पैसाका कुरा अंक ४ (लोभी कि मितव्ययी)

मान्छेका स्वभाव थरिथरीका हुन्छन् । तिनै स्वभावहरु मध्येको एक स्वभाव हो मितव्ययी भएर आम्दानी र खर्चको अनुपात मिलाउने । तर यस्तो स्वभाव भएका मान्छेलाई समाजमा कसैकसैले लोभी पनि भन्छन् । आफ्नो आवश्यकता अनुसार सिमित ढंगले खर्च गर्ने व्यक्तिलाई किन लोभी भन्दारैछन् त? आजको कार्यक्रममा हामीले यसै सेरोफेरोमा रहेर तिनजना व्यक्तिका विचारहरु समेटेका छौँ । काठमाण्डौको नयाँ बानेश्वरमा होटेल व्यवसाय गर्नुहुने छविलाल शर्मा, नेपाल राष्ट्र बैँकबाट अवकाश प्राप्त अर्थविद केशब आचार्य र चट्याङ मास्टर उपनामले चिनिनुहुने व्यङ्ग्यकार कृष्णमुरारी गौतमका कुरा सुनिसकेपछि आवश्यकता अनुसार लोभी हुनु राम्रो कि नराम्रो भन्ने बारेमा थप प्रष्टता हुने अपेक्षा गरिएको छ ।