牛哥講經丨廣東話哲學、書籍分享

讀物農莊 Anybooks Farm
  • 5.0 (3)
  • BOOKS
  • UPDATED WEEKLY
牛哥講經丨廣東話哲學、書籍分享
牛哥講經會員專屬內容

立即收聽《牛哥解經》、《西哲幼稚園》、《生活雜談》！（支持牛某製作不同內容）

3 days free, then $14.99/month

牛哥講經，用廣東話詮釋經典畀你聽。 🐂🐂🐂🐂🐂 夜晚瞓唔著就睇書，睇書就記錄下所思所想。主要睇哲學、政治、歷史。 香港人，就用香港話講經。每星期開講。 Instagram： @cowgortalk YouTube：讀物農莊 Anybooks Farm Patreon： patreon.com/cowgortalk 文字版：cowgortalk.wordpress.com 如果對會員podcast (牛哥解經、西哲幼稚園、生活雜談）有興趣，記得成為Patreon會員；或者參加到Spotify 嘅Paid Subscriber: https://podcasters.spotify.com/pod/show/cowgortalk/subscribe 可以去https://open.spotify.com/show/6arTIDfqLrebjBvibr811k?si=c52990eb056a4dbe 睇睇會員podcast嘅主題！ 期待你嘅加入！

  1. 不死痲瘋病：你以為痲瘋病已經從大地上消失？唔好意思，法國光頭佬：「這些結構仍將續存」丨哲學即食麵（4）丨傅柯，《古典時代瘋狂史》

    1 DAY AGO

    不死痲瘋病：你以為痲瘋病已經從大地上消失？唔好意思，法國光頭佬：「這些結構仍將續存」丨哲學即食麵（4）丨傅柯，《古典時代瘋狂史》

    喺中世紀末，歐洲城市嘅邊陲，有一大片荒涼同無辦法長期居住嘅土地，呢片土地就好似包圍住城市嘅開放沙灘，呢個沙灘曾經居住住一種老舊嘅恐懼，以致到一般人唔會輕易靠近，被歸屬為非人（L’in-humain）嘅領域，為方便討論，我哋將呢種領域，稱之為「非人荒漠」。 你覺得「非人荒漠」過去擁有嘅恐懼係咩？ 呢個恐懼嘅名極為古老，佢就係《聖經》當中提及到嘅「痲瘋病」。 歐洲人對「痲瘋病」避之則吉，認為得到「痲瘋病」嘅人（痲瘋病人）得到上帝嘅懲罰，於是喺城市嘅邊陲，建立被人詛咒嘅社區——痲瘋院，將痲瘋病人一個個送到痲瘋院（其中一個主要原因，係唔想被痲瘋病人傳染）。呢個做法，由中世紀前期已經開始。中世紀幾時開始，無一個定案，有人認為係西羅馬帝國最後一位皇帝被廢黜嘅年份——476年，象徵住蠻族擊倒西羅馬，西方文明要喺亂局當中以各自力量重建基督教文化。 Foucault指出，從中世紀前期，到十字軍東征結束為止（十字軍東征結束喺1270年），喺呢七百幾年間，歐洲大陸嘅痲瘋院數量不斷提升……

    13 min
  2. 西哲幼稚園EP15丨尼采哲學簡介1丨叔本華：世界只有盲目嘅意志，以及虛假嘅表象。尼采：你係唔係講緊阿波羅同戴歐尼索士？——從叔本華思想，到比叔本華更悲觀嘅希臘神話丨Peter Kail, ”Si

    2 DAYS AGO • SUBSCRIBERS ONLY

    西哲幼稚園EP15丨尼采哲學簡介1丨叔本華：世界只有盲目嘅意志，以及虛假嘅表象。尼采：你係唔係講緊阿波羅同戴歐尼索士？——從叔本華思想，到比叔本華更悲觀嘅希臘神話丨Peter Kail, ”Si

