəniyyət və siyasi proseslərdə iştirak müəyyən edir. Lakin onun formalaşmasında əsas amil tarixən ərazi bağlılığı – müəyyən bir torpaqla əlaqə olmuşdur. Bu haqda daha ətraflı yeni müsahibəmizdə.

    12 min

  2. 6 DAYS AGO

    ChatGPT-nin jurnalistikada düzgün istifadəsi | Pəri Abbaslı

    ChatGPT 2022-ci ildən bəri gündəlik həyata sürətlə inteqrasiya olunub və məzmunun strukturlaşdırılması, eləcə də tədqiqat proseslərinin sürətləndirilməsi üçün geniş istifadə edilən bir alətə çevrilib. Jurnalist Pəri Abbaslı ilə bu alətin media sahəsinə təsiri və onun jurnalistləri əvəzləyə biləcəyi ilə bağlı narahatlıqları müzakirə etdik. Qonağımız süni intellektin bir təhlükə kimi deyil, bir vasitə kimi görülməli olduğunu vurğulayır, eyni zamanda bu alətlərin istifadəsi zamanı diqqətli olmağı tövsiyə edir.

    11 min

  3. FEB 13

    Məktəblərdə dram dərslərinin əhəmiyyəti | Aynur Zərrintac

    Dram dərsləri dünyanın bir çox inkişaf etmiş ölkələrində ictimai təhsil proqramının vacib bir hissəsidir. Birləşmiş Krallıq, Kanada, ABŞ, Fransa, Avstraliya, Finlandiya və digər ölkələrdə məktəblərdə tədris edilən dram dərsləri şagirdlərin istedadlarını tətbiq etməsi ilə yanaşı, onların tənqidi düşüncə, özünəinam və sosial bacarıqlarının inkişafına töhfə verir. Yeni videomuzda teatr rejissoru və Ritual Mobil Teatr Laboratoriyasının təsisçisi Aynur Zərrintacla dram dərslərinin məktəblərdə tədrisinin əhəmiyyəti haqqında danışmışıq.

    8 min

  4. FEB 10

    Azərbaycanda dizayn: yerli mühit və qlobal imkanlar | Rəsul Həsən

    Qonağımız, qrafik dizayner və tədqiqatçı Rəsul Həsən bildirir ki, çoxları dizaynı sadəcə estetika ilə əlaqələndirir, lakin dizaynın funksionallıq tərəfi tez-tez unudulur. Onun fikrincə, Azərbaycanda ictimai məkanlar vizual xaos və qeyri-funksionallıq səbəbindən insanların rifahına mənfi təsir göstərir. Yeni videomuzda dizayn təhsilindəki çatışmazlıqlar, ölkədə yaradıcı rəqabətin və yeni ideyaların inkişafına maneə yaradan mühit, eləcə də azərbaycanlı dizaynerlərin özünəinam çatışmazlığı haqqında danışmışıq.

    20 min

  5. FEB 6

    Suyun ədalətli, səmərəli və dayanıqlı idarə ediləməsi | Şəhanə Bilalova

    Su böhranı dünyanın müxtəlif yerlərində icmalara və iqtisadiyyatlara ciddi təhlükələr yaradır. Lakin bu böhranın səbəblərinə baxdıqda, əksər hallarda problemin suyun yoxluğu deyil, su idarəetməsinin düzgün aparılmaması olduğu görünür. Növbəti qonağımız Şahanə Bilalova su idarəçiliyi üzrə tədqiqatçıdır. Onunla həm iqlim dəyişikliyi, həm də kənd təsərrüfatında istifadə olunan suya tələbatın artması nəticəsində yaranan su böhranının necə düzgün idarə olunması haqqında danışmışıq.

    8 min

  6. FEB 3

    Şəhər mobilliyi: piyadalar, nəqliyyat və təhlükəsizlik | Rauf Ağamirzəyev

    Yeni videomuzda qonağımız, nəqliyyat eksperti Rauf Ağamirzəyev Bakının şəhər mobilliyindəki irəliləyişlərdən, o cümlədən rəqəmsal transformasiya, dayanıqlı nəqliyyat və infrastruktur təkmilləşdirmələrinin əhəmiyyətindən danışıb. Qonağımız avtomobil mərkəzli siyasətdən səmərəli yol hərəkətinin idarə olunmasına keçidin vacibliyini vurğulayaraq, bu çərçivədə ayrılmış avtobus zolaqları, velosiped infrastrukturunun inkişafı və elektrobusların istismara verilməsini qeyd edib.

    15 min

  7. JAN 30

    Sağlam iş mühitini necə qurmalı? | Səbinə Qulamzadə

    Yəqin ki, bir çoxunuz toksik iş mühitində çalışmağın nə demək olduğunu bilirsiniz. Müxtəlif araşdırmalara görə, işçilərin işdən çıxmasının və ya başqa iş axtarmasının əsas səbəblərindən biri qeyri-sağlam korporativ mədəniyyətdir. İnsan resursları mütəxəssisi Səbinə Qulamzadə müsbət və sağlam iş mədəniyyətinin yaradılmasının bu səbəbdən nə qədər vacib olduğunu deyir. Onunla toksik iş mühitinin səbəbləri və sağlam iş mühitinin qurulması üçün görülməli olan tədbirlər barədə danışmışıq.

    9 min

  8. JAN 27

    Bakını necə insanyönümlü şəhərə çevirə bilərik? | Anar Əliyev

    “İnsan yönümlü şəhərlər” təşəbbüsünün təsisçisi Anar Əliyevlə Bakının insanı mərkəzdə olduğu şəhərə çevrilməsi üçün atılmalı olan addımlar barədə danışdıq. Avtomobil sahiblərinin çoxuna xoş səslənməsə də, insan mərkəzli şəhər modelində avtomobillər əhəmiyyət baxımından piyada, velosipedçi və ictimai nəqliyyatdan sonra gəlir. Qonağımız COP29 ərəfəsində görülən işlərin yaxşı bir başlanğıc olduğunu qeyd etsə də, növbəti illərdə bu işləri daha iddialı şəkildə davam etdirməyi təklif edir.

    12 min
See All (674)

About

Müzakirəsinə ehtiyac olan, amma kifayət qədər müzakirə edilməyən mövzular.

Information

  • Creator
    akinchi
  • Years Active
    2022 - 2025
  • Episodes
    674
  • Rating
    Clean
  • Copyright
    © Əkinçi
  • Show Website
    Əkinçi

You Might Also Like

To listen to explicit episodes, sign in.

Stay up to date with this show

Sign in or sign up to follow shows, save episodes, and get the latest updates.
Select a country or region

Africa, Middle East, and India

Asia Pacific

Europe

Latin America and the Caribbean

The United States and Canada