港聲你‪聽‬ 港聲你聽

如何用Oyster收服一代女人殺手？酒色男女最終回，香港人常存希望，港聲你聽一路陪著你走。

#陪著你走 #酒色男女 #最終回 #日本箱根溫泉 #Oyster

🎼 陪著你走　一生一世也不分
天天編出兩雙足印　過千山過千海
如果　走到這世界邊端
我倆已是無力前行　跟我一起飛去
一世伴你同路去 🎶

編劇 Ryan Sir 的話：

終於寫完成個系列！酒色男女第一話相愛很難相處更難，由2023年嘅10月開始構思動筆，原本預算作為餘港系列嘅稿，之後嘅轉折喺其他編劇的話有提到，不贅，大家不妨由之前第一話開始重溫

https://youtube.com/playlist?list=PLqiNnRz2IP_2nWSd-OTBMxUgxRp4fT7tR&si=ZifnRsFVHTW7pwP9

（乘機賣廣告硬銷宣傳都係我喺港聲你聽被委派嘅工作之一😅）最終話陪着你走三月底完稿。成個系列斷斷續續差不多寫咗半年，記憶中大部份嘅稿都係喺候機室或者飛機上面完成。感謝監製不斷鼓勵／催促／威迫／利誘，如果冇監製好有可能會爛尾，而監製喺開會時嘅一句要search先知邊個係南官夫人, 同夫人拉高咗成個系列嘅年齡平均值, 令我驚覺到原來同花樣年華嘅監製真係有Generation GAP😱。謝謝各組員傾力協助，尤其感謝後製組組員Alan, Gogo, 佳少同師兄同佢嘅口哨（排名按筆畫次序）特別鳴謝佳少喺最終話提供嘅後製方向，由揀背景音樂到精益求精安排補錄，衷心感謝。同樣感謝🙏🏻Alan為第一集相愛很難、相處更難做後製時嘅評語，邊有男人咁渣男㗎? 聽到想打Ryan，多謝Alan，令我對個劇本增添咗唔少信心。
謝謝男女主角Mon姐同Steven嘅傾力演出，參與聲演嘅Gogo, Simon同佳少。又係另一次非常愉快嘅合作體驗。
寫緊酒色男女呢半年，除咗借用身邊朋友嘅遭遇，對於時事新聞MiuMiu 坊、周小姐記者會、十優求婚……..為寫呢個故事提供咗唔少靈感。而故事嘅內容亦有唔少都係自己呢半年嘅經歷，三分泡嘅啤酒，箱根、生蠔場…..感恩有呢啲體驗又可以放到落個故事裏面。

雖然近月聽到嘅新聞都令我感到沮喪，但我相信心存善念，做一個樂觀正直嘅香港人應該係最好嘅選擇。故事結尾Steven嘅預感，Mon姐嘅盼望，希望可以成真。最後多謝大家支持港聲你聽，同聽晒酒色男女七集嘅你哋。

後製 佳少 的話：

感謝 Ryan Sir 對我嘅信任，好多時都會為咗我一啲吹毛求疵嘅想法而改一大爛餐，重要搵埋兩位公子同千金嚟滿足我嘅要求。

能夠透過咁吸引嘅劇情帶出對環保嘅睇法，真係一絶，抵讚。礙於資源同埋某啲不可抗力嘅因素，我哋暫時未能做到好似我個人好喜歡、好值得我哋致敬嘅18樓C座咁緊貼時事，但係如果大家有興趣啲話，不妨留言話畀我哋知，或者有咩題材想聽，我哋都會積極考慮。

現實荒誕比不上劇情真摰，希望大家能夠喺虛構嘅情境裹面搵到一絲歡樂甚或心靈上嘅慰藉。

記得CLSS呀！

聲演演員：
Steven - Steven
MonMon - Mon 姐

插圖：Alan, Alice

後期製作:佳少

特別嗚謝
"陪著你走" 口哨：大師兄
"不協和音" 鋼琴：Ryan Sir 公子

酒色男女 playlist:
https://youtube.com/playlist?list=PLqiNnRz2IP_2nWSd-OTBMxUgxRp4fT7tR&si=ZifnRsFVHTW7pwP9

