REVÈY

Pierre Stanley Baptiste
  • 0,0 (0)
  • Développement personnel
  • Tous les jours

Objektif REVÈY se ede w devlope kapasite mantal ak ba w teknik pou w fè 7 fwa plis siksè. Reyisit ou depann de moun ou frekante, enfòmasyon w kolekte, anviwonman w ak desizyon w pran. REVÈY pral fè w dekouvri wòl chak eleman sa yo jwe nan lavi w ak kòman pou jere yo pou w gen bon jan rezilta. Chak grenn chapit nan liv la pral edew : Dekouvri tèt ou. Dekouvri misyon w. Planifye objektif ou yo ak ede w viv vi w reve a. Nou chak gen yon jeni kap dòmi nan nou, lè a rive pou w reveye pa w la.

Épisodes

  1. 03/04/2020

    OU PA POUKÒ W | Chap 7

    Ou fè tout saw te dwe fè pouw viv rèv ou, kounyaa pozew nèt. Kite linivè, Bondye ak fòs ki pi gran yo fè rès la. Pafwa nou pansen poukòn nan konba nap mennen an. Epoutan... Lè yon moun vle yon bagay, tout linivè a mete ansanm pou fèl rive. Paolo Coelho Lavi ap baw legen, lap lage nan menw saw te toujou reve yo. Lap voye bon moun ak opòtinite a nan bon moman an.

  2. 03/04/2020

    ENPÒTANS ECHÈK NAN REYISIT | Chap 6

    Anpil moun pa renmen aksepte yo echwe, yo prefere di yo aprann.  Anpati, sa yo di a se vre wi, men yon lòt bò m pa dakò. Definisyon klasik echèk, se lè w pa rive atenn yon objektif ou te fikse w.  Alòs baze sou definisyon sa a tout moun echwe.  Pa gen wout pa bwa, bal lòt non, echwe se echwe.  Se pa kòman w relel, men se kòman w jerel.

  3. 03/04/2020

    7 FWA PIS SIKSÈ | Chap 5

    Avanw bat zyew yon lòt ane ap rive sou ou. Si wap li saa an 2020, li poko janm twò ta pouw vire volan an nan direksyon rèv ou. Yon ane ki chanje se yon evennman, yon moman. Vrè chanjman se saw opere nan viw yo.

  4. 03/04/2020

    APRANN FÈ ENPAK | Chap 4

    2 bèl tifi al pase entèvyou pou yon bous detid. Joanna abiye an penpan. Bèl ti wòb li sou tèt jenoul, makiyaj li byen fèt ak bèl wotèl la. Parèt li parèt nan biwo a, tout moun enpresyone. Entèvyouwè yo plis panike ke li. Li se ansyen elèv kay mè, li konn kòman poul fè yon antre majistral.

  5. 03/04/2020

    RÈV vs OBJEKTIF | Chap 3

    Pi gwo pouvwa yon moun genyen, se pouvwa poul reve. Jerry Tardieu, Oasis Imajinew nan mitan gwo lanwit, nan yon chimenw pa konnen. Yon bouji kenbe nan men dwat ou, wap klere kote wap mete pyew. Fènwa kou lank, wap bare balèn la poul pa etenn. San limyè, ou pa konn kibòw ye, ni kibòw prale, gen anpil chans pouw pèdi. Rèv ou se tankou bouji saa. Wòl ou se pouw pwoteje limyè saa. San li wap pèdi nan fènwa lavi, ki difisil pou navige.

  6. 03/04/2020

    DEKOUVRI MISYON W | Chap 2

    Ou reveye, benyen, manje epi al travay. Pandanw nan wout la wap mande tèt ou, kisaw la pouw fè? Se vrew pran plezi. Se vrew toujou okipe, menw pa santiw pote yon kontribisyon nan mond lan. Ou santi gen yon vid andedanw. Wap mande tèt ou, ki misyonm ?

  7. 03/04/2020

    KIYÈS OU YE | Chap 1

    Avan tout bagay ou se yon moun. Ou enpòtan anpil. Ou se pitit yon fòs ki pi gran pasen, yon fòs ke nou youn pa ka wè. Ou se yon bank enèjetik. Yon moun ak bèl kalite pou amelyore mond lan. Defo pou edew amelyore tèt ou. Ou se eleman kle nan kreyasyon an.

  8. 03/04/2020

    ENTWODIKSYON

    Liv saa pa ka aprann ou vin milyonè, paske m paka anseye sa m poko fè. Objektif li se poul aprann ou viv, olyew egziste. Aprann ou vin “ou menm”, olye w vin tankou “zòt”. Se aprann ou kite yon eritaj olye w viv san rezon. Se aprann ou fè enpak olyew fè makak.

  • 8 épisodes

À propos

Objektif REVÈY se ede w devlope kapasite mantal ak ba w teknik pou w fè 7 fwa plis siksè. Reyisit ou depann de moun ou frekante, enfòmasyon w kolekte, anviwonman w ak desizyon w pran. REVÈY pral fè w dekouvri wòl chak eleman sa yo jwe nan lavi w ak kòman pou jere yo pou w gen bon jan rezilta. Chak grenn chapit nan liv la pral edew : Dekouvri tèt ou. Dekouvri misyon w. Planifye objektif ou yo ak ede w viv vi w reve a. Nou chak gen yon jeni kap dòmi nan nou, lè a rive pou w reveye pa w la.

Informations

  • Création
    Pierre Stanley Baptiste
  • Épisodes
    8
  • Classification
    Tous publics
  • Copyright
    © Pierre Stanley Baptiste