បទសម្ភាស

RFI ខេមរភាសា / RFI Khmer
បទសម្ភាស

បទសម្ភាស​ជាមួយ​​អ្នក​នយោបាយ តំណាង​សង្គម​ស៊ីវិល ឬ​អ្នកឯកទេស​ផ្សេងៗ ដើម្បី​និយាយ​ពី​ព្រឹត្តិការណ៍​សំខាន់ៗ ដែល​កើតមាន​ឡើង​នៅ​ក្នុង​ប្រទេស​កម្ពុជា។

  1. 2 DNI TEMU

    លោកស្រី ដោ សម្ផស្ស៖ សាលាក្រុងប្តេជ្ញាបង្ក្រាបបទល្មើសឆបោកអនឡាញឱ្យរឹតតែមានប្រសិទ្ធភាពជាង

    រដ្ឋបាលរាជធានីភ្នំពេញនៅថ្ងៃទី០២ ខែកក្កដា ឆ្នាំ២០២៥ បានសម្រេចបង្កើតគណៈកម្មការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា(Online Scam)រាជធានីភ្នំពេញ​ ដើម្បីបង្កើនសកម្មភាពបង្ក្រាបបទល្មើសឆបោកអនឡាញក្នុងភូមិសាស្ត្ររាជធានីភ្នំពេញ។ ក្នុងកិច្ចសម្ភាសជាមួយវិទ្យុបារាំងអន្តរជាតិRFIនៅថ្ងៃទី០៣ ខែកក្កដា ឆ្នាំ២០២៥នេះ លោកស្រី ដោ សម្ផស្ស អ្នកនាំពាក្យរដ្ឋបាលរាជធានីភ្នំពេញបានបញ្ជាក់ថា តាមរយៈការបង្កើតគណៈកម្មការមួយច្បាស់លាស់បែបនេះ នឹងជួយជំរុញឱ្យការអនុវត្តវិធានការបង្ក្រាបបទល្មើសឆបោកតាមអនឡាញក្នុងរាជធានីភ្នំពេញកាន់តែមានប្រសិទ្ធភាពបន្ថែមទៀត។ តែលោកស្រី​ ដោ សម្ផស្ស ក៏មិនភ្លេចបញ្ជាក់ថា ការបង្កើតគណៈកម្មការមួយនេះពុំមែនមានន័យថា ភូមិសាស្ត្ររាជធានីភ្នំពេញសម្បូរទៅដោយបទល្មើសឆបោកអនឡាញនោះទេ។

    8 min

  2. 3 DNI TEMU

    បណ្ឌិត ឈាង វណ្ណារិទ្ធ៖ សិង្ហបុរី និងកម្ពុជាមានជំហររួមគឺដោះស្រាយវិវាទតាមច្បាប់អន្តរជាតិ

    លោក Lawrence Wong នាយករដ្ឋមន្ត្រី និងជារដ្ឋមន្ត្រីក្រសួងហិរញ្ញវត្ថុសិង្ហបុរីកំពុងបំពេញទស្សនកិច្ច រយៈពេលមួយថ្ងៃ គឺនៅថ្ងៃទី០២ ខែកក្កដា ឆ្នាំ២០២៥ នៅកម្ពុជា។ នៅក្នុងកិច្ចសម្ភាសជាមួយវិទ្យុបារាំងអន្តរជាតិ RFI នាថ្ងៃទី០២ ខែកក្កដានេះ លោកបណ្ឌិត ឈាង វណ្ណារិទ្ធ នាយកឧទ្យាននវានុវត្តន៍សង្គមអង្គរ(ASIP) បានមើលឃើញថាដំណើរទស្សនកិច្ចរបស់នាយករដ្ឋមន្ត្រីសិង្ហបុរីនៅកម្ពុជាអំឡុងពេលខួប៦០ឆ្នាំនេះ គឺជាការបង្កើនទំនាក់ទំនងការទូតរវាងកម្ពុជា និងសិង្ហបុរីកាន់តែជ្រាលជ្រៅបន្ថែមទៀត។ ទាក់ទងទៅនឹងជម្លោះព្រំដែនកម្ពុជា-ថៃ លោកបណ្ឌិត ឈាង វណ្ណារិទ្ធ បញ្ជាក់ថាសិង្ហបុរីក៏មានជំហរដូចកម្ពុជាដែរ គឺការដោះស្រាយគ្នាដោយសន្តិវិធី និងតាមច្បាប់អន្តរជាតិ។

