Facer Memoria. Historias en primeira persoa

Berrobamban

Este é un proxecto no que a veciñanza dos concellos mantén encontros con Berrobambán. Nesas xuntanzas compartimos historias e anécdotas directamente relacionadas co lugar, e así, entre contos e conversas, reconstruimos parte da memoria local. Este podcast recolle algúns dos momentos vividos coa vontade de espallalos e que formen parte da memoria colectiva. A 2ª Edición de Facer memoria contou co apoio da Deputación da Coruña a través da liña de axudas a Proxectos Singulares. A serie podcast foi financiada polo INAEM, Ministerio de Cultura e Deporte cos fondos da Unión Europea-Next Generation.

Episodios

  1. T1E4 – De partidas e chegadas

    04/07/2023

    T1E4 – De partidas e chegadas

    O Concello de Teo viviu no último século dous fenómenos migratorios inversos. A emigración a países de Latinoamérica a partir de finais do S. XIX, permitiu a chegada de cartos que favoreceron a posta en marcha do movemento veciñal e agrario e, por outra banda, nas últimas décadas do século XX, a proximidade de Santiago de Compostela favoreceu a incorporación ao municipio de novas veciñas e veciños. Na última parada desta segunda edición de Facer Memoria, encontrámonos con persoas que viven en Oza e nos Tilos, dúas parroquias que exemplifican esta circunstancia. Tamén nos achegamos á historia da mestra Carmen Martínez Cereijo e a proxectos comunitarios como o de Baixoulla.gal.

    52 min
  2. T1E3 - Sobre a verdadeira natureza dalgúns medos

    14/06/2023

    T1E3 - Sobre a verdadeira natureza dalgúns medos

    Outes é un concello no que as actividades relacionadas co mar comparten importancia coas derivadas da explotación do monte. As parroquias elixidas, Cando e San Lourenzo, son un bo exemplo de cada unha delas. Nesta ocasión, as veciñas e veciños contáronnos historias relacionadas con diferentes medos: ao sobrenatural, ao descoñecido, aos mortos... pero tamén con temores moito máis terreais. Participan no episodio Manuela Campos, que nos fala do seu proxecto Outear, e Xan Mariño da Asociación Terra de Outes

    1 h 10 min
  3. T1E2 – De baños e outros xeitos de cura.

    24/05/2023

    T1E2 – De baños e outros xeitos de cura.

    Os encontros en Carballo desenvolvéronse durante o transcurso do Festival Internacional de Outono Teatral (FIOT). Neses días, visitamos as parroquias de Oza e Verdillo onde nos contaron anécdotas dos camiños para ir ás festas, as rivalidades polas feiras e uns cantos rituais para quitar algúns males. Tamén falamos con Xan Fraga, da Asociación Lumieira, Evaristo Domínguez do Instituto de Estudos Bergantiñáns e Sara Varela de Senda Nova.

    1 h 10 min
  4. T1E1 – Historias de naufraxios, escapados e vedoiras.

    10/05/2023

    T1E1 – Historias de naufraxios, escapados e vedoiras.

    Mañón é un concello de pouco máis de 1000 habitantes, situado ao norte do país. Unha franxa que vai desde a Estaca de Bares ata As Pontes. Composta por cinco parroquias, nesta ocasión, encontrámonos coa veciñanza de Mogor e das Grañas do Sor que nos contaron anécdotas sobre as feiras de gando, a terrible galerna do 61 e tamén recuperamos a historia de dous nomes propios Toribio Sanmamede e Ramona do Garsón.

    49 min
  5. T0E2 – Historia a través das historias

    03/05/2023

    T0E2 – Historia a través das historias

    As artes escénicas están intimamente ligadas á vida ambulante. As xentes que nos adicamos a elas levamos, desde hai séculos, as nosas historias ás prazas dos pobos. Neste segundo episodio, Chiqui Pereira fálanos das diferentes actividades que conforman o proxecto Facer memoria, rescatando algunhas das historias que xurdiron nos encontros no Concello do Barco de Valdeorras: o conto do señor Julio Palletas, a Ponte de San Fernando, a Ara de Millarouso ou o ritual do encanillado.

    24 min
  6. T0E1 - Facendo Memoria

    18/04/2023

    T0E1 - Facendo Memoria

    Ás veces lembramos e ás veces facemos memoria. Neste primeiro episodio de presentación, Paula Carballeira introduce algunhas cuestións arredor da expresión que dá título ao “podcast” e que xorde a partir dun proxecto iniciado por Berrobambán no ano 2021. “Facer Memoria”, unha proposta a medio camiño entre o escénico e o vivencial, nútrese de testemuñas compartidas durante unha serie de encontros, coma os que mantivemos no Concello de Fene. A través delas coñeceremos o salón de baile Cardoeiro, a Romaría do Pote, a fonte dos Mouros de Sillobre ou os conflitos dos veciños de Maniños coa Igrexa.

    23 min
  • 6 episodios

Información

Este é un proxecto no que a veciñanza dos concellos mantén encontros con Berrobambán. Nesas xuntanzas compartimos historias e anécdotas directamente relacionadas co lugar, e así, entre contos e conversas, reconstruimos parte da memoria local. Este podcast recolle algúns dos momentos vividos coa vontade de espallalos e que formen parte da memoria colectiva. A 2ª Edición de Facer memoria contou co apoio da Deputación da Coruña a través da liña de axudas a Proxectos Singulares. A serie podcast foi financiada polo INAEM, Ministerio de Cultura e Deporte cos fondos da Unión Europea-Next Generation.

Ficha técnica