Z-Lann

Z-Lann
Z-Lann

Welcome to Z-Lann, your number one stop for quality audio stories, all in the Myanmar language. Find your latest local and international entertainment, educational and drama audio stories right here on Z-Lann!

  1. "အကြားအမြင် အာရုံနှစ်မျိုးစလုံးချို့တဲ့နေခဲ့ပေမယ့် ကမ္ဘာမှာ ဂုဏ်ပြုစံထိုက်သူတစ်ယောက်ဖြစ

    VOR 1 STD.

    "အကြားအမြင် အာရုံနှစ်မျိုးစလုံးချို့တဲ့နေခဲ့ပေမယ့် ကမ္ဘာမှာ ဂုဏ်ပြုစံထိုက်သူတစ်ယောက်ဖြစ

    Helen Keller (ဟယ်လင်ကယ်လာ)လို့ပြောလိုက်ရင် လူအတော်များ ဆယ်တန်းတုန်းက ကျောင်းသင်ရိုးဖတ်စာအုပ်ထဲမှာ သူမရဲ့ အတ္ထုပတ္တိအကျဉ်းချုပ်ကို သင်ယူခဲ့ရတာကို အမှတ်ရမိကြမှာပါ။ဟယ်လင်ဟာ အမြင်အာရုံချို့ယွင်းနေတဲ့အပြင် အကြားအာရုံပါ ချို့ယွင့်နေခဲ့တာပါ။ဒါပေမယ့် ဟယ်လင်က ပထမဦးဆုံးသော    အကြားအမြင်ချို့ယွင်းနေတဲ့ ဝေဒနာရှင်တစ်ယောက်အနေနဲ့ Bachelor of Arts (ဝိဇ္ဇာဘွဲ့)ကို ရရှိခဲ့တဲ့အမေရိကန်လူမျိုးတစ်ဦး ဖြစ်ပါတယ်။ ဒီလိုအကြားအမြင်အာရုံနှစ်မျိုးစလုံး ချို့ယွင်းနေတာတောင် ဟယ်လင်ကယ်လာက လောကြီးကို အရှုံးမပေးခဲ့တဲ့အပြင် သူမက ပညာရေးမျာ သာမန်လူကောင်းတစ်ယောက်လို တန်းတူဖြစ်နေခဲ့တဲ့ အပြင် လူအသိုင်းအဝိုင်းမှာလည်း ဂုဏ်ပြုစံထိုက်တဲ့ မသန်စွမ်းသူရဲကောင်း အမျိုးသမီးတစ်ယောက်ဖြစ်ခဲ့ပါတယ်။ ၂၀ရာစုနှစ်အစောပိုင်းမှာ ဟယ်လင်ဟာ အမျိုးသမီးတွေရဲ့ ငြိမ်းချမ်းရေးအပါအဝင် လူမှုရေး၊နိုင်ငံရေးပြသနာတွေကို ပါဝင်ဖြေရှင်းခဲ့ပါတယ်။သူမဟာ ဒုတိယကမ္ဘာစစ်အတွင်းမှာ ဒဏ်ရာရတဲ့ စစ်သားတွေဆီ သွားရောက်နှစ်သိမ့်အားပေးမှုတွေပြုလုပ်ခဲ့ပြီး သူမရဲ့ဘဝတစ်လျှောက်လုံးမှာလည်း မျက်မမြင်ဆွံ့အနားမကြား မသန်းစွမ်းသူတွေရဲ့ ဘဝကိုတိုးတက်အောင် မြှင့်တင်ပေးဖို့အတွက် ကူညီဆောင်ရွက်ပေးခဲ့ပါတယ်။ဒီနေ့ ဇာတ်လမ်း Z-Lann ရဲ့ “အဆိုအမိန့်ထုံး နှလုံးမူ” အစီအစဉ်မှာတော့ အမှောင်ကမ္ဘာထဲကနေ အလင်းထဲကို ရအောင်ထိုးဖောက်ထွက်ခဲ့ပြီး ကမ္ဘာကြီးကို အကျိုးပြုခဲ့တဲ့ ဟယ်လင်ကယ်လာရဲ့ စံပြထိုက်တဲ့ အဆိုအမိန့်တစ်ခုကို လေးစားစွာ ထုတ်နှုတ်ပြောပြသွားမှာပဲ ဖြစ်ပါတယ်။ #ZLann #ZLann_Podcast #အဆိုအမိန့်ထုံး နှလုံးမူ #ဟယ်လင်ကယ်လာ #HelenKeller