    8 min

  3. 4 DNI TEMU

    លោកស្រី ឆន សុគន្ធា៖ ៩១ភាគរយនៃអ្នកសារព័ត៌មានដែលផ្តល់មតិ ពួកគេបារម្ភអំពីសុវត្ថិភាព

    របាយការណ៍​ស្ទង់​មតិ​មួយ​ បាន​រក​ឃើញ​ថា​ ៩១​ភាគរយនៃ​អ្នក​សារ​ព័ត៌មាន​ដែល​បាន​ចូល​រួម​ស្ទង់​មតិ​ បាន​ឆ្លើយ​ថា​ពួកគេ​ព្រួយ​បារម្ភ​អំពី​សុវត្ថិភាព​អាយុ​ជីវិត​ នៅពេល​បំពេញ​វិជ្ជាជីវៈ​ជា​អ្នក​សារ​ព័ត៌​មាន​ឯករាជ្យ​នៅកម្ពុជា​ ហើយ​៤៤​ភាគរយ​បាន​អះអាងថា ធ្លាប់​ជួប​បញ្ហា​សុវត្ថិភាព​ ក្នុង​ឆ្នាំ២០២៤​។​ ក្នុង​បទ​សម្ភាស​ជា​មួយ​វិទ្យុ​បារាំង​អន្តរ​ជាតិ​ RFI​ នៅ​ថ្ងៃទី​១​ខែ​កក្កដា​នេះ ​លោកស្រី ឆន សុគន្ធា នាយិកា​នៃ​មជ្ឈ​មណ្ឌល​កម្ពុជា ដើម្បី​ប្រព័ន្ធ​ផ្សព្វ​ផ្សាយ​ឯក​រាជ្យ​(CCIM)​ បាន​ថ្លែងថា​ ការ​ស្ទង់​មតិនេះ​ ដើម្បី​ចង់ដឹងថា ​តើ​អ្នកសារ​ព័ត៌​មាន​ដែល​រាយការណ៍​ពី​រឿង​រសើបៗ ​មាន​បញ្ហា​ប្រឈម​អ្វី​ខ្លះ ​ក្នុង​ន័យ​ឲ្យ​ភាគី​ពាក់​ព័ន្ធ​ជួយ​រក​ដំ​ណោះ​ស្រាយ​។

    12 min

  4. 18 CZE

    ឧកញ៉ា តែ តាំងប៉៖ ការបិទការនាំចូលទំនិញថៃ គឺជាឱកាសរបស់វិស័យ SMEកម្ពុជា

    ជម្លោះព្រំដែនកម្ពុជា-ថៃ បានឈានទៅដល់ការជំរុញឲ្យឈប់ទិញ និងប្រើប្រាស់ទំនិញថៃនៅក្នុងទីផ្សារកម្ពុជា។ បញ្ហានេះក៏ព្រោះតែភាគីថៃបានប្រកាសបិទបើកច្រកទ្វារព្រំដែនមិនប្រក្រតីជាឯកតោភាគី។ កម្ពុជាក៏បានឆ្លើយតបវិញតាមរយៈការបិទមិនឲ្យទំនិញថៃរួមមានបន្លែ និងផ្លែឈើនាំចូល និងឆ្លងកាត់កម្ពុជាដែរ។ នៅក្នុងកិច្ចសម្ភាសជាមួយវិទ្យុបារាំង RFI នាថ្ងៃទី១៨ ខែមិថុនា ឆ្នាំ២០២៥នេះ លោកឧកញ៉ា តែ តាំងប៉  ប្រធានក្រុមប្រឹក្សាភិបាលសម័្ពន្ធសមាគមសហគ្រាសធុនតូច និងមធ្យមកម្ពុជា(FASMEC) បានមើលឃើញថាអវត្តមានទំនិញថៃនៅកម្ពុជា គឺជាឱកាសដ៏ល្អសម្រាប់វិស័យសហគ្រាសធុនតូច និងមធ្យមខ្មែរ។ តាមលោកឧកញ៉ា តែ តាំងប៉ ទំនិញSME កម្ពុជា អាចរ៉ាប់រងតម្រូវការក្នុងប្រទេសបាន ប្រសិនបើពុំមានទំនិញថៃ៕

