Himi Tonga Podcast

Siupeli Taliai
  • 0.0 (0)
  • CRISTIANISMO

Ko ha ngaahi tokoni fakalaumalie mei he ngaahi himi, na'e hiki 'e Rev. Siupeli Taliai 'i he Letio Tonga, hili 'a e Hala 'a Tupou V 'i he 'aho 18 Ma'asi 2012. New episode released every Saturday. These devotions in the Tongan language, were presented by Rev. Siupeli Taliai on Radio Tonga, after the passing of King Tupou V on 18 March 2012. “In service of the people of Tonga” https://himitonga.com

Episodios

  1. Himi 543 Si’i meimei loto leva ke tui

    26/04/2020

    Himi 543 Si’i meimei loto leva ke tui

    Commentary: Rev Siupeli Taliai Himi 543 9.9.6.6.6.4. 1. Si’i meimei loto leva ke tui, Si’i meimei lave fakamo’ui, Na’a ‘oku ke pehē, “Si’i Laumālie ē, Haʻu ‘i ha ‘aho kehe, Kau tui atu.” 2. ‘Oku pehē nai si’i toko taha, “Oku kei vovo me’a fakamaama, ‘Oua ke ‘osi fai Si’i ngaahi feinga ni, Pea u tafoki ai, ‘O kumi atu. 3. “Te u kumi atu, ka ‘oua si’i, ‘Oku kei toe lahi ‘a taimi, ‘Oku kei ho’atā, ‘Oua ke toe taha: Ka meimei tō ‘a e la’ā, Te u hanga atu.” 4. Meimei mo’ui, ‘oua toloi, Si’i meimei tui, hoko he pō ni. Ko hono taimi ē, Ofi ‘a e Laumālie, Kau ‘a e me’a fulipē Ke tokoni’i. 5. Ha’u he ‘aho ni, kei tali hū Sīsū kei lami, te’eki liliu. Naʻa ko e faka’osi Na’a kuo fiu he o’i “Tā ko e ta’emangoi, Tuku pe ā”. 6. Koe ‘uma’ā ke meimei mo’ui Koe ‘uma’ā ke ofi ke tui Ta’e a’usi ho tatae Ko e ta’elava pē. Meimei mo’ui - kae Mate ‘aupito. * "In service of the people of Tonga" YouTube Channel: https://www.youtube.com/channel/UCNPs13eI560WRBjHJ9dsRng Website: https://himitonga.com

    43 min
  2. Himi 613 Lahi ‘a e fanga manu

    19/04/2020

    Himi 613 Lahi ‘a e fanga manu

    Commentary: Rev Siupeli Taliai Himi 613 M.N.N. (Ko Hepelu 10:4) 1. Lahi ‘a e fanga manu Na’e tamate’i ‘i mu’a, ‘O ‘atu ko e feilaulau Ke fakahōifua. 2. Kae ‘ikai si’i ‘aonga ‘A e toto na’e malingi Ke ‘ave hia, mo fakanonga ‘A e konisēnisi. 3. Ka ko e ta’ata’a ‘O Sīsū na’e tafea ‘E ma’a ai ‘a e angahala, ‘O mole ‘a e tautea. 4. Si’i feilaulau ko ia ‘Oku fu’u hulu noa; Fe’unga hono mahu’inga Mo e kakai kotoa. 5. Ko hoku laumālie ‘Oku fu’u ngaūe ai ‘O u fakasio tui pē Ki Ho kalusefai. 6. Na’e hilifaki ē Ki si’o ‘ulu na ‘A e hia ‘a hoku laumālie, ‘O u ‘ilo na’a Ke fua. 7. Talu ai ‘eku maʻu Ha koto fiefia; ‘A e nonga, mo e ‘ilopau Kuo mole ‘eku hia. * "In service of the people of Tonga" HimiTonga YouTube Channel https://himitonga.com

