Dil Ki Hari Bhari Baatein #DKHBB

Shefali Khanna

Dil Ki Hari Bhari Baatein by Shefali Khanna ek aisa show hai jahaan humaari mulaaqaat hogi teen alag raaston se, jo mil kar hume Pyaar, Mohabbat aur Ibaadat ki ore le jaate hain aur humare dil ko hara-bhara kar dete hain. Pehla raasta hai ‘Khudi’ ka, jise hum kahenge Self-Love. Doosra raasta hai ‘Aashiqui’ ya kahenge ‘Shared Love’ jise hum apne mehboob ke naam karte hain. Aur teesra raasta hai ‘Bekhudi’ ka, ya kahenge Universal Love, jise hum kaaenat se jodh lete hain. . Please press the bell icon to never miss an episode. New episodes out every Monday.

  1. 07/04/2023

    Ep- 15 Bekhudi kya hai? Ye aapka apni rooh ko universe ki rooh se milaane ka jazba hai.

    Kya aap kabhi is universe ki rooh se rubaru hue hain? Ye wahi pal hain jinmein aap apni khudi ko aashiqui mein dhaal, ek aisi raah pe nikalte hain jo aapko apni zindagi ke sabse oonche makaam tak pahunchaati hai. Us makaam ko bekhudi kehte hain. Bekhudi kya hai? Ye aapka apni rooh ko Universe ki rooh se milaane ka jazba hai. Ismein shaamil har shay (thing) chaahti hai ki aap duniya ki tamaam bandishon ko bhulaakar, unse apna naata tod kar us manzil ki taraf rukh karein, Jo khule dil se aapko apnaane ke liye betaab hai. Itna sab kuch keh dene ke baad bhi ab aisa lagta hai, ki bekhudi ko bas chand lafzon mein bayaan kar dena galti hogi, kyunki bekhudi ko agar waakai samajhna hai, to use gehrai mein doob kar samajhna hoga. Ye episode Bekhudi ko bareeki se samajhne ki ek koshish hai!

    4 min

  2. 03/04/2023

    Ep- 14 Aashiqii is ek khas mulakat!

    Doston, aap sabne kabhi na kabhi kisi ko chaha hoga ya aaj bhi chaahte honge. Ya kabhi dil ne ek kasak paida ki hogi, kisi ko paa lene ki. Par kya kabhi aapne socha ki aisa kyun hota hai? Kya kabhi ise jaanne ki curiosity hui? Humaara dil kai baar hichkole khaata hua ek aise mod pe aata hai, jahaan use zaroorat hoti hai ek humsafar ki. Aisa humsafar jo har tareeke se aapko mukammal bana de, khud mein. Jab hum kisi ko paa kar khud ko pehchaanne lagte hain, tab Aashiqui ka safar shuru hota hai. Aashiqui kya hai? Ye wo mauj (wave) hai jismein gote lagakar hum apne internal ke bhi internal being se rubaru hote hain. Jab kisi ka haath humare haath mein aata hai tab dil aur bhi khoobsoorat ho jaata hai aur phir iski khoobsoorati ko bayaan kar paana mushkil hota hai. Par kya itna aasaan hai Aashiqui ko samajhna? Jawaab jaanne ke liye aapko humare saath is safar pe chalna hoga Jahan hum Aashiqui ko tatolenge.

    3 min

  3. 03/04/2023

    Ep- 13 To kya kahiyega, jab mulaqat ho jaye Khudi se?

    Hum har episode mein ek aise safar par nikal padte hain jahaan hum in teen alfazon se rubaroo hokar apne khayaalon aur ehsaason ko umadne dete hai, aur unhe azaad karte hain. Jaise duniya mein har cheez, in 5 elements pe based hai - Earth, Water, Air, Fire and Space, waise hi, humare jazbaat, ehsaas aur khayaal in teen pillars pe tike hai jinhe hum Khudi, Ashiqui aur Bekhudi kehte hain. In pillars ka foundation unconditional love hi to hai, jo humare dilon ko hara bhara kar deta hai aur tabhi to hum har hafte aap ke paas lekar aate hain Dil Ki Hari Bhari Baatein Aaj khudi ke baare mein kaha jaaye to woh ek aisa samundar hai, jisme gote lagaa kar aap apne dil ki gehraiyon tak pohonch sakte hain. Aaiye suniye…..