#最終回 #原創劇本 #女人殺手 #7個獨立嘅故事
#港人港語講故事
#香港人 #香港話 #聲音劇 #港聲你聽 #voxhk

一齊打機 🎮 同你講初創界真理過真理褲嘅真理

#利世民 #街霸 #打機 #初創界 #酒色男女 #7個獨立嘅故事 #港人港語講故事 #madebyhongkongers

編劇Ryan Sir的話：

係餘講七部曲裏面，所有嘅男角除咗佳少之外，冇個好人。不過如果你唔用絕對嘅道德標準，有時你又好難界定一個男人嘅好同壞。喺劇中Simon係會出軌嘅有婦之夫，但係其實佢對初戀情人Mon姐（其實都唔算初戀情人，係一個宅男嘅單戀）真係算係癡心一片，冇乜求回報咁希望Mon姐幸福,有時真係好難界定一個男人係咪渣男，其實每一段嘅感情有其獨特複雜性。至於係劇中其實我係刻意加插提起「神聖羅馬帝國」，因為算係我會加入港聲你聽嘅奇妙旅程嘅起點。話說二一年德國大選，對於點解德國議會嘅議席係浮動始終搞唔清楚，寫咗封電郵俾Simon問佢可唔可以解釋吓德國選舉制度，記憶中冇幾日Simon就寫咗一篇「神聖羅馬帝國」，清楚明瞭，初初睇標題仲唔明唔係講德國咩？點解會係神聖羅馬帝國。當然有存疑自己先Google一下係基本，先知道德國呢個地方前身嘅另一個叫法，又長知識喇。亦都係應該嗰陣時開始訂閱Simon嘅網站，好喜歡睇佢嘅長文，借此一書。執筆呢一刻其實我未諗到Mon姐同Steven會有點樣嘅結局，希望最終話下一集可以有一個大家都會喜歡結局。最後，多謝支持港聲你聽嘅你哋。

聲演演員：
Simon - Simon
Steven - Steven
後期製作：佳仔

#原創劇本 #香港人 #香港話 #聲音劇 #港聲你聽 #voxhk

#利世民 #酒色男女 #winetasting #品酒 #7個獨立嘅故事 #港人港語講故事

編劇Ryan Sir 的話：

Ryan sir喜好杯中物，所以其實都想喺餘講系列談談情，說說酒。至於故事裏面有關Robert Parker兩次品酒嘅經歷，資料主要來自畢明嘅一篇文章，因為一直都好喜歡睇畢明嘅專欄唯有杜康，活潑輕鬆長知識，多年以來提供有養分嘅精神食糧，借此鳴謝張小姐。今次Simon同Gogo嘅合作，其實我覺得係好有火花，我個人特別喜歡故事嘅結尾兩人嘅互動，好自然。而其實呢個故事最尾嗰兩句係喺錄音時候即興加上去，效果可能比起慢慢寫嘅劇本仲要好，多謝Simon操刀嘅第一剪同演繹，好演繹到嗰種男性對初戀情人複雜嘅情感。希望大家都喜歡人生自是有情癡呢個故事。

聲演演員：
Simon Simon
Gogo Gogo
後期製作：Simon, Gogo, Alan

酒色男女 Playlist:
https://youtube.com/playlist?list=PLqiNnRz2IP_2nWSd-OTBMxUgxRp4fT7tR&si=lvLAKh-pfWzGMBpm

#原創劇本#香港人#香港話#聲音劇#港聲你聽#voxhk

兩位現代女性愛情觀, 一個保守傳統 vs 一個開放前衛, 睇睇故事講啲咩？ 同你哋諗嘅愛情觀又有咩唔同？

#酒色男女 #7個獨立嘅故事 #港人港語講故事

編劇Ryan Sir 的話：

當我理順咗想寫嘅餘講系列嗰七個故事嘅人物關係，第四集其實係我第一次寫兩個女人嘅對手戲。因為Ryan sir呢啲粗枝大葉嘅死宅男唔認識，唔明白女性，其實係有少少怕寫兩個女人嘅對手戲，太容易以男性嘅視覺去寫。故事設定兩個主角都係獨立自主嘅現代女性，但性格近乎南轅北轍，Mon姐保守傳統，另一女主角活潑開放前衛，唔會有一般女性嘅道德包袱，認為女性對所有事情包括自己嘅身體都可以自主，唔需要理會其他人嘅眼光。喺我哋組員之中勝任呢個角色大有人在，不過最後我邀請合作開嘅Gogo,原因固然因為由第一個劇星一巴到半生緣，一直合作愉快，夾慣夾熟，另外都會想睇吓Gogo點樣演繹呢個角色。事實上出嚟嘅效果我覺得非常出色， Gogo演活咗一個獨立自主、風情萬種嘅現代女性。而Mon姐一貫專業嘅演出，令到呢個劇立體好多，希望大家都喜歡呢個故事同Mon姐Gogo 嘅演繹。

