ព្រឹត្តិការណ៍កីឡាប្រណាំងសេះ Melbourne Cup សម្រាប់​ប្រជាជនខ្មែរអូស្រ្តាលី

Melbourne Cup គឺជាព្រឹត្តិការណ៍កីឡាប្រណាំងសេះដ៏ធំបំផុតនៅប្រទេសអូស្ត្រាលីដែលមានប្រវត្តិយូរអង្វែងណាស់មកហើយ តាំងពីឆ្នាំ ១៨៦១ មក។ នៅថ្ងៃនេះ ពលរដ្ឋអូស្រ្តាលីខ្លះបានចំណាយថវិកា និងពេលវេលាទៅទស្សនាការប្រណាំងផ្ទាល់នៅទីលានប្រកួត ក៏ដូចជាការភ្នាល់ល្បែងស៊ីសង ហើយអ្នកខ្លះទៀតក៏រង់ចាំទស្សនាការផ្សាយនៅតាមទូរទស្សន៍ឬតាមអ៊ីនធឺណិត។ សហគមន៍ជាច្រើនរៀបចំព្រឹត្តិការណ៍បន្តិចបន្តួចដូចជា ពិធីទទួលទានអាហារ តុបតែងខ្លួនជាមួយនឹងមួកធំៗ ហើយវាក៏បានក្លាយជាឱកាសនៃការជួបជុំយ៉ាងសប្បាយរីករាយសម្រាប់សហគមន៍និងក្រុមគ្រួសារ។