    11 min

  5. 17 CZE

    លោក គឹម ចាន់បញ្ញា៖ពលរដ្ឋជាង១ពាន់គ្រួសារបានចេញពីផ្ទះដោយខ្លួនឯងទៅរកកន្លែងសុវត្ថិភាព

    បើ​ទោះ​ជា​ស្ថាន​ភាព​នៅ​ព្រំ​ដែន​កម្ពុជា​ និង​ថៃ ​ក្នុង​ខេត្ត​ព្រះវិហារ​ មាន​សភាព​ធម្មតា​តែ​ពលរដ្ឋ​ជាង​១​ពាន់​គ្រួសារ​ហើយ​ដែលភាគ​ច្រើន​ជា​ស្ត្រី​ និង​កូន​ក្មេង ​បាន​ចាក​ចេញ​ពី​ផ្ទះ​ ​ទៅ​រក​ទី​កន្លែង​មាន​សុវត្ថិភាព​ក្នុង​ចំងាយ​ជាង​១០០​គីឡូ​ម៉ែត្រ​ពី​តំបន់​ប្រឈម​មុខគ្នា​​ដោយ​អាវុធ​។​ ក្នុង​បទ​សម្ភាស​ជា​មួយ​វិទ្យុ​បារាំង​អន្តរ​ជាតិ​RFI​ នៅ​ថ្ងៃ​ទី​១៧ ខែ​មិថុនា ​លោក គឹម​ ចាន់បញ្ញា អភិបាលរង​ខេត្ត​ព្រះ​វិហារ ​​ថ្លែង​ថា អាជ្ញាធរ​មិន​បាន​ជម្លៀស​ពលរដ្ឋ​ទាំង​នោះ​ទេ ​តែ​ដោយ​សារ​ការ​ភ័យ​ខ្លាច​ ពលរដ្ឋ​បាន​ភៀស​ខ្លួន ​ទៅ​កាន់​មណ្ឌល​សុវត្ថិភាព​បណ្ដោះ​អាសន្ន​ នៅ​វត្ត​ពោធិ៍​៥០០០​ដើម ​ក្នុង​ស្រុក​គូលែន​។ លោក​ថា ​ចំនួន​ពល​រដ្ឋ​ភៀស​ខ្លួន​ដោយ​សារ​ការ​ភ័យ​ខ្លាច​អាច​បន្ត​កើន​ឡើង​៕

    7 min

  6. 12 CZE

    លោក លី សុវណ្ណារិទ្ធ៖ អាជ្ញាធរខេត្តបន្ទាយមានជ័យត្រៀមជម្លៀសពលរដ្ឋ ក្នុងករណីផ្ទុះអាវុធជាមួ

    អាជ្ញាធរខេត្តបន្ទាយមានជ័យបាន​អះអាងពីការ​​ត្រៀមខ្លួនជម្លៀស​ពលរដ្ឋ​ខ្មែរ​​ទៅកាន់តំបន់ដែលមានសុវត្ថិភាព ក្នុងករណីផ្ទុះអាវុធ ឬបិទច្រកព្រំដែន​ជាមួយថៃ។ ក្នុងបទសម្ភាសជាមួយវិទ្យុបារាំងអន្តរជាតិ ​RFI នាថ្ងៃទី១២ ខែមិថុនា ឆ្នាំ២០២៥នេះ លោក លី សុវណ្ណារិទ្ធ អភិបាលរងខេត្តបន្ទាយមានជ័យ​បានអះអាងថា ​​អាជ្ញាធរខេត្តបន្ទាយមានជ័យ​​បាន​កំណត់​តំបន់មួយចំនួនរួចហើយ ដែលមានចម្ងាយឆ្ងាយ​ពីព្រំដែនកម្ពុជា-ថៃ ​​​​​ធ្វើជាទីតាំង​មានសុវត្ថិភាព​​​​​​។​ តាមលោក លី សុវណ្ណារិទ្ធ ទីតាំងមានសុវត្ថិភាព​ទាំងនោះនឹងត្រៀមទទួលពលរដ្ឋពីស្រុក​ចំនួន៤ និងក្រុងចំនួន១ ដែលជាតំបន់ប្រឈមនឹងហានិភ័យ​ក្នុងពេលផ្ទុះអាវុធជាមួយថៃ​។ ​

