Juan del Arco: "Norobirusa oso kutsakorra da"

Norobirusaren ganean egin dogu berba Juan del Arco geure botikariagaz Bizkaia Irratiko Zientzia Tartean asteon. Izan be, norobirusaren intzidentzia igon egin da azken asteetan Espainian. Aitatutako birusak gastroenteritisa eragiten dau gehienetan, ezinegonagaz batera. Ganera, oso kutsakorra dan birus baten aurrean gagoz. Norobirusa pertsonen arteko kontaktu zuzenaren bidez edo kutsatutako azaleren bitartez kutsatzen da. Horregaitik, oso ohikoa da jente asko dagozan tokietan hainbat kasu emotea: eskoletan, bulegoetan, nagusien egoitzetan... Beste gaixotasunekaz gertatzen dan moduan, prebentzinoa funtsezkoa da kutsatzeak ekiditeko: eskuetako higienea mantendu egin behar da, elikagaiak ondo garbitu behar dira, lexibagaz desinfektau behar dira kutsatutako azalerak, etab.