聲演演員：
Mon : Mon 姐
Gogo: Gogo
後期製作：Alan

酒色男女 Playlist:
https://youtube.com/playlist?list=PLqiNnRz2IP_2nWSd-OTBMxUgxRp4fT7tR&si=lvLAKh-pfWzGMBpm

#原創劇本#香港人#香港話#聲音劇#港聲你聽#VOXHK

✈️ 飛來艷遇冇難度/旅行搭訕要不失霸氣

#飛機上邂逅 #酒色男女 #7個獨立嘅故事 #港人港語講故事

編劇Ryan Sir 的話：

寫完好想寫嘅相愛很難相處更難，跟住再寫完好想同Steven佳少合作嘅藍夢。我原本諗住我餘講系列嘅劇本已經寫完，多得監製嘅鼓勵／催促／威逼／利誘第三個劇本嘅可能性，因為對上兩個劇本同Mon姐Steven嘅愉快合作，某一晚突然間想知道假若離咗婚嘅Mon姐同搞初創嘅Steven相遇會唔會有火花？咁就有咗再生緣呢個故事出現，而當佢哋兩個相遇嗰一刻，亦都開始構思會唔會有第四第五第六第七集嘅劇本？好喜歡Simon餘講系列嘅構思，每一集可以獨立探討一啲主題，真係或者可以再寫多幾個餘講嘅故事（寫緊呢個編劇的話嘅時候啱啱準備寫第六集）每一個故事都可以獨立咁聽，不過其實每一個主角之間互相有啲關連，亦都好多謝港聲你聽每一個組員，喺合作嘅過程都係好愉快，每一個參與劇作嘅演員都有好多對劇本以及對白睇唔到嘅貢獻，希望你哋都會喜歡再生緣呢個故事，亦都多謝每一個支持港聲你聽嘅你 🙏。

聲演演員：
Steven : Steven
Mon: Mon 姐
後期製作：佳仔

酒色男女 Playlist:
https://youtube.com/playlist?list=PLqiNnRz2IP_2nWSd-OTBMxUgxRp4fT7tR&si=lvLAKh-pfWzGMBpm

#原創劇本#香港人#香港話#聲音劇#港聲你聽#VOXHK

環保 ♻️ 與獨立思考

編劇Ryan Sir 的話：

自從加入港聲你聽之後，識咗好多有趣嘅朋友，大家素未謀面，但係又可以覺得好投契。聽過Steven嘅演出，我其實一直都想搵佢合作，不過因為Steven身處歐洲，一直冇乜機會，多得Simon提議餘講單元劇呢個概念，終於有機會搵非常投契嘅組員佳少同Steven一齊合作。合作過程非常之愉快，大家嘅頻率非常之接近，喺寫劇本嘅過程大家有傾有講有笑其實都好有火花。至於用藍夢呢個名，其實係我後生時候一套好喜歡嘅香港漫畫裏面嘅組織個名，都算切合今次嘅題材。希望大家喜歡藍夢呢個故事，其實呢個故事我最想講嘅唔係環保，我最想講嘅係獨立思考。另外多謝Simon提供有關海鞘嘅資料，我一個唔覺意就偷咗嚟用，多謝Simon。

聲演演員：
Steven: Steven
佳少：佳仔
後期製作：佳仔

酒色男女 Playlist:
https://youtube.com/playlist?list=PLqiNnRz2IP_2nWSd-OTBMxUgxRp4fT7tR&si=lvLAKh-pfWzGMBpm

#原創劇本#藍夢 #酒色男女#港人港語講故事#7個獨立嘅故事#環保#獨立思考 #香港人#香港話#聲音劇#港聲你聽#VOXHK