Im Bild - de zemli fotografisch Podcast

Adrian Ehrbar und Cornelius Fischer
  • 5,0 (1)
  • Bildende Kunst

Zwoi Bruefsfotografe (Adrian Ehrbar & Cornelius Fischer) mit em Hang zemli vell über d‘Fotografie und Anders (in Mundart) z‘plaudere. Aregige, Rückmeldige und Froge chönder eus per Mail zuecho loh: hoerer@imbildpodcast.ch

  1. vor 6 Tagen

    Ussem Alltag - Es isch lang her, drum werds au en lange Podcast! #60

    Huhu Gugus Grüezi, eus gets no, und mer hend gfunde mer mached so als easy Isteg grad mol weder e Alltagsfolg… sie isch jetzt zwar eifach au grad die längsti Folg ever wurde 😂 wenner ned möged eus satti 1:45h zuezlose, döffets au gern in mehrere Teil mache 😉 und well d‘Folg so lang gaht haltemer eus do i de Caption churz, es gaht um: •⁠ ⁠Alltag vom Adi und Cornelius •⁠ ⁠⁠News us de Kamerabranche •⁠ ⁠⁠Grosse Päcklirückblick vom Cornelius und en winzige vom Adi •⁠ ⁠⁠Kamerarückdeckle… Viel Spass und Durchhaltevermöge wönsche mer euch 😜

  2. 18. Aug.

    Archivirieg in Spannend – es Gspröch met de Laura Aellig & Lukas Frey ussem Ringier Schauarchiv im Stadtmuseum Aarau #59

    Gähn… Archiviere, Ordne, Sammle, Erschlüsse, Sueche… und das vo über 7 Millione (!) Pressebilder… bäh, ned grad e spannendi Sach? Oder doch? Sogar so spannend das mer nöm cha ufhöre Froge stelle? Jep genau so spannend isch das Ganze, de Adi hettis ned denkt wonner aber dank em Cornelius sine Museums-Connections es Gspröch met de Laura Aellig (Fachleitung und Kuration Fotografie) und em Lukas Frey (Leitung Erschliessung, StAAG) im Ringier Schauarchiv im Stadtmuseum Aarau het chöne organisiere hends eus so viel spannendi Facts und Behind the Scenes us errem Archivierigs und Kuratierigsarbet verzellt das de Adi nömm ussem stuhne cho isch und er het au plötzlich viel zviel Froge kha... Guet, es wird wohl e 2.0 Folg geh, den mer hends i dem spannende Gspröch met dene beidne in übere Stund ned gschafft alles azluege. Aber apropo aluege, die Podcastfolg lohnt sech ganz fescht au uff eusem Youtube Kanal z’luege! Infos zom Schauarchiv: https://www.stadtmuseum.ch/page/512 Infos zom Ringier Bildarchiv: https://www.ag.ch/de/themen/kultur-sport/kultur/bibliothek-archiv/staatsarchiv/bestaende-sammlungen/ringier-bildarchiv

  3. 15. Juni

    Ussem Alltag - Da isch was gloffe, es isch eifach a eus verbie ... #58

    Sodeli, mer send mol weder retour för en Alltagsfolg! De Adi het sini Grossprojekt mol chöne Abschlüsse, isch chli igsprunge för de Cornelius, het en schwirigi Situatuion erlebt wonnem d’Erfahrig ghule het – de Cornelius isch natürlich au busy gsieh, het aber erstuunlicher Wies ned sooo viel dezue z’verzelle kha. Es lauft einiges und mer hend au voll verpasst was alles gloffe isch i de Branche, drum einigi spannendi Businessnews und auch viel Diskusione zu Gear :) Danke Robin schomol fürs Update! Ah und au ewigi Diskusionenen zu KI Chattbots döffed ned fehle und wieso em Adi fascht d‘Sicherige durrebrenned metem Chatty 😆 Viel Spass bim drihlose und luege, euches «im Bild» Team

  4. Trailer

    Im Bild - de zemli fotografisch Podcast #Trailer

    Zwoi Bruefsfotografe, spannendi Gäst:innen und e Materialschlacht, wo langsam fascht Studiocharakter het. 🎙️📷 Das isch de Mundart-Podcast Im Bild - de zemli fotografisch Podcast. Adrian und Cornelius führed durch d’Sendige, während de Robin zwüsche Mikrofone, Kameras und Kabelchaos für Bild, Schnitt und Social Media sorget. Jetzt inelose und driiluege.

