Showfeh!

Emad Shams and Nader Shaker

0.0 (0)
TV & Film
Updated twice weekly

بودكاست شوفة! برنامج حواري الهدف منه هو مشاركتكم شغفنا بالسينما وبعض الأحيان المسلسلات عن طريق تقييمنا لهذه الأعمال وإبداء رأينا بطريقة بسيطة وخفيفة وسلسة

25/04/2024

مراجعة فيلم ديون الجزء الثاني - Dune: Part Two Review

ضجة كبيرة وآراء متعددة انحكت عن الجزء الثاني من سلسلة أفلام الخيال العلمي ديون, ونحن هون كالعادة لنناقش الفيلم ومختلف معانيه وجوانبه, وأهم من كل شي نجاوب على سؤال إذا الفيلم شوفة أم لا؟ اسمعوا حلقتنا الجديدة يلي بتتضمن تقييمنا ومراجعتنا الكاملة للفيلم وكالعادة أكيد بدون ومع حرق بالإضافة لمجموعة من الاقتراحات السينمائية المتنوعة وحصاد سريع لجوائز الأوسكار من هي السنة.
09/03/2024

مين حيفوز بالأوسكار لهي السنة؟

توقعاتنا وتمنايتنا لمعظم فئات حفل جوائز الأوسكار 2024 بالإضافة لبعض المناقشات والمعلومات الخفيفة عن الأفلام المترشحة وغيرها في حلقتنا الأولى من الموسم الثاني لبودكاست شوفة.
26/12/2023

أفضل أفلام 2023 حسب رأينا

هي الحلقة عبارة عن حصاد سنة 2023 السينمائي الكامل مع قائمة كبيرة من أفضل أفلام 2023 واقتراحات سينمائية تجاوزت ال 30 فيلم، حنتناوب بتقديم أسماء أفضل الأفلام برأينا لهي السنة, بعض الأعمال يلي عم تنعرض حاليا بصالات السينما بالإضافة لاختياراتنا لأسوأ الأفلام اللي شفناها، وبالنهاية حنعطيكن فيلمنا المفضل لسنة 2023، باختصار هي الحلقة هي الدليل الشامل الكامل لأهم وأفضل الأعمال السينمائية هي السنة حسب رأينا المتواضع.
18/12/2023

مراجعة فيلم القاتل - The Killer movie review

انضموا إلينا لتقييم ومناقشة أحدث أفلام المخرج المميز ديفيد فينشر، في فيلمه الجديد المثير بعنوان 'القاتل'. سنستعرض الفيلم بالكامل، نحلل المشاهد والرموز المختلفة التي ظهرت فيه. وبالطبع، سيتم ذلك بعد أن نقدم لكم جولتنا المعتادة في عالم السينما وآخر الأخبار السينمائية.
25/11/2023

مراجعة فيلم ذا كريتور (الخالق)

هل الحرب بين البشر والذكاء الاصطناعي أمر مفروغ منه؟ فيلم ذا كريتور (الخالق أو الصانع) فيلم خيال علمي جديد عم يطرح نفس السؤال والمعضلات الأخلاقية المتعلقة بالتطوّر والتقنيّة والذكاء الاصطناعي فهل يا ترى كان في شي مختلف مميّز بهذا الفيلم ووين بيجي تصنيفه بين أفلام هي السنة, تقييمنا ومراجعتنا الكاملة بهي الحلقة بالإضافة كالعادة لأهم الأخبار من عالم السينما من إضراب لأعمال مرتقبة وغيرها ومتل ما عودناكم لمحة عن مجموعة أفلام ومسلسلات شاهدناها بالفترة الأخيرة.
18/10/2023

مراجعة فيلم ميشون امبوسيبل ديد ريكونينغ الجزء الأول - Mission: Impossible – Dead Reckoning Part one movie review

تقريباً ثلاثين سنة مضى على عرض أول أفلام سلسلة المهمات المستحيلة من بطولة توم كروز لحتى وصلنا حالياً للجزء السابع فيلم ميشون امبوسيبل ديد ريكونينغ الجزء الأول. فهل يا ترى قدر يتابع النجاح والمستوى المميّز بسلسلة مليئة بالأكشن والتشويق؟ حنعطيكن وجهات نظر مختلفة من خلال رأينا وتقييمنا للفيلم بالإضافة للمحة تاريخية عن سلسلة الأفلام الممتعة وترتيب الأفلام السبعة من الأسوأ للأفضل.
30/09/2023

مراجعة فيلم ساوند أوف فريدوم - Sound of Freedom movie review

كتير ناس انتقدت وهاجمت فيلم ساوند أوف فريدوم وحذفته من حساباتها حتى من دون ما تعطيه تقييم أو مراجعة عادلة، بس نحن ببودكاست شوفة رح نحاول نشرحلكن كل شي متعلق بالفيلم من جدل صار حوليه وأسباب نجاحه بشباك التذاكر وأكيد رح نعطيكن رأينا الموضوعي وتقييمنا للفيلم من الجوانب الفنيّة وغيرها. بس قبل ما نحكي عن الفيلم خصصنالكن فقرة صغيرة نحكيلكن فيها عن كل المستجدات اللي صارت بإضراب كتّاب هوليوود يلي على ما يبدو وصل لنهايته، بالإضافة لفقرتنا المعتادة اللي بنحكي فيها عن الأفلام والمسلسلات اللي شفناها بالأسبوع الماضي. أقسام الحلقة: 0:00 المقدمة 0:55 نهاية إضراب هوليوود 17:40 أخبار من هذا الأسبوع 21:15 أفلام ومسلسلات الأسبوع الماضي 35:12 ملخص الفيلم دون حرق 38:11 أسباب الجدل حول الفيلم 47:43 أسباب نجاح الفيلم بشباك التذاكر 50:23 مراجعة الفيلم دون حرق 58:47 ملخص ومراجعة الفيلم مع حرق 1:14:35 الخاتمة
22/09/2023

مراجعة فيلم توك تو مي - Talk to Me movie review

مخرجين أخين توأم (داني ومايكل فيليبو) انطلقوا من عالم اليوتيوب ليصنعو فيلم عم يتم عرضه بجميع أنحاء العالم .. خلينا نحكيلكن القصة ورا فيلم الرعب والتشويق توك تو مي ونقدملكن تحليلنا ورأينا وتفسيرنا لأحداث ومعاني واحد من أشهر أفلام هي السنة ونقلكن طبعاً إذا الفيلم شوفة أو لا؟ شو شفنا خلال الاسبوع الماضي من الدقيقة 04:34 مراجعة فيلم توك تو مي بدون حرق من الدقيقة 24:06 مراجعة فيلم توك تو مي مع حرق من الدقيقة 35:25

بودكاست شوفة! برنامج حواري الهدف منه هو مشاركتكم شغفنا بالسينما وبعض الأحيان المسلسلات عن طريق تقييمنا لهذه الأعمال وإبداء رأينا بطريقة بسيطة وخفيفة وسلسة

Creator

Emad Shams and Nader Shaker
Years Active

2023 - 2024
Episodes

16
Rating

Clean
Copyright

© Emad Shams and Nader Shaker
Show Website

Showfeh!