    6 Min.
  2. " ရှေးခေတ်မျိုးနွယ်စုနှစ်ခုရဲ့ ကိုယ်စားပြုသင်္ကေတအရုပ်ဖြစ်တဲ့ ဖီရှိုး "

    VOR 16 STD.

    " ရှေးခေတ်မျိုးနွယ်စုနှစ်ခုရဲ့ ကိုယ်စားပြုသင်္ကေတအရုပ်ဖြစ်တဲ့ ဖီရှိုး "

    တရုတ် ရှေးဒဏ္ဍာရီ နဲ့ကျေးလက်ရိုးရာရှေးပုံပြင်တွေထဲမှာ "ဖီရှိုး၊နဂါး၊ ဇာမဏီ၊ လိပ် နဲ့ ချီလင်" တို့ကိုတွဲပြီး မင်္ဂလာရှိတဲ့ နတ်သတ္တဝါကြီး ၅ ကောင်အဖြစ် သတ်မှတ်ခြင်းခံရပါတယ်။အဲဒီသတ္တဝါတွေထဲက ဖီရှိုးဟာ အန္တရာယ်ကင်းစေပြီး လာဘ်လာဘကောင်းမွန်သလို၊ ၊ အိမ်ထောင်ရေးကံကောင်းစေတဲ့အစွမ်းရှိတယ် လို့ဆိုကြပါတယ်။ "ရာဇဝင်ကျမ်းထဲက ဧကရာဇ် (၅) ပါးမှတ်တမ်း " မှာ ဖီရှိုးတွေဟာ ခြေ ၆ချောင်းပါရှိပြီး ရက်စက်ကြမ်းကြုတ် တဲ့သားရဲအဖြစ် ဖော်ပြထားပါတယ်။မင်ခေတ်  ဂန္ထဝင်စာပေဖြစ်တဲ့ "ချင်းပိုင့်လေ့ချောင်း"မှတ်တမ်းထဲမှာတော့ ဖီရှိုးတွေဟာ ကျား ၊ ကျားသစ် ဒါမှမဟုတ် ဝက်ဝံတို့နဲ့ပုံသဏ္ဌာန်တူပြီး သားမွေးက မီးခိုးရောင်ရှိတယ်လို့ဆိုပါ တယ်။ ဦးခေါင်းနဲ့အမြီးက နဂါး နဲ့ ပုံသဏ္ဍာန်တူပြီး ခန္ဓာကိုယ်အရောင်က ရွှေနဲ့ကျောက်စိမ်းရောင် ရောနေတယ်လို့ ဆိုပါတယ်။ဦးခေါင်းမှာ ဦးချို ရှိပြီး နောက်ကိုလှန်နေပါတယ်။ ပခုံးမှာ ဖြန့်လို့မရတဲ့ အတောင်တစ်စုံလည်း ရှိတယ် လို့ဆိုပါတယ်။  ဖီရှိုး သဏ္ဍာန်ပါတဲ့ အသုံးအဆောင် ကိုနောက်ကြောင်းလိုက်ကြည့်မယ်ဆိုရင် ဟန်မင်းဆက် လက်ထက်ကတည်း က တွေ့ရှိခဲ့ပါတယ်။ အဲဒီခေတ်မှာတော့ ဖီရှိုး အများစု ကို ခြေလေးချောင်းရှိတဲ့သားရဲ အဖြစ်ပုံဖော်ကြပြီး ဒါတွေဟာ အာရှတိုက် အနောက်တောင်ဘက်မှ ဆင်းသက်လာဟန်ရှိပါတယ်။ ဒီနေ့ Z-Lann ဇာတ်လမ်းရဲ့ “ပါးစပ်ရာဇဝင် တို့၏ ဒဏ္ဍာရီ”အစီအစဉ်ကနေ တရုတ် ရှေးဒဏ္ဍာရီ နဲ့ကျေးလက်ရိုးရာ ရှေးပုံပြင်တွေထဲမှာ မင်္ဂလာရှိတဲ့သတ္တဝါ အဖြစ်ဖော်ပြခံရတဲ့ ဖီရှိုး သတ္တဝါ အကြောင်းကို ဇာတ်လမ်းပရိသတ်ကြီး အတွက် စိတ်ဝင်စားဖွယ် တင်ဆက်ပေးမှာဖြစ်ပါတယ်။ #ZLann #ZLann_Podcast #ပါးစပ်ရာဇဝင်တို့၏ဒဏ္ဍာရီ #ပီချူး #ဖီရှိုး

