បទសម្ភាស

RFI ខេមរភាសា / RFI Khmer

បទសម្ភាស​ជាមួយ​​អ្នក​នយោបាយ តំណាង​សង្គម​ស៊ីវិល ឬ​អ្នកឯកទេស​ផ្សេងៗ ដើម្បី​និយាយ​ពី​ព្រឹត្តិការណ៍​សំខាន់ៗ ដែល​កើតមាន​ឡើង​នៅ​ក្នុង​ប្រទេស​កម្ពុជា។

  1. 2 NGÀY TRƯỚC

    លោក ម៉េត មាសភក្តី៖ពលរដ្ឋនៅក្បែរតំបន់ហានិភ័យខ្ពស់ត្រូវបានជម្លៀសចេញដោយសុវត្ថិភាព

    កងទ័ពកម្ពុជា និងកងទ័ពថៃ បានបើកការវាយប្រយុទ្ធគ្នានៅព្រឹកថ្ងៃទី២៤ ខែកក្កដា ឆ្នាំ២០២៥នេះ នៅតាមព្រំដែននៃប្រទេសទាំងពីរ។ ការផ្ទុះអាវុធនេះ ផ្តើមចេញពីកងទ័ពថៃ ដែលបានបាញ់ប្រហារមកលើកងទ័ពកម្ពុជាមុននៅចំណុចប្រាសាទតាមាន់ធំ។ ពលរដ្ឋមួយចំនួន ដែលកំពុងរស់នៅជុំវិញតំបន់ដែលមានហានិភ័យខ្ពស់នៃការប្រយុទ្ធគ្នារវាងកងទ័ពកម្ពុជា និងកងទ័ពថៃនេះ ត្រូវបានជម្លៀសទៅកាន់ទីតាំងសុវត្ថិភាព។ នៅក្នុងកិច្ចសម្ភាសខ្លីជាមួយវិទ្យុបារាំងRFI នាថ្ងៃទី២៤ ខែកក្កដា ឆ្នាំ២០២៥ លោក ម៉េត មាសភក្តី អភិបាលរង និងជាអ្នកនាំពាក្យសាលាខេត្តឧត្តរមានជ័យបានថ្លែងថា ពលរដ្ឋនៅជុំវិញតំបន់ហានិភ័យនៃការផ្ទុះអាវុធ ត្រូវបានជម្លៀសចេញដោយសុវត្ថិភាព ដែលអាជ្ញាធរខេត្តបានត្រៀមលក្ខណៈមុន ជាយូរមកហើយ។

    5 phút

  2. 3 NGÀY TRƯỚC

    លោក អួន ស៊ីឡុត៖ រដ្ឋគួរតែពន្លឿនការបង្កើតសួនកសិ-ឧស្សាហកម្មស្វាយចន្ទីឱ្យបានច្រើន

    នៅថ្ងៃទី២០ ខែកក្កដា សមាគមស្វាយចន្ទីកម្ពុជាបានសម្តែងការព្រួយបារម្ភចំពោះតម្លៃគ្រាប់ស្វាយចន្ទីកម្ពុជា ដែលអាចជួបហានិភ័យ ដោយសារតែការប្រមូលផលដំណាលគ្នាជាមួយចន្ទីអាហ្រ្វិកខាងលិច។ ការព្រមានយ៉ាងដូច្នេះ ធ្វើឡើងក្រោយសមាគមស្វាយចន្ទីកម្ពុជាសង្កេតឃើញគ្រាប់ស្វាយចន្ទីនៅតំបន់អាហ្វ្រិកខាងលិចមានតម្លៃថោក ខណៈបរិមាណ និងគុណភាពផលិតរបស់គេខ្ពស់។ ក្នុងបទសម្ភាសជាមួយវិទ្យុបារាំង RFI នៅថ្ងៃទី២៣ ខែកក្កដា ឆ្នាំ២០២៥នេះ លោក អួន ស៊ីឡុតប្រធានសមាគមស្វាយចន្ទីកម្ពុជាបានឱ្យដឹងថា ក្នុងរដូវប្រមូលផលកន្លងទៅ គ្រាប់ស្វាយចន្ទីកម្ពុជាហាក់ធ្លាក់ថ្លៃបន្តិច តែធ្លាក់ក្នុងរយៈពេលខ្លី។ តែជាយន្តការដើម្បីធានាថា ស្វាយចន្ទីកម្ពុជាមិនប៉ះពាល់ផ្នែកតម្លៃ លោក អួន ស៊ីឡុត ជំរុញឱ្យរដ្ឋាភិបាលពន្លឿនការបង្កើតសួនកសិ-ឧស្សាហកម្មស្វាយចន្ទី ខណៈមានក្រុមហ៊ុនកែច្នៃគ្រាប់ស្វាយចន្ទីមួយចំនួនកំពុងមានចំណាប់អារម្មណ៍។

