Lau Haizetara

Bizkaia Irratia
  • 0,0 (0)
  • NGHỆ THUẬT
  • ĐÃ HOÀN CHỈNH
Lau Haizetara

Magazine honetan danetarikoa topauko dozue, informazinorako eta entretenimendurako. Era guztietako alkarrizketak: aktualidadekoak eta han hor hemenkako gai ezbardinen ganekoak, Bizkaian zeharrekoak, kultura arlokoak… Lehenengo sektoreari eskeinitako tarte bereziak emitiduten dira magazine honetan: Garoa (baserri mundua), Kresala (arrantza mundua). Bestekako tarte bereziak be bai: eliz gaiak, Euskal Herriko Unibertsidadea eta abar. Kolaboratzaileek be gai interesgarriak jorratzen ditue astetero: Edorta Unamuno (Urdaibai Bird Center), Agus Barandiaran (munduan zeharreko folk musikea), Euskera hobetzen tartea (Adolfo Arejita), zientzialariak eta abar. Informazinoa eta entretenimendua ordu bi eta erditan zehar.

  1. 2 NGÀY TRƯỚC

    Doru perinatalean aitatasuna ikusiarazotea eta horri buruz hausnartzea da helburua

    Esku Hutsik alkartea dirua batzen dabil crowdfundig baten bitartez , Aitatxo dokumentala finantzietako. Haurdunaldiko, jaiotza inguruko eta jaiobarrien dolua ikusarazoteko eta laguntzeko alkartea da Esku Hutsik. Galera horreek jasaten dabezan familientzako laguntzea eta hausnarketa espazioak sortu gura dabez, gizarte enpatikoagoa eta kontzienteagoa sustatuz. Esku Hutsik alkarteak, crowdfunding kanpainea dauka abian, Anakotz Lasarteren Aitatxo izeneko proiektua finantzietako. Ikus-entzunezko proiektua da, dokumentala. Dolu perinatalean aitatasuna ikusiarazotea eta horretaz hausnartzea lortu gura dira lan honen bitartez. Anakotzek esan deuskunz, bere esperientzian oinarrituta sortu zan dokumentala egitearen ideia. Anakotzek eta Iratxek seme bi galdu dabez, Gari eta Ekai. Gaur egun, Inhar daukie, lau urte ta erdiko semea. Pozik dagozala esan deusku Anakotzek. Hiru familien bizipenak Aitatxo dokumentalean, hiru familiaren bizipenak azalduko dira. Danel, Ager eta Larraitzen galera kontauko dabe Mikelek, Igorrek eta Fernandok. Dokumentala bagilerako amaitu nahi dabe. Gidoiaren azken ikutuakaz dabilz gaur egun. Verkami plataformean d**o abian crowdfunding kanpainea. Nahiko ondo doala esan behar. Sei mila euro behar dabez eta bi mila lortu dabez dagoeneko. 30 egun gehiago iraungo dau oraindino kanpaineak. Behin Aitatxo dokumentala amaituta, asmoa da ahalik eta herri gehienetan eskaintzea.

  2. 3 NGÀY TRƯỚC

    Euskal Herriko lau konpainia izan dira aurtengo azokan

    Zornotzako Markeliñe konpainiak aurten be Gijongo Feten arte eszenikoen nazinoarteko azokan parte hartu dau. Haur eta familientzako antzerkia sustatzeko gune nagusietako bat da ekimen hau, eta aurten 34. edizinoa ospatzen dabilz. Jon Kepa Zumaldek Bizkaia Irratian azaldu dauanez, esperientzia oso positiboa izan da. Zepo Zapo antzerkilana erakusteko aukerea izan dabe. "Feten azokea oso potentea da, estadu mailan egiten dan handienetakoa edo handiena ez bada" esan deusku Zumaldek. Ez dira estadu mailako programatzaileak bakarrik joaten, nazinoartekoak be bai. "Eskaparatea oso handia da" azpimarratu dau Markeliñe konpainiako kideak. Euskal Herriko konpainiak Aurtengo Feten azokan 200 antzerki saio baino gehiago eskaini dira. Danetara, 80 konpainiak hartu dabe parte azokan eta 800 profesional baino gehiago akreditau dira. Euskal Herritik lau talde izan dira. Aitatutako Markeliñe taldearen Zepo Zapo obraz gain, Ganso & CIA-k Welcome and sorry eskaini dau, Zurrunka Teatrok Birakolore eta Taun Taun Teatrok, barriz, Tinglaua.

