បទយកការណ៍

RFI ខេមរភាសា / RFI Khmer

គឺជា​ការ​ចាប់អារម្មណ៍ និង​ការ​ក្រឡេកមើល ទៅលើ​បញ្ហា​នយោបាយ សង្គម ឬ​សេដ្ឋកិច្ច នៃ​ប្រទេស​កម្ពុជា​បច្ចុប្បន្ន។ កម្មវិធីនេះ រៀបចំ​ដោយ​អ្នកឆ្លើយឆ្លងព័ត៌មាន​របស់​យើង នៅ​ភ្នំពេញ ហើយ​នឹង​ត្រូវ​ចាក់ផ្សាយ ជារៀងរាល់​ថ្ងៃ ពី​ថ្ងៃចន្ទ​ដល់​ថ្ងៃ​អាទិត្យ។

  1. 7 SA. ÖNCE

    សហគមន៍ភ្នំណាមលៀរ ចង់ឃើញការកែលម្អផ្លូវ ដើម្បីជំរុញទេសចរណ៍ក្នុងតំបន់

    តំបន់ការពារធម្មជាតិភ្នំណាមលៀរនៅក្នុងខេត្តមណ្ឌលគិរី  មិនត្រឹមតែកន្លែងអភិរក្សសត្វព្រៃ និងសត្វស្លាបជាច្រើនប្រភេទប៉ុណ្ណោះទេ តែក៏ជាតំបន់កម្សាន្តលំហែអារម្មណ៍បែបធម្មជាតិផងដែរ។ កង្វះហេដ្ឋារចនាសម្ព័ន្ធទេសចរណ៍ ជាពិសេសផ្លូវទៅកាន់ភ្នំណាមលៀរ ដែលរងការខូចខាតឥតដាច់ ដោយសារភ្លៀងធ្លាក់នៅរដូវវស្សា ជាហេតុធ្វើឱ្យតំបន់ទេសចរណ៍មួយនេះខ្សត់ភ្ញៀវទៅកម្សាន្ត។ ក្នុងន័យនេះ ទាំងភ្ញៀវទេសចរ និងប្រជាសហគមន៍ចង់ឃើញការអភិវឌ្ឍវិស័យទេសចរណ៍ខេត្តមណ្ឌលគិរី ឱ្យបានទូលំទូលាយ ជាពិសេសការជួសជុលកែលម្អបណ្តាញផ្លូវតភ្ជាប់ទៅភ្នំណាមលៀរឱ្យបានល្អប្រសើរ៕

    9 dk.

  2. 2 GÜN ÖNCE

    សាលាឧទ្ធរណ៍ភ្នំពេញបដិសេធជាថ្មីសំណើនៅក្រៅឃុំរបស់សកម្មជនបរិស្ថាន

    ជាថ្មីម្តងទៀត នៅរសៀលថ្ងៃទី១ ខែធ្នូ ឆ្នាំ២០២៥ សាលាឧទ្ធរណ៍រាជធានីភ្នំពេញបានសម្រេចបដិសេធជាថ្មី លើសំណើសុំនៅក្រៅឃុំរបស់សកម្មជនបរិស្ថានទាំង ៥រូប ដែលជាសមាជិករបស់ចលនាមាតាធម្មជាតិ។ ទាំងក្រុមគ្រួសាររបស់សកម្មជន អ្នកគាំទ្រ និងអង្គការសង្គមស៊ីវិល សុទ្ធតែបានសម្តែងការសោកស្តាយជាខ្លាំង ចំពោះសេចក្តីសម្រេចរបស់តុលាការយ៉ាងដូច្នេះលើសកម្មជនវ័យក្មេង ដែលជាអ្នកស្រលាញ់ការពារធនធានធម្មជាតិ និងការពារបរិស្ថានដែលជាប្រយោជន៍រួមរបស់ជាតិ។

    10 dk.

  3. 3 GÜN ÖNCE

    ប្រាក់ចំណូលក៏តិច បំណុលក៏មាន ពលករត្រូវការប្រព័ន្ធគាំពារសង្គមមួយរឹងមាំ

    ចាប់តាំងពីមានជម្លោះព្រំដែនកម្ពុជា-ថៃ ពលករខ្មែរជាង៩សែននាក់ បានបង្ខំចិត្តនាំគ្នាចាកចេញពីការងារក្នុងប្រទេសថៃ ក្រោមហេតុផល រក្សាសុវត្ថិភាពផ្ទាល់ខ្លួន។ ពលករខ្មែរត្រឡប់មកប្រទេសកំណើតវិញក្នុង​ចំនួន​ដ៏ច្រើន​បែបនេះ ត្រូវគេមើលឃើញថា កំពុងធ្វើឱ្យសេដ្ឋកិច្ចជនបទ ទីផ្សារការងារ និងប្រព័ន្ធសុវត្ថិភាពសង្គម រងសម្ពាធគួរឲ្យព្រួយបារម្ភ។ ពលករមួយចំនួនកំពុងប្រឈមនឹងវិបត្តិបំណុលធនាគារ និងខ្វះការងារធ្វើជាដើម។ ឆ្លើយតបនឹងកង្វល់របស់ពលករ ភាគីក្រសួងការងារ និងសមាគមមីក្រូហិរញ្ញវត្ថុ បានខ្នះខ្នែងរក​ដំណោះស្រាយ​មួយចំនួន ដែល​អាច​ជួយ​សម្រួល​ដល់​ការ​លំបាក​របស់​ពួកគេ៕

    13 dk.