    11 phút

  3. 17 THG 7

    លោក ហ្សាក់ ប៉ឺឡេ៖ បារាំងនឹងផ្តល់ផែនទី និងឯកសារពាក់ព័ន្ធនឹងព្រំដែនដល់កម្ពុជា និងថៃ

    ឯកអគ្គរដ្ឋទូតបារាំងប្រចាំនៅកម្ពុជា ​លោក ហ្សាក់ ប៉ឺឡេ នឹងត្រូវបញ្ចប់អាណត្តិរបស់លោកនៅដំណាច់ខែកក្កដា ឆ្នាំ២០២៥នេះ បន្ទាប់ពីលោកបានបំពេញបេសកកម្មការទូតនៅកម្ពុជាអស់រយៈពេល៤ឆ្នាំ។ នៅក្នុងកិច្ចសម្ភាសជាមួយវិទ្យុបារាំង RFI នាថ្ងៃទី១៦ ខែកក្កដា ឆ្នាំ២០២៥ លោក ហ្សាក់ ប៉ឺឡេ បានវាយតម្លៃថាបេសកកម្មការទូតរបស់លោកនៅកម្ពុជាប្រព្រឹត្តទៅបានល្អ។ ជាមួយគ្នានេះ លោកឯកអគ្គរដ្ឋទូតបានលើកឡើងដែរ ពីសមិទ្ធផលការងាររបស់លោកនៅកម្ពុជាលើផ្នែកនយោបាយ សេដ្ឋកិច្ច វប្បធម៌ អប់រំ វេជ្ជសាស្ត្រ នីតិសាស្ត្រ យោធា និងកិច្ចសហប្រតិបត្តិការជាច្រើនទៀត។ លើសពីនេះ លោក ហ្សាក់ ប៉ឺឡេ ក៏បានបញ្ជាក់ជំហររបស់ប្រទេសបារាំងជាថ្មីទាក់ទងទៅនឹងជម្លោះព្រំដែនកម្ពុជា-ថៃ ថាបារាំងផ្តល់លទ្ធភាពដល់ប្រទេសទាំងពីរ ដែលចង់បានផែនទី និងឯកសារដែលពាក់ព័ន្ធនឹងព្រំដែន។

    14 phút

  4. 11 THG 7

    លោក​ គឹម មាសសុខសីហា៖ ការទទួលទាន​ភេសជ្ជៈប៉ូវកម្លាំងរបស់កុមារ​ជាបញ្ហា​អា​ទិភាពដែល​​ត្រូវ

    អគ្គនាយកដ្ឋាន​ការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ ហៅកាត់ថា​ (ក.ប.ប) បាន​​ចុះអប់រំផ្សព្វផ្សាយអំពីសុវត្ថិភាពម្ហូបអាហារ និងបទប្បញ្ញត្តិពាក់ព័ន្ធនានា នៅតាមសាលារៀន​ទូទាំងប្រទេសចំនួន ​២ឬ​ ៣ដងក្នុងមួយខែ ដើម្បីពង្រឹងការយល់ដឹង​អំពី​​សុវត្ថិភាពម្ហូបអាហារ​​​របស់សិស្សសាលា​។ ក្នុងបទសម្ភាស​ជាមួយវិទ្យុបារាំងអន្តរជាតិ RFI នៅថ្ងៃទី​១១ ខែកក្កដា ឆ្នាំ​២០២៥នេះ លោក គឹម មាសសុខសីហា អគ្គនាយកនៃអគ្គនាយកដ្ឋាន​ ក.ប.ប ​បាន​លើកឡើងថា ក្រៅពីអប់រំផ្សព្វផ្សាយ ក.ប.ប ក៏បានចុះត្រួតពិនិត្យ​ឆែកឆេ​រ​​ចំណីអាហារដែលដាក់លក់នៅតាមសាលារៀនផងដែរ។ បើតាម ​លោក គឹម មាសសុខសីហា ការទទួលទានភេសជ្ជៈប៉ូវកម្លាំងរបស់កុមារនៅតាមសាលារៀន​​​ជាបញ្ហា​ដែល ក.ប.ប ​ត្រូវ​​ដោះស្រាយអាទិភាពមួយ​​​​។ ​

