Bündnertalk

Ramon Heeb
  • 5,0 (1)
  • Gesellschaft und Kultur
  • Zweiwöchentlich

Bündnertalk – Ehrlich, spontan und mit Härz. Ächti Gspröch ohni Skript. I, dr Ramon Heeb, träffa spannendi Menscha us Graubünda und vo wiiter wäg. Miar reden über ds Läba, Freud, Arbet, verruckti Idea und alles, was grad so passiert, genau so, wia’s im ächta Läba isch: nit perfekt, aber ächt. Immer patschifig und garantiert nia langwilig! Mängi Episoda laufand noch ama kliina Ritual: Zerscht gits a Entweder-oder-Frog an da Gast, dänn törf dr Gast a Frog zrugg an mi stella, und zum Schluss wählt är a Zahl, wo a Frog us minera Lischta uftuat, ganz ohni Vorwarnig. Und dänn gits Episoda, wo miar vo Afang a über ai Thema reden, wo da Gast würkli beschäftigt. Beidi Mol gältet s Gliicha: ächt, ohni Skript und ohni Probelauf. 20 bis 40 Minuta, jedi zweiti Wucha am Donnstig am 5i am Morga. Folg miar uf Instagram @buendnertalk. Schick miar dini Idee für mini Frogalischta, säg miar, wän du gera mol ghöra wötsch, oder mäld di selber, wenn du Luscht uf as Gspröch hesch. I läsa alli Nochrichta und antworta sälber. Alli Episoda uf buendnertalk.ch Bündnertalk, au gschriba Bündner Talk, isch dr Podcast us Graubünden, ufgnoh in Chur.

  1. vor 1 Tag

    #20 Gspürt ma Chemie sofort oder bruchts Ziit? – Thaddäus Krause

    I dera Episoda isch dr Thaddl, z Gast. Mir redand über d Angst vorm Versaga und wia si sich zeigt: mol as Lähmig, mol as Perfektionismus, wo ma sich i da Details verlürt. Dr Thaddl verzellt, dass er ez öppis macht, wo er vorhär nia gmacht het, und wia vill Freud do trotz allem drinn steckt. Denn chunnt ds Szenario: dis Hus brennt, drü Sacha dörfsch mitnäh. Vo dört uus landan mir bim Handyverlust nach am Wanderunfall vo Episoda 7 und bi dr Frog, wia ma eigentlich wiedr a sini Bank, sini Mails und sis ganz digitala Läba dra chunnt, wenn ds Handy für d Verifizierig weg isch. Wenn du do a bessri Lösig hesch: schrib si mir id Kommentär oder uf Instagram. Bi dr Frog Nummera 79 gahts denn ums Zwischamenschlicha. Spürt ma Chemie i da erschta Sekunda oder entstoht si erst mit dr Ziit? Dr Thaddl erklärt, warum jeda Mensch in Schublada dänkt, was ds Limbische System damit z tua het, und warum dr erscht Idruck sich scho nach am erschta Satz komplett chan ändera. Am Schluss stoht sin Appell: mach diar bewusst, dass du sortiersch, und gib da Lüt a zweiti Chance. Ds Experiment bis zur nächsta Episoda: gang uf öppar zua, wo du suscht nid aagschprocha hättsch. Hesch a Idee für mini 80er-Frogalischta, kennsch an spannenda Gascht oder wotsch selber mol ufnäh? Schriib miar uf Instagram: @buendnertalk Meh uf: buendnertalk.ch Wenn dr d Folg gfalla het: bitte abonniara und a Bewertig doloh. Das hilft meh, als ma maint. Werbig: Wechslisch gad s Handyabo? Do gohts zum Sunrise Agebot Alli Agebot: buendnertalk.ch/partner