  4. 6 GÜN ÖNCE

    ការប្រគំតន្រ្តីរបស់បារមី និងវណ្ណដានៅប៉ារីស ​ដើម្បី​បុព្វហេតុជនភៀសសឹក​នៅព្រំដែនកម្ពុជា

    នៅតែ​សល់​តែ​២ថ្ងៃទៀតប៉ុណ្ណោះ ការប្រគំតន្រ្តីជាប្រវត្តិសាស្រ្ត Rise for Khmerនឹង​លេចមុខ​​នៅទីក្រុង​ប៉ារីស ថ្ងៃទី​១ ធ្នូ ២០២៥។ ការប្រគំតន្រ្តីដែលមាន​ការចូលរួម​ពីតារា​ចម្រៀង​ល្បីនាំមុខ​គេ​របស់​កម្ពុជា គឺតារា​រ៉ែប វណ្ណដា កើតចេញពីគំនិតផ្តួចផ្តើមរបស់​ក្រុមយុវជនខ្មែរ​នៅប្រទេស​បារាំង​នៅក្នុង​នោះមាន​ ក្រុម​sabay sabay dara ដែល​ចង់​បាន​ថវិកា​ពីការ​លក់​សំបុត្រ​ដើម្បីយកទៅជួយ​ប្រជាជន​ភៀសសឹក​នៅតាម​តំបន់​ព្រំដែន​ខ្មែរ​ថៃ។ នៅ​ថ្ងៃ​អង្គារ ទី​២៥​វិច្ឆិកា ថោង ដារ៉ា ប្រធាន ក្រុមsabay sabay dara ​បាន​ធ្វើដំណើរ​ជាលើកចុងក្រោយទៅ​មើល​ទីតាំង​ប្រគំតន្រ្តី​នៅ​សាល Pleyel (ភ្លេយែល)​ និង​ផ្ទាំងបដា​ផ្សព្វផ្សាយពាណិជ្ជកម្ម​បិទ​នៅតាម​រូងរថភ្លើង​ក្រោមដីក្នុងទីក្រុង​ប៉ារីស។ ឈាង បុប្ផា​មាន​បទយកការណ៍ពីរឿងនេះ។

    11 dk.

  5. 6 GÜN ÖNCE

    ល្ខោនតន្ត្រី”រាជិនីសំឡេងមាស”លាតត្រដាងដំណើរជីវិតអ្នកស្រី រស់ សិរីសុទ្ធា

    ខ្សែជីវិតរបស់ «រាជិនីសំឡេងមាស» ប្រចាំប្រទេសកម្ពុជាក្នុងអំឡុងទសវត្សរ៍ឆ្នាំ៦០ និង៧០ គឺអ្នកស្រី រស់ សិរីសុទ្ធា ត្រូវបានគេយកទៅសម្តែងជាល្ខោនតន្រ្តី។ ល្ខោនតន្រ្តីនេះរៀបរាប់ពីវីរភាពតស៊ូ និងជីវិតជូរចត់របស់អ្នកស្រី រស់ សិរីសុទ្ធា ដែលបានរងការប្រមាថមើលងាយ និងរំលោភបំពានទាំងផ្លូវកាយ និងផ្លូវចិត្ត។ សម្រាប់ក្រុមសិល្បៈករ ឈុតឆាកនៃល្ខោនតន្ត្រី «រាជិនីសំឡេងមាស» នឹងក្លាយជាចំណីអារម្មណ៍ថ្មីមួយសម្រាប់ទស្សនិកជន និងជាផ្នែកមួយលើកតម្កើងវិស័យសិល្បៈនៅកម្ពុជា។

    8 dk.