    8 Min.
  3. " ကျေးလက်ရိုးရာဓလေ့ဖြစ်တဲ့ လမိုင်းနတ်တင်ခြင်းဓလေ့ "

    VOR 16 STD.

    " ကျေးလက်ရိုးရာဓလေ့ဖြစ်တဲ့ လမိုင်းနတ်တင်ခြင်းဓလေ့ "

    မြန်မာလူ့ဘောင်ယဉ်ကျေးမှုအသိုင်းအဝိုင်းတွေမှာ ပွဲအခမ်းအနားတစ်ခုခုပြုလုပ်တဲ့အခါ၊ ဖျော်ဖြေပွဲ တွေ  ပြုလုပ်တဲ့အခါ အဆင်ပြေချော့မွေ့ဖို့အတွက် “ လမိုင်းကပ်ရတယ် “ ၊ တကယ်လို့ ဖျော်ဖြေ နေတဲ့အချိန်အတောအတွင်းမှာ အမှားမှားအယွင်းယွင်းနဲ့ လွဲချော်မှုတွေရှိလာပြီဆိုရင် ဒါက “လမိုင်းမကပ်ဘူး” ဆိုတာပြောကြတာမျိုး ကြားဖူးကြမှာပါ။ အနုပညာလုပ်ငန်းလုပ်ကိုင်သူတွေဆိုရင်  ဒီ “လမိုင်း”ဆိုတဲ့ အသုံးအနှုန်းကို ပိုပြီးရင်းနှီးကြမယ်ထင်ပါတယ်။ မြန်မာလူမျိုးတွေရဲ့ ရိုးရာဓလေ့ထုံးစံတွေထဲမှာ လမိုင်းနတ်တင်ခြင်းဓလေ့က မပါမဖြစ်ပါ။ လမိုင်းနတ် တင်ရတဲ့ ရည်ရွယ်ချက်အကြောင်းအရင်းကတော့ ကိုယ်လုပ်ကိုင်တဲ့လုပ်ငန်းဆောင်တဲ့အခါမှာ အဆင် ပြေဖြစ်မြောက်ဖို့အတွက်ဖြစ်ပါတယ်။ ရှေးယခင်က လယ်သမားတွေ ထွန်ရေငင်ကာစအချိန်က ထွန်တုံး ၊ ထွန်သန် ၊ လှည်း အစရှိတဲ့ လယ်ယာသုံးပစ္စည်းတွေကို ကြည့်ရှုစောင့်ရှောက်ပေးဖို့အတွက် လမိုင်းနတ်ကို ပူဇော်ပသလေ့ရှိကြသလို သစ်ခုတ်၊ လှေထိုး၊ ငါးဖောင်ချ ၊ သမ္ဗန်ခတ်အစရှိတဲ့ အလုပ်တွေကို လုပ်ကိုင်ကြတဲ့သူတွေဟာလည်း လမိုင်းနတ်တင်တာမျိုးရှိပါတယ်။  ဒီနေ့ Z-Lannရဲ့  “ သွင်ဟန်ထူးခြား ဓလေ့ထုံးများ ” အစီအစဉ်ကနေ မြန်မာလူမျိုးတို့ရဲ့ ဓလေ့ထုံးစံတစ်ခုဖြစ်တဲ့ လမိုင်းဆိုတာ ဘာလဲ၊ လမိုင်းတင်တဲ့ဓလေ့က ဘယ်လိုဖြစ်ပေါ်လာတာလဲ စတဲ့ စိတ်ဝင်စားဖွယ်ကောင်းတဲ့အကြောင်းအရာတွေကို တင်ဆက်ပြသပေးသွားမှာဖြစ်ပါတယ်။ #ZLann #ZLann_Podcast #သွင်ဟန်ထူးခြားဓလေ့ထုံးများ #လမိုင်းနတ် #ရိုးရာနတ်