  3. 3 NGÀY TRƯỚC

    Zezeilaren 21ean egingo da sari banaketa ekitaldia Gernika-Lumon

    Gernika-Lumoko San Fidel ikastoleak irabazi dau Jazotakoa Jaso lehiaketaren sari nagusia. Elizbarrutiaren Kultur Erakundeen Mahaiak antolatzen dauan lehiaketea da Jazotakoa Jaso. Aurten, zortzigarrenez egin da. Gernikako San Fidel Ikastolak aurkeztutako Ondoratu bideoklipa izan da aurtengo lehiaketako irabazlea. Luis Mari Vega, Elizbarrutiko Bake eta Adiskidetzerako batzordeko kidea, Igone Etxebarria Labayru Fundazioko zuzendaria eta Jone Aranberria Bizkaia Irratiko lankidea izan dira epaimahaiko kideak. Landu beharreko gaia bakea eta adiskidetzea izan da. Eskuak ondoratu, ez gaitezen hondoratu izeneko abestia eskeini dabe San Fideleko DBH1 eta 2ko ikasleek. Mezuari emon deutso garrantzia Jon Zorrozua tutoreak, hau da, alkartu gaitezen danon hondoratzea saihesteko. Huntza taldearen kantua moldatu dabe ikasleek Gernika-Lumon zehar grabautako irudiakaz. Kantua, guztien artean moldatu dabela esan deuskue Naia eta Elene ikasleek. Sari banaketa ekitaldia San Fidel ikastolak irabazitako sariaz gain, beste sari batzuk be emon dira. Bermeoko Sagrado Corazon ikastetxeak haur hezkuntzako saria irabazi dau, Lehen Hezkuntzakoa Markinako Berakruzek, DBH-koa Artxandape ikastolak, Gela Egonkorra kategorian saria San Viator ikastetxearentzat izan da, diziplinako anitzeko saria San Felix ikastolak lortu dau, Euskerearen saria Otxarkoaga ikastegira joan da eta Santa Eulalia Patronatuko gazteek aurkeztutako bideoklipak publikoaren boto gehien batu dauz. San Fidel ikastolan emongo dira sari guztiak zezeilaren 21ean.

  4. 3 NGÀY TRƯỚC

    Saharako haurrei basamortutik eta errefuxiatuen kanpamenduetatik urtetako aukerea eskaintze jake

    Martiaren 15era bitarteko epea d**o Oporrak Bakean kanpainan izena emoteko. Saharako haurrak udea basamortutik eta errefuxiatuen kanpamenduetatik kanpo pasetako aukerea izaten dabe kanpaina honi esker. Hego Euskal Herriko alkarte desbardinak, Frente Polisarioa eta Euskal Fondoa dira kanpainaren antolatzaileak. 8 eta 12 urte arteko neska-mutilak etorten dira udan, bagil amaieratik abuztu amaierara bitartean. Garazi Etxebarriak azaldu deuskunez, aspaldion, harrera familien artean beherakadea izan da. Igaz, 200 ume etorri ziran Euskal Herrira. Aterpetxeak Harrera familia izateko, gogoa eta presutasuna izatea behar direla azaldu deusku Etxebarriak. Oporrak Bakean ekimenak web orria dauka eta bertan emon daiteke izena, harrera familia izateko. Sare sozialen bitartez be badabiz informazinoa emoten. Azken urteetan, aterpetxeak be jarri dabez abian alkarte desbardinek. Bizkaian hiru aterpetxe dagoz eta bat Gipuzkoan. Honeetara, taldeetan etorri daitekez umeak. Egonaldi honeek oso onuragarriak dira Saharako umeentzat. Etxebarriak dino emoten dana baino gehiago jasoten dabela harrera familiek.

