Fiasko Fest

Radio 100,7

Mir maache Plaz fir d'Scheiteren. Eng Bün fir Verléierinnen a Verléierer. Eng Anti-Haltung zu éiweger Leeschtung ...

  1. FA 12 H

    S03E24 Heiansdo deet et wéi: Ninon

    Just fir dass et kloer ass: Wann dir Anglizismen net verdrot, da musst dir elo ganz staark sinn. Et ass esou wéi d’Ninon sech am beschten ausdréckt an dat ass e Gléck, well d’Sängerin huet vill ze soen an och vill erlieft. Dat war net ëmmer einfach. Haut geet et hier awer gutt. Esou gutt, dass si Angscht huet et kéint all Moment eriwwer sinn, wat wierklech schued wier: Et ass grad sou schéin. Fiasko Fest gëtt moderéiert vum Luc Spada.

    50 min

  2. 22 DE FEBR.

    S03E23 Heiansdo deet et wéi: Laura Ferber

    D’Laura Ferber leet zesumme mat hirem Brudder an der 4. Generatioun eng grouss Firma. Et geet ëm Hoer, souvill sief verroden. Hoer schneide ka si selwer leider net méi an den Dram vum Modele gouf iergendwann ënnerbrach. Et koum ee Moment, wéi si 24 Joer al, deen alles verännere sollt. An et huet vun do un och eng Zäit gedauert, bis si soe konnt: Et ass awer gutt. Vläicht ass et souguer e Kaddo. Fiasko Fest mam Luc Spada sicht alt erëm no Luucht am Donkelen, well Dir wësst: Mir sinn all Loser.

    52 min

  3. 15 DE FEBR.

    S03E22 Heiansdo deet et wéi: Céline Zimmer

    An engem Raum mat (dacks) nëmme Männer. Eng Situatioun, déi dem Luc Spada seng Invitée bei Fiasko Fest scho méi dacks huet missen erliewen. A wéi dat dann esou ass, fillt sech dat besote Geschlecht net seelen dozou auserwielt, ongefrot seng Meenung matzedeelen, obwuel d’Expertin an deem Raum d’Architektin Céline Zimmer ass. A si och genee aus deem Grond an deem Raum do sëtzt. Hei brauch et Training an Zäit. An da geet et nach ëm dat eent Meedchen do, dat mat den Hoer am Gesiicht. Jo, dat spillt och eng Roll.

    50 min

  4. 8 DE FEBR.

    S03E21 Heiansdo deet et wéi: Nadine Robert

    D’Nadine Robert ass Influencerin, Model an eng Persoun, déi aus den Erausfuerderunge vum Alldag eppes mécht, wat schwéier a Wierder ze faassen ass. Ëmmer faarweg ugedoen, ëmmer gutt gelaunt, ëmmer um "klimperen". De Luc Spada huet awer an dëser Emissioun vu Fiasko Fest Asiicht an d’Vergaangenheet vu senger Invitée kritt. Et war net ëmmer faarweg, net ëmmer schéin, mä och dacks ganz ellen, traureg an tragesch. E Gespréich vun enger Déift an Intimitéit, wéi een et esou guer an enger Sendung iwwer d'Scheitere seelen erlieft.

    53 min

  5. 1 DE FEBR.

    S03E20 Heiansdo deet et wéi: Gérard Thein

    De Gérard Thein kennt seng Grenzen, et ginn der zwou. Eng no der éischter Bezéiung matt enger Etapp am Senegal an déi aner Grenz ass no Covid an engem schrecklechen Accident a sengem Betrib. Sécher ass: De Gérard Thein ass elo net méi "de Bouf vun", hien ass keng 10 Joer méi a muss elo Verantwortung droen. Och sécher: Zäit feelt ëmmer. De Luc Spada schwätzt hei an enger weiderer Folleg Fiasko Fest, heiansdo deet et wéi, mam Direkter vu Bonaria Frères iwwert Krisen, Famill a natierlech den Doud.

    50 min

  6. 25 DE GEN.

    S03E19 Heiansdo deet et wéi: Alain Wolff

    Et brauch am Liewe Grenzen. Dat heescht, datt et ënner anerem wichteg ass ze leieren Nee ze soen an op sech opzepassen. Wann een dat net mécht, kann et och mol séier schifgoen. Woubäi dat och net ganz richteg ass: et geet net séier, mee éischter lues, esou ee Gefill, dat ëmmer do ass, een net wierklech faasse ka bis et ze spéit ass an op eemol guer näischt méi geet. Dat huet och deen haitegen Hypnotiseur Alain Wolff missen erliewen. A wann et och kitscheg klengt: et war eng Chance, wéi bal alles am Liewe vum Luc Spada sengem Invité bei Fiasko Fest.

    49 min

  7. 18 DE GEN.

    S03E18 Heiansdo deet et wéi: Nancy Braun

    Eng vun de Spezialitéite vum Luc Spada senger Invitée bei Fiasko Fest? Eckeg a kanteg Projeten. Ganz besonnesch déi mam Kulturjoer, de ville politesche Faarwen an Erwaardungen. An dertëschent iergendwou: d'Nancy Braun, déi et mam Familljebetrib net méi hikrut a frësch aus Japan zeréck ass. An elo? Gutt Fro. Wat ëmmer hëlleft: trëppelen a beim trëppelen zu sech fannen. No dem ganzen Trubbel, der schwéierer Krankheet an den Europawalen. Endlech: déi absolut Rou. Iergendwou an der Pampa. A bis dohin ass vill geschitt.

    52 min

  8. 11 DE GEN.

    S03E17 Heiansdo deet et wéi: Yannick Iannelli

    Authentesch sinn. Dat ass sou e Wuert ... All Mënsch wëllt et sinn. Oder mengt et ze sinn? Et ass net einfach soen ze kënnen, wou d’Floskel ufänkt an de Contenu ophält. Fiasko Fest mam Luc Spada huet den Influencer Yannick Iannelli agelueden, fir hei Äntwerten ze kréien. Mat Succès? Jo, vläicht, eigentlech, naja, net wierklech, vläicht e bëssi. Wat sécher ass: Et gëtt en direkte Lien tëschent dem Süde vu Lëtzebuerg an dem faméisen Jogging.

    51 min
Veure-ho tot (89)

Informació

Mir maache Plaz fir d'Scheiteren. Eng Bün fir Verléierinnen a Verléierer. Eng Anti-Haltung zu éiweger Leeschtung ...

Fitxa tècnica

  • Canal
    Radio 100,7
  • Creació
    radio 100,7
  • Anys en actiu
    2024 - 2026
  • Episodis
    89
  • Qualificació
    Apte
  • Copyright
    © Média de Service public 100,7
  • Lloc web del programa
    Fiasko Fest

Més de: Radio 100,7

També et pot agradar