    8 Min.
  4. " မိမိကိုယ်မိမိ သိမြင်ခြင်းသည် ပညာရှိခြင်း၏ အစဖြစ်သည် " – Aristotle

    VOR 1 TAG

    " မိမိကိုယ်မိမိ သိမြင်ခြင်းသည် ပညာရှိခြင်း၏ အစဖြစ်သည် " – Aristotle

    ဇီဝဗေဒ နဲ့ ယုတ္တိဗေဒရဲ့ ဖခင်ကြီးလို့ အသိအမှတ်ပြုခံရတဲ့ အရစ္စတိုတယ်ဟာ လွန်ခဲ့တဲ့နှစ်ပေါင်း ၂၃၀၀ကျော်တုန်းက သိပ္ပံပညာနဲ့ အတွေးအခေါ်ပညာပိုင်းကို အဓိကစူးစမ်းရှာဖွေခဲ့သူဖြစ်ပါတယ်။    သူ့ရဲ့ ရှာဖွေတွေ့ရှိမှုတွေနဲ့ ပြုစုရေးသားခဲ့တာကို နှစ်ပေါင်းကာလတစ်လျှောက်မှာ လူများစွာ စိတ်ဝင်စားခဲ့ကြတဲ့အတွက် ဘာသာစကားအမျိုးမျိုးပြန်ဆိုပြီး လေ့လာခဲ့ကြပါတယ်။ အရစ္စတိုတယ်ဟာ ဝိဇ္ဇာ ၊ နက္ခတ္တဗေဒ ၊ ဇီဝဗေဒ ၊ လူ့ကျင့်ဝတ် ၊ ဘာသာစကား ၊ ဥပဒေ ၊ ယုတ္တိဗေဒ ၊ သံလိုက်ဆွဲအား ၊ ရုပ်လွန်ပညာ ၊ ရွေ့လျားမှု ၊ကဗျာ ၊ နိုင်ငံရေး ၊ စိတ်ပညာ ၊ နှုတ်မှုစွမ်းရည်အကြောင်း တို့ကို အသေးစိတ်ကျမ်းပြုရေးသားခဲ့ပါတယ်။ ဒါကြောင့် သမိုင်းပညာရှင် ဂျိမ်းစ်မက်လာလန်က “သဘာဝတရားအပေါ် အရစ္စတိုတယ်ရဲ့ အတွေးအမြင်တွေက ဥရောပ နှစ် ၂၀၀၀အထိ လွှမ်းမိုးခဲ့ တယ်”လို့ရေးသားခဲ့ပါတယ်။  အရစ္စတိုတယ်ဟာ နောင်တစ်ချိန်မှာ မဟာအလက်ဇန္ဒားဖြစ်လာမယ့် မက်ဆီဒိုးနီးယား လူငယ်လေးကို ပညာသင်ကြားပေးခဲ့ပါတယ်။ဒါ့အပြင် အရစ္စတိုတယ်ဟာ ဘာဘေးရီးယန်ယဉ်ကျေးမှု (Barartian Custom)နဲ့ အေသင်ဖွဲ့စည်းပုံအခြေခံဥပဒေ (Athenian Consittution)ကိုလည်း ရေးသားခဲ့ပါတယ်။  ဒီနေ့မှာတော့ Z-Lannရဲ့  “အဆိုအမိန့်ထုံး နှလုံးမူ” အစီအစဉ်ကနေ ရှေးခေတ်ကမ္ဘာရဲ့ အကြီးကျယ်ဆုံး သော အတွေးအခေါ်ပညာရှင် အရစ္စတိုတယ်ရဲ့ မှတ်သားဖွယ်ကောင်းတဲ့ အဆိုအမိန့်တစ်ခုကို တင်ဆက် ပေးသွားမှာ ဖြစ်ပါတယ်။ #ZLann #ZLann_Podcast #အဆိုအမိန့်ထုံးနှလုံးမူ #Aristotle

