Planlos

Chiara Parodi, Olivia Schär, Selina Urech und Stefanie Küng
  • 5.0 (3)
  • NEUES AUS DER UNTERHALTUNG
  • WÖCHENTLICH

Mir si Planlos, de Podcast vo vier junge Fraue, wo sich all zwei Wuche am Mikrofon träffe. Mir reded über d’Theme, wo üs und d’Mediewält beschäftiget: vo Politik über Sport bis hi zum Promi-Gossip. Ob Good News oder Bad News, mir lueged gnauer hii. Kei endlose Newsfeed, kei Bullshit: nur ehrlichi Gspröch und Meinige über das, was uf de Wält lauft. Und am Schluss bechunsch sogar no e gratis Empfählig! Los dri und tell your Friends about us!✨

  1. 15. FEB.

    #76 Trash-TV: Guilty Pleasure oder Gsellschaftsspiegel?

    Ide neust Folg wirds trashy. Mer rede drüber werom Trash-TV so boomt, obwohl sich die meiste es bizli defür schäme Reality-TV z'luege. Du erfahrsch aber ned nor, was die (psychische) Beweggründ für d Faszination Trash-TV sind, sondern au es bizli behind the scene Wüsse über TV-Produktione. E Prise Feminismus het das Ganze natüürlich au, drum wird idere Folg au no über en Artikel über luuti Fraue im Trash-TV diskutiert.

    54 Min.

  2. 2. FEB.

    #75 Beckham-Drama: Werum isch immer d Frou schuld?

    Ir neuschte Folg geiz umd Familie Beckham und zwar ums Familiedrama rund ume Brooklyn Beckham und sini Frou d Nicola Peltz. Üs isch nämlech ufgfaue, dass i Familiedramene oft d Froue als Schuldigi ahgluegt wärde. Drzue giz wie immer üsi Good and Bad News und spannendi Empfählige.

    50 Min.

  3. 18. JAN.

    #74 Krisebrichterstattig: Wie Medie mit Fäll wie Crans-Montana umgönd

    D'Silvesternacht in Crans-Montana het schlimmi Folge mit sich bracht und steckt de ganze Nation ide Chnoche. Die medial Brichterstattig isch entsprechend gross gsi. Für eus vo «Planlos» wirft sie viel Frage uf. Ih dere Folg redemer über d'Krisebrichterstattig und wie d'Medie mit Fäll wie Crans-Montana umgönd. Mir ordnet ih, warum s'Informationsbedürfnis so gross isch, wo d'Brichterstattig in Voyeurismus kippt und wieso au etablierti Medie untereme massive Druck stönd. Wie verschiedni Länder mit dem Ereignis umgönd und welli Uswürkige die Bricht uf Betroffeni und ufs Publikum chan ha, ghörsch au i dere Usgab. Es isch e wichtigi Folg – über Verantwortig im Journalismus, über Klicklogike und über d'Frag, was mir als Konsument:inne und Journalist:inne aktiv chönd mache, zum nötigi Grenze setze.

    48 Min.

  4. 28.12.2025

    #73 Was isch de im 2025 alles passiert?

    Vom neue Bundesrat übere ESC zur Womans Euro, das Jahr isch viu passiert. Mir luege zrüg u rede über d Gschehniss uf dr Wäut und üsi Highlights.

    48 Min.

  5. 14.12.2025

    #72 27 Femizid: d‘Schwiz het es Gwaltproblem

    Ide Schwiz sind das Johr scho 27 Fraue oder Meitli (Stand 14.12.25) tötet worde. I dere Folg rede mir drum au über hüslechi und sexualisierti Gwalt ond weli (Fehl-)Entscheid d’Politik troffe het. Falls du oder öber wo du kennsch, devo betroffe sind, findsch do Hilf: Opferhilfe Schweiz  Online Opferberatung Frauenberatung Frauenhäuser   Für Täter oder betroffeni Männer: Ohne Gewalt Dachverband Schweizer Männer- und Väterorganisationen Mannebüro

    52 Min.

  6. 30.11.2025

    #71 SRF & Mediebranche ide Krise

    Was passiert grad ide Mediewelt? Mir hend scho alli mindestens 1 Masseentlassig miterlebt, eus müsse vo Arbeitsgspänli und Medietitel verabschiede. Und: Mir mached eus Sorge. I dere Folg redemer über es Thema, wo eus direkt betrifft. Es macht eus Sorge fürd Zuekunft – für eus selber, d’Mediewelt und d’Demokratie. Ob mir euse Weg im Journalismus glich no wennd verfolge oder wieso ebe au nöd? Los dri!🥺 Und du erfahrsch au, wieso das die letzt Folg z’vierte isch.

    1 Std. 2 Min.

  7. 16.11.2025

    #70 News Fatigue: Wie Social Media Nachrichte verändere

    Hesch o scho mau gnue gha vo schlächte News? Vilich hesch o du News Fatigue erläbt, z Gfüu we eim viu negativi Nachrichte zviu wärde. I dere Folg «Planlos» rede mr drüber und werum mir finge, dass Nachrichte nüm glich viral gö wie no früecher. Drzue giz wie i jedere Folg e Zämefassig vo guete u schlächte Nachrichte und üsi Empfählige, viu Spass!

    47 Min.

  8. 02.11.2025

    #69 Wie viel Schönheit isch hüt no real?

    D’Heidi Klum, d’Alessandra Ambrosio und d’Miranda Kerr sind für sie ufem Laufstäg gloffe. D'Victoria's Secret Show hed für vieli Jahr brilliert und Millione vo Mänsche beiflusst. 2018 isch d’Show vorübergehend abgsetzt worde und das wäge veraltetem und eisitigem Idealbild. Vo VS über GNTM bis zu Social Media – Schönheitsideal präged, was mir schön finded. I dere Folg redemer über Inklusivität, Tokenismus und was Schönheit für eus persönlich isch. Klar isch: Mir vier sind üs do auned ganz einig. 💅🏼💇🏼‍♀️

    51 Min.
Alle anzeigen (76)

Bewertungen und Rezensionen

5
von 5
3 Bewertungen

Info

Mir si Planlos, de Podcast vo vier junge Fraue, wo sich all zwei Wuche am Mikrofon träffe. Mir reded über d’Theme, wo üs und d’Mediewält beschäftiget: vo Politik über Sport bis hi zum Promi-Gossip. Ob Good News oder Bad News, mir lueged gnauer hii. Kei endlose Newsfeed, kei Bullshit: nur ehrlichi Gspröch und Meinige über das, was uf de Wält lauft. Und am Schluss bechunsch sogar no e gratis Empfählig! Los dri und tell your Friends about us!✨

Informationen

  • Erstellt von
    Chiara Parodi, Olivia Schär, Selina Urech und Stefanie Küng
  • Jahre aktiv
    2024 - 2026
  • Folgen
    76
  • Bewertung
    Anstößig
  • Copyright
    © Chiara Parodi, Olivia Schär, Selina Urech und Stefanie Küng
  • Sendungswebsite
    Planlos

Das gefällt dir vielleicht auch