    試想像一個世界，佢充斥住無盡嘅慾望同痛苦，好似一個巨大嘅舞台，而人就係台上嘅木偶，被一股神秘嘅力量操控住，但係我哋竟然懵然不知—— 叔本華就係咁樣睇世界，佢認為世界被「意志」操控，注定走向悲觀。 喺佢嘅代表作《意志和觀念的世界》入面，叔本華將世界分為「意志」同「表象」兩個層次。 佢認為，我哋用感官所認識嘅世界，只不過係「意志」嘅客觀化，好似鏡花水月，虛幻不實。 人不斷追求慾望嘅滿足，種種滿足只係暫時，最終都係徒勞無功。 尼采本來被呢種悲觀所深深打動，其後，佢喺叔本華嘅悲觀哲學，以及希臘悲劇當中穿梭，結果，佢喺希臘悲劇搵到希望嘅曙光，寫出《悲劇的誕生》。 我哋可以從尼采嘅再版當中，見到尼采對自己嘅睇法充滿住唔自信同搖擺。即使尼采唔太滿意自己嘅作品，但《悲劇的誕生》依然改寫咗西方哲學界對於古希臘思想嘅睇法，譚家哲喺講到尼采嘅時候提到：「《悲劇之誕生》其重要性不僅為尼采自身思想之源頭 ，更是在西方思想中，唯一對西方文明源起嘗試作解釋之反省。」（譚，頁782） 所以，尼采喺回應叔本華嘅同時，就對西方文明作出起源式嘅反思。佢借用希臘神話入面嘅太陽神阿波羅同酒神戴歐尼索斯，重新演繹叔本華嘅「表象」同「意志」。 尼采相信，人類可以透過藝術嘅力量，喺悲劇之中領悟生命嘅意義，最終戰勝叔本華式嘅悲觀主義。 我哋會用兩集嘅時間，嘗試回答： 1. 究竟叔本華點解會形成咁悲觀嘅世界觀？ 2. 尼采又係點樣喺悲觀之中搵到希望？ 今集會作為背景。 喺第一部分〈意志哲學(續）：悲觀叔本華〉，我哋會詳細少少講下叔本華點理解意志同表象。講下叔本華點繼承康德，成為一個觀念論者，同時嘗試超出康德。然後，我哋會睇下叔本華哲學同印度哲學嘅關係。從生物（包括人類）嘅生理結構，了解咩係「求生的意志」（Will to Live）。 喺第二部分〈阿波羅與戴歐尼索士之精神〉，我哋會睇最悲觀嘅希臘故事，以及用阿波羅、戴歐尼索士對應叔本華嘅意志同表象。 等我哋一齊踏上呢趟哲學探索之旅，解開叔本華同尼采思想交織嘅秘密！ 建議聽咗康德集數再聽呢集 音樂來源： P C III- Snow Ticket (creative commons instrumental) https://soundcloud.com/pipe-choir-2/p-c-iii-snow-ticket-creative-commons-instrumental P C III - The Family Breaks (Creative Commons Instrumental) https://soundcloud.com/pipe-choir-2/p-c-iii-the-family-breaks-creative-commons-instrumental

    44 min

  3. 3 NOV

    S2EP49 尼采生平（下），身體越衰敗，意志越強大嘅男人，向一個女人求婚兩次，通通被拒絕。雖然佢寧願被人稱為「怪物」，但死後居然被人稱為「XX」……丨《悲劇哲學家尼采》＋《哲學的