    4 min

  4. 30/03/2023

    Ep- 12 Khwaabon ki dhadkan

    Kaise hain aap sab? Aaj main aap se yeh nahi poochungi ki apka dil kaisa hai, kyunki aap mujhe bataenge ki apka dil kis ke liye dhadak raha hai! Jab aap apni aankhein kholte hai, tab apko bhi koi khwaab jagaye rakhta hai? Mujhe bhi! To aaiye milkar inhi khwaabon ko sirf dekha hi nahi, jeeya bhi jaye kyunki yahi to hume apni Khudi ko janne ki himmat, Aashiqui ko mehsoos karne ka hunar aur Bekhudi mein utar jaane ki qaabiliyat se nawaazte hain.

    5 min

  5. 27/03/2023

    Ep- 11 Tajurboan ka nikhaar

    Abhi-baithe baithe main yahi soch rahi thi, ki maine bhi apni zindagi mein kai din dekhe. Kuch acche, to kuch zara mushkil! Magar mera mizaaj kabhi pal bhar ko bhi kadwa hua to waqt rehte hi thik ho gaya. Kyunki dil to baccha hai na, aur isiliye sacha bhi hai. Ab baat purane dinon ki ho hi rahi hai to aiye dekhein ki humare tajurbe kaise humein Khudi mein dhaal kar pehle apne aap se pyaar karna aur phir Aashiqui mein hume apne mehboob ka saath nibhana sikhate hain. Zindagi yun hi hume khud se aage badhkar Bekhudi mein doobne ka mauka deti hai aur isi tarah humare kirdaar mein nikhaar aata hai.

    6 min

  6. 22/03/2023

    QNA-1 Khudi, Bekhudi aur Aashiqii kya hai?

    Today’s episode is special! Aaj hum naye andaaz mein guftagu karenge! Aaj main aapke sawalon ka jawab apke saath milkar dhundhne ki kosis karungi. But first! Thank you to all the lovely listeners. I am overjoyed to receive your insightful queries and looking forward to sharing my thoughts on them as we go along our ‘Dil Ki Hari Bhari Baatein’ journey to add more color into Khudi, Bekhudi, Aashiqii…. As always agar aapke aur bhi koi sawal hai to mujhe be-jhijhak Instagram ya YouTube ke zariye bhejte rahiyega…. Mujhe intezar rahega 🫶

    6 min

  7. 13/03/2023

    Ep- 10 Kisi se izhaar karna itna mushkil kyun hota hai?

    Doston mujhe ek baat bataiye, kisi se izhaar karna itna mushkil kyun hota hai? Aur Izhaar karne ka matlab kya hai? Mere dil mein kuch hai, aur kisi aur ke dil mein kuch. Hum ek doosre ki baat samajhte to hain, par phir bhi use kehne ke liye tadapte hain! Aisa kyun hota hai? Itni kashmakash hai to is wajah se kya hum izhaar karna chhod dete hain? Kya apne dil ki baat dil mein hi rakhte hain? Nahi na! To aiye aaj mil kar zara dekhein, ki izhaar karne ki kya mushkilein hain aur kya khoobsoorati!

    7 min

  8. 13/03/2023

    Ep- 9 Iqraar ke ehsaas ko mehsoos karne ki shuruwat!

    Aap apni chai mein adrak zyada pasand karte hein ya elaichi? Mujhe to dono pasand hai. Jaise hum aapas mein aisi baatein share kar lete hein, waise hi hum apne man mein chhupi baat kyun nahi accept kar paate? Shayad isiliye kyunki hume apne baare mein bhi kaafi cheezein maloom nahi. Agar aisa hai to kyun na hum aaj hi se shuruaat karein? Kyun na hum aaj hi se Iqraar ke ehsaas ko samjhna shuru karein jo humari aane wali zindagi ke liye ek important qadam ban sakta hai. To aaiye aaj milkar hum sab iqraar se mulaqaat karte hain.

    7 min
Ver todo (17)

Tráiler

Acerca de

Dil Ki Hari Bhari Baatein by Shefali Khanna ek aisa show hai jahaan humaari mulaaqaat hogi teen alag raaston se, jo mil kar hume Pyaar, Mohabbat aur Ibaadat ki ore le jaate hain aur humare dil ko hara-bhara kar dete hain. Pehla raasta hai ‘Khudi’ ka, jise hum kahenge Self-Love. Doosra raasta hai ‘Aashiqui’ ya kahenge ‘Shared Love’ jise hum apne mehboob ke naam karte hain. Aur teesra raasta hai ‘Bekhudi’ ka, ya kahenge Universal Love, jise hum kaaenat se jodh lete hain. . Please press the bell icon to never miss an episode. New episodes out every Monday.

Información