    39 min
  3. Himi 481 Faingofua ke lotu

    11/04/2020

    Himi 481 Faingofua ke lotu

    Commentary: Rev Siupeli Taliai Himi 481 1. Faingofua ke lotu ‘Oka toko lahi; Ko hou’eiki ke poupou, He Tu’i ke hapai.    Ke ke Tāniela,    To’o ho matapā,    Hanga ki Selusalema,    Lotu toko taha. 2. Fono kia Tāniela Tapu ke ne lotu; Ka ne punou hifo leva ‘O fai ke tu’o tolu.    Ke ke Tāniela, etc 3. Hono ‘ikai naʻe pehē ‘A e kau to’a ‘i mu’a; Na’a nau tu’u pē he malele, Taukave ma’a e ‘Otua.    Ke ke Tāniela, etc. 4. ‘Oku tu’u honau hingoa Tohi he moʻui: Siosiua, Kēlepi, mo Noa, Na’e ma’u pe ‘enau tui.    Ke ke Tāniela, etc. 5. ‘Ā, ‘e mate nai ‘afē Honau ongoongo! ‘Enau tu’u ta’emanavahē, Mo ‘enau lototō?    Ke ke Tāniela,    To’o ho matapā,    Hanga ki Selusalema,    Lotu toko taha. * "In service of the people of Tonga" HimiTonga YouTube Channel https://himitonga.com

    45 min
  4. Himi 545 Kalisitiani, 'oua 'e lotosi'i

    09/04/2020

    Himi 545 Kalisitiani, 'oua 'e lotosi'i

    Commentary: Rev Siupeli Taliai You can listen to to this hymn on YouTube Himi 545 7.6.7.6. loua (Ko Hapakuke 3:17) 1. Kalisitiani, ‘oua, ‘Oua, ‘e lotosi’i, Neongo ho’ mo’ua He fu’u mamahi ni. Tauhi ho’ lotolahi, Tuku ho’ ilifia: Kei Sātai pe ‘a Sātai; Teʻeki liua Ia. 2. Tangata fakamaama ‘Oku ne ‘ilo pē ‘Inasi he tangata Ke tangi pē mo to’e. Pea ‘oku ne ‘ūkuma, Mo fakama’uma’u; ‘O tali ki he houa ‘E hoko ai ‘a e malu. 3. Kae huanoa kitaua ‘Oku ta ma’u ‘i langi Si’ata Pāletu’a Ke ta falala ai. Ta’etaau ke ta hanu, Pe fakatu’a kovi; ‘E ‘ikai tō ha manu Ta’e te Ne ‘afio’i. 4. ‘Oku Ne fakateunga ‘A e lile ‘o e vao; Me’akai he manupuna ‘Oku ‘ikai ke ngalo; ‘Inasi ‘ene tufa ‘A e lango mo e he’e, Kae huanoa kitaua Si’ene fanga pele. 5. Neongo pē ‘e maumau He ta’u he ngoue’anga, Mate ‘a e fanga manu, Mole falala’anga; Ko au te u loto lahi, Ko au te u fiefia: Kei Sātai pē ‘a Sātai; Te’eki liua Ia.* "In service of the people of Tonga" HimiTonga YouTube Channel https://himitonga.com