    上集提到，尼采喺佢第一部作品——《悲劇的誕生》當中，將西方哲學分作兩個階段——蘇格拉底前同蘇格拉底後，而佢嘅詮釋，可謂改寫咗西方人對古希臘哲學嘅視角：以往，蘇格拉底被人推舉；尼采認為，蘇格拉底之後，就係思想嘅陷落。 雖然尼采呢種講法過於誇張（未見成熟），但係呢種講法的確令人重新審視柏拉圖哲學嘅來源同效用，我哋喺《西哲幼稚園》嘅第9集用《非理性的人》講過，現代學者認為柏拉圖可以象徵住神話轉向哲學嘅化身，由此，西方哲學陷入難以解開嘅矛盾。而尼采就係將呢個矛盾展露出嚟嘅人，開啟咗對古希臘哲學嘅重新審視。 從依家嘅視角睇嚟，尼采嘅《悲劇的誕生》帶嚟獨特見解，但喺《悲劇的誕生》呢部奇書問世之初，一般古典語言學教授都冷眼視之，有人仲批評《悲劇的誕生》係「完全胡說」，仲有一個語言學家寫咗一本小冊子譏笑《悲劇的誕生》，教授嘅批評，預示住尼采往後嘅孤獨。 而喺尼采教授嘅課程中，學生開始被人勸退，話唔好上尼采嘅堂。但尼采無放棄寫作，佢喺三年間寫咗四篇長文，分別係〈史特勞斯：懺悔者與作家〉（“David Strauss: The Confessor and Writer”）、〈歷史的利弊〉（“The Use and Disadvantage of History for Life”）、〈教育家叔本華〉（“Schopenhauer as Educator”）、〈華格納在拜壘〉（“Richard Wagner in Bayreuth”），四篇文合成一本書，叫做《不合時宜的觀察》（Untimely Meditations）。 從四篇長文嘅標題可以睇出，喺呢段時期，尼采主要係回應、承繼佢所鍾愛嘅思想家，亦即係我哋之前一直提到嘅叔本華同華格納。另外，既然現代文明身陷蘇格拉底之後嘅影響，咁就只有華格納嘅音樂先可以拯救呢種文化危機。佢講到： 「從狄奧尼索斯之源，德國精神力量崛起，它與蘇格拉底文化的原始條件並無任何共通之處……也就是說，德國音樂……在它浩瀚太陽系的運行軌道中，有巴哈到貝多芬，又從貝多芬到華格納。」（《悲劇的誕生》，見於《哲學的故事，尼采，III》） 尼采認為，德國精神，被華格納喚醒。今集，我哋就要接住尼采同華格納嘅故事講落去。 內容包括： 「戰亂之下」：尼采喺德國戰勝之際，見到德國陷入衰敗嘅可能，而華格納就係重振德國精神嘅支柱。 「再見華格納」：尼采之所以會離開佢嘅偶像，原來係同一首歌有關。 「燃燒生命」：我哋會睇下尼采喺”Why I Am So Wise”當中，點樣形容自己身體一步步衰弱，而意志一步步強大。 「飄泊中寫作」：講講尼采所遇到嘅愛情，以及佢嘅人生結局。佢童年被人稱為「聖殿的耶穌」，死後被人稱為「XX」，可謂係首尾呼應。 另外，我會喺結語補充一個部分，「何愛尼采」。因為陳鼓應喺〈經典全新修訂版序〉當中提到尼采對佢生命嘅影響，就順便講埋。

    48 min
  4. 審判蘇格拉底（下）：蘇格拉底嘅另一面，居然係一個詭辯家？最唔怕死嘅哲學家vs雅典議會嘅政治審判，到底蘇格拉底係被雅典民主所殺，定係「自殺」呢？丨哲學即食麵（3）丨黃方剛，《

    26 OCT

    審判蘇格拉底（下）：蘇格拉底嘅另一面，居然係一個詭辯家？最唔怕死嘅哲學家vs雅典議會嘅政治審判，到底蘇格拉底係被雅典民主所殺，定係「自殺」呢？丨哲學即食麵（3）丨黃方剛，《

    依家，我哋主要會用蘇格拉底嘅朋友或者弟子嘅描述，了解蘇格拉底嘅事蹟同形象。但呢啲作品多數都係蘇格拉底死後先完成；喺蘇格拉底在生嘅時候（公元前423年），蘇格拉底已經喺年輕明星劇作家亞里斯多芬（Aristophanes）嘅作品——《雲》（Die Wolken）當中出現。呢個故事係一部喜劇，仲喺詩人比賽中得到第三名，個故事大概係咁： 有一個陷入財務危機嘅大地主拜蘇格拉底為師，想學習喺法庭上面對債權人嘅時候，為自己辯護嘅最佳方法。點知，大地主資質唔好，學極都學唔好，於是佢就將自己個仔送畀蘇格拉底教。點知大地主個仔學完之後，唔單止無幫父親辯護，仲反過嚟攻擊父親，仲話自己母親都應該被打。大地主見到蘇格拉底嘅壞影響，所以放火燒咗佢間屋。 荒唔荒謬？荒謬。喺《雲》呢部作品之下，蘇格拉底嘅形象同我哋依家所理解嘅詭辯家無咩分別，為權貴服務，仲指鹿為馬。好可能呢一切形象都唔係真確，但《雲》呢部作品卻好大機會顯示住當時嘅人，對於蘇格拉底嘅印象——蘇格拉底能夠用說話擾亂人心，帶嚟倫常混亂。 甚至，我哋可以想像，如果對於蘇格拉底嘅描述，就只有《雲》呢部作品，咁我哋今日應該唔會再記住蘇格拉底、將蘇格拉底稱為重要嘅西方哲學家。（《認識世界：西洋哲學史卷一》（臺北：商周出版，2021年3月），頁110） 好彩嘅係，我哋今日有科林斯嘅色諾芬（Xenophon）所寫嘅《蘇格拉底追思錄》，以及柏拉圖嘅種種作品。以致我哋可以還原蘇格拉底面對審判時候嘅情境（雖然都未必係真），而雅典民主殺死蘇格拉底嘅呢種講法，或者有啲粗淺，甚至，有人會話，蘇格拉底可以算係「自殺」……

