RFI Fulfulde

•

Kanal • 7 serier

Nyheder

Nyheder

3 dage siden
Erhverv

Erhverv

Ugentligt
Samfund og kultur

Samfund og kultur

Ugentligt
Videnskab

Videnskab

Ugentligt
Uddannelse

Uddannelse

Hver anden uge
Videnskab

Videnskab

Ugentligt
Nyheder

Nyheder

Dagligt

4. feb.

Toɓɓere men hannde yowitii ko e alhaali battane golle mahanteeri e nder taariindi ndii

E oo taskaram Kiwal taariindi en yewtay ko yowitii e golle laamu e nder yoga e leyɗe Afriknaaje, haa teeŋti noon e eɓɓooje mawɗe mahngo wano laabi, ponwuuji, baraasuuji. Ɗeen golle ina waawi battinde e weeyo walla mbiyen e taariindi rewrude e ustude rimɗinɗe leydi remeteendi, e ustude leɗɗe, e tuuninde henndu e ndiyam. En ƴettay yeru Gine, golle laamu walla gollidiiɓe laamu ngu no battini sanne e dow taariindi ndii haa e nguurndam yimɓe ɓee. Hino tawaa e ɗeen golle wano oogirɗe Simandu walla kadi laabi wonaaɗi e moƴƴineede hakkunde Mamou e Labe. Ɗum saaɓi haa fedde nde wonaa laamuyankoore Gine wi’ateende ONG des paroles et des actes jeertinii ko faati e battane mun e dow taariindi ndii haa e nguurndam yimɓe ɓee. Ko halfinaaɗo kala ko yowitii e taariindi e ndiyam ndeen fedde, hertorɗo taariindi woni koɗo men. Himo wi’iee Mamadou Diouhe Diallo.

4. feb.

•

10 min.
9. jun.

Ko honɗum woni battane mbayliigu weeyo e golle ɓee rewɓe dowri e ko haani wonde darnde maɓɓe

Hannde toɓɓere men no yeewta e alhaali battane waylwaylo weeyo faade e rewɓe dowriyankooɓe ɓee. Heɗen nganndi ina woodi rewɓe, dillooɓe e ndema, caggal ndungu, heɓe ndema hay e ceeɗuuji gila e gese haa sardinŋaaji, e golle goɗɗe njaadooje mum. Hoɓɓe men e ndee yeewtere ko Dienaba Diop, dillowo e ndema, kolaaɗo kuɓal GIE kawral rewɓe Cubalel, rewo leydi Seenegal. Binta Dieng, hertorɗo taariinde ngonnɗo Guinee. Tedduuɓe ko e ɓee ɗiɗo njewtideten e mum. Bisimilla mon e heɗaade.

9. jun.

•

10 min.
18. mar.

Batte hare hakkunde Israel, Amerik e Iran e nder taariindi ndii

Hannde e oo ɗoo taskaram en yewtay ko yowitii e battane hare hakkunde Iran, Israel e Dowlaaji dentuɗi Amerik. Ndee hare fuɗii ko gila e aset ñande 28 lewru ɗiɗaɓuru ndee hitaande ɗoo caggal nde wari ardiiɗo mawɗo mo Iran. Gila nden hare nden no jokki hakkunde ɗee leyɗe haa e leyɗe godɗe taariiɗe walla wonduɗe e Amerik. Ɗum noon ko misilaaji e misilaaji haa e boyli petrol bonneteeɗi walla suneteeɗi. Ɗum non no battini no feewi e dow taariindi ndii. Ngam yewtude e ndee toɓɓere en jaɓɓoto koɗo men wieteeɗo Alpha Oumar Bah, ginenaajo hertorɗo e taariindi e bamtaare duumiinde e Lamine Ibn Oumar Diallo, Ginenaajo hertorɗo kala ko feewti e ndiyam e laddeeji.

18. mar.

•

10 min.
9. apr.

