Soa i Madagasikara

Soa i Madagasikara
  • 5,0 (1)
  • KOMMENTARE

Podcasts sur Madagascar proposés par la webradio 100% musiques, cultures et sociétés malgaches. La voix de Madagascar, fière de ses traditions et en harmonie avec la modernité. Fampielezam-peo an-tserasera malagasy, zato isan-jato mozika, kolontsaina ary sosialy. Ny feon'i Madagasikara, mirehareha amin'ny lovan-drazana ary mifanaraka amin'ny zava-maoderina.

  1. Akon'i Gasikara - Sefo Fokontany : tokony hofidiana sa hotendrena ? Hevitry ny Depiote Antoine Rajerison

    7. APR.

    Akon'i Gasikara - Sefo Fokontany : tokony hofidiana sa hotendrena ? Hevitry ny Depiote Antoine Rajerison

    Ao anatin’ny adihevitra momba ny fanavaozana eto Madagasikara, miverina indray ny resaka momba ny toeran’ny Sefo Fokontany. Amin’ity fizarana ity, Antoine Rajerison, depiote an'i Madagasikara, dia mampitandrina ny amin’ny mety hiverenan’ny hadisoana taloha raha toa ka haverina ny fanendrena Sefo Fokontany avy eny ambony. Ny Sefo Fokontany dia fototry ny demokrasia eny ifotony eto Madagasikara, satria izy no akaiky indrindra ny Fokonolona. Manana andraikitra lehibe izy, indrindra amin’ny asa saro-pady toy ny fanomanana ny lisitry ny mpifidy. Noho izany, mazava ny hafatra : tokony hofidian’ny vahoaka eny an-toerana ny Sefo Fokontany fa tsy hotendrena. Fanontaniana lehibe apetrak’ity podcast ity : ny demokrasia ve tokony hatsangana avy eny ifotony sa fehezina avy eny ambony ?

    2 Min.
  2. Mba fantatrao ve ? – Fanehoankevitra momba ny famerenana ny Fokontany ao anaty vondrombahoakam-paritra Itsinjaram-pahefana

    7. APR.

    Mba fantatrao ve ? – Fanehoankevitra momba ny famerenana ny Fokontany ao anaty vondrombahoakam-paritra Itsinjaram-pahefana

    Ao anatin’ny adihevitra momba ny fanavaozana eto Madagasikara, mipetraka indray ny fanontaniana lehibe : inona no rafitra politika tena mifanaraka amin’ny maha-izy antsika? Amin’ity fandaharana “Mba fantatrao ve” ity, dia resahina ny maha-zava-dehibe ny Fokontany ho fototry ny fandaminana ara-pitantanana sy ara-politika. Tsy vitan’ny hoe rafitra akaiky ny vahoaka izy, fa efa anisan’ny kolontsaina sy ny tantara malagasy ihany koa. Asongadina ato ny hevitra hananganana rafitra mifototra amin’ny anarana sy fomba malagasy: Fokontany - Firaisam-pokontany - Fivondronam-pokontany - Fireneana. Tanjona ny hanorenana rafitra miorina amin’ny zava-misy sy ilaina ary akaiky ny vahoaka, fa tsy rafitra nalaina tahaka avy any ivelany. Ao anatin’ny fanavaozana, aorian’ny fitsapankevi-bahoaka sy ny fifampidinihana nasionaly, dia andrasana ny fananganana Lalàmpanorenana vaovao. Fanamby lehibe ny hahatonga izany ho taratry ny maha-malagasy, ny kolontsaina, ary ny fomba fijery manokana ny firenentsika. Fanontaniana mipetraka: ho sahy hanorina rafitra tena malagasy ve isika, sa mbola hifikitra amin’ny modely vahiny?

    6 Min.
  3. Akon'i Gasikara - Michaël Randrianirina : Antso ho an’ny tanora – Fahatsiarovana 29 Martsa 1947

    29. MÄRZ

    Akon'i Gasikara - Michaël Randrianirina : Antso ho an’ny tanora – Fahatsiarovana 29 Martsa 1947

    Tamin’ny fankalazana ny 29 Martsa 1947 tao Moramanga, Michaël Randrianirina, filohan’ny Fanavaozana ny Repoblikan’i Madagasikara, dia nandefa hafatra mahery vaika ho an’ny tanora malagasy. Miantso ny tanora izy handray andraikitra amin’ny fananganana ny hoavin’ny firenena, ary tsy hanaiky ho voafitaka na ho voazarazara ara-politika, na voasariky ny be resaka efa misotro ronono. Ao anatin’ny lahateny feno fandraisana andraikitra, dia nanamafy ihany koa izy ny fahavononany hiady amin’ny kolikoly. Nantsoiny mivantana ireo mpanao kolikoly sy ireo mety ho voasarika amin’izany, fa manala baraka ny ra nalatsaky ny razana ny ataon’izy ireo. Hafatra iray mampisaina, miantso andraikitra ary manosika fandraisana andraikitra ho an’i Madagasikara.