    16 min
  5. 牛哥解經(19)：存在莊子1丨分析莊子哲學嘅六大特點，原來佢係二千年前嘅存在主義者！？一齊睇下日本哲學家點樣用莊子哲學表露中國文化嘅「此世性格」。丨《莊子——中國古代的存在主

    24 OCT • SUBSCRIBERS ONLY

    牛哥解經(19)：存在莊子1丨分析莊子哲學嘅六大特點，原來佢係二千年前嘅存在主義者！？一齊睇下日本哲學家點樣用莊子哲學表露中國文化嘅「此世性格」。丨《莊子——中國古代的存在主

    引子 我之前喺discord讀書組同大家一齊讀過《莊子——中國古代的存在主義》，當時覺得呢本書都寫得幾好。一直想同大家分享呢本書。事隔幾個月，終於的起心肝，寫成文稿。 我鍾意呢本書嘅原因好簡單：唔少寫莊子寫得好嘅書，都唔適合大眾睇，因為莊子哲學本身有一個好大嘅系統，加上莊子原文用字相當困難，讀者需要對莊子原文有基礎理解，先容易明白對莊子嘅解說。 而呢一本《莊子——中國古代的存在主義》喺寫法上就好唔同，因為佢係將莊子文句融入到佢所編整嘅莊子故事當中，相比起一本正經嘅哲學作品，佢更似一本莊子嘅小說——從莊子嘅處境出發，描寫莊子喺亂世當中嘅心境。讀者睇嘅時候，有種輕快嘅感覺，亦感受到作者對於莊子係極為熟悉，只係寫嘅時候係順手拈來，不留苦澀。我相信呢種作品，對於大家進入莊子世界，有莫大益處。 雖然呢部作品輕鬆，但係由於作者大有來頭，所以對於內容亦可以放心——我哋起碼係了解緊一個哲學家對於莊子嘅理解。作者係研究莊子嘅學者，叫做福永光司（Fukunaga Kōji），喺1918年出世，喺京都帝國大學文學部哲學科畢業，曾經係東京大學文學部教授、京都大學人文學研究所所長，仲喺關西大學同北九州大學教書，之後被授予京都大學名譽教授，佢主要研究範疇係中國思想史，特別係老莊思想同道教，係一位日本老莊思想研究嘅權威，對莊子思想嘅解讀同研究影響深遠。 《莊子——中國古代的存在主義》就係佢其中一本引人注目嘅作品。呢本書嘅譯者陳冠學更講到：「就這個體裁說，這是一本滿分的著作。本書的寫作一掃過去莊學家的惡態，絕口不道一句玄妙語，只是平平實實地將莊子的本心原本托出而已。」（頁1） 世間上有唔少用玄妙語言詮釋莊子嘅講法，令人有種錯覺：莊子就係講啲虛無飄渺嘅說話，只不過係虛無主義、厭世主義、逃避主義嘅胡言亂語。 《莊子——中國古代的存在主義》將莊子同存在主義並列，就係要顯示出：莊子學問，根本唔需要用虛無飄渺嘅語言嚟講，呢套學問同每一個人嘅生命相關，佢係中國古代嘅存在主義—— 「莊子的哲學就是對于在不自由的現實之中，人如何方能持有無所囚繫的自由之自我的闡明。」（頁4）。 呢一集，我哋未入到莊子嘅故事，而係要為大家講講書嘅序言、講講莊子嘅背景，當中會提及莊子哲學嘅六個特色。 一，唔自由社會 二，此世哲學 三，神與孤獨 四，合理主義 五，分析與直觀 六，詩與藝術 按：我遲下會用鈴木大拙嘅作品講講禪宗入門，你試下對讀一下，相信會好有趣。

    1h 4m
  6. 牛哥解經(18)：夢與神話3丨千萬個好嘅劇本，都有住相同嘅結構？你會發現佛陀覺悟同摩西取十誡有住異常相似嘅過程；神話只係說明人心嘅故事——人生就係一場悲劇同喜劇嘅交織丨《千面

    24 OCT • SUBSCRIBERS ONLY

    牛哥解經(18)：夢與神話3丨千萬個好嘅劇本，都有住相同嘅結構？你會發現佛陀覺悟同摩西取十誡有住異常相似嘅過程；神話只係說明人心嘅故事——人生就係一場悲劇同喜劇嘅交織丨《千面

