RFI Fulfulde

•

Canal • 7 programas

Cultura y sociedad

Cultura y sociedad

Semanal
Noticias

Noticias

hace 1 d
Noticias

Noticias

Diario
Ciencias

Ciencias

Semanal
Ciencias

Ciencias

Semanal
Economía y empresa

Economía y empresa

Semanal
Educación

Educación

Semanal

18/12/2025

Faggugu: Alhaali ndema e waylugol foññe e nder Gine

Hannde en njewtan e dow ndema e waylitingol seremmbe. Ɗum yo huunde lollunde Guinée. En njaɓɓoto koɗo men hannde, Thierno Hassane Diallo. Oo yo jeyaaɗo e cooperative, mo ndema e wayltinde seremmbe, ɓee foññe, fonio e fransiire woni golle mum.

18/12/2025

•

10 min
10/12/2025

[Yeewtere fillitaande] - Alhaali toppitagol ɗee di'e kuutoraaɗe walla di'e toɓo e sera mahanteeje ɗen

Bisimillah mon ka taskaraam men Kiwal Taariindi. Hannde kaalaten ko e alhaali caɗeele kaɓɓodiiɗe e diƴƴe ɗe laaɓaani kam e diƴƴe toɓo e nder gure mawɗe afrikiyankooje. Hoɓɓe men heen ko Kadiata Barry DIALLO, tawaaɗo e mojobere wi'eteende "Guinée écologie" daroniinde ndeenka taariindi to Guinée e Salif Baydal BA, heertorɗo Kiwal Taariindi to rewo Senegal.

10/12/2025

•

10 min
20 ENE

Renndo: alhaali ɓee rewɓe nannduɓe e worɓe loñeteeɗe sera sabu mbaadi maɓɓe

Tedduɓe heɗiiɓe rfi fulfulde, bissimila-mon e yewtere men dinngiral rewɓe. Toɓɓere yewtere ndee hannde, ana haala fii alhaali rewɓe nannduɓe e worɓe.Rewɓe yoga, ana joggi mbaadi worko, bannge terɗe, haala, woɓɓe e maɓɓe no joggii waare.Ko ɓuri heewude fuf e leyɗe Afrik ɗe, ɓe rewɓe ana joggii caɗeele e renndo, ɗun ana haɗi yoga e maɓɓe heɓude dewgal. Ɗum waɗa woɓɓe kadi loñee sera. Siftinde alhaali oo atletjo siidafriknaajo noddirteeɗo "Caster Semenya" , honorooɓe ( nannduɓe e maɓɓe no ɗuuɗi), nantini jaati ko foolondira e worɓe atleeɓe saabi mbaadi makko. Holko saabii waylital terɗe maɓɓe, e ko holno ɓe haani ɗowtireede.E jonnde men ndee hannde eɗen gonndi e Cherif Mariam Aidara anndiraaɗo e Mbappe Kolda, saabi omo nanndi e gorko.Koɗoɗen hannde e yewtere ko Dr Ibrahima Sory Barry, "Endocrinologue" hertoriiɗo e alhaali e hormone. Yewtere ndee joɗɗiike, bisilamon e heɗaade.

20 ene

•

10 min
30 ABR

Boubacar Sanso Barry jaayndeyankooɓe rewindiiɗo kabaaruuji ko taskoo oo alhaali fewndiiɗo Mali hannde

Mali, Jeneral Assimi Goita yaltii e deƴƴere mun e ndee talaataare kiikiiɗe. E nder yewtere ka telewisiyon, oo hooreejo nguu laamu faddewu, hollitii wonndema ɗee fiyanɗe waɗuɗe e nder ndii leydi huɓindaama. O waɗii ɗii konnguɗi caggal nde nanantiiji faatiiji e mbawka makko heddagol e laamu, jaalii. Mbele, ndee yewtere artiri hoolaare e laamu makko, caggal ɗee fiyanɗe saabiiɗe mayde jaagorɗo makko toppitiiɗo ndeenaagu? Mbele haa hannde juuɗe Assimi Goita hino huuɓiti nguu laamu? Ko holno o dartorta ndee hare ɓee murtuɓe heɓtuɓe Kidal, wunndude e kuliyankooɓe waɗuɓe uddere e hoore Bamako? Ngam jaabagol ɗee lamnde Ibrahima Timbi Bah hino jáɓɓii Boubacar Sanso Barry jaayndeyankooɓe, taskotooɗo kabaaruuji. Keɗoɗen.

30 abr

•

6 min
12 ENE

(Yeewtere fillitaande) Rewɓe sowiiɓe e nder nokkuuji dowri ɗii ina keewi heɓde caɗeele e sahaa jibinugol maɓɓe

Jibbinde ko huunde saɗtunde, teeŋti noon e nder yoga e gure dowri. Hakkunde ŋakkeende safrooɓe wi’eteeɓe, ŋakkeende cuuɗi cafrirɗi kaanuɗi, nawde ŋarwuɗo oo gila e law to cuuɗi cafrirɗi gooɗɗi mawɗi payodinɗe, haa e tawa sarɗiiji cellal ɗoftaaka ekn..., rewɓe sowiiɓe ɓee ina ngonndi e fayre mawnde. Holno ɓee rewɓe nguurdi e ɗee caɗeele? Ko e nde toɓɓere njeewtuten hannde e Cellal ko Ngallu.