  6. 25 KAS

    ចំណងប្រវត្តិសាស្រ្តកម្ពុជា-ចិន មុនសម័យអង្គរ ដាក់តាំងបង្ហាញនៅសារមន្ទីរជាតិ

    អស់រយៈពេលជាងពីរពាន់ឆ្នាំមកហើយ ទំនាក់ទំនងប្រវត្តិសាស្ត្រកម្ពុជា-ចិន ត្រូវបានស្តែងឡើង តាមរយៈវត្ថុសិល្បៈ សំណង់ធ្វើអំពីឈើ និងទីសក្ការៈបូជារបស់ចិន ព្រមទាំងវត្តមានរបស់ជនជាតិចិននៅលើចម្លាក់ជញ្ជាំងសម័យ​អង្គរ ដូចជានៅប្រាសាទបាយ័ន និងប្រាសាទបន្ទាយឆ្មារជាដើម។ សមុច្ច័យនៃសិល្បៈវប្បធម៌ចិនដែលប្រទះឃើញនៅក្នុងស្រុកខ្មែរដ៏កម្រតាំងពីសតវត្សទី៦ មុនសម័យអង្គរ រហូត​ដល់សតវត្សទី១៩ កំពុងត្រូវបានដាក់តាំងបង្ហាញជូនសាធារណជនជាលើកដំបូង ដើម្បីសិក្សាស្វែងយល់អំពីចិន នៅឯសារមន្ទីរជាតិកម្ពុជា តាំងពីថ្ងៃទី១៩ ខែវិច្ឆិកានេះ រហូតដល់ថ្ងៃទី២៨ ខែកុម្ភៈ ឆ្នាំ២០២៦ ខាងមុខ។

    8 dk.

  7. 24 KAS

    យុវជន តុង លេន ប្រើរូបភាពដើម្បីបង្ហាញអត្តសញ្ញាណ និង​ប្រពៃណីជនជាតិដើមភាគតិច

    យុវជន តុង លេន ជនជាតិដើមភាគតិចពូនង និងជាអ្នកថតរូបឯករាជ្យបានប្រើប្រាស់ជំនាញចាប់យករូបភាពតាមរយៈកញ្ចក់កាមេរ៉ា ដើម្បីរក្សាអត្តសញ្ញាណវប្បធម៍ និងប្រពៃណីរបស់ជនជាតិដើមភាគតិច។ ចំពោះយុវជន តុង លេន រូបថតនីមួយៗមានអត្ថន័យជ្រាលជ្រៅ ដែលបង្ហាញពីសកម្មភាពផ្សេងៗរបស់ជនជាតិដើមភាគតិច ពិសេសការចូលរួមអភិរក្សធនធានធម្មជាតិ។ ក្នុងន័យនេះ តុង លេន ចង់ឃើញរដ្ឋាភិបាល ដៃគូរអភិវឌ្ឍន៍ និងសង្គមស៊ីវិលគោរពសិទ្ធិ និងគាំទ្រសកម្មភាពការពារធនធានធម្មជាតិរបស់ជនជាតិដើមភាគតិច៕

    8 dk.

  8. 23 KAS

    ព្រឹត្តិការណ៍ផ្សារបារាំងនាំមកនូវបរិយាកាសរីករាយ និងទំនាក់ទំនងកាន់តែជិតស្និទ្ធ

    ក្រោយពីបានជោគជ័យកាលពីឆ្នាំ២០២៤ ព្រឹត្តិការណ៍«ផ្សារបារាំង»ដែលមានការតាំងពិព័រណ៍ និងលក់ផលិតផល សេវាកម្ម ព្រមទាំងម្ហូបអាហារបែបបារាំងត្រូវបានរៀបចំធ្វើឡើងសាជាថ្មី ដោយសភាពាណិជ្ជកម្ម និងឧស្សាហកម្មបារាំងកម្ពុជា នៅក្នុងបរិវេណស្ថានទូតបារាំង នាទីក្រុងភ្នំពេញ កាលពីថ្ងៃសៅរ៍ ទី២២ ខែវិច្ឆិកា ឆ្នាំ២០២៥។ ព្រឹត្តិការណ៍ប្រចាំឆ្នាំនេះ មិនត្រឹមតែបានទាក់ទាញសាធារណជនកាន់តែច្រើននិងសប្បាយជាងមុនប៉ុណ្ណោះទេ ប៉ុន្តែវាក៏រក្សាបាននូវទំនាក់ទំនងកាន់តែជិតស្និទ្ធរវាងកម្ពុជា-បារាំង ជាពិសេស នៅក្នុងអំឡុងពេលដែលប្រទេសកម្ពុជាកំពុងត្រៀមខ្លួននៅក្នុងការធ្វើជាម្ចាស់ផ្ទះ នៃកិច្ចប្រជុំកំពូលប្រទេសនិយាយភាសាបារាំងហៅថាហ្វ្រង់កូហ្វូនី។

    9 dk.
Tümünü Görün (76)

Hakkında

គឺជា​ការ​ចាប់អារម្មណ៍ និង​ការ​ក្រឡេកមើល ទៅលើ​បញ្ហា​នយោបាយ សង្គម ឬ​សេដ្ឋកិច្ច នៃ​ប្រទេស​កម្ពុជា​បច្ចុប្បន្ន។ កម្មវិធីនេះ រៀបចំ​ដោយ​អ្នកឆ្លើយឆ្លងព័ត៌មាន​របស់​យើង នៅ​ភ្នំពេញ ហើយ​នឹង​ត្រូវ​ចាក់ផ្សាយ ជារៀងរាល់​ថ្ងៃ ពី​ថ្ងៃចន្ទ​ដល់​ថ្ងៃ​អាទិត្យ។

Bilgi

RFI ខេមរភាសា / RFI Khmer Kanalından Daha Fazlası

Beğenebilirsiniz