    喺上集，我哋通過牛頭人神話見到變形神話嘅兩種形態──失敗同成功。今集，將會係「夢與神話」系列嘅最後一集，我哋會用英雄嘅冒險之旅（成年式）所代表嘅公式作為理論嘅總結，呢一個公式包括三個部分：分離（隔離）X、傳授奧秘（啟蒙）Y、歸來（回歸）Z，我稱之為「xyz 圓圈」。 漫遊者出版社嘅《千面英雄》，喺封面寫到：「從神話心理學到好萊塢（荷里活）編劇王道」，所謂嘅王道，就係指好嘅劇本，都係會喺「xyz 圓圈」當中發揮。換言之，無論係美國隊長、iron man定係蝙蝠俠，佢哋嘅故事都係以「xyz 圓圈」嘅形式展現。 認識「xyz 圓圈」，除咗可以幫助你從故事、電影中閱讀更多，更能夠令你更投入到故事、電影當中，因為「xyz 圓圈」透露住神話嘅意義。 今集內容分成兩大部分： 「悲劇與喜劇」：我哋會睇睇作者（坎伯）係點睇悲劇與喜劇，以及悲劇與喜劇同神話嘅關係 「英雄與神」：我分出五個部分。 「xyz圓圈」，詳細少少睇下「xyz圓圈」係咩意思； 「佛陀與摩西」，用「xyz圓圈」睇下佛教同基督宗教嘅記述； 「神話與內心」，睇下神話嘅現代意義 「神話與神仙」，跟住坎伯一齊分出神話同神仙故事嘅分別 「世界軸心」，作為《宇宙與歷史》嘅補充

    1h 4m
  7. 審判蘇格拉底（上）：蘇格拉底既係戰爭英雄，又係雅典最正直、最聰明嘅人。如果你想懲治蘇格拉底，你能唔能夠從佢兩個「奇怪嘅習慣」，砌佢生豬肉？丨哲學即食麵（2）丨黃方剛，《蘇

    17 OCT

    審判蘇格拉底（上）：蘇格拉底既係戰爭英雄，又係雅典最正直、最聰明嘅人。如果你想懲治蘇格拉底，你能唔能夠從佢兩個「奇怪嘅習慣」，砌佢生豬肉？丨哲學即食麵（2）丨黃方剛，《蘇

    如果我哋想了解蘇格拉底即將要面臨嘅審判，咁我哋就要首先搞清楚克里提亞斯、伯羅奔尼撒戰爭、以及蘇格拉底之間嘅關係。既然上集最後提到伯羅奔尼撒戰爭，咁今集就以蘇格拉底同伯羅奔尼撒戰爭嘅直接關係開始講起。由「戰爭英雄」，講到佢有兩個「奇怪習慣」……

    13 min
  8. S2EP48 尼采生平（上）：出身牧師家庭，兒時玩伴稱之為「聖殿的耶穌」，飽經神學訓練；愛上叔本華哲學，變成對抗西方哲學傳統嘅先導者丨《悲劇哲學家尼采》＋《哲學的故事》

    8 OCT

    S2EP48 尼采生平（上）：出身牧師家庭，兒時玩伴稱之為「聖殿的耶穌」，飽經神學訓練；愛上叔本華哲學，變成對抗西方哲學傳統嘅先導者丨《悲劇哲學家尼采》＋《哲學的故事》

