Bambi Herz

Annouck
  • 0,0 (0)
  • Mentale Gesundheit
  • Zweiwöchentlich

Willkomme bi Bambi Herz – din Safe Space für echti Emotione, tiefi Gspröch und persönlichi Weiterentwicklig. In dem Podcast dreht sich alles um emotionali Intelligenz, s'Verstah vo eusne Gfühl und wie sie euses Lebe präget. Gemeinsam sprechet mir über tiefgründigi Themene, die im Alltag oft zu kurz chömmet – über das, was eus wirklich bewegt, aber selte lut usgsproche wird. Lass eus zämme wachse – ehrlich, authentisch und tiefgründig. Für meh Inspiratione folge @bambiherzpodcast uf Instagram!

  1. 12. Apr.

    #15 - HAPPY BIRTHDAY BAMBI HERZ

    Hüt vor eim Jahr han ich mis Herzensprojekt Bambi Herz gstartet. 15 Folgene spöter fiir ich de 1. Geburtstag vo mim Podcast.Ich danke eu vo tüfstem ♥️ für eue Support und hoffe, dass ihr uf de wiitere Reis vo Bambi Herz no debi sind. In dere Folg fass ich eu mini Key Takeaways vo jedere Folg zemme, viel Spass bim Recap.

    56 Min.

  2. 7. März

    #14 - Verpassisch du grad dis eigene Lebe?

    Mir isch letztens ufgfalle, dass 2025 ah mir verbi gfolge isch: en unschöni Realisation. Mir lebet oft überall - in Gedanke über d'Vergangeheit oder in Sorge über d'Zukunft - nur nöd würkli im Jetzt. In Folg 14 sprich ich drüber warum es mir so schwerfallt im Moment z'sii, wie sehr euse Kopf ständig en Schritt wiiter isch und was mir debi hilft, zum wieder im Moment präsent sii. 🫂 Für meh Inspiratione folg @bambiherzpodcast uf Instagram.

    45 Min.

  3. 8. Feb.

    #13 - Wenn de Kopf nöd schlafe will (Schlafstörige)

    Jede kennts: mer liegt im Bett, isch müed, chan aber nöd ihschlafe. Wenns mal einisch vorchunt isch es keis grosses Ding, aber wenn das mehreri Nächt hinderenand passiert, denn isch das sehr belastend. Durch de unerwarteti Tod vo mim Kolleg letzt Jahr han ich en Schlafstörig entwickelt, wo sich vor allem in stressige Phase (z.B. Lernphase) üsseret. In Folg 13 verzell ich eu mini Erfahrige demit, welli Sofortmassnahme mir helfet und wie ich min Schlaf langfristig verbessere will. Gege s'Endi vo de Folg erklär ich kurz und abebroche de biologische Prozess hinderem Schlaf. Für meh Inspiratione folg @bambiherzpodcast uf Instagram.

    48 Min.

  4. 31.12.2025

    #12 - Was mich 2025 glehrt het

    ✨ HAPPY NEW YEAR ✨Zum Abschluss vom 2025 möcht ich die wichtigst Lektion wo mich das Jahr glehrt het mit eu teile. Es isch bewusst en kürzeri Folg. Stimmet gern ab wie ihr so kurzi Folgene findet. Ich wünsch eu allne en schöne Start is neue Jahr und freu mich eu im neue Jahr wieder bi Bambi Herz döffe begrüsse. Für meh Inspiratione folg @bambiherzpodcast uf Instagram.

    14 Min.

  5. 06.12.2025

    #11 - Es isch en Prüefig, kein Reis zum Mond

    Dezember = Lernphase, Prüefige und viel Stress ✨ Für mich isch die Zit frühner verglichbar mit ne Reis zum Mond gsi… In de 11. Folg verzell ich vo mine Lernphase-Erfahrige und wie ich gmerkt han, dass ich wüki Hilf bruche. Vo ungsunde Verhaltenswis bis in Ohmacht gheie isch wüki alles debi. Wie sich mini Denkwis über s’Jahr veränderet het erfahred ihr i de Folg. Für meh Inspiratione folg @bambiherzpodcast uf Instagram.

    41 Min.

  6. 01.11.2025

    #10 - Unsichtbare Rucksack

    "Be kind. You never know what they are going trough." Es Zitat wo mich scho i minere Kindheit prägt het. In Folg 10 bring ich eu nöcher, wieso ich das Zitat für wichtig empfinde. Jede vo eus trägt en unsichtbare Rucksack mit sich. Bi manche isch er schwerer, bi andere leichter. De unsichtbare Rucksack chan jede erdrücke. Drum wärs schön, wenn mir fründlich und verständnisvoll zueinander sind - mir wönd ja nöd, dass mir öpperem no meh Gewicht hinzufüget. Für meh Inspiratione folg @bambiherzpodcast uf Instagram.

    28 Min.

  7. 04.10.2025

    #9 - Jede söll mache was er will, will jede staht dezu was er macht

    Hello und welcome back bi Bambi Herz 3 Die 8-Wüchigi Sommerpause het mir de Raum geh, en neui Einstellig zu mim Herzensprojekt z'finde. Ich han glernt, wie wichtig es isch, würkli hinder dem was mer macht stah, und sich nöd vo fremde Meinige beeinflusse lah . Wieso das so zentral isch und wie ich zu dere Erkenntnis cho bin, das erfahrsch, wenn du drilosisch. Für meh Inspiratione folg @bambiherzpodcast uf Instagram.

    36 Min.

  8. 02.08.2025

    #8 - Feelings (Teil 2)

    Ihr hends gwünscht, ich hans glieferet: Feelings Teil 2. Mir ziehnd in dere Folg wieder vier Frage und beantwortet sie spontan: ✨Beschrieb en Moment wo en act of kindness dis Herz berührt het. ✨Wie chan mer usdrucke, dass mer personal space vo öperem brucht ohni die Person z’verletze? ✨ Wo bechunsch du s’Gfühl vo Zugehörigkeit? ✨ Wie gasch du mit Stress um? Es wür mich freue wenn ihr eui Gedanke zu dene Frage mit mir teile würdet. Administrativi Information: 📆 Nach dere Folg gits en Sommerpause vo 8 Wuche. 📆 Nach dere Sommerpause wird jewils jede letzte Sunntig vom Monat en neui Folg online cho. Ich wünsche eu en schöne Summer! 🌞 Für meh Inspiration folg @bambiherzpodcast uf Instagram.

    25 Min.
Alle anzeigen (16)

Trailer

Info

Willkomme bi Bambi Herz – din Safe Space für echti Emotione, tiefi Gspröch und persönlichi Weiterentwicklig. In dem Podcast dreht sich alles um emotionali Intelligenz, s'Verstah vo eusne Gfühl und wie sie euses Lebe präget. Gemeinsam sprechet mir über tiefgründigi Themene, die im Alltag oft zu kurz chömmet – über das, was eus wirklich bewegt, aber selte lut usgsproche wird. Lass eus zämme wachse – ehrlich, authentisch und tiefgründig. Für meh Inspiratione folge @bambiherzpodcast uf Instagram!

Informationen

  • Erstellt von
    Annouck
  • Jahre aktiv
    2025 - 2026
  • Folgen
    16
  • Bewertung
    Unbedenklich
  • Copyright
    © Annouck
  • Sendungswebsite
    Bambi Herz