Hannde yeewtere men ana fawii e tiiɗallaaji ɗi awooɓe njogii e gollal mum en

Tedduɓe heɗiiɓe rfi fulfulde, onon e jam. On calminaama, on njettaama kala ɗo mbaawuɗon taweede e heɗaade e oo wakkati, ndee yewtere, Faggudu e ɓamtaare Afrik. Hannde yeewtere nde ana fawii e tiiɗallaaji ɗi awooɓe njogii e gollal mum en. Hakkunde 10, 11 e 12 lewru nayoɓordu hitaande 2026, hawriinde mawnde hakkunde awooɓe immiiɓe e leyɗe keewɗe : Sénégal, Mali, Gambie, Guinée e goɗɗe. Enɗam Subalɓe noddi ndee hawriinde, nde e muuɗum eɓe njiɗi anndinde kala tiiɗallaaji ɗi ɓe njogi e noddude dabareeji laatiiɗi yalla eɓe keɓa ɓamtaare e ngal gollal. Eɗen njaɓɓi Amadou Tera Sarr ardiiɗo waalde Enɗam subalɓe e Balla Sall, oo awoowo jooɗiiɗo Kanel, ɗoo e Sénégal. Nii woni yewtere nde, bisimilla moon !

9. apr.

•

10 min.
6. maj

Hannde kiwal taariindi yeewtata ko fii peewnugol ƴulɓe bi'eteeɗe “charbon bio “

Tedduɓe on calminaama! Hannde e ooɗo taskaram en yewtay ko yowitii e ƴulɓe guurɗiwal. Ko ɓuri miliyoŋ teemedere ektaar ladde no e caɗeele e batte defirgol leɗɗe e nder Afrik. Ko ɗum waɗi pelle heewɗe e nder Afrik, ƴettii feere ngam fewnude ƴulɓe guurɗiwal hono “charbon bio “. Ɗum no tawaa e ko wallata haɓɓugol soppuru laddeeji e hiwude taarindi ndii. Holno ɗum feewnirtee? Holko ɗum waawi battinde e taarindi haa teeŋti noon e haɓugol soppuru ladde e nder Afrik. Ngam yewtude e dow ɗee toɓɓe en mbismoto hoɓɓe men, Thierno Bocar Cisse Moritanaajo hertorɗo e oon fannu kono kadi peewnayɗo ko wi’etee bio charbon. Kono ko adii en heɗoto jantoore nde nultondiraaɗo men waɗani en e oo alhaali Oumar El Hadj Caam. Ka joofingol en mbismoto Ahmet Fall Senegalnaajo diloowo e on baŋŋe. Tedduɓe ko nii woni mbaadi yewtere mon

6. maj

•

10 min.
18. feb.

Ko holɗum ɗee pineeje huutoraaɗe hawkaaɗe battinta e ndii taariindi?

Hannde yewtere taskara men yowitii ko battane pineeje (poneeje) huutoraaɗe hawkaaɗe e dow taariindi ndii. Ɗee pineeje e nder Afrik ummorii ko e naatgol pineeje kuutorteeɗe, moofteteteeɗe e nder gure. Ɗum no bonna leydi, henndu, e ndiyam, na addana kadi caɗeele cellal. Pineeje ko tuuɗe jogiiɗe batte bonɗe e weeyo. Tigi rigi holko ɗum waawi battinde e taarindi? Holko pehe fotaa ƴetteeɗe ngam haɓude ɗum?

18. feb.

•

10 min.
13. mar.

Holko woni battane ittugol ɓeto maa mbi'en eksameeji "entrée en 6ème walla 7ème" e nder jaŋde sukaaɓe ɓe?

Hannde taskaram men laawol ganndal e needi no yewta ko faati e ɓeto (examenji) iwugol ka tolno 6ème ka duɗal tokosal walla naatugol tolno 7 (entrée en 6ème ou 7ème). Ardiiɓe Senegal ƴettii pellital fii ittugol on examen, Mali kañum waɗii gila hitaande 2008. Ko woni nafa ɗeen pellite e battane majjum. Mamoudou DIALLO no yeewta fii ndeen toɓɓere

13. mar.