  2. 16. Okt. ·  Bonus

    Bonus: Wiso fallt’s so schwär, eifach mol nüt z tua? – Ramon

    Dasmol ganz anders: kei Gast, kei Studio, nur i, a Liegestual und ds Meer i dr Toskana. Noch gfüahlta zwei Minuta Nüt tua han i scho wieder zum Handy griffa. Wiso fallt’s üs eigentlich so schwär, eifach mol z sii? I verzell, wiso miar üs so schnell über Leistig definierand, wiso di erscht Frog meistens “Was machsch so?” isch und wiso miar immer und überall erreichbar sii wönd. I dänk zrugg a mini Kindheit, wo Langwiil no ganz normal gsi isch, und frog mi, wo d Grenz zwüscha Erholig und Prokrastination liggt. Und zum Schluss gits a Minuta nüt usser Meerrauscha. Wenn hesch du s letscht Mol würkli nüt gmacht? Schriib mir’s id Kommentär oder uf Instagram. Hesch a Idee für mini 80er-Frogalischta, kennsch an spannenda Gascht oder wotsch selber mol ufnäh? Schriib miar uf Instagram: @buendnertalk Meh uf: buendnertalk.ch Wenn dr d Folg gfalla het: bitte abonniara und a Bewertig doloh. Das hilft meh, als ma maint. Werbig: Wechslisch gad s Handyabo? Do gohts zum Sunrise Agebot Alli Agebot: buendnertalk.ch/partner

    Bonus: Wiso fallt’s so schwär, eifach mol nüt z tua? – Ramon

  3. 8. Okt.

    #19 Mis Läbensmotto heisst: Trotzdem – Barbara (91)

    D Barbara isch 91 und het meh Liachtigkeit als di meista mit 30. Ufgwachsa z Pany im Prättigau, sächs Gschwüsterti und a Muatter wo nia gnuag Zit gha het. Mit 16 isch si furt vo dahai, spöter ei Johr Cambridge, ei Johr Paris, mitm Traum vo ra Hotelrezeption in Davos und mit Mönschaangst im Gepäck. “Dia Prättigauer chömmand nit druus”, het ma z Chur gsait, und irgandwenn het sis sälber glaubt. Hüt seid si: Ich lah mi vo niamaram meh verbüga. Miar redand über Muat und drüber, wia oft mas im Läba verpasst, öppis z säga. Über ihri Muatter, an dia si no jeda Tag denkt. Über Träum wo ganz andersch cho sind. Über Fründschafta und warum si hüt vill genauer uswählt, mit wem si ihri Zit verbringt. Über ihra Glauba, wo ihra Ruah git. Und über ihras Lebensmotto: trotzdem. Mitam beschta Stress-Tipp gratis dazua. Hesch a Idee für mini 80er-Frogalischta, kennsch an spannenda Gascht oder wotsch selber mol ufnäh? Schriib miar uf Instagram: @buendnertalk Meh uf: buendnertalk.ch Wenn dr d Folg gfalla het: bitte abonniara und a Bewertig doloh. Das hilft meh, als ma maint. Werbig: Wechslisch gad s Handyabo? Do gohts zum Sunrise Agebot Alli Agebot: buendnertalk.ch/partner

  4. 24. Sept.

    #18 Wia ischs, wenn dr Nochbuur jeda Tag ohni Amäldig ina platzt? – Ahmed Ezaldin

    Dr Ahmed Ezaldin chunt us am Sudan und läbt sit füf Johr indr Schwiiz. Mir redan über ds Akoh, über sin erschta Winter, wo er fascht nur dahai gsi isch, und über das, was ihm hüt no fremd vorchunt a üs. Er verzellt, wia bi ihm dahai dr Nochbuur eifach ungfrogt dur d Tür inachunt, jeda Tag, und was as bedütet, wenn er plötzlich füf Täg nüm chunt. Mir reden über Gaschtfründschaft, wo vill meh isch als a Iiladig, über Hochzita mit über tuusig Lüüt und über Tee am Sächsi am Morga. Und mir frogand üs: Warum brucht’s bi üs so viil Muat, um öpper Frömds ahzquatscha, und dass as im Sudan ganz normal isch. A Episode über Nöchi, über Distanz und über das, was ma vermisst, wenn ma wiit wäg isch. Hesch a Idee für mini 80er-Frogalischta, kennsch an spannenda Gascht oder wotsch selber mol ufnäh? Schriib miar uf Instagram: @buendnertalk Meh uf: buendnertalk.ch Wenn dr d Folg gfalla het: bitte abonniara und a Bewertig doloh. Das hilft meh, als ma maint. Werbig: Wechslisch gad s Handyabo? Do gohts zum Sunrise Agebot Alli Agebot: buendnertalk.ch/partner

  5. 10. Sept.