12 ene

•

10 min
4 FEB

Toɓɓere men hannde yowitii ko e alhaali battane golle mahanteeri e nder taariindi ndii

E oo taskaram Kiwal taariindi en yewtay ko yowitii e golle laamu e nder yoga e leyɗe Afriknaaje, haa teeŋti noon e eɓɓooje mawɗe mahngo wano laabi, ponwuuji, baraasuuji. Ɗeen golle ina waawi battinde e weeyo walla mbiyen e taariindi rewrude e ustude rimɗinɗe leydi remeteendi, e ustude leɗɗe, e tuuninde henndu e ndiyam. En ƴettay yeru Gine, golle laamu walla gollidiiɓe laamu ngu no battini sanne e dow taariindi ndii haa e nguurndam yimɓe ɓee. Hino tawaa e ɗeen golle wano oogirɗe Simandu walla kadi laabi wonaaɗi e moƴƴineede hakkunde Mamou e Labe. Ɗum saaɓi haa fedde nde wonaa laamuyankoore Gine wi’ateende ONG des paroles et des actes jeertinii ko faati e battane mun e dow taariindi ndii haa e nguurndam yimɓe ɓee. Ko halfinaaɗo kala ko yowitii e taariindi e ndiyam ndeen fedde, hertorɗo taariindi woni koɗo men. Himo wi’iee Mamadou Diouhe Diallo.

4 feb

•

10 min
14/11/2025

Ko honɗum woni battane Hakkille Tafaaɗe (IA) e dow wiɗto, jannnde e needi sukaaɓe hannde? Souadou DIALLO hertorɗo ganndal IA no jaaboo ngal lamndal

Tedduɓe heɗiiɓe taskaram Laawol Ganndal e Needi on calminaama hannde ko batte hakkille tafaaɗe e wiɗtooji, gannde njeewteten, ko Souada DIALLO kertorɗo hakkille tafaaɗe woni koɗo men e ndee toɓɓere.

14/11/2025

•

10 min
26 MAR

Hannde en njewtan e dow tiiɗallaaji e banngal faggudu keɓaaɗi e baawuɗi heɓeede e ɗii fitnaaji gooduɗi hakkunde Iran-Israél e Amerik

Tedduɓe heɗiiɓe rfi fulfulde, onoon e jam. Oon calminaama, oon njettaama kala ɗo mbaawuɗon taweede e heɗaade e oo wakkati, ndee yewtere, Faggudu e ɓamtaare Afrik. Hannde en njewtan e dow tiiɗallaaji e banngal faggudu keɓaaɗi e baawuɗi heɓeede e ɗii fitnaaji gooduɗi hakkunde Iran-Israél e Amerik. Hello aranndeewo ngo en njewtii e dow tiiɗallaaji faggudu taykaaɗi e ley adunaaru ndu fuu. Hello ɗiɗoɓo hannde ngo en njewta e dow tiiɗallaaji taykaaɗi e baawuɗi taykeede e ley ruunde afrik nde. Eɗen njaɓɓii koɗo men hannde, Alhassane Mariam Diallo fagguduyanke jeyaaɗo Guinée. Nii woni yewtere nde, bisimilla moon!

26 mar

•

10 min
27/11/2025

Hannde hiɗen jaɓɓii Habibatou Diallo debbo ginenaajo dilloowo e baŋŋe demal

No woowi ni e timmooɗe lewru fuu, en ndokkan rewɓe konngol, rewɓe jogiiɓe gollirɗe, gollooɓe. Ɓe njewtana en e dow golleeji maɓɓe ɗi. Tiiɗallaaji gonɗi heen e nafoore wonnde heen. Faa e yottaade yelaa mo ɓe njogii janngo e janngo. En njaɓɓoto Habibatou Diallo. Oo debbo Guinée demoowo, jogiiɗo ektaaruuji keewɗi. Nii woni yewtere nde, bisimilla moon ! En ndewtinta, njaɓɓoɗen koɗo men hannde, Habibatou Diallo

27/11/2025

•

10 min
18 MAR

Batte hare hakkunde Israel, Amerik e Iran e nder taariindi ndii

Hannde e oo ɗoo taskaram en yewtay ko yowitii e battane hare hakkunde Iran, Israel e Dowlaaji dentuɗi Amerik. Ndee hare fuɗii ko gila e aset ñande 28 lewru ɗiɗaɓuru ndee hitaande ɗoo caggal nde wari ardiiɗo mawɗo mo Iran. Gila nden hare nden no jokki hakkunde ɗee leyɗe haa e leyɗe godɗe taariiɗe walla wonduɗe e Amerik. Ɗum noon ko misilaaji e misilaaji haa e boyli petrol bonneteeɗi walla suneteeɗi. Ɗum non no battini no feewi e dow taariindi ndii. Ngam yewtude e ndee toɓɓere en jaɓɓoto koɗo men wieteeɗo Alpha Oumar Bah, ginenaajo hertorɗo e taariindi e bamtaare duumiinde e Lamine Ibn Oumar Diallo, Ginenaajo hertorɗo kala ko feewti e ndiyam e laddeeji.

18 mar

•

10 min

Tawu ɗoo nooneeji sertuɗi Podkastiiji RFI (Rajo Faransi Winndere), ngam waawaa faamude e heɗaade aduna oo e noone goɗɗo : denndaangal kabaaruuji, e pinal e fannuuji ngurdam e jeewte renndo woodaaɗe e nder Faransi walla e nder Aduna on. Ekkito kadi ɗemngal faransiire, e sabu ɗii Podkastiiji amen hertiiɗi ɗoo, ƴeewu aduna keso.

Proveedor