(General News) တေႃႇဢွင်ႇသၢၼ်းၸူႉၵျီႇ ၶမ်ၶွၵ်ႈမႃးပၢၼ်သိုပ်ႇပၢၼ်သေတႃႉ လွင်ႈလူဢၢၼ်ႇလိၵ်ႈဢမ်ႇတွၼ်ႉၵ

တေႃႇဢွင်ႇသၢၼ်းၸူႉၵျီႇ ၶမ်ၶွၵ်ႈမႃးပၢၼ်သိုပ်ႇပၢၼ်သေတႃႉ လွင်ႈလူဢၢၼ်ႇလိၵ်ႈဢမ်ႇတွၼ်ႉၵိုတ်း

ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း

ၵူၼ်းၵူႈၵေႃႉၼႆႉ ၵိူတ်ႇမႃးယဝ်ႉ တိုၼ်းမီးပိုၼ်းၽႂ်မၼ်း။ ၸဵမ်မိူဝ်ႈၵိူတ်ႇဢွၵ်ႇႁၼ်ၼႃႈ သမ်ႉပေႃး တႄႇတႅမ်ႈပိုၼ်း ၽႂ်မၼ်းယဝ်ႉ ဝႃႈ ၵိူတ်ႇတီႈလႂ်ယၢမ်းလႂ် လုၵ်ႈမႄႈၽႂ် ၼႆၸိူဝ်းၼႆႉ ။ ဢၼ်လိုၵ်ႉသေၼၼ်ႉသမ်ႉ ပဵၼ်ပိုၼ်းဢၼ် ၸဝ်ႈၵဝ်ႇၵေႃႉႁဵတ်းသၢင်ႈ ၊ ၸဵမ်မိူဝ်ႈ မေႃ ႁူႉၵႂၢမ်းသေ တႅပ်းတတ်းႁဵတ်းသၢင်ႈ တူင်ႉၼိုင်မႃး ၵူႈလွင်ႈလွင်ႈၼၼ်ႉ ။ ပိုၼ်းတေလီတေၸႃႉၼၼ်ႉ ယူႇတီႈလွင်ႈႁဵတ်းသၢင်ႈၸဝ်ႈၵဝ်ႇ ။ ပေႃးတူၺ်း ပိုၼ်းမၢင်ၵေႃႉ လီဢဝ်ပဵၼ်တွၼ်ႈသွၼ် ဢၼ်လႂ်ထုၵ်ႇဝႄႈထုၵ်ႇႁဵတ်း ။

ပိုၼ်းမၢင်ၸိူဝ်းသမ်ႉ လီဢဝ်ပဵၼ်တူဝ်ယၢင်ႇလီ ။ ၼႂ်းတွၼ်ႈၼႆႉ ပေႃးတူၺ်း ပိုၼ်းတေႃႇဢွင်ႇသၢၼ်းသူႉၵျီႇ ဢၼ်ၺႃးသိုၵ်းမၢၼ်ႈၵုမ်းၶင်ဝႆႉယူႇထိုင်မိူဝ်ႈလဵဝ်ၼႆႉ မၼ်းယၢမ်ႈမီးပိုၼ်းလီလၢႆလွင်ႈ ။ ၵႃႈပေႉဝႃႈ မၼ်းၼၢင်းဢမ်ႇႁဵတ်းႁႂ်ႈၵူၼ်းတင်းၼမ် လႆႈၸႂ် ထုၵ်ႇၸႂ်မၼ်းၵူႈသမ်ႇသႅၼ်ပိူင်သေတႃႉ တွၼ်ႈဢၼ် လီဢဝ်ပဵၼ်တူဝ်ယၢင်ႇလီၵေႃႈမီးယူႇ ။ မိူၼ်ၼင်ႇ မၼ်းၼၢင်း ၶမ်ၶွၵ်ႈယူႇၵေႃႈ တိုၵ်ႉမီးၸႂ်သိုပ်ႇလဵပ်ႈႁဵၼ်း ၊ တိုၵ်ႉၶႂ်ႈလူဢၢၼ်ႇပပ်ႉလိၵ်ႈဢၼ်လႆႈတၢင်းႁူႉတၢင်းႁၼ် ၸိူဝ်းၼႆႉ ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။

#podcast

#shannews