    如果你有試過讀莊子、老子嘅原文，睇睇下睇唔明，結果走去搵一本莊子、老子嘅註釋，咁你好可能會見過陳鼓應嘅作品，因為佢所編著嘅今註今譯系列，可以話係莊子、老子註譯嘅教科書。或者，大家對於陳鼓應嘅印象，就係一個道家研究者，尤其係佢提出「中國哲學道家主幹說」，指出中國文化嘅主軸同道家關係非常緊密，呢種講法，自成一家之言。 其實，陳鼓應早年對尼采思想非常著迷。喺19世紀60年代初到70年代初，當陳鼓應讀緊臺大研究所同喺大學做講師時期，就有著力於尼采思想｛呢點同臺灣大學嘅傅佩榮都幾似，傅佩榮早年受卡繆影響，之後先轉向研究中國哲學｝。喺1984年到1989年，陳鼓應喺北京大學哲學系講課嘅時候，再度研究尼采。「雖然期間時斷時續，但尼采哲學早已內化於我的思想，成為我生命的一部分。」（〈經典全新修訂版序〉） 對於尼采嘅著迷，使得佢喺1963年已經出版《悲劇哲學家尼采》，到2022年臺灣商務再搵陳鼓應出修訂版，佢都無諗住改書名（通常隔咁耐出修訂版都會改一改書名），因為陳鼓應認為「《悲劇哲學家尼采》是我在一九六三年出版的第一本書，書中內容集中體現了年輕時的我對尼采的熱情，這種熱情從來沒有消退過，這也是我仍然樂於沿用原書名並特別珍惜本書的原因。」 點解陳鼓應會對尼采有住咁強烈嘅熱愛？佢指出，「如果我沒有走進尼采的世界，我這一生肯定是完全不同的走向。」而佢喺《悲劇哲學家尼采》嘅〈前言〉提到，佢喺世上有兩本最愛好嘅書，一本係《莊子》，另一本就係《查拉圖斯特拉如是說》（Thus Spake Zarathustra），所以佢後嚟嘅研究，其實係要將莊子同尼采調和，佢喺《莊子思想散步》嘅前言提到，莊子同尼采「這兩者在思想解放和個性張揚方面有許多共同點，而尼采的激情投入與莊子的清明超脫，正有如希臘悲劇中戴歐尼索士（Dionysus；酒神）與阿波羅（Apollo；太陽神）的兩種精神力量的相互對立並又相互協調一樣，亦反映著歷代知識分子內心的種種衝突與求取平衡。」言下之意，就係因為兩者都關懷人類命運、宣揚人文精神、開展審美嘅人生觀…… 講到呢度，相信大家都知點解我要講呢本書——之前喺《牛哥解經》用福永光司講緊莊子係中國古代嘅存在主義，依家就用陳鼓應所講嘅尼采，交畀你判斷莊子同存在主義嘅關係（尼采對於存在主義有莫大影響）。當你聽完尼采嘅生平，你會發現佢已經同佢嘅哲學二合為一。 今集，我會用《悲劇哲學家尼采》加埋《哲學的故事》嚟總結尼采生平，內容包括： 「出身」：尼采出身於基督教家庭，仲有經過嚴格嘅神學學術訓練，結果認為「上帝則是如此一個粗淺的解答」。點解佢會離開神學呢？我哋會睇下佢嘅自述。 「意志哲學：悲觀叔本華」：哲學家叔本華嘅作品，對「意志」有深刻刻畫，構建出尼采年輕時嘅精神世界。我哋會簡單睇下對叔本華哲學嘅簡介。 「悲劇再現：華格納音樂」：音樂家華格納嘅作品，尼采將西方哲學分作兩個階段——蘇格拉底前同蘇格拉底後。雖然尼采呢種講法過於誇張（未見成熟），但係呢種講法令人重新審視柏拉圖哲學嘅來源同效用，我哋喺《西哲幼稚園》第9集用《非理性的人》講過，現代學者認為柏拉圖可以象徵住神話轉向哲學嘅化身，由此，西方哲學陷入難以解開嘅矛盾。所以，尼采開啟咗對古希臘哲學嘅重新審視。 由於《悲劇哲學家尼采》成書非常早，佢原本嘅內容仲係集中

    46 min
See All (202)

Trailer

Ratings & Reviews

5
out of 5
3 Ratings

About

牛哥講經，用廣東話詮釋經典畀你聽。 🐂🐂🐂🐂🐂 夜晚瞓唔著就睇書，睇書就記錄下所思所想。主要睇哲學、政治、歷史。 香港人，就用香港話講經。每星期開講。 Instagram： @cowgortalk YouTube：讀物農莊 Anybooks Farm Patreon： patreon.com/cowgortalk 文字版：cowgortalk.wordpress.com 如果對會員podcast (牛哥解經、西哲幼稚園、生活雜談）有興趣，記得成為Patreon會員；或者參加到Spotify 嘅Paid Subscriber: https://podcasters.spotify.com/pod/show/cowgortalk/subscribe 可以去https://open.spotify.com/show/6arTIDfqLrebjBvibr811k?si=c52990eb056a4dbe 睇睇會員podcast嘅主題！ 期待你嘅加入！

Information

You Might Also Like

To listen to explicit episodes, sign in.

Stay up to date with this show

Sign-in or sign-up to follow shows, save episodes and get the latest updates.
Select a country or region

Africa, Middle East, and India

Asia Pacific

Europe

Latin America and the Caribbean

The United States and Canada