    13 phút

  5. 10 THG 7

    បណ្ឌិត យង់ ពៅ៖ ទស្សនៈដឹកនាំរដ្ឋ និងច្បាប់ជាង៥០០ជាភាសាសំស្រឹ្កតនិងបាលី នឹងត្រូវបកជាភាសាខ

    រាជបណ្ឌិតសភាកម្ពុជា នៅថ្ងៃពុធទី៩ ខែកក្កដាឆ្នាំ ២០២៥ បានប្រកាសដំណើរការគម្រោងស្តីពី «ការស្រាវជ្រាវ និងបកប្រែសិលាចារឹកជាភាសាសំស្ក្រឹត និងភាសាបាលីមកជាភាសាខ្មែរសម័យទំនើប»។ ជាគម្រោងដែលជីកគាស់សិលាចារឹកជាង៥០០ផ្ទាំង ដែលជាភាសាសំស្រឹ្កត និងភាសាបាលី យកមកបកប្រែជាភាសាខ្មែរសម័យទំនើប។ នៅក្នុងបទសម្ភាសជាមួយវិទ្យុបារាំងអន្តរជាតិ នៅថ្ងៃទី១០ ខែកក្កដា ឆ្នាំ២០២៥នេះ លោកបណ្ឌិត យង់ ពៅ អគ្គលេខាធិការនៃរាជបណ្ឌិតសភាកម្ពុជា និងជាប្រធានគម្រោងបកប្រែនេះ បានឲ្យដឹងថា សិលាចារឹកជាង៥០០ផ្ទាំង សុទ្ធសឹងជាទស្សនៈដឹកនាំរដ្ឋ ទស្សនៈច្បាប់ និងទស្សនៈអប់រំល្អៗ សម្រាប់បម្រើជាប្រយោជន៍ដល់ពលរដ្ឋខ្មែរក្នុងសម័យទំនើប។

    12 phút

  6. 8 THG 7

    លោក វ៉ាត់ ចំរើន៖ កម្ពុជាប្រកាន់ជំហរចូលរួមប្រកួតកីឡាស៊ីហ្គេមនៅថៃនាចុងឆ្នាំ២០២៥

    ការប្រកួតកីឡាអាស៊ីអាគ្នេយ៍(ស៊ីហ្គេម)លើកទី៣៣ នឹងត្រូវរៀបចំធ្វើឡើងនៅអំឡុងខែធ្នូ ឆ្នាំ២០២៥ នៅប្រទេសថៃ។ នៅក្នុងកិច្ចសម្ភាសជាមួយវិទ្យុបារាំង RFI នាថ្ងៃទី០៨ ខែកក្កដា ឆ្នាំ២០២៥នេះ លោក វ៉ាត់ ចំរើន រដ្ឋលេខាធិការក្រសួងអប់រំ យុវជន និងកីឡា និងជាអគ្គលេខាធិការនៃគណៈកម្មាធិការជាតិអូឡាំពិកកម្ពុជា បានថ្លែងថាកម្ពុជាកំពុងប្រមូលផ្តុំអត្តពលិករបស់ខ្លួនដើម្បីហ្វឹកហាត់​ និងរក្សាការចូលរួមការប្រកួតកីឡាស៊ីហ្គេមនៅប្រទេសថៃដដែល។ មន្ត្រីកីឡាជាន់ខ្ពស់រូបនេះឲ្យដឹងថាម្ចាស់ផ្ទះថៃ កាលពីពេលថ្មីៗនេះ បានធានាអះអាងចំពោះសុវត្ថិភាពរបស់កីឡាករ កីឡាការិនី និងប្រតិភូរបស់កម្ពុជាស្របតាមធម្មនុញ្ញកីឡាអូឡាំពិក និងគោលការណ៍កីឡាតំបន់ ដោយថាកីឡាមិនពាក់ព័ន្ធនឹងរឿងនយោបាយឡើយ។

    12 phút

  7. 3 THG 7

    លោកស្រី ដោ សម្ផស្ស៖ សាលាក្រុងប្តេជ្ញាបង្ក្រាបបទល្មើសឆបោកអនឡាញឱ្យរឹតតែមានប្រសិទ្ធភាពជាង