    5 Min.
  5. "တရုတ်နိုင်ငံရဲ့ ရှေးဟောင်းအမွေအနှစ် ကြာဟူကြိုးကြာငှက်ရိုးပလွေ"

    VOR 1 TAG

    "တရုတ်နိုင်ငံရဲ့ ရှေးဟောင်းအမွေအနှစ် ကြာဟူကြိုးကြာငှက်ရိုးပလွေ"

    တရုတ်နိုင်ငံရဲ့ ရှေးဟောင်းအမွေအနှစ်တစ်ခုဖြစ်ပြီး လွန်ခဲ့တဲ့နှစ်ပေါင်းထောင်ချီ ကာလတွေကတည်းကရှိခဲ့တဲ့ ကြာဟူကြိုးကြာငှက်ရိုးပလွေ။ ကြာဟူဆိုတာဟာ တစ်ခေတ်တစ်ချိန်တုန်းက တရုတ်နိုင်ငံအလယ်ပိုင်းမှာ တည်ရှိခဲ့တဲ့ ဒေသတစ်ခုဖြစ်ပြီး အခု ဟူနန်ပြည်နယ်ဖြစ်ပါတယ်။ ကြာဟူဒေသမှာ နေထိုင်ခဲ့ကြတဲ့ လူတွေဟာ ရှေးအကျဆုံးလူ့အဖွဲ့အစည်းတစ်ခုဖြစ်ကာ လက်မှုပစ္စည်းပေါကြွယ်ဝသလို ရှေးဟောင်းပစ္စည်းတွေဖြစ်တဲ့ ကိရိယာတန်ဆာပလာနဲ့ ရှေးဟောင်းအိုးတို့အပါအဝင် ကမ္ဘာ့ရှေးအကျဆုံး တရုတ်စာပေရဲ့ မှတ်တမ်းမှတ်ရာတွေကိုပါ အဲဒီဒေသကနေတွေ့ရှိရပါတယ်။ အထူးခြားဆုံးအနေနဲ့ ကြိုးကြာအရိုးဖြင့်ပြုလုပ်ထားတဲ့ ပုလွေတူရိယာကိုလည်း ရှာဖွေတွေ့ရှိခဲ့ပါတယ်။  ဒီနေ့တင်ဆက်ပေးမယ့် "နိုင်ငံ့ရတနာတို့ခိုလှုံရာ" အစီအစဉ်မှာ ကမ္ဘာ့ရှေးအကျဆုံး ကြာဟူဒေသမှာတွေ့ရှိခဲ့တဲ့ ရှေးဟောင်းအမွေအနှစ်ဖြစ်တဲ့ ကြာဟူကြိုးကြာငှက်ရိုးပလွေ အကြောင်းတင်ဆက်ပေးသွားမှာဖြစ်ပါတယ်။ #ZLann #ZLann_Podcast #နိုင်ငံ့ရတနာတို့ခိုလှုံရာ #ကြာဟူကြိုးကြာငှက်ရိုးပလွေ #Jiahu #NeolithicBoneFlute