    3 Min.
  4. Akon'i Gasikara - Tanora malagasy sy politika : antso sy hafatra avy amin’i Hajo Andrianainarivelo

    21. MÄRZ

    Akon'i Gasikara - Tanora malagasy sy politika : antso sy hafatra avy amin’i Hajo Andrianainarivelo

    Amin’ityfandaharana ity, Soa i Madagasikara dia mitondra ampahan’ny kabarin’i Hajo Andrianainarivelo, izay miresaka mivantana amin’ny tanora malagasy. Hafatra mazava no apetrany : ny tanora no ho avin’i Madagasikara, mila miomana sy miofana izy ireo handray andraikitra, ary tsy tokony ho voafitaky ny fizarazarana, na ara-pivavahana, na ara-poko, na ara-politika Tsiahiviny ihany koa ny hetsika nataon’ny tanora tamin’ny faran’ny taona 2025, izay naneho fa manana hery sy andraikitra izy ireo. Fa ny fanamby lehibe izao : tsy ny mihetsika ihany, fa ny miomana. Tsy ny mandrava ihany, fa ny manorina Antso avo mampahatsiahy fa an’ny tanora ny hoavin’i Madagasikara, saingy mila fahaizana sy fahavononana izany. Loharano : Kolo Tv

    1 Min.
  5. Akon'i Gasikara - Hetsika fambolen-kazo sy politika – inona marina no tanjon’ny Malagasy Miara Miainga ?

    21. MÄRZ

    Akon'i Gasikara - Hetsika fambolen-kazo sy politika – inona marina no tanjon’ny Malagasy Miara Miainga ?

    Amin’ity fandaharana ity, Soa i Madagasikara dia mijery akaiky ny hetsika fambolen-kazo nataon’ny antoko Malagasy Miara Miainga (MMM), notarihin’i Andriamatoa Hajo Andrianainarivelo, >Filoha nasionaly ny Antoko. Fa ankoatra ny lafiny tontolo iainana, misy hafatra politika nozarainy tamin'nizany : ny tena zava-nitranga, ny hafatra sy kabary natao ny tanjona mety ho kendrena, ary ny toerana misy ny MMM eo amin’ny politika malagasy amin’izao Fanavaozana izao. Loharano : Kolo Tv

    1 Min.
  6. Mba Fantatrao ve ? - Fanehoankevitra momba ny toerana tokony homena ny Fokonolona sy fitsapankevi-bahoaka

    21. FEB.

    Mba Fantatrao ve ? - Fanehoankevitra momba ny toerana tokony homena ny Fokonolona sy fitsapankevi-bahoaka

    Inona marina no anjara toeran’ny Fokonolona amin’ny fitantanana ny firenena? Ary tokony homena lanja bebe kokoa ve ny fitsapankevi-bahoaka amin’ny fanapahan-kevitra lehibe? Ao anatin’ity fizarana “Mba Fantatrao ve ?” ity, mandinika lalina ny toerana tokony hisy ny vahoaka amin’ny rafitra demokratika eto Madagasikara isika. Resahina ny andraikitry ny Fokonolona, izay fototry ny fiarahamonina malagasy, sy ny fomba ahafahan’ny fitsapankevi-bahoaka manamafy ny feon’ny olom-pirenena. Mampametra-panontaniana isika : Ahoana no ahafahan’ny vahoaka mandray anjara marina amin’ny fanapahan-kevitra? Mbola voahaja ve ny hasin’ny Fokonolona ankehitriny? Inona ny anjara toeran’ny fitsapankevi-bahoaka amin’ny demokrasia tena izy? Fizarana iray hanentana fisainana, hanokatra adihevitra, ary hampahatsiahy fa ny hoavin’i Madagasikara dia miankina amin’ny fandraisan’anjara ataon’ny olom-pirenena tsirairay.