    រដ្ឋបាលរាជធានីភ្នំពេញនៅថ្ងៃទី០២ ខែកក្កដា ឆ្នាំ២០២៥ បានសម្រេចបង្កើតគណៈកម្មការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា(Online Scam)រាជធានីភ្នំពេញ​ ដើម្បីបង្កើនសកម្មភាពបង្ក្រាបបទល្មើសឆបោកអនឡាញក្នុងភូមិសាស្ត្ររាជធានីភ្នំពេញ។ ក្នុងកិច្ចសម្ភាសជាមួយវិទ្យុបារាំងអន្តរជាតិRFIនៅថ្ងៃទី០៣ ខែកក្កដា ឆ្នាំ២០២៥នេះ លោកស្រី ដោ សម្ផស្ស អ្នកនាំពាក្យរដ្ឋបាលរាជធានីភ្នំពេញបានបញ្ជាក់ថា តាមរយៈការបង្កើតគណៈកម្មការមួយច្បាស់លាស់បែបនេះ នឹងជួយជំរុញឱ្យការអនុវត្តវិធានការបង្ក្រាបបទល្មើសឆបោកតាមអនឡាញក្នុងរាជធានីភ្នំពេញកាន់តែមានប្រសិទ្ធភាពបន្ថែមទៀត។ តែលោកស្រី​ ដោ សម្ផស្ស ក៏មិនភ្លេចបញ្ជាក់ថា ការបង្កើតគណៈកម្មការមួយនេះពុំមែនមានន័យថា ភូមិសាស្ត្ររាជធានីភ្នំពេញសម្បូរទៅដោយបទល្មើសឆបោកអនឡាញនោះទេ។

    8 phút

  8. 2 THG 7

    បណ្ឌិត ឈាង វណ្ណារិទ្ធ៖ សិង្ហបុរី និងកម្ពុជាមានជំហររួមគឺដោះស្រាយវិវាទតាមច្បាប់អន្តរជាតិ

    លោក Lawrence Wong នាយករដ្ឋមន្ត្រី និងជារដ្ឋមន្ត្រីក្រសួងហិរញ្ញវត្ថុសិង្ហបុរីកំពុងបំពេញទស្សនកិច្ច រយៈពេលមួយថ្ងៃ គឺនៅថ្ងៃទី០២ ខែកក្កដា ឆ្នាំ២០២៥ នៅកម្ពុជា។ នៅក្នុងកិច្ចសម្ភាសជាមួយវិទ្យុបារាំងអន្តរជាតិ RFI នាថ្ងៃទី០២ ខែកក្កដានេះ លោកបណ្ឌិត ឈាង វណ្ណារិទ្ធ នាយកឧទ្យាននវានុវត្តន៍សង្គមអង្គរ(ASIP) បានមើលឃើញថាដំណើរទស្សនកិច្ចរបស់នាយករដ្ឋមន្ត្រីសិង្ហបុរីនៅកម្ពុជាអំឡុងពេលខួប៦០ឆ្នាំនេះ គឺជាការបង្កើនទំនាក់ទំនងការទូតរវាងកម្ពុជា និងសិង្ហបុរីកាន់តែជ្រាលជ្រៅបន្ថែមទៀត។ ទាក់ទងទៅនឹងជម្លោះព្រំដែនកម្ពុជា-ថៃ លោកបណ្ឌិត ឈាង វណ្ណារិទ្ធ បញ្ជាក់ថាសិង្ហបុរីក៏មានជំហរដូចកម្ពុជាដែរ គឺការដោះស្រាយគ្នាដោយសន្តិវិធី និងតាមច្បាប់អន្តរជាតិ។

    8 phút
Xem tất cả (26)

Xếp Hạng & Nhận Xét

3,5
/5
2 Xếp hạng

Giới Thiệu

បទសម្ភាស​ជាមួយ​​អ្នក​នយោបាយ តំណាង​សង្គម​ស៊ីវិល ឬ​អ្នកឯកទេស​ផ្សេងៗ ដើម្បី​និយាយ​ពី​ព្រឹត្តិការណ៍​សំខាន់ៗ ដែល​កើតមាន​ឡើង​នៅ​ក្នុង​ប្រទេស​កម្ពុជា។

Thông Tin

Nội Dung Khác Của RFI ខេមរភាសា / RFI Khmer

Có Thể Bạn Cũng Thích