•

10 min.
19. mar.

Hare Israel-Amerik e Iran ina adda caɗeele keewɗe e dow faggudu Afrik e faggudu aduna oo

E ndee yeewtere, Faggudu e ɓamtaare Afrik, en njeewtan e dow tiiɗallaaji e banngal faggudu keɓaaɗi e baawuɗi heɓeede e ɗii fitinaaji goonuɗi hakkunde Iran-Israél e Amerik. Jeewte ɗiɗi jokkondirɗe, caɗeele ɗee e faggudu Afrik e caɗeele ɗee e faggudu adunaaru nduu fuu. Hello araneewo ngoo hannde, en njeewtan e dow caɗeele faggudu adunaaru nduu saabe ngoo haɓo Iran-Israél e Amerik. Eɗen njaɓɓii koɗo men hannde, Alhassane Mariam Diallo fagguduyanke, jeyaaɗo to Guinée.

19. mar.

•

10 min.
3. apr.

Caɗeele ɗe sukaaɓe duunde Afrik ɓee njogii ngam haalde ɗemngal ngal ɓe njanngirta no taskaa

E nder Afrik hirnaange, caɗeele ɗemngal janngirgal e nder duunde Afrik ina teska. Ŋakkeende ɗemngal janngirgal ina yowitiiɗe e geɗe keewɗe hono e janngingol e ɗemngal ngal wonaa ɗemngal neeniwal janngoowo oo, heblo jannginooɓe ɗemngal gollorgal maɓɓe ngo laaɓtani E wiide salndu ONU halfinaandu Pinal e jannde, ɗum ina adda caɗeele jaŋde gila e cukaagu, caɗeele ronkude faamde. Ngam heɓde ko laaɓi e toɓɓere men ndee , njaɓoɗen hoɓɓe men Fatimata Ba Diallo jannginoowo e Kadiatou TALL jinnaaɗo janngoowo. Bismilah mon

3. apr.

•

10 min.
25. feb.

Darnde rewɓe Afriknaaɓe ko faati e reende taariindi ndii

Wano woowiri non maayɗe lewru kala, e oo ɗoo taskaram en yewtay fii darnde rewɓe afriknaaɓe ko yowitii e mbayliigu weeyo walla reenude taarindi men. Ko foti wonde darnde maɓɓe e nder pelle ɗe ɓe tawaa e mum ɗen? Holɗe e pehe woɓɓe e maɓɓe woni e ƴettude ngam haɓude mbayliigu weeyo? Ngam yeewtude e dow ɗee toɓɓe en bismoto hoɓɓe men Arabiyatou Jallow mo gambie tawaaɗo e ardiiɓe fedde nde wonaa laamuyankoore wieteende Green Up Gambie. Kono ko adii en heɗoto yiyande gooto e heɗiyankoojomen Lamin Ibn Oumar Jallo ko feewti e ndee toɓɓere. Ka joofingol en bismoto kadi Saabado Vaaz dariiɗo e fedde makko to Gine Bissau gila ɗuuɓi cappanɗe tati e jowi ngam háɓude mbayliigu weeyo e nder leydi maɓɓe ndin

25. feb.

•

10 min.

Tawu ɗoo nooneeji sertuɗi Podkastiiji RFI (Rajo Faransi Winndere), ngam waawaa faamude e heɗaade aduna oo e noone goɗɗo : denndaangal kabaaruuji, e pinal e fannuuji ngurdam e jeewte renndo woodaaɗe e nder Faransi walla e nder Aduna on. Ekkito kadi ɗemngal faransiire, e sabu ɗii Podkastiiji amen hertiiɗi ɗoo, ƴeewu aduna keso.

Leverandør