Nabelschau

Nabelschau

D'Laura & de Johnson packed ihri Buchnäbel us. Mega funny. @rindlisbacherlaura @jonasmatterhain

  1. 07.04.2021

    #27 Diva Thin Muffin Pigeen

    Dank eme dumme Kommentar erreicht d'Produktion vo dem Podcast nie kännti Höhene, gwöhned eu ned dra. D'Laura isch so beschäftigt, dass sie sogar es Stelleahgebot vo de Büezerbuebe becho hed. Als chlini Marketing-Muus überleid sie sich natürlich scho, wie sich das gränzrächte Image positiv verchaufe lahd. De Johnson isch guet druf und führt churzerhand en neui Kategorie ih, "Die fünf dümmsten...". Chömeder anhand vom Titel uf s'Thema vo dere Wuche? Usnahmswiis gids kein Buechtipp, sondern en Verriss: Normal People vo de Sally Rooney cha mer sich ächt spare. Empörti Nachrichte bitte ad Laura, schöne Hinech.

    1 t. 10 min.

  2. 14.03.2021

    #26 Chileglocke abschaffe

    D'Laura isch us ihre Ferie zrugg und hed näbe Spanisch en neue Job und en Lektion über die 14 Wältwunder im Gepäck. Für Wältwunder muess de Johnson gar ned us em Huus, irgendwänn werdeds scho mal inere Serie zeigt. Vilicht ja in Modern Family? 5 Staffle ih zwei Wuche, Wältrekord maybe? Händer au scho mal es Paket erwarted und dringend uf s'WC müesse? Im wahrste Sinn vom Wort en scheiss Situation. Chileglocke sind au scheisse, abschaffe jetzt! Buechtipp: The Martian vom Andy Weir.

    1 t. 6 min.

  3. 03.02.2021

    #25 Dezimeter

    "Eine weitere wunderbare Folge meines Lieblingspodcasts, ich habe selten so gelacht." Harald Schmidt

    1 t. 9 min.

  4. 20.01.2021

    #24 Eidechse-Magier

    Gemischtes Hack für Armi mälded sich genauso pünktlich zrugg wie de Sleepy Joe us em Altersheim für sini Vereidigung. D'Laura hed extra uf s'Riite verzichted für die Ufnahm, sie isch aber au chli ahgfrässe gsi, well die andere Wendys ohni sie Skijöring betriebe händ. So isch das hald mit eme greglete Job, Nomitag-Events gheied in Schnee. De Johnson hed en neui Kategorie ihgführt und live on air für s'nächste Mal verbessered, ufregendi Ziite! Was es mit Eidechse-Magier und Autositz-Chopflehne uf sich hed, ghöreder dete. Buechtipp: Cien años de soledad vom Gabriel García Márquez. Falls ihr eu jetzt dänked wow, da händer sicher wieder ordentlich abgliefered, dänn drücked jetzt uf play und empfehleds eue Fründe und Familie. Wenns öpper verdient hed, dänn ja wohl mir. Bescheideheit isch en Tugend, aber was mit tugendhafte Lüüt passiert, hämmer in Game of Thrones ja gseh...

    1 t.

  5. 04.01.2021

    #23 Tiertheorem

    Guets neus ihr Nuggets, jetzt muess de Buuch weg! D'Laura hed 7mal Wiehnachte gfiired, de Johnson gar ned, zäme also en guete 3.5er-Schnitt. Defür hed er en Erlüchtig gha, us sine Chatze werded kei Mänsche meh - klassischs Tiertheorem, mer kännts. D'Laura hed en spontani Empfehlig für eus useghaue: Laura vom Peter Freund. 2021 wird besser als em Johnson sin Gsang, versproche.

    1 t. 10 min.

  6. 12.12.2020

    #22 All I want for Christmas

    All I want for Christmas isch kei Wiehnachtsmusig müesse z'lose und dass d'Laura regelmässig chan ufneh. 22. Folg, Schnapszahl... händer blinzled? 22 entspricht au öppe de Prosecco-Zahl vom Johnson gester Abig. Vom Hagenweg 20 isch er glücklicherwiis aber no es bizeli entfernt. D'Laura isch so richtig in Wiehnachtsstimmig, vilicht chund bald s'Rindlis bached? Spotify teilt eus übrigens mit, was ihr in letschter Ziit so glost händ, Big Brother is watching you... drum läsed doch grad 1984 vom George Orwell. Shoutout ah alli, wo d'Beschriebige läsed, you da real MVP. Vorusgsetzt, ihr losed au d'Folg hehehe. Bisous.

    1 t. 5 min.

  7. 27.11.2020

    #21 Pamela Harris

    Geili Folg ohni Gedöns. De Johnson hed sini Nerzluune vo letscht Mal überwunde, d'Laura isch eh guet druf und über ihres Ross wird nume gseid, dass es hüt ned erwähnt wird. D'Chatze folged wiiterhin em Johnson sim Vorbild, nume chund de Dünnschiss bi ihne hald ned us em Muul. No fap, no shave, no life November. Mit de Pamela Harris zieht ändlich mal chli Strandgfühl is Wiisse Huus ih. Aber es intressiert sich eh niemert für d'Nummer zwei, au ned bi eusem Podcast, gäll Johnson? Wie passt das alles ih ei Folg? Die Norwegisch Formle hebts zäme. Mir händ abgliefered, genau wie de Brandon Sanderson. Läsed sis Züüg, er hed en 20-Jahresplan. Mir händ grad mal en Zweiwucheplan und ghöred eus drum nächst Mal wieder. Kuss ufs Aug.

    1 t. 3 min.

  8. 12.11.2020

    #20 After-Passion

    23:13 am 11.11., crazy oder? Nope, d'Laura isch eifach chli dure. Zum Glück bringt de Johnson au kei Energie und inhaltlich gsehds au ned vill besser us, en wiitere Nabelschau-Klassiker also. Special Erotikroman-Tipp vo de Laura: After Passion vo de Anna Todd. Hani müesse google, inkognito natürlich.

    1 t. 4 min.
Se alle (27)

Om

D'Laura & de Johnson packed ihri Buchnäbel us. Mega funny. @rindlisbacherlaura @jonasmatterhain

Oplysninger

  • Skaber
    Nabelschau
  • Aktive år
    2020 - 2021
  • Episoder
    27
  • Vurdering
    Anstødeligt
  • Copyright
    © Nabelschau
  • Websted for serie
    Nabelschau