    39 min
  5. Himi 447 'E Laumalie Mafimafi

    03/04/2020

    Himi 447 'E Laumalie Mafimafi

    Commentary: Rev Siupeli Taliai Himi 447 (Ko e taha ‘eni ‘i he ng himi ‘a e mu’aki Siasi: pea ‘oku fai’aki ‘i māmani kotoa ’i he ‘Aho ‘o e Laumālie.) 8 laui 6 1. ‘E Laumālie Māfimafi, Ha’u ‘o a’ahi ho kakai. Ko Koe pē naʻe tupu ai ‘A homau ngaahi ‘atamai; Haʻu mo ha ivi mei he Langi, ‘O tufa ke mau fonu ai. 2. Ko Koe ‘a e Taukapo ia, Taupotu ‘i he mahu’inga; Ko e foaki ‘a e Tamai, Me’a ‘ofa ia ne fungani; Si’i Fauniteni he mo’ui, He Maama ta’emafu’ifu’i. 3. Si’ipani fakalangi ē, He lolo fakalaumālie, Lōfitu pē ho’ fu’u mafai, He nima tonu he Tamai; ‘A ia pē ne tala’ofa Ke haʻu ‘o fakalea ‘a e noa. 4. Hā’ele mai ‘o fakamaama ‘A homau ngaahi ongo’anga; Ha’u ‘o lilingi pe ho’ ‘ofa ‘I homau ‘atamai kotoa; ‘O ngaohi ke mālohi pē ‘A e vaivai homau laumālie. 5. Teke’i ‘a e fili ke mama’o, ‘O tuku pe ke tau fe’ao. Ka takimu’a ‘a e ‘Afiona, ‘E ‘ikai hē homau fononga; Ka te mau hao mei he kovi, ‘O tō ai ha lelei moʻoni. 6. ʻĒ, faka’ilo kia au ‘A e Toko Tolu Toputapu; Kae ‘atu pe ‘a e fakamālō He Tamai pea mo e ‘Alo; Mo Koe foki, Laumālie, ‘I he kuonga fulipē.* In service of the people of Tonga https://himitonga.com

    46 min
  6. Himi 418 'E Sīsū, ko ho ta'ata'a

    26/03/2020

    Himi 418 'E Sīsū, ko ho ta'ata'a

    Commentary: Rev Siupeli Taliai This hymn can be heard on YouTube at https://www.youtube.com/watch?v=MYGFlRWhoJ4 Himi 418 M.L. mo e tau 1. ‘E Sīsū, ko ho ta’ata’a, Ho’ mate maʻa e angahala, Ho’ kikitaki pē ke fai, ‘A e finangalo he Tamai - He me’a ia te u kofu’aki. Ka fakamaau ‘a māmani; He toki kofu kuo ma’a, ‘O puli ai ‘a e angahala. 2. Ka hoko mai ‘a e ‘Aho Lahi, Ko hai ‘e talatalaaki? Te u nonga pē ‘o ‘ikai mā He kofu ‘i ho ta’ata’a. He ko e Lami ‘a e ‘Otua Kuo ne to’o pe ‘a e mo’ua; Kuo ne ‘asinga’i ‘a e hia; Kuo ne hanga ‘o pekia. 3. Si’i toto ne luluku’aki ‘A e Potu Tapu ‘o e langi ‘Oku ne hūfekina ē ‘A e angahala fulipē Fakafeta’i! Tā kuo pau ‘Oku ne hūfekina au. Oku ou tui pē ki ai; Hoku huhu’i kuo fai. 4. Ka ne tatau pē ‘a e kakai Mo ‘one’one ‘o e tahi, Kei lahi pē ‘a ho’ pekia Ke ‘ufi’ufi ‘enau hia. Ka hoko mai ‘a e ‘Aho Lahi Ko eni pē te u tu’unganaki “Ko Sīsū kuo ne pekia, ‘O ‘ave ai ‘a ‘eku hia.” * In service of the people of Tonga https://himitonga.com