  5. 4 NGÀY TRƯỚC

    Bonoen %60 saldu da abendutik

    Harrera oso ona izan dau orain arte Bizkaia Repara kanpaineak. Kontsumo jasangarria eta arduratsuagua sustatzea da Bizkaia Repara kanpainaren helburu nagusia. Bizkaiko Foru Aldundiko Nekazaritza sailetik abiatu daben kanpainea da eta lehenengoz egiten ari dira aurreko abenduan hasita. Arantza Atutxa, Ingurune Naturala eta Nekazaritza Sustatzeko foru diputaduak esan deuskunez, gauzei bigarren aukerea emoteaz eta sortzen dogun hondakin kopuruaz ohartaraztea be lortu gura dabe bide batez. Bonoak salgai Bizkaiko Foru Aldundiak, kanpainea jarri aurretik, gauzak konpontzeko dagozan saltokiak identifikatu dauz. 10 euroko 5.000 bonu jarri dira, 20 euro edo gehiagoko kostua daben konponketa-zerbitzuetan erabilteko. Pertsona bakotxak, gehienez bost bono lortu leikez eta ez dau inon izenik emon behar. Saltokietan bertan emoten dabez bonoak. Orain arte, erantzun oso ona izan dau Bizkaia Repara kanpaineak, bonoen %60 saldu dira orain arte. Martira bitarteko kanpainea da. Behin amaituta, balantzea egingo dabe ekimena barriro noiz egin daitekeen zehazteko.

  6. 4 NGÀY TRƯỚC

    Punta-puntako zentroa bihurtu da nazinoarteko panorama zientifikoan

    CIC bioGUNE ikerketa zentroak 20 urte bete dauz. Minbizia edo biomedikuntzaren ikerketan, erreferentziazko zentroa da gaur egun nazinoartean. 35 herrialde baino gehiagoko 500 ikertzaile baino gehiago igaro dira hogei urteotan Zamudio-Derion dagoan Parke Teknologikoko CIC bioGUNEtik. Punta-puntako zentroa bihurtu da nazinoarteko panorama zientifikoan. Arkaitz Carracedo ikertzaileak esan deuskunez, estrategia eta pazientzia izan dira ardatz, erreferentziazko gune bihurtu ahal izateko. Hogei urteko ibilbidean, argitalpen zientifiko askotan agertu da zentroa eta patenteak be lortu dabez. CIC bioGUNEren helburua, Carracedoren esanetan, osasuna eta gaixotasuna ulertzea dira. Momentu honetan bera be, minbiziaren ganekoak dabil ikertzen. Sinergietarako garaia Gaur egun, CIC bioGUNEra munduko hainbat ikertzailek etorri nahi dabe. Hasieran, ikertzaileen bila jo behar izaten eben. Euskadin egia esan, momentu honetan lau ikerketa zentro dagoz eta 13 zentro teknologiko. Arkaitz Carracedok dino momentua dala guztien arteko sinergiak lortzeko. Euskadin, azken 25 urteetan ikerketa arloan egin dana harrigarria dala deritxo. Inbersino estrategikoa da bere ustez, epe luzera egiten dan inbersinoa.

  7. 4 NGÀY TRƯỚC

    Erromeria hau orain dala 50 urte desagertu zan, Lemoizko zentral nuklearraren eregitea dala-eta

    Lemoizko Udalak eta Labayru Fundazioak Lemoizko Sarakoetxe: lehenaren itzala gogoan ikus-entzunezkoa aurkeztu dabe. Dokumentalak Lemoizko Sarakoetxeko erromeriaren memoria historikoa berreskuratu gura dau, herriko eta inguruko biztanleen testigantzen bitartez. Akaitze Kamiruaga Labayru Fundazioko kide eta proiektuaren arduradunak azaldu dauanez, egitasmoa hainbat urtez lantzen ibili dira. 2022. urtean lemoiztar talde batek jaia berreskuratzeko lehenengo saioa egin eban, eta ondoren, Udalaren laguntzeagaz, badira hiru urte Sarakoetxeko erromeria ospatzen dala. Erromeria hau orain dala 50 urte inguru desagertu zan, Iberduerok zentral nuklearra eregiteko baserriak eta lurrak erosi ebazanean. Erromeria xumea baina esanguratsua Kamiruagak azaldu dauanez, erromeria ez zan bereziki handia, baina oso garrantzitsua zan Lemoiz, Bakio, Mungia, Maruri-Jatabe eta inguruko herrietako biztanleentzat. Irailaren 8an ospatzen eben, Andra Mari egunean. Auzokoek Marutxeaga baserriko ataria apaintzen eben mezatarako. Ama Birjinaren irudia eroaten eben eta aldare bat atontzen eben. Meza ospatu ondoren, bazkaldu, eta ondoren dantza eta jai giroa izaten ziran. Garai haretako ohituren artean, eskota izenekoa nabarmentzen da. Ohitura honen arabera, auzoko mutil gazteak dirua batu eta ardo zahagiaren bila joaten ziran. Idi gurdi baten ekarten eben zahagia, eta gero, erromerian batutakoen artean banatzen zan ardoa. Memoria historikoa berreskuratu gurean Lemoizko Udalak Lemoizko Sarakoetxe: lehenaren itzala gogoan dokumentalagaz Sarakoetxeko erromeriaren memoria berreskuratu gura dau, herriko belaunaldi barriek bere garaian galdu zan identidade historikoaren eta kulturaren barri euki dagien. Erromeria galtzea "traumatikoa" izan zan auzokoentzat eta lemoiztar guztientzat, Akaitze Kamiruagaren esanetan.

