Fiasko Fest

Radio 100,7
  • 0.0 (0)
  • NEWS
  • UPDATED WEEKLY

Mir maache Plaz fir d'Scheiteren. Eng Bün fir Verléierinnen a Verléierer. Eng Anti-Haltung zu éiweger Leeschtung ...

  1. 5 DAYS AGO

    S03E20 Heiansdo deet et wéi: Gérard Thein

    De Gérard Thein kennt seng Grenzen, et ginn der zwou. Eng no der éischter Bezéiung matt enger Etapp am Senegal an déi aner Grenz ass no Covid an engem schrecklechen Accident a sengem Betrib. Sécher ass: De Gérard Thein ass elo net méi "de Bouf vun", hien ass keng 10 Joer méi a muss elo Verantwortung droen. Och sécher: Zäit feelt ëmmer. De Luc Spada schwätzt hei an enger weiderer Folleg Fiasko Fest, heiansdo deet et wéi, mam Direkter vu Bonaria Frères iwwert Krisen, Famill a natierlech den Doud.

    50 min

  2. 25 JAN

    S03E19 Heiansdo deet et wéi: Alain Wolff

    Et brauch am Liewe Grenzen. Dat heescht, datt et ënner anerem wichteg ass ze leieren Nee ze soen an op sech opzepassen. Wann een dat net mécht, kann et och mol séier schifgoen. Woubäi dat och net ganz richteg ass: et geet net séier, mee éischter lues, esou ee Gefill, dat ëmmer do ass, een net wierklech faasse ka bis et ze spéit ass an op eemol guer näischt méi geet. Dat huet och deen haitegen Hypnotiseur Alain Wolff missen erliewen. A wann et och kitscheg klengt: et war eng Chance, wéi bal alles am Liewe vum Luc Spada sengem Invité bei Fiasko Fest.

    49 min

  3. 18 JAN

    S03E18 Heiansdo deet et wéi: Nancy Braun

    Eng vun de Spezialitéite vum Luc Spada senger Invitée bei Fiasko Fest? Eckeg a kanteg Projeten. Ganz besonnesch déi mam Kulturjoer, de ville politesche Faarwen an Erwaardungen. An dertëschent iergendwou: d'Nancy Braun, déi et mam Familljebetrib net méi hikrut a frësch aus Japan zeréck ass. An elo? Gutt Fro. Wat ëmmer hëlleft: trëppelen a beim trëppelen zu sech fannen. No dem ganzen Trubbel, der schwéierer Krankheet an den Europawalen. Endlech: déi absolut Rou. Iergendwou an der Pampa. A bis dohin ass vill geschitt.

    52 min

  4. 11 JAN

    S03E17 Heiansdo deet et wéi: Yannick Iannelli

    Authentesch sinn. Dat ass sou e Wuert ... All Mënsch wëllt et sinn. Oder mengt et ze sinn? Et ass net einfach soen ze kënnen, wou d’Floskel ufänkt an de Contenu ophält. Fiasko Fest mam Luc Spada huet den Influencer Yannick Iannelli agelueden, fir hei Äntwerten ze kréien. Mat Succès? Jo, vläicht, eigentlech, naja, net wierklech, vläicht e bëssi. Wat sécher ass: Et gëtt en direkte Lien tëschent dem Süde vu Lëtzebuerg an dem faméisen Jogging.

    51 min

  5. 4 JAN

    S03E16 Heiansdo deet et wéi: Steffi Buchler

    Definitiv war fréier net alles besser an och un de Soziale Medie muss net alles schlecht sinn. Do sinn de Fiasko Fest Moderator Luc Spada a seng Invitée, d’Steffi Buchler, sech eens. An da wieren do nach d’Frëndschaften. Wat si gutt Frëndschaften a wat braucht et fir datt eng Frëndschaft och bleift? Sécher ass, datt et keen allgemengt Rezept gëtt. Awer et hëlleft natierlech, wann ee sech vertraue kann an net viru schwierege Situatioune fortleeft. Woubäi lafen ass net ëmmer schlecht. A virun allem net iwwerflächlech. Wéi passt dat alles zesummen? Dat muss Dir selwer erausfannen an Iech dës Episod Fiasko Fest ganz ulauschteren.

    50 min

  6. 28/12/2025

    S03E15 Heiansdo deet et wéi: Maurice Molitor

    Bei dëser Emissioun vu Fiasko Fest huet de Luc Spada sech en Aarbechtskolleeg a seng Emissioun agelueden: de Maurice Molitor. An hei gëtt séier kloer: deen hausinternen Invité ass sech senge Privileegie bewosst. An dofir muss hie sech och net entschëllegen, dat ass puer Chance. Mee wat ass mat all deenen, déi keng Chance haten? Mënschen a Krisegebidder oder deenen aner Ongerechtegkeete passéiert sinn: déi kënne jo och näischt dofir. Wat elo? Heescht dat et muss e Liewen nom Doud ginn, fir datt iergendwann all Mënsch säi Stéck vum privilegéierte Kuch ofkritt? Vläicht. An hei stellt sech d'Fro vun der Gerechtegkeet. Eng, déi net oder och guer net endgülteg ze beäntweren oder ze léisen ass.

    50 min

  7. 21/12/2025

    S03E14 Heiansdo deet et wéi: Nora Koenig

    Ganz éierlech. D’Nora Koenig gëtt elo einfach al. Dat muss een dann mol sou soen, wéi et ass, seet d’Schauspillerin. Do brauch de Moderator Luc Spada och guer net sou matt groussen Ae kucken. An ass dat schued? E bëssi, villäicht. Déi Energie ass eben net méi grad sou "wéi fréier". Dofir kennt eppes ewéi Rou an d’Plaz, e bëssi manner »et muss elo sinn« an dofir méi "dann ass et eben net, och okay". An heiansdo geet et eben och einfach an "d’Merde" an dat ass okay. D'Sendung heescht jo net fir näischt: Fiasko Fest.

    54 min

  8. 14/12/2025

    S03E13 Heiansdo deet et wéi: Georges Krombach

    Net jugéieren, nolauschteren an e Gespréich zouloossen, onofhängeg dovun, ob ee mateneen averstanen ass oder net. Dat ass wichteg fir eng gutt Diskussioun an och eng vun de Richtlinne bei Fiasko Fest. Dës Kéier agelueden ass de Georges Krombach, Chief Commercial Officer vun Heintz van Landewyck. Wéi ass et méiglech Mënsche gären ze hunn an awer och Gëft ze verkafen? Natierlech ass et net ëmmer just schwaarz a wäiss. Eng éierlech an intensiv Ausernanersetzung tëschent dem Luc Spada an engem Invité, dee vill verschidde Säiten huet. Dat mécht et natierlech ëmsou méi interessant op dëser Sich no Sënn a Genoss.

    51 min
See All (85)

About

Mir maache Plaz fir d'Scheiteren. Eng Bün fir Verléierinnen a Verléierer. Eng Anti-Haltung zu éiweger Leeschtung ...

Information

  • Channel
    Radio 100,7
  • Creator
    radio 100,7
  • Years Active
    2024 - 2026
  • Episodes
    85
  • Rating
    Clean
  • Copyright
    © Média de Service public 100,7
  • Show Website
    Fiasko Fest

More From Radio 100,7

You Might Also Like