    45 min
  7. Himi 400 'Oku fai fufunaki pe

    26/03/2020

    Himi 400 'Oku fai fufunaki pe

    This hymn can be heard on YouTube at https://www.youtube.com/watch?v=W9wg_kmTBk8 Commentary: Rev Siupeli Taliai Himi 400 M.NG..& tau (“Ka tā ko ‘Ela Koe ‘oku ke fai fūfūnaki, si’i ‘Otua ‘o ‘Isileli, si’i fai fakamo’ui - ‘Aisea 45:15) 1. ‘Oku fai fūfūnaki pē ‘A e pule ‘a e ‘Otua; Ko e fu’u misiteli ia Talu mei mu’a ‘i mu’a. ‘Oku ne kofu ‘aki Ia Ha ‘ao po’uli fau; Pea ne heka he afā Mo hala he peau. 2. ‘Oku ne ‘ave ‘a e lelei, Kae tuku pe ‘a e kovi: Ko tonu ‘oku lusa pē, Kaukaua pē ‘a loi. Ko Taivasi ta’elotu ē, Kai katoanga ia: Papala fu’u ‘a Lasalosi, Mo nofo fiekaia. 3. Vakai he ngāhi laumālie ‘O e kau Ma’ata. Ko futu ‘enau tangi ē ‘I lalo ‘olita. “’Ei, ‘e sāuni nai ‘afē ‘A homau toto ni?” Kae tuku pe ta’efakamaau ‘A honau fakapoongi. 4. ‘E, ‘oua na’a tau fakaanga ‘A e ngāue ‘a e ‘Otua. ‘Oua ‘e fai mamata pē, Ka e fakatui mu’a. Ko e matamata houhou ē Ko ‘ene ‘ai pulonga; Ka ‘oku malimali pē ʻA si’ono fofonga. 5. Ka malu’aki mai ha ‘ao. ‘Oua ‘e tu’atamaki: Kuo pau ke faifai pea tō, Ko e koto tāpuaki. Ha kovi nai ‘a e talamuka, Mahi ‘a e lau, mo kona; ‘Oua ke fisi pē, mo fua, Ka e faka’ofo’ofa. 6. Ko e tufunga ‘a e ‘Otua: Ko hotau ngaohi ‘eni. ‘Oku tuai ‘a e ngāue ia Ko e ‘ai ke fu’u lelei. Oku ha fakakonga pē Koe’uhi ke tau tui: Ko hono ‘ā’ālonga pē, ‘E hā kotoa ‘amui. * In service of the people of Tonga https://himitonga.com

    45 min
  8. Himi 375 Kau ka manatu he 'Akau

    22/03/2020

    Himi 375 Kau ka manatu he 'Akau

    This hymn can be heard on YouTube at https://www.youtube.com/watch?v=lR3pSBsA6-0 Commentary: Rev Siupeli Taliai Himi 375 M.L. 1. Kau ka manatu he ‘Akau, Mo Ia ne tukifa’o ai; ‘Oku mo’u tafu’ua pē ‘A e loto mo e ‘atamai. 2. ‘Oku ‘ikai te u kei toka’i Ha ongoongo, ha koloa; Ko Sīsū ne kalusefai, Ko Sīsū pē te u manakoa. 3. ‘Oiau! He tafe hifo ē ‘A e toto mahuʻinga fau! He ta’ata’a he ‘Otua, Lilingi ke huhu’i au! 4. ‘Oi! He pani ta’ata’a ‘A si’ono fofonga ē! Toto ‘a e ongo nima ia, Tutulu pe ‘a e ongo va’e. 5. ‘Ofa ‘e fakahā ‘e hai! ‘Ofa ka ko ha ‘ofa ē! ‘Ikai feʻunga pē mo Ia ‘A e ‘univeesi fulipē. 6. Ka ne ‘a’aku pē kotoa, Ko e totongi si’i pē ia. Ta’etaau mo ‘ene ‘ofa fau, Ta’etaau he fu’u mamahi’ia. 7. Taau ke ‘atu pe kotoa ʻA hoku laumālie ni; ʻA e loto mo e ‘atamai ʻI taimi mo ‘itāniti.* In service of the people of Tonga https://himitonga.com

    47 min
  • 8 episodios

Acerca de

Ko ha ngaahi tokoni fakalaumalie mei he ngaahi himi, na'e hiki 'e Rev. Siupeli Taliai 'i he Letio Tonga, hili 'a e Hala 'a Tupou V 'i he 'aho 18 Ma'asi 2012. New episode released every Saturday. These devotions in the Tongan language, were presented by Rev. Siupeli Taliai on Radio Tonga, after the passing of King Tupou V on 18 March 2012. “In service of the people of Tonga” https://himitonga.com

Información

  • Creador
    Siupeli Taliai
  • Años de actividad
    2 k
  • Episodios
    8
  • Clasificación
    Apto
  • Copyright
    © Siupeli Taliai
  • Mostrar sitio web
    Himi Tonga Podcast