    7 Min.
  6. “ရိုးသားမှုဆိုတာ အရမ်းစျေးကြီးတဲ့ဆုလာဘ်ဖြစ်တယ် … ဒါကြောင့် စျေးပေါတဲ့သူတွေဆီကနေရဖို့ မမ

    VOR 2 TAGEN

    “ရိုးသားမှုဆိုတာ အရမ်းစျေးကြီးတဲ့ဆုလာဘ်ဖြစ်တယ် … ဒါကြောင့် စျေးပေါတဲ့သူတွေဆီကနေရဖို့ မမ

    Amazonရဲ့ စွန့်ဦးတီထွင်သူ Jeff Bezos လိုလူတောင် စံထားလေးစားရတဲ့ ကမ္ဘာအအောင်မြင်ဆုံး ရင်းနှီးမြှုပ်နှံသူတစ်ဦးတစ်ယောက်လို့ အသိအမှတ်ပြုထားတဲ့ Warren Buffett အကြောင်းကို မသိသူ နည်းသလောက်ရှိမှာပါ။ ၂၀၂၄ခုနှစ် အောက်တိုဘာလမှာ ခန့်မှန်းခြေအသားတင်ပိုင်ဆိုင်မှု ဒေါ်လာ ၁၄၇ ဘီလီယံရှိခဲ့ပြီး ကမ္ဘာအချမ်းဆုံးပုဂ္ဂိုလ် (၁၀) ဦးထဲမှာ ပါဝင်ခဲ့ပါတယ်။ သမိုင်းတစ်လျှောက်အအောင်မြင်ဆုံး ရင်းနှီးမြှုပ်နှံသူတစ်ယောက်အဖြစ် အသိအမှတ်ပြုခံရတဲ့ Warren Buffet ဟာ ငယ်စဉ်ကတည်းက ချမ်းသာလိုစိတ်အပြည့်အဝရှိခဲ့သူတစ်ယောက်ပါ။  အသက် ၁၁နှစ်အရွယ်ကတည်း စတော့ရှယ်ယာကို ပထမဦးဆုံး စတင် ဝယ်ယူခဲ့ပေမယ့် ဘီလျံနာ တစ်ယောက်အဖြစ်ရောက်ရှိအောင် ကြွယ်၀ချမ်းသာလာတဲ့ အောင်မြင်မှုတွေ၊ ငွေကြေးဥစ္စာတွေက သူ့အသက် ၆၀ ကျော်မှသာ ပိုင်ဆိုင်လာခဲ့တာပါ။ ဒီလို ကမ္ဘာ့အအောင်မြင်ဆုံးရင်းနှီးမြှုပ်သူတစ်ယောက်ရဲ့ အတွေးနဲ့ ခံယူချက်တွေက သင်ထင်ထားတာ ထက် ရိုးရှင်းလှပါတယ်။ ဒီနေ့  Z-Lann ရဲ့ “အဆိုအမိန့်ထုံး နှလုံးမူ” အစီအစဉ်မှာ ဒီလိုလေးစားအတုယူ ဖွယ် ကောင်းတဲ့ Warren Buffettရဲ့အဆိုအမိန့်တွေထဲက အဆိုအမိန့်ကောင်းတစ်ခုကို တင်ဆက်ပေး သွားမှာပဲဖြစ်ပါတယ်။#ZLann #ZLann_Podcast # အဆိုအမိန့်ထုံးနှလုံးမူ #WarrenBuffett

