កម្ពុជា និងថៃ ឯកភាពសាងសង់បង្គោលព្រំដែនចំនួន ១៥ឡើងវិញ

កម្ពុជា-ថៃ បានឯកភាពប្រគល់ភារកិច្ចជូនអនុគណៈកម្មការបច្ចេកទេសចម្រុះព្រំដែននៃប្រទេសទាំងពីរ ដើម្បីសាងសង់ឡើងវិញ នូវបង្គោលព្រំដែនចំនួន ១៥ តាមគំរូដើមបង្គោលជំនាន់បារាំង នៅទីតាំងដែល ភាគីទាំងពីរ បានឯកភាពគ្នា លើទីតាំងដើម។ ការឯកភាពគ្នានេះ បានធ្វើឡើង នៅក្នុងកិច្ចប្រជុំពិសេសគណៈកម្មការចម្រុះខណ្ឌសីមាព្រំដែនគោក កម្ពុជា-ថៃ JBC នៅខេត្តចន្ទបុរី ប្រទេសថៃ រយៈពេលពីរថ្ងៃ នៅថ្ងៃទី២១ និងថ្ងៃទី២២ ខែតុលា ឆ្នាំ២០២៥។