    5 Min.
  7. Akon'i Gasikara - Fitsidihana Ofisialy any Rosia : Fanavaozana sy Fiandohana Vaovao

    19. FEB.

    Akon'i Gasikara - Fitsidihana Ofisialy any Rosia : Fanavaozana sy Fiandohana Vaovao

    Nanao fitsidihana ofisialy tany Rosia ny Filohan’ny Repoblika Michaël Randrianirina, tao anatin’ny fanamafisana sy fanavaozana ny fifandraisana diplomaty efa naharitra 55 taona teo amin’i Madagasikara sy Rosia. Tamin’ny lahateniny voalohany dia nanambara izy fa fotoana hanombohana fiandohana vaovao izao. Tsy fanohizana fotsiny ny fifandraisana taloha, fa fanamafisana fiaraha-miasa mifototra amin’ny tombontsoa iombonana sy ny refondation ny firenena. Voaresaka manokana ny sehatra sosialy, angovo, toekarena ary fiaraha-miasa ara-miaramila. Araka ny nambarany, ilaina ny mpiara-miombon’antoka matanjaka hanohanana ny fampandrosoana maharitra sy ny fanamafisana ny fahaleovantenan’i Madagasikara. Inona no tena dikan’ity fitsidihana ity eo amin’ny sehatra jeopolitika ? Inona no tombontsoa ho an’ny vahoaka malagasy ? Ary ahoana no hahazoana antoka fa fiaraha-miasa mitovy lenta sy mahasoa ny firenena ? Ity podcast ity dia manasa antsika handinika lalina ny dikan’ny refondation sy ny toeran’i Madagasikara eo amin’ny sehatra iraisam-pirenena.

    1 Min.
  8. Akon'i Gasikara - Didier Ratsiraka sy ny Vinan’ny Angovo : Bemolanga sy Tsimiroro, Fahafahana Very sa Fotoana Mbola Azo Raisina ?

    19. FEB.

    Akon'i Gasikara - Didier Ratsiraka sy ny Vinan’ny Angovo : Bemolanga sy Tsimiroro, Fahafahana Very sa Fotoana Mbola Azo Raisina ?

    Ao anatin’ity fizarana ity dia hiverenantsika ny vanim-potoanan’ny fitondran’i Didier Ratsiraka, sy ny paikady napetraka momba ny loharanon-kery eto Madagasikara. Tamin’izany fotoana izany dia efa nisy fandinihana lalina momba ny gisement solika mavesatra ao Bemolanga sy Tsimiroro. Harena voajanahary goavana izay heverina fa afaka mamaly ampy ny filàn’ny firenena amin’ny resaka angovo. Ny vinavina dia ny hananganana toby famokarana herinaratra lehibe manakaiky ireo toerana misy ilay solika, ary avy eo hampifandray izany amin’ireo tanàna lehibe manerana ny nosy amin’ny alalan’ny tambajotra interconnexion matanjaka. Raha tanteraka izany, dia mety ho nihena be ny delestazy izay mbola olana maharitra hatramin’izao. Mety ho afaka niantehitra bebe kokoa tamin’ny harenantsika manokana i Madagasikara, fa tsy tamin’ny fanafarana solika lafo vidy. Fa inona no tena sakana ? Inona no antony tsy nahatanteraka tanteraka izany vina izany ? Ary raha jerena amin’izao fotoana izao, mbola azo averina ve ny fametrahana politika matanjaka mifototra amin’ny harena voajanahary eto an-toerana ? Ity podcast ity dia manasa antsika handinika ny lasa, tsy amin’ny fiderana na fanakianana fotsiny, fa amin’ny fianarana sy fijerena vahaolana maharitra ho an’ny olana ara-angovo eto Madagasikara.

    2 Min.
Alle anzeigen (91)

Info

Podcasts sur Madagascar proposés par la webradio 100% musiques, cultures et sociétés malgaches. La voix de Madagascar, fière de ses traditions et en harmonie avec la modernité. Fampielezam-peo an-tserasera malagasy, zato isan-jato mozika, kolontsaina ary sosialy. Ny feon'i Madagasikara, mirehareha amin'ny lovan-drazana ary mifanaraka amin'ny zava-maoderina.

Informationen

  • Erstellt von
    Soa i Madagasikara
  • Jahre aktiv
    2022 - 2026
  • Folgen
    91
  • Bewertung
    Unbedenklich
  • Copyright
    © Tous droits réservés
  • Sendungswebsite
    Soa i Madagasikara