    6 Min.
  7. " လုံမပျိုတိုင်း မျှော်လင့်ကြတဲ့ ဖက်စိမ်းကွမ်းတောင်ကိုင် အိပ်မက် "

    VOR 2 TAGEN

    " လုံမပျိုတိုင်း မျှော်လင့်ကြတဲ့ ဖက်စိမ်းကွမ်းတောင်ကိုင် အိပ်မက် "

    အညာဒေသရဲ့ ယဉ်ကျေးမှုဓလေ့ဖြစ်တဲ့ ဖက်ရွက်တွေနဲ့ ပြုလုပ်ထားတဲ့ ဖက်စိမ်းကွမ်းတောင်က နူးညံ့ပျော့ပြောင်းတဲ့ ငှက်ပျောဖက်ကို အနုပညာမြောက် ဖန်တီးထားတဲ့ ကွမ်းတောင်ချိုးခြင်း လက်မှုပညာရပ်တစ်ခုဖြစ်သလို ဖက်စိမ်းကွမ်းတောင် ချိုးကြရာမှာလည်း ဒေသ တစ်ခုနဲ့  တစ်ခု ပုံသဏ္ဌာန် ကွဲပြားမှုတွေရှိပါတယ်။ ရှေးမြန်မာ ဘိုးဘွား တို့က မြန်မာမိန်းမပျိုတို့အနေနဲ့ ဣန္ဒြေ ၊သိက္ခာ နဲ့ ကိုယ်ကျင့်တရားကို ထိန်းသိမ်း စောင့်ရှောက်နိုင်ဖို့၊ အပျိုစင်ဘဝကို တန်ဖိုးထားနိုင်စေဖို့၊ နူးညံ့သိမ်မွေ့တဲ့  မိန်းကလေးတွေဖြစ်လာစေဖို့ ရည်ရွယ်ခဲ့တဲ့ ဖက်စိမ်းကွမ်းတောင်ကိုင် ဓလေ့က အလွန်တရာမှ ချစ်ခင်နှစ်သက်ဖွယ် ကောင်းတဲ့ ဓလေ့တစ်ခုဖြစ်ပါတယ်။ ဒီလို မြန်မာမိန်းကလေးတို့ တန်ဖိုးထားရာ ဖက်စိမ်းကွမ်းတောင်ရိုးရာဓလေ့အကြောင်းကို ဇာတ်လမ်းရဲ့ “ သွင်ဟန်ထူးခြား ဓလေ့ထုံးများ “ အစီအစဉ်ကနေ တင်ဆက်ပြသ ပေးသွားမှာဖြစ်လို့ ဝင်ရောက်ကြည့်ရှုဖို့ ဖိတ်ခေါ်လိုက်ပါတယ် ဇာတ်လမ်း ပရိသတ်ကြီးရေ။  #ZLann #ZLann_Podcast #သွင်ဟန်ထူးခြားဓလေ့ထုံးများ #ဖက်စိမ်းကွမ်းတောင်ဓလေ့

    5 Min.
  8. " သစ္စာရှိမှုနဲ့ မင်္ဂလာရှိမှုတို့ရဲ့ သင်္ကေတနိမိတ်အဖြစ် သတ်မှတ်ကြတဲ့ မြန်မာ့ဒဏ္ဏာရီထဲက က

    VOR 2 TAGEN

    " သစ္စာရှိမှုနဲ့ မင်္ဂလာရှိမှုတို့ရဲ့ သင်္ကေတနိမိတ်အဖြစ် သတ်မှတ်ကြတဲ့ မြန်မာ့ဒဏ္ဏာရီထဲက က