  5. 3. Mai

    Wisseschaft in Szene setze – Es Gspröch met de Michelle Aimée #57

    Das isch die erschti Podcast Folg wo met de Zämmearbet vo Same Kollektiv entstande isch. Same Kollektiv setzt sech vor allem Ih för d’Sichtbarkeit vo de Fotografinne i eusere Branche. Das unterstütze mer natürlich meh als gärn und drumm werded mer in Zuekunft no so einigi spannendi Gspröchspartnerinne us em Same Kollektiv bi eus z’Gast ha! Falls er meh zu Same Kollektiv wend erfahre findet er no eusi Live-Ufnahm met de zwoi Gründerinne i eusem Podcast Archiv oder gönd direkt uf www.samekollektiv.ch Und jetzt zu eusem Gast, d’Michelle Aimée isch imene Fotografische Umfeld tätig wo de Cornelius grad Herzliauge becho het 😍 Sie isch agschtellt als Fotografin bi de Veterinary Faculty a de Uni Zürich und het dete so zimlich alles vor de Linse, vo Chnoche, Tier, OP Situatione, WisseschaftlerInne, usw. Also sehr vielsitig und unglaublich spannend. Wieso d’Michelle freud hed endlich met anderen Bruefslüt über eri Arbet z’spreche, wieso de Cornelius ufblüet bi dem Thema, wie die WisseschaftlerInne wohl nomol id Schuel söttet för Mediekompetenze und was den e Chnoche so Ähnlichkeite met em Adi sinerer Fotografie het erfahred ehr alles i eusem Gspröch. Do no de Michelle eri Website: www.michelle-aimee.ch

    Wisseschaft in Szene setze – Es Gspröch met de Michelle Aimée #57

  6. 31. März

    Reise fürs Bild - Es Gspröch met de Claudia Link #56

    Mer hend en spannendi Fotografin als Gast bi eus im Podcast Studio döffe begrüesse. Sie isch erscht grad retour us Namibia cho und den schnurstracks ab zu eus nach Aarau. D’Claudia Link isch e Lifestyle und Resiefotografin meteme spannende Background us de Kunst und het eus so einiges chöne äber Reiseplanig, Material uf Reise, Ängst und Schöns am Reise, usw. chöne verzelle.  Usserdem hemmers no öber eres Bilddatebank-Projekt AETHIK verzellt, mega spannend! I dem Sinn lönd euch in e anderi Welt loh begleite und gnüsseds met euchne Ohre :) Claudia Link: www.claudialink.ch

  7. 1. März

    Usem Alltag - Flaute vs. vollem Kalender #55

    Hello zäme, mer send mol weder Remote unterwegs! Hend das grad gnutzt um euses neue Ass im Ärmel de Robin i eusi Alltagsfolge izbinde, er verzellt jetzte ussem Nähchäschtli ussem Business. Er het do wesentlich meh Insiderwösse för euch zum abiete, jeah, mer generieret doch Mehrwert för euch 💪🏻😉 Usserdem verzellt de Adi vom... ehm nütmache? Het bitz Flaute, chas geh, hingegege de Cornelius mol weder nume i de Arbet versinkt, er schient was besser (anderscht) zmache 😎 Loset (oder besser lueged uf Youtube) inne und mer wönsched euch witerhin viel Spass und Erfolg bim Knipse!

  8. 21. Jan.

    Strossekunst - Es Gspröch mit em Jens Krauer #54

    Mer send immer no «on the road»! Domol im schöne Olte im IPFO Haus der Fotografie. Dete faht abem Samschtig de 24. Januar d'Usstellig vom Jens Krauer, meteme Best of vo sine 10 Johr Streetphotography ah. Mer hend de Moment grad gnutzt um eus metem Jens über sini Arbet, sini Inspiratione, sini Herangehenswies und allgemein öber Fotografie z'unterhalte. Dodebie send so einigi Anekdote und interessanti Moment as Liecht cho 😉 Und ja, sie send grad no am Ufbaue gsieh vo sinere Usstellig, es cha chli rumple bi de Ufnahme 🔨🚧⚒️ Loset (oder lueged, eus gets au als Video-Podcast uf Youtube) inne und vor allem: bsuechet doch am Jens sini Usstellig und lönd euch inspiriere vo sine grossartige schwarzwiess Momentufnahme ussem urbane echte Lebe! 🌃 Meh Infos zu de Usstellig: www.ipfo.ch

    Strossekunst - Es Gspröch mit em Jens Krauer #54
Alle anzeigen (63)

Trailer

Bewertungen und Rezensionen

Info

Zwoi Bruefsfotografe (Adrian Ehrbar & Cornelius Fischer) mit em Hang zemli vell über d‘Fotografie und Anders (in Mundart) z‘plaudere. Aregige, Rückmeldige und Froge chönder eus per Mail zuecho loh: hoerer@imbildpodcast.ch

Informationen

  • Erstellt von
    Adrian Ehrbar und Cornelius Fischer
  • Jahre aktiv
    2023 - 2026
  • Folgen
    63
  • Bewertung
    Unbedenklich
  • Copyright
    © Adrian Ehrbar und Cornelius Fischer
  • Sendungswebsite
    Im Bild - de zemli fotografisch Podcast

Das gefällt dir vielleicht auch