    #17 Wiso schickt ma an Vertrag für 13 Johr nia ab? – Michaela Gander

    Mit 15 isch d Michaela als Uustuuschschüaleri uf Amerika, hät sich Jahr spöter bi dr dütscha Marina als Sanitäteri uf ara Fregatta beworba, alles untrschriba für 13 Jahr Vertrag und da Brief denn nia abgschickt. Statt ufd See isch si uf a Bibelschuel im Bärner Oberland glandet, hät ima Hotel a Uusbildig gmacht und isch ir Schwiz bliba. Miar redand über Kindheitsträum, wo sich alli zwei Wucha ändarand, über Türa, wo zuagangan sind, und über ds Vertraua, dass es scho guat chunnt, au wenn ma grad nit weiss, wia’s witer goht. Es goht um Empathie und drum, wo ma sich abgränza muas, um Gschichta, wo bliba, und um da Underschied zwüscha “ich han an Plan” und “ich läb eifach und luag, wohi’s mi füahrt”. Und du? Isch bi diar mol a Tür zuaganga, wo du eigentlich hätsch offa loh wölla, und hät sich das im Nochhinein als richtig zaigt? Schriib’s miar uf Instagram. Hesch a Idee für mini 80er-Frogalischta, kennsch an spannenda Gascht oder wotsch selber mol ufnäh? Schriib miar uf Instagram: @buendnertalk Meh uf: buendnertalk.ch Wenn dr d Folg gfalla het: bitte abonniara und a Bewertig doloh. Das hilft meh, als ma maint. Werbig: Wechslisch gad s Handyabo? Do gohts zum Sunrise Agebot Alli Agebot: buendnertalk.ch/partner

  6. 27. Aug.

    #16 Brucht ma Angst? – Annemarie

    D Annemarie isch wieder im Bündnertalk zu Gast. Würsch du liaber nia meh gseh oder nia meh ghöra? D Anne verzellt vo Blindatennis, vo ihram Onkel wo sogar an da WM dabi gsi isch. Kennsch du persönlich a blindi Person? Was würsch du macha, wennd kai Angst hättisch? Miar reden über gsundi und ungsundi Angst, über Phobia (Schlanga sind as klars Thema), über Höhaangst uf ara halbmeterbraita Mura und zwei hundert Meter Tüfi, und über da Unterschid zwüscha Angst und Respäkt. Es goht ums Zuatraua, ums Woga, um Sorga und um Hoffnig, und um a Momänt, wo dr Respäkt gfählt het und drum s Gnick brocha isch. Dia ganz Gschicht mit am Gnick chunnt aber nur, wenn dia EP mindestens hundert Kommentär het. Also: kommentiera, mit dina Fründa teila, denn ghörsch ira wiitera Episoda, was passiert, wema sich masslos überschätzt und dabi s Gnick bricht. Hesch a Idee für mini 80er-Frogalischta, kennsch an spannenda Gascht oder wotsch selber mol ufnäh? Schriib miar uf Instagram: @buendnertalk Meh uf: buendnertalk.ch Wenn dr d Folg gfalla het: bitte abonniara und a Bewertig doloh. Das hilft meh, als ma maint. Werbig: Wechslisch gad s Handyabo? Do gohts zum Sunrise Agebot Alli Agebot: buendnertalk.ch/partner

  7. 13. Aug.