    ဒဏ္ဍာရီ၊ ပုံပြင်တွေ အများအပြားရှိနေသလို ထူးဆန်းတဲ့ သတ္တဝါဆန်းတွေအကြောင်းထဲကမှ  ကိန္နရီ၊ကိန္နရာအကြောင်းကို မြန်မာလူမျိုးတော်တော်များများ ကြားဖူးကြမယ်လို့ ထင်ပါတယ်။ ကိန္နရီ၊ကိန္နရာကို ဗုဒ္ဓစာပေ တွေထဲမှာ တွေ့ရတတ်ပြီး အရှေ့တိုင်းကိုဗုဒ္ဓစာပေတွေ ပျံ့နှံ့သွားတာနဲ့အမျှ နိုင်ငံအသီးသီးမှာ ကိန္နရီ၊ကိန္နရာကို ပုံစံအမျိုးမျိုးနဲ့ ဖော်ပြလာကြပါတယ်။မြန်မာလူမျိုးတွေရဲ့အဆိုအရ ကိန္နရီ၊ကိန္နရာပုံစံဟာ  နတ်ဝတ်နတ်စား ပုံစံမျိုးနဲ့တွေ့ရတတ်ပြီး ငှက်ပုံစံ၊လူခေါင်း (သို့) လူပုံစံ၊ မြင်းမျက်နှာပုံစံနဲ့တွေ့ရှိရပါတယ်။ အိန္ဒိယနိုင်ငံမှာ ကိန္နရီ၊ကိန္နရာပုံစံဟာ ကိုယ်အပေါ်ကလူပုံစံ၊အောက်ပိုင်းက ငှက်ပုံစံရှိပြီး အတောင်တွေ၊အမြီးတွေရှိတာကို တွေ့ရပါတယ်။ ရှေးခေတ်မြန်မာဘုရင်တွေနဲ့ ရာဇပလ္လင် ဥကင်လက်ဝဲ၊လက်ယာတွေမှာ ကိန္နရီ၊ကိန္နရာ ကနေတဲ့ပုံစံကိုမင်္ဂလာယူတဲ့အနေနဲ့ ထုလုပ်တတ်ကြပြီး မြန်မာဗေဒင်ကျမ်း ၁၂ရာသီခွင်ရဲ့ မေထုန်ရကာသီမှာ ကိန္နရီ၊ကိန္နရာ နဲ့ အမှတ်အသားလုပ်ထားတာကို တွေ့ရမှာပါ။ ကိန္နရီ၊ကိန္နရာဟာ တကယ်ပဲ တည်ရှိခဲ့လား၊ပါးစပ်ရာဇဝင်သက်သက်ပဲလားဆိုတာကို သိချင်ရင်တော့ ဒီနေ့ Z-Lannရဲ့ “ပါးစပ်ရာဇဝင်တို့၏ ဒဏ္ဍာရီ” မှာ ကိန္နရီ၊ကိန္နရာ အကြောင်း စိတ်ဝင်စားဖွယ်ပြောပြပေးသွားမှာပဲ ဖြစ်ပါတယ်။ #ZLann #ZLann_Podcast # ပါးစပ်ရာဇဝင်တို့၏ဒဏ္ဍာရီ #ကိန္နရီ၊ကိန္နရာ

    6 Min.
Alle anzeigen (866)

Info

Welcome to Z-Lann, your number one stop for quality audio stories, all in the Myanmar language. Find your latest local and international entertainment, educational and drama audio stories right here on Z-Lann!

Informationen

  • Erstellt von
    Z-Lann
  • Jahre aktiv
    2022 - 2025
  • Folgen
    866
  • Bewertung
    Unbedenklich
  • Copyright
    © Z-Lann
  • Sendungswebsite
    Z-Lann

Melde dich an, um anstößige Folgen anzuhören.

Bleib auf dem Laufenden mit dieser Sendung

Melde dich an oder registriere dich, um Sendungen zu folgen, Folgen zu sichern und die neusten Updates zu erhalten.
Wähle ein Land oder eine Region aus

Afrika, Naher Osten und Indien

Asien/Pazifik

Europa

Lateinamerika und Karibik

USA und Kanada