    6 min

  7. 11 CZE

    ឧកញ៉ា សន សៀប៖ អចលនទ្រព្យកម្ពុជាប្រភេទឧស្សាហកម្មបានរងឥទ្ធិពលនៃការដាក់ពន្ធរបស់អាមេរិក

    ចាប់តាំងពីរដ្ឋការលោកប្រធានាធិបតីសហរដ្ឋអាមេរិក ដូណាល់ ត្រាំ តម្លើងពន្ធលើមុខទំនិញពីប្រទេសផ្សេងៗនាំចូលអាមេរិកកាលពីខែមេសា ឆ្នាំ២០២៥មក វិស័យអចលនទ្រព្យកម្ពុជាបានទទួលរងផលប៉ះពាល់លើផ្នែកមួយចំនួន។ នៅក្នុងកិច្ចសម្ភាសជាមួយវិទ្យុបារាំង RFI នាថ្ងៃទី១១ ខែមិថុនា ឆ្នាំ២០២៥នេះ លោកឧកញ៉ា សន សៀប ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជាបានគូសបញ្ជាក់ថា អ្នកវិនិយោគលើវិស័យអចលនទ្រព្យកំពុងស្ថិតក្នុងស្ថានភាពរង់ចាំមើលនៅឡើយ ក្រោយការដាក់ពន្ធរបស់លោក ដូណាល់ ត្រាំ។ តាមលោក សន សៀប វិស័យអចលនទ្រព្យកម្ពុជាបានរងផលប៉ះពាល់ជាពិសេសលើប្រភេទអចលនទ្រព្យបែបឧស្សាហកម្ម។

    12 min

  8. 4 CZE

    លោក ហូ វណ្ឌី៖ ទេសចរណ៍ខ្មែ-ថៃ នឹងរងផលប៉ះពាល់ធំធេងប្រសិនបញ្ហាព្រំដែនមិនត្រូវបានដោះស្រាយ

    កងទ័ពកម្ពុជា និងកងទ័ពថៃបានប៉ះទង្គិចគ្នាដោយអាវុធមួយប្រាវកាលពីថ្ងៃទី២៨ ខែឧសភា ឆ្នាំ២០២៥ នៅចំណុចព្រំដែនមុំ៣ ក្នុងខេត្តព្រះវិហារ ដែលបណ្តាលឲ្យទាហានកម្ពុជាម្នាក់បាត់បង់ជីវិត។ ហេតុការណ៍នេះបានរុញឲ្យស្ថានការណ៍ព្រំដែនរវាងកម្ពុជា និងថៃ មានភាពតានតឹង ដោយកម្ពុជាបានចោទប្រកាន់ទាហានថៃថាបានលួចវាយឆ្មក់មកលើទាហានកម្ពុជា។ នៅក្នុងកិច្ចសម្ភាសជាមួយវិទ្យុបារាំង RFI នាថ្ងៃទី០៤ ខែមិថុនា ឆ្នាំ២០២៥នេះ លោក ហូ វណ្ឌី ទីប្រឹក្សាសមាគមទេសចរណ៍កម្ពុជាបានសម្តែងនូវការព្រួយបារម្ភចំពោះហេតុការណ៍ដែលបានកើតឡើង និងថាហេតុការណ៍នេះនឹងប៉ះពាល់ធំធេង ដល់វិស័យទេសចរណ៍នៃប្រទេសទាំងពីរ ប្រសិនបើមិនមានដំណោះស្រាយ៕

    9 min
Wyświetl wszystko (26)

O programie

បទសម្ភាស​ជាមួយ​​អ្នក​នយោបាយ តំណាង​សង្គម​ស៊ីវិល ឬ​អ្នកឯកទេស​ផ្សេងៗ ដើម្បី​និយាយ​ពី​ព្រឹត្តិការណ៍​សំខាន់ៗ ដែល​កើតមាន​ឡើង​នៅ​ក្នុង​ប្រទេស​កម្ពុជា។

Informacje

Więcej od: RFI ខេមរភាសា / RFI Khmer

Możesz również polubić

Zaloguj się, aby posłuchać odcinków dla dorosłych

Bądź na bieżąco z programem

Zaloguj się lub zarejestruj, aby obserwować programy, zachowywać odcinki i otrzymywać najnowsze uaktualnienia.
Wybierz kraj lub region

Afryka, Bliski Wschód i Indie

Azja i Pacyfik

Europa

Ameryka Łacińska i Karaiby

Stany Zjednoczone i Kanada