    #15 Hesch du vier Fründa für alles? – Serena Schlüter

    Rennsch du Marathon oder fahrsch scho Gravelbike? Jeda Tag füf Stunda schlofa oder zäh? Mir rechnand zäma us, wia viel Läbaszit ma verschloft, und chömend uf as Resultat, wo chli weh tuat. Bi dr Frog Nummer 77 wird’s persönlich: Wenn du mit allna Menscha ima Ruum wärsch, wo du jeh kennaglernt häsch, wän würsch suacha? D Serena verzellt vo Fründschafta, wo nöcher sind als di eigani Familia. I reda vo mim erschta Kindheitscrush, vom Wiedergseh noch gfühlta zwanzg Johr und vom Vergää, au bi dena, wo eim gmobbt hend. Denn goht’s um d Frog, ob vier guati Kollega, mit dena ma würkli über alles reda könd, langend. Und ganz am Schluss um da Stadtpark z Chur, warum i sit füf Johr regelmässig döt bi und was es haisst, in Menscha z investiara ohni öppis zrugg z verlanga. Nit nur zwai Wucha, sondern über mehreri Johr. Und du? Hesch du vier Fründa, mit dena du über alles reda chasch? Schrib’s üs doch ind Kommentär. Hesch a Idee für mini 80er-Frogalischta, kennsch an spannenda Gascht oder wotsch selber mol ufnäh? Schriib miar uf Instagram: @buendnertalk Meh uf: buendnertalk.ch Wenn dr d Folg gfalla het: bitte abonniara und a Bewertig doloh. Das hilft meh, als ma maint. Werbig: Wechslisch gad s Handyabo? Do gohts zum Sunrise Agebot Alli Agebot: buendnertalk.ch/partner

  8. 30. Juli

    #14 Reda, ohni z verletza – Thaddäus Krause

    I dera Episoda isch wieder dr Thaddl z Gast. Miar redand drüber, wia ma mit Menscha umgoht, wo scho vili abgschriba händ, und warum grad dia as risigs Potenzial händ. Dr Thaddl verzellt, wia er sich sälber i da schwiriga Jugendlicha wiederfindt und warum er jedam immer wieder a nöi Chanca git. Denn wird’s praktisch: gwaltfreii Kommunikation, Ich-Botschafta gega Du-Botschafta und d Frog, warum aim öppis überhaupt so stört. Am Schluss git dr Thaddl sini konkreti Tipps, wia ma sega chan, was aim verletzt, ohni dass ds Gäganüber grad zuamacht. Wia kommuniziarsch du, wenn di öppis verletzt? Schriib üs doch an Kommentar. Hesch a Idee für mini 80er-Frogalischta, kennsch an spannenda Gascht oder wotsch selber mol ufnäh? Schriib miar uf Instagram: @buendnertalk Meh uf: buendnertalk.ch Wenn dr d Folg gfalla het: bitte abonniara und a Bewertig doloh. Das hilft meh, als ma maint. Werbig: Wechslisch gad s Handyabo? Do gohts zum Sunrise Agebot Alli Agebot: buendnertalk.ch/partner

Alle anzeigen (22)

Trailer

Info

Bündnertalk – Ehrlich, spontan und mit Härz. Ächti Gspröch ohni Skript. I, dr Ramon Heeb, träffa spannendi Menscha us Graubünda und vo wiiter wäg. Miar reden über ds Läba, Freud, Arbet, verruckti Idea und alles, was grad so passiert, genau so, wia’s im ächta Läba isch: nit perfekt, aber ächt. Immer patschifig und garantiert nia langwilig! Mängi Episoda laufand noch ama kliina Ritual: Zerscht gits a Entweder-oder-Frog an da Gast, dänn törf dr Gast a Frog zrugg an mi stella, und zum Schluss wählt är a Zahl, wo a Frog us minera Lischta uftuat, ganz ohni Vorwarnig. Und dänn gits Episoda, wo miar vo Afang a über ai Thema reden, wo da Gast würkli beschäftigt. Beidi Mol gältet s Gliicha: ächt, ohni Skript und ohni Probelauf. 20 bis 40 Minuta, jedi zweiti Wucha am Donnstig am 5i am Morga. Folg miar uf Instagram @buendnertalk. Schick miar dini Idee für mini Frogalischta, säg miar, wän du gera mol ghöra wötsch, oder mäld di selber, wenn du Luscht uf as Gspröch hesch. I läsa alli Nochrichta und antworta sälber. Alli Episoda uf buendnertalk.ch Bündnertalk, au gschriba Bündner Talk, isch dr Podcast us Graubünden, ufgnoh in Chur.

Informationen

  • Erstellt von
    Ramon Heeb
  • Jahre aktiv
    2025 - 2026
  • Folgen
    22
  • Bewertung
    Anstößig
  • Copyright
    © Ramon Heeb
  • Sendungswebsite
    Bündnertalk