  8. 5 NGÀY TRƯỚC

    Egiten daben laugarren ikerketea da

    Hiru gaztetik batek, laguntzea eskatu dau buruko osasunagaz lotutako arazo bati aurre egiteko. BBK Kunak egindako ikerketa baten emaitza da aipatutakoa. The Future Game gizarte-laborategia sortu dabe Z belaunaldiaren osasun emozionala aztertzeko, DOT Coop diseinu ikerketa zentroagaz batera. Kristian Prietok, BBK Kunako zuzendariak esan deuskunez, osasun mentalaz gehiago hitz egiten da gaur egun gazteek eurek bultzatuta. BBK Kunak laugarrenez egin dau ikerketea. Inkestak egiteaz gain, gazteakaz egin dabe berba. 18 eta 35 urte artekoen artean hiru gaztetik batek, buruko osasunagaz lotutako arazo bati aurre egiteko laguntzea eskatu dau. Datu larria da Prietorentzat. Sare sozialak Gazteen %21 baino gehiagok psikologoarengana jo behar izan dau eta %15ak medikazinoa hartu dau. Bakardade sentimendua be azpimarratu behar da ze, lautik bat bakarrik sentitzen da eta %15 abandonauta. Sare sozialek bestalde, kezka handia eragiten dabe gazteen artean. Askok kendu nahi dabez. Prietorentzat oreka bilatu beharko litzateke. www.generaciondecristal.es webgunean dago eskuragarri txosten osoa.

Xem tất cả (50)

Giới Thiệu

Magazine honetan danetarikoa topauko dozue, informazinorako eta entretenimendurako. Era guztietako alkarrizketak: aktualidadekoak eta han hor hemenkako gai ezbardinen ganekoak, Bizkaian zeharrekoak, kultura arlokoak… Lehenengo sektoreari eskeinitako tarte bereziak emitiduten dira magazine honetan: Garoa (baserri mundua), Kresala (arrantza mundua). Bestekako tarte bereziak be bai: eliz gaiak, Euskal Herriko Unibertsidadea eta abar. Kolaboratzaileek be gai interesgarriak jorratzen ditue astetero: Edorta Unamuno (Urdaibai Bird Center), Agus Barandiaran (munduan zeharreko folk musikea), Euskera hobetzen tartea (Adolfo Arejita), zientzialariak eta abar. Informazinoa eta entretenimendua ordu bi eta erditan zehar.

Thông Tin

  • Kênh
    Bizkaia Irratia
  • Nhà sáng tạo
    Rosi Guarrotxena, Oihane Irazu eta Ainhoa Llona
  • Năm hoạt động
    2023 - 2025
  • Tập
    50
  • Xếp hạng
    Sạch
  • Bản quyền
    © 2025 Bizkaia Irratia
  • Trang web chương trình
    Lau Haizetara

Nội Dung Khác Của Bizkaia Irratia

Bạn cần đăng nhập để nghe các tập có chứa nội dung thô tục.

Luôn cập nhật thông tin về chương trình này

Đăng nhập hoặc đăng ký để theo dõi các chương trình, lưu các tập và nhận những thông tin cập nhật mới nhất.
Chọn quốc gia hoặc vùng

Châu Phi, Trung Đông và Ấn Độ

Châu Á Thái Bình Dương

Châu Âu

Châu Mỹ Latinh và Caribê

Hoa Kỳ và Canada